INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu ònohuu ma ìma o te Ava ma te Èhua, èhua C (14/07/2019)

I te â tapu ònohuu ma o te meàma taku ùa, no te haì kātahi i te Koìka hau farani, u keeè manihii ìa i te pure meta e te Motua èpikopo Pascal te nuiìa o te poì mana me te mataèinaa no Nukuhiva nei. A tihe mai tātou nui i te hora e 8h00 i te haè pure nui ! Ma hope mai, e koàka ia tātou te haaèkaèka meìe me te tau haakoìka paotū !

samaritain Vincent Van Gogh

TE ÈNANA TAMARIA MEITAÌ peniìa e Vincent van Gogh

 

NO TE TOMINIKA ÒNOHUU MA ÌMA

('A tapu, â 14 o te meàma no taku ùa o te èhua 2019)

 

TOMO 'IA:     A.24

1

To matou Motua,

to matou Pepena,

Motua pi 'i te ka’i'e,

Motua pi 'i te ka'oha

'ia matou po'i mikeo

Moumu

He mo'u, he ka'oha

to hakatu, e te Hatu.

'U ha'ataetae ‘ia matou.

He mo'u, he ka'oha ananu

2

E Ietu Pohu'e,

to matou Hatu e,

Etua Ha’apohu'e,

Etua pi 'i te ka'oha,

No 'oe matou paotu.

 

E te Hatu e.

TARAMO:   He tiatohu to 'oe tekao, e te Fatu e,

                       na to 'oe ture e ha’apoho'e mai.

 

Kio Vanana:    ‘O ia nei te tekao hou ta te Etua i pe’au mai:

                          ‘O te ‘enata e ka’oha i te Etua, ‘a ka’oha ia me to ia teina.

Pure a te po'i ha'ati'a: E te Etua e, 'a ono mai ‘ia matou, ta ‘oe tau tama.

UTUNA:        I.2

1                                                                       2

 Ha'ahua 'eka'eka tatou 'i te Etua Motua          Ma 'oto o hua Tama te pohu'e

 Na Ia i hao 'ia tatou                                      Na hua Tama i ko'e ai te mikeo

 Mei 'io he mana o te tiaporo                          Ma he toto o Ietu uo he peka

 Na Ia i ha'atomo 'ia tatou                              'U vai'ei ia mai te mo'u

 'I oto o te Patireia                                          'O to Ia houpo tiputa e'e 'ia

 O te Patireia o to Ia Tama tahia.                    Te puna o te pohu'e.

Moumu                                                    3

'O te Kirito te ata itea o te Etua        'O te Kirito te upoko o te Ekaretia

'O te Kirito te tumu                         'O te Kirito te hamua o te tau 'enana

'O te tau memau 'ia 'otoa.                 I hao ia mei 'io he mana o te mate ia

                                                      Te vivini o Ia, te vivini o na mea hakatahi.

Anamnèse Te ka'i'e ia 'Oe, te i mate no matou

               Te ka'i'e ia 'Oe, e pohu'e nei ananu

                E to matou Hatu e, e to matou Etua

               'A tihe mai 'Oe, e Ietu te ha'apohu'e.

 

 KOMUNIO :     D.37

                      1

'Ua hana Ietu 'i te kai ia mau Eukaritia

To Ia kaoha ia tatou.

'Ua tuku 'i to Ia pohu'e

'Ia tatou po'i mikeo.

                    Moumu

'Ua to'o i te haraoa, ha'ahua'eka'eka

'Ua vahi e pe'au ana: 'a to'o,

'a kai mai 'otou paotu

To 'u nino tenei ha'a’i’o ia no 'otou

'A hana 'otou paotu

mea ha'amaakau mai 'ia 'u.

                     2

'U ha'aono nui matou to mate ia

'i uka o te peka.

'U tiputa ia to houpo,

Ua tahe te toto me te vai

Te puna toto o te pohu'e.

                 Moumu

'Ua to'o' i te ipu vino, ha'ahua'eka'eka

'Ua tuha e pe'au ana: 'a to'o,

'a inu mai 'otou paotu

To 'u toto tenei i tahe no te po'i nui

'A hana 'otou paotu

mea ha'ama'akau mai ‘ia ’u.

Himene haahuaekaeka: C.11

              1

'Ua noho 'oe me matou paotu

no te ha'ataetae mai

'i te 'enana ha'ati'a tohe mau.

Moumu

E te Hatu e, 'io 'oe, te koakoa nui,

te ma'ama, te vahi ma'ū.

'A tiaki meita'i 'i ta 'oe tau tama tahia.

                2

No 'oe matou, no 'oe ananu.

'Ia tuta'i matou me 'oe

e tapava'u te tau hana ka'oha.

                 3

E tuku atu matou 'ia 'oe

te kuhane me te houpo

me to matou 'enana tiatohu.

 

PAHI 'IA :  V.9

1                                             Moumu                                      2

E Maria peato e,

E te kui ka’i'e ko'e,

’A nui to 'oe pure

Io to Tama pinea o te Etua.

’A tui tatou nui, (nui e)

’I te pua hei roti, (hei roti e)

No te ha’akanahau

’I to ia ona hata’a

E pure nei tatou,

’I te pure ka’oha 'oe.

E Maria, ’u hoata

Po’otu me he hihi oumati

 

-------------------------------------------------------------------------------------------------
LECTURE DU LIVRE DU DEUTERONOME           (Dt 30,10-14)

Moïse disait au peuple d’Israël: «Écoute la voix du Seigneur ton Dieu, en observant ses ordres et ses commandements inscrits dans ce livre de la Loi; reviens au Seigneur ton Dieu de tout ton cœur et de toute ton âme. «Car cette loi que je te prescris aujourd’hui n’est pas au-dessus de tes forces ni hors de ton atteinte. Elle n’est pas dans les cieux, pour que tu dises: “Qui montera aux cieux nous la chercher et nous la faire entendre, afin que nous la mettions en

pratique?” Elle n’est pas au-delà des mers, pour que tu dises: “Qui se rendra au-delà des mers nous la chercher et nous la faire entendre, afin que nous la mettions en pratique?” Elle est tout près de toi, cette Parole, elle est dans ta bouche et dans ton cœur afin que tu la mettes en pratique.»

----------------------------------------------------------------------------------------

TETAUTINA TE HAMANI A PAURO PEATO I TO KOROHA 1, 15-20

            E tu 'u tau tunane tuehine. O te Kirito te ata o te Etua ite mata ko'e tia. O te Kirito te Tama hamua, tiketike atu i te tau momau 'ia otoa te i pepena tia. I oto o te Kirito u pepena tia to te ani, to te fenua, Te tau momau itea, te mea ite mata ko'e tia: Te tau kuhane mana, hakaiki, fatu, vivini. U pepena tia atou nui, ma io Ia, no te haakai'e 'ia Ia. O te Kirito 'a, ua tu Ia ma mua atu o te tau momau paotu, te i pepena tia. I oto o Ia e tu mau nei atou paotu. O te Kirito te upo'o o te Tino, te Ekaretia. O te Kirito te Tumu o to te Ekaretia poho'e. O Ia te Tama hamua tu haka'ua, haakai'e tia e te Etua, eti'a e 'i'o o Ia te vivini o te tau momau 'ia otoa. Vaana i to te Etua ma'ima'i hakana: i oto o te Kirito te pao'ona'ona o te hakatu Etua. Ma io te Kirito e haatutuki me te Etua te tau momau paotu, to te ani, to te fenua. Ma te toto o te Kirito paoka peka tia, e haaneke i te mo'u, e haako'e nui i te toua, i vavena o te tau memau 'ia otoa.

 -----------------------------------------------------------------------------------------

 

EVANERIO O IETU KIRITO VAANA E RUKA    10, 25-37

            I teia mou po, ua tu titahi tuhuna tekao me to ia peau no te haahiiveke 'ia Ietu: " E Tuhuna e, e aha te hana e hana atu au eti'a e 'i'o 'ia 'u te poho'e etereno ? " U peau Ietu 'ia ia:" E aha te mea i patu tia i to he hamani tapu ?  Pehea to 'oe tetau ?" Ua haahua ia:" A kaoha 'oe i te Fatu to 'oe Etua ma io he koekoe, ma io he enata tiatohu, ma io to 'oe 'i'i paotu, ma io he kuhane. A kaoha i te hoa me he mea 'ia 'oe aneiho." U peau Ietu 'ia ia: " He mea toitoi ta 'oe tekao. A hana 'oe i hua hana, e poho'e ai." Ati'a e ma'ima'i ana te tuhuna tekao te haa'ite atu he mea maama to ia uitina, u peau ho'i 'ia Ietu:" O ai 'a to 'u hoa ? " U haahua atu Ietu: " Ua hee te enata mei Ierutaremi i Ieriko. Ua tutuki ia me te puke po'i kamo. Ua hao atou 'ia ia me te kukumi. Ua hiki atou e avai ana i hua enata mei mate nui. Ua tihe pu titahi tau'a, e hee ana ma io hua vaanui. Ua ite ia i te enata me to ia taha atu ma te ta'i ke o te vaanui. Ua tihe me titahi Revita i teia vahi. Ua ite ia i te enata me to ia taha atu ma te ta'i ke o te vaanui. Ati'a o te enata Tamaria e vii ana i te fenua, u haatata mai me hua enata tei haamakaka tia. Ua ite mata 'ia ia, u mehea to ia koekoe. Ua oha, ua fafi i te tau maki o te enata takapii, e kiini ana i te kao me te vino. Ua tuku 'ia ia ma una o to ia puriki no te kave io he fa'e apuu manihii. U tiohi meitai 'ia ia. I te o'io'i e too ana e

'ua moni tea, ua tuku atu i te enata hei fa'e manihii me te peau 'ia ia: " A tiohi meitai i te enata hopi.'Ia nui atu te moni e pao, na 'u e tuku atu 'ia 'oe i te ava e hua mai au." O ai oa mei io na enata toko'ua ua 'i'o he hoa o te enata i makaka tia e te po'i kamo ?  To 'oe maakau ? " U peau te tuhuna te'ao:" O teia te i hakaoha mai i te enata." U peau Ietu 'ia ia:  " A taha atu, a hana 'oe hua mea aneiho."

----------------------------------------------------------------------------------------

 

Pure 'i te Haka'iki Anera Mikaere peato

E te haka'iki Anera Mikaere peato e

'a papua mai 'ia matou io he toua;

'a 'i'o 'oe to matou toko mea tu'aki i te makaka pu

me te tau haapakeka 'ia a te tiaporo.

Ia haahana te Etua i 'uka o ia i to Ia mana nui

me te tuku mai ia matou i te 'i'i

no te haatiatohu  i to matou haati'a:

e toutaki mamate nei matou ia 'oe.

O 'oe 'a, e te Haka'iki o te tau kape o te 'aki

uhi 'ia e te 'i'i o te Etua,

a tu'aki io he havaiki pe, ia Tatane

me tahipito tau  kuhane makaka,

e papauo a'a 'i 'a'o nei

no te haa hukaka i te tau kuhane 'enana

    -Amene

 

TOMINIKA ONOHUU MA IMA

TETAUTINA TE HAMANI A MOITE PEAU TIA TEUTERO

30, 10-14

10      U peau Moite i te mata'einaa Iraene peenei:

        " A haka'ono 'oe i te 'eo o te Fatu to 'oe Etua

        me te aotahi atu i to Ia ma'ima'i, to Ia te'ao

        patu tia ma oto o te hamani o te Ture.

11      A hua mai i te Fatu to 'oe Etua

        ma oto o te tiatohu o to 'oe koekoe me te kuhane.

        E koana 'ia 'oe te aotahi atu i te te'ao ta 'u i peau i tenei 'a.

        Umo'i 'oe e maakau: Ua toko hua te'ao. N'ai e aotahi atu ?

12      A'o'e ho'i e noho tena Ture io he ata ani.

        Umo'i 'oe e peau:

        O ai te fiti io he ani no te umihi i hua Ture

        me te haa'ite mai eti'a e aotahi atu matou ?

13      A'o'e ho'i e noho tena Ture ma titahi keke o te tai.

        Umo'i 'oe e peau:

        O ai e taha ma titahi keke o te tai no te umihi i hua Ture

        me te haa'ite mai eti'a e aotahi matou ?

14      Ua tata eka me 'oe hua te'ao.

        Ena ia i oto o to 'oe fafa, i oto o to 'oe koekoe,

        vaana e aotahi atu 'oe.

TARAMO   19 (18), 8, 9, 10, 11

 

He tiatohu to 'oe tekao, e te Fatu e,
na to 'oe ture e haapoho'e mai.          cf.In.17,17

 

8       U toitoi noa te ture o te Fatu,

        Na ia e haahou i to tatou 'i'i.

        U tiatohu te tekao o te Fatu,

        Te i haamaama i te po'i avai noa.
9       U toitoi te tekao o te Fatu,

        E haakoakoa atou i te koekoe.

        U hoata te ma'ima'i o te Fatu,

        E haakeapa i te mata o te enata.

 

10      U ta'ita'i te pakaihi tina o te Etua,

        E noho mau anatu to ia tau puku.

        U toitoi te tekao paotu o te Fatu:

        He maama atou no te haavâ i te enata.

 

11      U taetae atu te ma'ima'i o te Fatu

        I te puke moni kiki, te ku'a o te moni kiki.

        He manini atu te tekao o te Etua,

        I te manini tikaue e tahe mei io te kaka.

TETAUTINA TE HAMANI A PAURO PEATO I TO KOROHA

1, 15-20

        E tu 'u tau tunane tuehine.

15      O te Kirito te ata o te Etua ite mata ko'e tia.

        O te Kirito te Tama hamua, tiketike atu

        i te tau momau 'ia otoa te i pepena tia.

16      I oto o te Kirito u pepena tia to te ani, to te fenua,

        Te tau momau itea, te mea ite mata ko'e tia:

        Te tau kuhane mana, hakaiki, fatu, vivini.

        U pepena tia atou nui, ma io Ia, no te haakai'e 'ia Ia.

17      O te Kirito 'a, ua tu Ia ma mua atu

        o te tau momau paotu, te i pepena tia.

        I oto o Ia e tu mau nei atou paotu.

18      O te Kirito te upo'o o te Tino, te Ekaretia.

        O te Kirito te Tumu o to te Ekaretia poho'e.

        O Ia te Tama hamua tu haka'ua, haakai'e tia e te Etua,

        eti'a e 'i'o o Ia te vivini o te tau momau 'ia otoa.

19      Vaana i to te Etua ma'ima'i hakana:

        i oto o te Kirito te pao'ona'ona o te hakatu Etua.

20      Ma io te Kirito e haatutuki me te Etua

        te tau momau paotu, to te ani, to te fenua.

        Ma te toto o te Kirito paoka peka tia,

        e haaneke i te mo'u, e haako'e nui i te toua,

        i vavena o te tau memau 'ia otoa.

ALLELUIA   ALLELUIA

                                                                                          cf .1In,21.

O ia nei te tekao hou ta te Etua i peau mai:
O te enata e kaoha i te Etua, a kaoha ia me to ia teina.

EVANERIO O IETU KIRITO VAANA E RUKA    10, 25-37

        I teia mou po,

25      ua tu titahi tuhuna tekao

        me to ia peau no te haahiiveke 'ia Ietu:

        " E Tuhuna e, e aha te hana e hana atu au

        eti'a e 'i'o 'ia 'u te poho'e etereno ? "

26      U peau Ietu 'ia ia:" E aha te mea i patu tia

        i to he hamani tapu ?  Pehea to 'oe tetau ?"

27      Ua haahua ia:" A kaoha 'oe i te Fatu to 'oe Etua

        ma io he koekoe, ma io he enata tiatohu,

        ma io to 'oe 'i'i paotu, ma io he kuhane.

        A kaoha i te hoa me he mea 'ia 'oe aneiho."

28      U peau Ietu 'ia ia: " He mea toitoi ta 'oe tekao.

        A hana 'oe i hua hana, e poho'e ai."

29      Ati'a e ma'ima'i ana te tuhuna tekao te haa'ite atu

        he mea maama to ia uitina,

        u peau ho'i 'ia Ietu:" O ai 'a to 'u hoa ? "

30      U haahua atu Ietu:

        " Ua hee te enata mei Ierutaremi i Ieriko.

        Ua tutuki ia me te puke po'i kamo.

        Ua hao atou 'ia ia me te kukumi.

        Ua hiki atou e avai ana i hua enata mei mate nui.

31      Ua tihe pu titahi tau'a, e hee ana ma io hua vaanui.

        Ua ite ia i te enata me to ia taha atu

        ma te ta'i ke o te vaanui.

32      Ua tihe me titahi Revita i teia vahi.

        Ua ite ia i te enata me to ia taha atu

        ma te ta'i ke o te vaanui.

33      Ati'a o te enata Tamaria e vii ana i te fenua,

        u haatata mai me hua enata tei haamakaka tia.

        Ua ite mata 'ia ia, u mehea to ia koekoe.

34      Ua oha, ua fafi i te tau maki o te enata takapii,

        e kiini ana i te kao me te vino.

        Ua tuku 'ia ia ma una o to ia puriki

        no te kave io he fa'e apuu manihii.

        U tiohi meitai 'ia ia.

35      I te o'io'i e too ana e 'ua moni tea,

        ua tuku atu i te enata hei fa'e manihii me te peau 'ia ia:

        " A tiohi meitai i te enata hopi.'Ia nui atu te moni e pao,

        na 'u e tuku atu 'ia 'oe i te ava e hua mai au."

36      O ai oa mei io na enata toko'ua ua 'i'o he hoa

        o te enata i makaka tia e te po'i kamo ?  To 'oe maakau ? "

37      U peau te tuhuna te'ao:" O teia te i hakaoha mai i te enata."

        U peau Ietu 'ia ia:

        " A taha atu, a hana 'oe hua mea aneiho."

 

Comments est propulsé par CComment