INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu ònohuu ma hā o te Ava ma te Èhua, èhua C (07/07/2019)

agneau paix

TOMINIKA ONOHUU MA FA

TETAUTINA O TE PEROFETA ITAIA     66, 10-14c

10      A koakoa otou e tahi me Ierutaremi.

        A 'eka'eka otou meia 'ia Ierutaremi.

        O otou paotu e haataetae 'ia ia.

        A koakoa nui otou te i ue meia i to ia matena.

11      A 'ava atu otou i te kaina mau

        o to Ia poho'e haa'eka'eka.

        A haama'ona otou, a inu otou tihe i te ku tina,

        mei io te nui tina o to Ia kai'e.

12      O ia nei ta te Etua i peau :

        " E aahi mai au i Ierutaremi i te mo'u me he vai tahe.

        I Ierutaremi me he tai toko

        e haapuke au i te tau taetae o te tau mata'einaa.

        E 'i'o otou me te tau tama hou hopu tia,

        te tau tama tahia haataetae tia io he puha iima.

13      Me he mea e haako'e te kui i te ue o to ia tama,

        atii tenei e haako'e au i to otou ue i oto o Ierutaremi.

14      E ite mata otou: e pi otou i te koakoa.

        Meia i te koakoa, e haahou tia to otou tino

        me he teita tupu hou.

        E haapuaha te Fatu i to Ia mana nui i mua o to Ia tau tavini.


TARAMO 66 (65), 1-3a, 4-5, 6-7a, 16.20

A hahi i te Etua, e te fenua 'ia otoa. A himene no te Fatu.
 66, 1

 

1     A hahi i te Etua, e te fenua 'ia otoa.

        A haakoika no te haakai'e i to Ia inoa.

2       A haahua' eka'eka me te hahi 'ia Ia.

3       A peau otou i te Etua: «Aue ! To 'oe hana mana.

 

4       I to 'oe a'o e moe haatona te tau mata'einaa paotu,

        E himene ana 'ia 'oe me te hahi i to 'oe inoa.

5       A mai. A ite otou i te hana o te Etua,

        To Ia tau hana maha'o i ue i te tau enata.

 

6       Na te Fatu i haa'i'o i te tai me he papa ke'a,

        U pa'ipa'i ko'e te vaevae o to Ia mata'einaa.

        O hua tau hana maha'o te tumu  o to tatou koakoa.

7       E paona ko'e to Ia vivini me te mana.

 

16      A mai, e te po'i pakaihi i te Etua,

        A haa'ono i to te Etua hana i ue 'ia 'u.

20      A haameitai tia te Etua, te i apuu i to 'u pure,

        Te i tiohi mai me te kaoha.

TETAUTINA TE HAMANI I TO KARATA     6, 14-18

14      E tu 'u tau tunane tuehine.

        O au 'a, ko'u e 'i'o te matena o te Kirito uo he peka

        te tumu o tu 'u kai'e, tu 'u ana'e kai'e.

        Ma hua peka ho'i o te Kirito, me he mate nui no 'u

        te tau memau paotu o te ao nei.

        Atii me au iho, me he enata mate nui au no te ao nei.

15      He mea tupe paka te haaperitome,

        he mea tupe paka te peritome tia ko'e.

        O te mea taetae oko e 'i'o tatou he pepena hou.

16      I te tau enata e poho'e vaana i hua maama,

        te mo'u me te hakaoha mai mei io te Etua.

        Hua mea aneiho no te mata'einaa o te Etua,

        te Iraene tiatohu.

17      O ia nei to 'u tekao paona:

        umo'i e tahi enata e hano haapa'opa'o mai haka'ua.

        Ua ite tia i oto o to 'u tino

        te tau maki i memae au i ue 'ia Ietu.

18      E tu 'u tau tunane tuehine, me to otou kuhane

        te karatia o to tatou Fatu Ietu Kirito. Amene.

ALLELUIA   ALLELUIA

                                                                                          cf .Ta.19,5

U mevaha te Tekao, te Tekao Meitai Hou mai
tihe atu io te tau kotina o te fenua.

EVANERIO O IETU KIRITO VAANA E RUKA    10, 1-12.17-20

        I teia mou po,

1       ua vae te Fatu e fitu onohuu ma toko'ua kou'a ke.

        Ua pahi atu 'ia atou toko'ua, toko'ua i mua o Ia,

        io te papua fa'e paotu me te tau kakaavai

        i ei'a u ma'ima'i Ia e hee atu.

2       U peau Ietu 'ia atou:

        " He mea nui te tau puku paa,

        he mea iti te po'i kohi i te puku.

        A pure ho'i otou i te fatu hei papua

        eti'a e pahi ia i te po'i hana no te kohi i to ia tau puku.

3       A tataha atu. Ena e popahi atu au 'ia otou

        me he arenio muto i vavena ahau o te tau rupo.

4       Umo'i otou e too i te moni, te kete, te aihu,

        aua e hakaea otou ma io he vaanui no te kaoha i te enata.

5       'Ia u'u otou io titahi fa'e, a peau omua peenei:

        " I te huaa fa'e nei te mo'u ! "

6       Ena i oto o te fa'e te enata kohoa nei i te mo'u,

        e ihi to otou mo'u i oto o ia.

        A ko'e a e hua mai te mo'u i oto o otou.

7       A noho otou io hua fa'e, a kai, a inu

        i te mea i tuku tia 'ia otou.

        I te enata hana ho'i to ia tuki.

        Umo'i otou e hee mei io tenei fa'e i teia fa'e.

8       Anoa e tomo otou io titahi papua fa'e

        te i apuu meitai 'ia otou, a kai i te mea e tuku tia 'ia otou.

9       A haameitai otou i to atou po'i hopi me te peau 'ia atou:

        u tata eka me otou te Patireia o te Etua.

10      Anoa e tomo otou io titahi papua fa'e,

        te i apuu ko'e 'ia otou, avai i to atou fa'e,

        a hee atu ma no he vaanui me te peau:

11      " O te epo o to otou papua fa'e te i pipii

        ma 'a'o o to matou vaevae, e tutu matou me te avai io otou.

        Ati'a a ite otou: u tata eka te Patireia o te Etua."

12      Na 'u e peau 'ia otou: I te 'a o te haava paona,

        e mea pe atu te tuki o hua papua fa'e i te tuki pe o Totoma."

17      Ua hua mai te tau kou'a e fitu onohuu ma toko'ua.

        Ua pi atou i te koakoa me to atou peapeau peenei:

        " E te Fatu e, ma to 'oe inoa u aotahi mai me te tau tiaporo."

18      U peau Ietu 'ia atou:" E tiohi ana ua ite au 'ia Tatane,

        e haaiho tia ana me he ui'a e poha io he ani.

19      Eia ua tuku atu au 'ia otou i te mana no te keahi

        i te tau puhi fenua, i te tau koropio,

        me te haahina i teia e haapakeka 'ia otou.

        A'o'e he mea e haamakaka mai 'ia otou.

20      Ati'a umo'i otou e koakoa

        meia u aotahi te tau kuhane ino 'ia otou.

        A koakoa meia ua patu tia to otou inoa io he ani."

 

Comments est propulsé par CComment