INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te tominika e hitu no Pakate, èhua C (02/06/2019)

saint etienne personne

TOMINIKA E FITU NO PAKATE

TETAUTINA O TE HAMANI HANA A TE TAU APOTORO 7, 55-60

55      Ati'a o Tepano pi i te Kuhane Meitai,

        e heau ana, i te ata ani to ia mata,

        ua ite ia i te kai'e nui o te Etua.

        Ua ite ia me Ietu e tu ana i te ima oko o te Etua.

56      U peau Tepano:" Ua ite au i te ani pepeu tia.

        Ua ite au i te Tama a te enata,

        e tu ana i te ima oko o te Etua."

57      O te tau enata me te Tuneteri

        ua pa i to atou pua'ina me te taa’au.

        I mui iho u tohuti natoa atou viipu o Tepano

        me ta atou viitoi 'ia ia i vaho o te papua fa'e.

        U pehipehi atou 'ia Tepano me te ke'a.

58      Ua avai te tau enata haatiatohu i to atou tau kahu

        i pii na vaevae o titahi mahai peau tia o Tauro.

59      Ohia u pehi atou me te ke'a i una o Tepano,

        u haafitipona ia i tenei pure:

        " E te Fatu Ietu e, a apuu i to 'u kuhane."

60      Imu'iho e noho muo ana u taa'au me te 'eo oko:

        " E te Fatu e, umo'i e haapi'o 'ia atou i hua mikeo."

        'Ia pao hua tekao,

        ua moe Tepano i te moe tina o te mate nui.

 

TARAMO  97 (96) 1-2b, 6.7c,9

O te Kirito te Fatu, tei haatiketike tia io he kai'e.


1       O te Fatu te hakaiki nui. A koakoa te fenua.

        A haa'eka'eka te tau motu tini, tini.

2       O te toitoi me te tiatohu na pou o to Ia Nohona.

 

6       U haamevaha te papa fenua i to Ia toitoi noa.

        Ua ite me te maha'o te tau enata i to Ia kai'e.

7       I mua o te Fatu a noho muo te tau anera paotu.

 

9       E te Fatu e, o 'oe te Tiketike nui.

        U vivini 'oe i te fenua 'ia otoa.

        U tiketike atu 'oe i te tau anera paotu.


TETAUTINA O TE HAMANI APOKARUPO     22, 12-14.16-20

        O au nei o Ioane. U peau mai Ietu :

12      " E tihe au. A'o'e te haatevee. E tuku au i te tuki

        i te tau enata tikitahi vaana i to atou hana.

13      O au nei te Tumu me te Hiku. Te Hamua me te Hamui.

        Te Timatatina me te Paona.

14      Mamau te po'i u pua tia to atou kahu,

        eti'a e kai atou i te puku o te tumu akau o te poho'e

        me te tomo i oto o te papua fa'e ma te tau ava puta.
16

        no te haa'ite atu i te tekao nei i una o te tau Ekaretia.

        O au te hu'i me te poupuna o Tavite, te hakaiki.

        O au te Fetu o te oatea e pupua nei i te popou'i."

17      U peau te Kuhane me te Vehine hou 'ia Ietu:

         " Mave. Mave mai ! "

        'Ia 'ono te enata i te mea nei, a peau me ia:

        " Mave. Mave mai ! "

        No te paka i te vai titahi, a inu ia i te vai o te poho'e.

        A kapu i te vai, e utu ko'e tia."

18      O au Ioane. I mua o te tau enata hakatahi

        te i 'ono i te tekao perofeta o te hamani nei,

        u haatiatohu au i te mea nei:

        Anoa e poho pu titahi i te tekao o tenei hamani,

        e haatopa te Etua i una o ia i te tuki pe

        te i patu tia i oto o te hamani.

19      Anoa e taki pu titahi i te mou pona mei io te hamani nei,

        e taki te Etua mei io ia i te puku o te tumu akau o te poho'e,

        e haapakeka te Etua i to ia tomotina

         i oto o te Papua fa'e tapu,

        vaana i te mea patu tia i oto o te hamani nei.

20      O te i haatiatohu i te tekao nei, u peau:

        " E tihe au. U tata eka te ava paona. "

         Amene! Mave mai, e te Fatu Ietu e !

 

ALLELUIA  ALLELUIA  cf  In.14, 18

A'o'e e avai te Fatu 'ia otou
he tau tama motua ko'e, kui ko'e.
E hua mai ia io otou. A tahi a pi i te koakoa
 otou nui.

 

EVANERIO O IETU KIRITO VAANA E IOANE     17, 20-26

        I te ava ua taha Ietu mei te ao nei io to Ia Motua,

        e heau ana ua pure Ia peenei :

20      E te Motua e, a’o’e au e pure i ue i tu’u tau kou’a ana’e,

        ua pure au i ue i te tau enata te i haatia

         meia i to atou te'ao i una o au.

21      Ua pure au eti'a e haatahi atou nui.

        Me he mea o 'oe, e te Motua e,

        i oto o au, o au nei i oto o 'oe,

        atii aneiho e tahi atou i oto o taua,

        eti'a e haatia to te ao nei na 'oe i pahi mai 'ia 'u.

22      U vai'ei atu au 'ia atou i te kai'e ta 'oe i tuku mai,

        eti'a e haatahi atou me he mea e haatahi taua.

23      I oto o atou au nei. O 'oe i oto o au,

        eti'a e toitoi noa to atou haatahitina.

        Ma ei'a e ite to te ao nei na 'oe i pahi mai 'ia 'u,

        u kaoha 'oe 'ia atou me he mea ta 'oe i kaoha mai 'ia 'u.

24      E te Motua e, u ma'ima'i au i ei'a au nei,

        i ei'a me te tau enata ta 'oe i tuku mai,

        eti'a e ite atou me te maha'o i te kai'e ta 'oe i tuku mai.

        U kaoha mai ho'i 'oe omua atu,

        ma mua te pepena i te aomaama.

25      E te Motua toitoi noa e, a'o'e to te ao nei i ite 'ia 'oe.

        Ua ite au 'ia 'oe.

        Ua ite me atou nei na 'oe i pahi mai 'ia 'u.

26      U haa'ite au 'ia atou o ai 'oe, e te Motua e.

        Totahi atu ta 'u e haa'ite 'ia atou i to 'oe inoa,

        eti'a me he mea u kaoha mai 'oe 'ia 'u,

        kaoha atu kaoha mai te hoa i te hoa.

        I oto o atou ho'i to 'oe kaoha, atii me au i oto o atou.

 

Comments est propulsé par CComment