INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te Koìka Penetekote (09/06/2019)

pentecote0

NO TE KOÌKA PENETEKOTE

 (Â tapu, â e 9 o te meàma no Tuhua o te èhua 2019)

 

 

Te karatia na te Hatu 'o Ietu Kirito, ati'i te ha'ataetae na te Etua, mei te ha'atahi na te Kuhane Meita'i 'ia tatou nui.

                        - 'A ha'ameitai 'īa te Etua, 'i tenei, ananu

TOMO 'IA:     K.12

                         1

'Ia tuika mai te Kuhane Meita'i

'I te koekoe potako

'U peka te po ke'evo

E Ietu to karatia.

 

           Moumu

'A ihi mai 'oe,

E te Kuhane Meita'i

'Ia puaha

Te ka'i'e o to 'u Hatu.

 

2  'A ha'aheo mai 'oe, te Kuhane Meita'i / I tu u koekoe pepe'e

    'Ia hahi au 'ia 'oe / Me Ietu me te Motua.

 

 
       

 

PURE HA'AKOAKOA NO TE PAKATE.

              V/'A koakoa , e te Ha'atepei'u o te 'ani, Alleluia

                        R/O 'oe te kui ka'i'ea o te Hatu, Alleluia

             V/ Me ta Ia i pe'au, ua tu haka'ua Ia, Alleluia.

R/ - A pure i te Etua i ue ia matou, Alleluia

           V/ 'A koakoa me 'eka'eka 'oe, e Maria peato e, Alleluia

                     R/ -Tiatohu ho'i ua tu haka'ua te Hatu, Alleluia.

E te Etua mana nui e, u ha'akoakoa 'oe i te ao nei ma te ha'atu haka'ua i to 'oe Tama, to matou Hatu Ietu Kirito. i tenei, me'ia i te veva'o o Maria to Ia  kui ka'i'e a, a a'ahi mai ia matou i te koakoa paona ko'e.

Ma te inoa o hua Ietu Kirito, to matou Hatu.-Amene.

TEKAO 'ONOHU'U :   'O au tokotahi te Etua tiatohu. 

     1° 'A atoratio mai 'oe   'ia 'u aneiho, aua te etua ke.

     2°  Aua 'oe e paha 'i te Etua to 'oe Haka'iki. 3° 'A ha'atapu 'i te Tominika.

     4° 'A haka'oha 'oe 'i to motua me te kui, mea pohu'e ia 'oa 'i no he henua.

     5°   Aua 'oe e ha'amate 'i te 'enana. 6°  Aua 'oe e keu faufau.

     7°  Aua 'oe e kamo. 8° Aua 'oe e hakati'o pu 'i te hoa; aua 'oe e tipai.

     9°Aua 'oe e hinenao atu 'i te vehine 'o te hoa;

     10° Aua 'oe e makimaki pu  'i te taetae 'o te hoa.

 

Tekao a te Ekaretia:

1 'A tihe i te pure meta ma te tau tominika me te tau koina i vae tia

        e te Ekaretia; 'a ha'atapu i hua mau 'a.

2 'A haki i to 'oe mikeo hakatahi, 'i teia 'ehua, 'i teia 'ehua.

3 'A kai 'i te komunio ma te ko'ina pakate i teia 'ehua, i teia 'ehua.

4 'A ha'a'one me te ha'apenitai ma te tau 'a i ha'atoitoi tia.

5 'A toko 'i te Ekaretia va'ana 'i ta 'oe tau taetae.

Pure no te Haka'oha nui o te Etua.

     E te Etua Haka'oha nui paona ko'e,

he mea tini tini to 'oe haka'oha mai,

me he puke taetae to 'oe vai'ei tina,

a'o'e e ko'ana i te tetau.

    'A ha'anui a'e te ha'ati'a o te mata'eina'a te i ha'atahi me 'oe,

            eti'a e vivini meita'i atu matou

     'i te nui tina o to 'oe ka'oha, te tumu o to matou pepena tina

            no ai te toto te i hoko mai mei te mana o te mikeo,

            o ai te Kuhane te i ha'afanau hou 'ia  matou.

 

Te ka'i'e i te Etua   

Tetau 'ia: - te Hamani hana a te tau Apotoro   2, 1-11

Taramo: Na 'oe e puhi i te ao, e pepena hou atou.

                U haahou 'oe i te hakâtu o te fenua.

Tetau 'ia: - te Hamani a Pauro Peato I to Roma   8, 8-17

Pure veva'o i te Kuhane Meita'i: Te kuhane peàto, te kuhane Maama   

Te kuhane / A noho io matou   

Viens Esprit de Sainteté / Viens Esprit de lumière

Viens Esprit de feu / Viens nous embraser.

Kio vanana:   Mave mai, e te Kuhane Meitai e:

A ihi mai i oto o matou.

A haave'ave'a i to matou koekoe i to 'oe kaoha.

Tetau 'ia: - te Evanerio o Ietu Kirito va'ana e Ioane   14, 15-16 23-26

 

Pure a te po'i ha'ati'a:  'O 'Oe Ietu to 'u patoko, 'o 'Oe Ietu to 'u Pohu'e

                                        Apu'u mai ta matou pure, haka'oha mai.

 

UTUNA:  K.3b               Moumu:  Ekaretia e tahi, Ekaretia peato

Ekaretia apotoro, ‘a hahi  i to ‘oe Hatu.

                1

'O tatou te mata’einaa

'O te Hatu Etua.

Ha'amevaha 'i te ao nei

i) to te Hatu kaoha.

 

                 2

'O tatou te huaa ha’e

haatû ia e Ietu

'i 'uka o te Apotoro

me te tau peroheta.

 

             3

'I 'oto o te Kirito

'O tatou te ke'a pohu’e

(e) ha'atû i te ha'e tapu

no to Etua ka'i'e.

 

4 'O tatou kiritiano / te Nino o te Kirito

  'O tatou te tau momau / 'O Ietu te upoko

 

 

 
           

 

Himene ha'ahua'eka'eka:

- A himene (i te Hatu) (bis). A haameitai to ia ikoa (bis)

-E haameitai nei au, i to Òe ikoa e to ù Etua e, e to ù Etua e, Me i tenei ananu.

Himene ma mu’i o te Pure ha'ahua'eka'eka: 

2

E Ietu Pohu'e, to matou Hatu e,

Etua Ha’apohu'e, Etua pi 'i te ka'oha,

No 'oe matou paotu

Moumu

He mo'u, he ka'oha, to hakatu, e te Hatu.

'U ha'ataetae ‘ia matou.

He mo'u, he ka'oha ananu

 

Pure ma mua o te Komunio :

E tu 'u Hatu, e Ietu Kirito, 'u ha'ati'a ho'i au nei 'i to 'oe noho 'iō he Eukaritia, i tihe ai au 'ia 'oe atoratio. E atoratio ana nei ho'i au 'ia 'oe; e tahi atoratio me te hua'a peato hakatahi. Amene.

KOMUNIO :   

                 1
Laisserons-nous à notre table
Un peu d'espace à l'étranger
Trouvera-t-il quand il viendra
Un peu de pain et d'amitié ?

                Refrain
Ne laissons pas mourir la terre
Ne laissons pas mourir le feu
Tendons nos mains vers la lumière
Pour accueillir le don de Dieu. (bis)

   

2 Laisserons-nous à nos paroles
   Un peu de temps à l'étranger
   Trouvera-t-il quand il viendra
   Un coeur ouvert pour l'écouter ?

3 Laisserons-nous à notre fête
    Un pas de danse à l'étranger
    Trouvera-t-il quand il viendra
    Des mains tendues pour l'inviter ?

 

 4 Laisserons-nous à nos fontaines
    Un peu d'eau vive à l'étranger
    Trouvera-t-il quand il viendra
    Des hommes libres et assoiffés ?

 5 Laisserons-nous à nos églises
    Un peu d'espace à l'étranger ?
   Trouvera-t-il quand il viendra
    Des coeurs de pauvres et d'affamés ?

 
             

 

Himene ha'ahua'eka'eka:   

1. E Ietu tuku mai to kuhane

   Haa ìì mai, haa moû mai

R / Tuku mai, tuku mai to kuhane

      I ùka o matou nei Ietu, to ù Hakaìki

2. E Ietu Òe te pohuè

    O Òe te ao to ù huaama.

   
       

 

Pure ma mui o te Komunio :

       Pure ape :  E te Haka'iki vai’ei, 'ua 'i’o 'ia 'u mei te Motua,  mei te Tama, mei te Kuhane Meita'i. E aha te mea i toe? E te tumu 'o te taetae, e te tumu 'o te karatia, 'a ha'atoa ‘oe 'ia 'u, oa mikeo iho. 'A noho anamai 'oe me tu 'u kuhane, umo'i au e tute haka'ua 'ia 'oe. Amene.

Pure no Maria peato : 'A mata'ota'o 'oe, e Maria, e te Virikine meita'i oko, 'a'o'e he 'enana i veva'o pu to 'oe ikoa: i tohuti ai au 'iō 'oe,  e te Virikine 'o te tau Virikine. 'U noho mu'o 'i pata'a 'o to 'oe hata'a pure, me te veva’o me te pure 'ia 'oe me te titi'i 'i to 'u mikeo. Umo'i 'oe e titi'i 'i tu 'u pure, 'a hati mai 'ia 'u, e te Kui peato 'o te Etua i 'enana 'īa i ue 'ia 'u. Amene.

 

PAHI 'IA :  

     Refrain: Maria, Maria,

                   Maria, Maria

O Belle Dame de l’Amour

Belle Dame de la Paix

Belle Dame du Verbe

Etoile du matin.

---------------------------------------------------------------------------------------------  

 

EVANGILE DE JESUS CHRIST SELON SAINT JEAN 14, 15-16.23b-26

 En ce temps-là, Jésus disait à ses disciples : « Si vous m’aimez, vous garderez mes commandements. Moi, je prierai le Père, et il vous donnera un autre Défenseur qui sera pour toujours avec vous. Si quelqu’un m’aime, il gardera ma parole ; mon Père l’aimera, nous viendrons vers lui et, chez lui, nous nous ferons une demeure. Celui qui ne m’aime pas ne garde pas mes paroles. Or, la parole que vous entendez n’est pas de moi : elle est du Père, qui m’a envoyé. Je vous parle ainsi, tant que je demeure avec vous ; mais le Défenseur, l’Esprit Saint que le Père enverra en mon nom, lui, vous enseignera tout, et il vous fera souvenir de tout ce que je vous ai dit. »

TE KOINA O TE PENETEKOTE

TETAUTINA O TE HAMANI HANA A TE TAU APOTORO 2, 1-11

1       I te ava i fa'itia te koina Penetekote,

        io he vahi e tahi, u putuputu tia te po'i haatia paotu.

2       Ua 'ono pu tia anamai te poo'ina mei io he ani mai,

hakatu me he tuaio metani oko nui.

Ua pi i hua poo'ina te fa'e i ei'a ua noho atou.

3       Ua ite atou i te memau hakatu me he 'e'o ahi,

        te i tuhatia me te tau, e tahi i una o atou tikitahi.

4       A tahi a pi atou paotu i te Kuhane Meitai,

        me to atou tekatekao ma he 'eo ke, 'eo ke,

        vaana ta te Kuhane Meitai i ma'ima'i e peau atou.

5       Ena ua noho i Ierutaremi te tau ati Iuta, po'i pure,

        te i titihe mai mei te tau fenua paotu i 'a'o o te ani.

6       Meia i te poo'ina u putuputu mai te fa'etoa.

        U pupukina atou na te mea ua 'ono atou tikitahi

        i te tau Apotoro e tekao ana ma oto to atou iho 'eo.

7       U maha'o atou me te emie'e e peau ana:

        "A'o'e 'a mei te fenua Karirea mai

        tenei po'i paotu e tekao nei ?

8       Pehea oa tatou tikitahi e 'ono 'ia atou

        e hakako ana nei ma oto o to tatou 'eo tumu ?

9       To Paratia, to Metai, to Erama, te huaa enata

        e noho nei i te fenua Metopotamia, Iutea,

        Kapatokia, Ponoto, Atia, Ferukia,

10      Pamafuria, Ekipito, Tiripia tata eka me Kirene,

        to Roma manihii inei, te po'i fanau tia ati Iuta,

11      me te po'i haa ati Iuta meia i to atou haatia,

        to Kerete, to Arapia, 'ua 'ono tatou paotu 'ia atou

        e tekao ana i to tatou 'eo

        no te haa'ite i te hana maha'o o te Etua."

 

TARAMO  104 (103) 1.24ac, 29b-30, 31.34

Na 'oe e puhi i te ao, e pepena hou atou.

U haahou 'oe i te hakâtu o te fenua.           cf. 104, 30

 

1       A haameitai i te Fatu, e tu 'u kuhane e.

        E te Fatu e, tu 'u Etua e, u tiketike 'oe.

24      He mea nui to 'oe tau hana, e te Fatu e.

        Ua pi te fenua i to 'oe tau taetae.

 

29      Anoa e too 'oe i to atou menava,

        E mate nui atou me te hua io he epo.

30      Na 'oe e puhi i te ao, e pepena hou atou.

        U haahou 'oe i te hakâtu o te fenua.

 

31      A kai'e te Fatu no te tau tai e tihe anatu.

        A 'eka'eka te Etua i oto o to Ia tau hana.

34      Ko'u e haa'eka'eka to 'u mou himene i te Fatu.

        O tu 'u koakoa te haapii me te Etua ana'e.

 

TETAUTINA O TE HAMANI A PAURO PEATO I TO ROMA 8, 8-17

8       E tu 'u tau tunane tuehine,

        O te tau enata e poho'e nei vaana i te hia o te tino,

        a'o'e atou e haaeka i te Etua.

9       O otou 'a, u te e poho'e otou vaana i te hia o te tino,

        ati'a vaana i ta te Kuhane i peau 'ia otou,

        me noho te Kuhane o te Etua i oto o otou.

        Me ko'e te Kuhane o Ietu Kirito i oto o te enata,

        a'o'e i haake hua enata me te Kirito.

10      Me noho te Kirito i oto o otou,

        e aha 'a he tino mate vave to otou meia i te mikeo,

        ua 'i'o te Kuhane Meitai te tumu o to otou poho'e

        meia u haatoitoi tia otou i mua o te Etua.

11      Me noho i oto o otou te Kuhane o te Etua,

        te i haatu haka'ua 'ia Ietu mei vavena o te huaa mamate,

        na hua Kuhane te i haatu haka'ua 'ia Ietu,

        e haapoho'e i to otou tino mate vave.

        O ia te hana o te Kuhane te i oto o otou.

12      No ei'a, e tu 'u tau tunane tuehine,

        aua e haatee to te tino 'ia tatou,

        no te poho'e vaana i te hia  o te tino.

13      Anoa e aotahi otou i hua tau hia, e mate anatu otou.

        Ati'a me oomi otou, ma te mana o te Kuhane Meitai

        i hua tau hia pe o te tino, e poho'e otou.

14      O te tau enata paotu haatee tia e te Kuhane o te Etua,

        ua 'i'o atou he tau tama a te Etua.

15      A'o'e ho'i i koana 'ia otou te Kuhane

        hakatu me to te po'i haamoehu tia

        no te aotahi atu me te koekoe haameta'u.

        Na te Kuhane ta otou i koana mai,

        i haa'i'o tia otou he tau tama hopu.

        I oto o hua Kuhane u taa'au tatou: " E Apa. E te Motua e."

16      U haatahi te Kuhane o te Etua me to tatou kuhane

        no te fa'i atu he tau tama tatou a te Etua.

17      Anoa he tau tama tatou, na tatou ho'i

        te taetae tapae tia e te Etua no to ia mata'einaa.

        E 'ava tatou i hua tau taetae me te Kirito.

        Anoa e memae tatou i te memae katahi me te Kirito,

        eti'a e haakai'e tia tatou katahi me Ia.


PURE VEVA'O I TE KUHANE MEITAI

 

E te Kuhane Meitai e,

A iho mai io he koekoe o matou.

A pahi mai mei una i to 'oe maama.

 

Mave mai,e te Motua o te po'i veve.

O 'oe te i vai'ei i te taetae kuhane,

E to matou maama, a ihi mai io matou.

 

E te veva'o meitai nui.

E te manihii mo'u oko:

A haa ko'e i te momo'u.

 

Ma oto o te hana, o 'oe te hakaea.

Ma oto o te ve'ave'a, o 'oe te kamaii.

Ma oto o te ue, o 'oe te ekaeka.

 

E te maama mei io he ani mai,

A mave me te haapi nui,

I te koekoe o to 'oe po'i haatia.

 

No te na'o to 'oe mana Etua,

E ko'e ai te meitai i oto o te enata.

O te ino nui te i toe i oto o matou.

 

A haama i te mea epo,

A haatoku i te mea mo'g,

A haapoho'e i te mea takapii.

 

A neva'i i te mea fe'o.

A haamahanahana i te mea anu.

A haatoitoi i te mea pikopiko.

 

A vai'ei mai i te po'i haatia

Te i tohe mau i te veva'o 'ia 'oe,

I te fitu o to 'oe taetae kaoha.

 

A toko mai no te hana meitai.

A haatee mai tihe i te ani,

I 'ei'a te koakoa paona ko'e. Amene

 

ALLELUIA  ALLELUIA.

Mave mai, e te Kuhane Meitai e:
A ihi mai i oto o matou.
A haave'ave'a i to matou koekoe i to 'oe kaoha.

 

EVANERIO O IETU KIRITO VAANA E IOANE   14, 15-16 23-26

        I te ava ua taha Ietu mei te ao nei io to Ia Motua, u peau Ia :

15      gMe kaoha otou 'ia'u, e aotahi otou i tu 'u tau te'ao.

16      O au a e pure au i tu'u Motua.

        Na Ia e tuku 'ia otou i te Veva'o,

        o ia ho'i te Toko te i noho anatu me otou.

23      U peau Ietu:

        " Me kaoha te enata 'ia 'u, e aotahi ia i to 'u tekao.

        E kaoha to 'u Motua i hua enata.

        E tihe mai te Motua me au nei io ia, ua ihi maua i oto o ia.

24      Me kaoha ko'e te enata 'ia 'u, u aotahi ko'e ia i to 'u tekao.

        A'o'e na 'u te tekao e hakako nei au 'ia otou.

        He tekao o te Motua te i pahi mai 'ia 'u.

25      U peau ta 'u i hua tekao i te ava ua noho au pi'i me otou.

26      Ati'a e pahi tu 'u Motua ma to 'u inoa

        i te Veva'o, te Kuhane Meitai.

        Na hua Kuhane e hakako 'ia otou i te tekao paotu,

        e haamaakau i te mea paotu ta 'u i peau 'ia otou. "

 

Comments est propulsé par CComment