INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu ònohuu ma hitu o te Ava ma te Èhua, èhua C (28/07/2019)

sodome

TOTOMA ME KOMORA

 

NO TE TOMINIKA ÒNOHUU MA HITU

(Â tapu, â 28 o te meàma no takua o te èhua 2019)

 

TOMO 'IA:     A.22

1

'U vevao te Etua

'ia tatou tikitahi,

'Ua vae te Etua

'ia tatou tikitahi,

No te haka'ono 'ia Ia

me te noho me Ia.

 

Refrain

‘A tu, e te motuhaka,

'a uta'i 'ia Ietu.

'O Ia te va'anui,

'O te Tiatohu

me te Poho'e.

 

2

'U ka'oha te Kirito

tihe 'i te matena,

'U tavini te Kirito

tihe 'i te paona,

No te veva'o 'ia tatou nui

'ia uta'i me Ia.

3 'U hakako te Kirito / (i) te po'i ha'ati'a.

'U puaha te Tekao  / 'i to tatou potano,

No te ha'a'i'o tia tatou / he tama no te ma'ama.

 

E te Hatu e.

 

TARAMO:  E te Fatu e, u hakaono 'oe i tu 'u pure vevao.

 

Kio Vanana: Ha’atee tia e te Kuhane Meita’i te i haa'i'o 'ia tatou:

                       he tau tama a te Etua, ‘ua apa tatou i te Etua: "To matou Motua"

Pure a te po'i ha'ati'a: E te Etua e, 'a ono mai ‘ia matou ta ‘oe tau tama.

UTUNA:    B.2

             1

'A kave tatou nui

'I to tatou utuna

'I 'uka 'o te hata'a

'O tenei haraoa.

He puku 'o te henua

I hana 'i'ima tia

'A 'i'o mai

Mea haraoa pohu'e.

           2

'A kave tatou nui

'I to tatou utuna

'I 'uka o te fata'a

'O tenei vino.

He puku o te kahui

I hana 'i'ima ia.

'A 'i'o mai

Mea inu kuhane.

         3

Na hua utuna

I ha'akoaka mai                                   

'I te meita'i

'O te utuna ia

Etereno nui noa

Ta Ietu no he peka

E heaka i ei'a 

He tau'a nui.

Haamaakau ia:   Te kaie 'ia 'Oe, e te Fatu Ietu e, te i mate nui, te poho'e.

                    A tihe mai, e Ietu; 'a tihe mai, e Ietu.

 

 

KOMUNIO:       D.27

1

'O te koekoe toitoi

'O to mua puku

o te ma'ama

Mei 'io te Etua mai

Te koekoe vai'ei 'i te mo'u

'U apu'u Ietu

'i te tau 'enana paotu

Hakatu ke, hakatu ke

Hakatu ke, hakatu ke

2

'O te koekoe pakaihi

Te hoa 'i te hoa

'i mua o te Etua

Mei 'io te Etua mai

Te koekoe pakaihi i te hoa

3

'O te koekoe tavini

'I te tau 'enana 'i 'oto te veve

Mei 'io te Etua mai

Te koekoe tavini 'i te veve.

            4  (komunio)

'O te koekoe apu'u

'I te nino me te toto o Ietu Kirito

Mei 'io te Etua mai

Te koekoe apuu 'i te Arenio.

 

Himene haahuaekaeka: D.24

1

Te Eukaritia

'O te puna tiatohu

'O te pohu'e ananu

'I to he aki nui e.

       Moumu

'U peau ia e Ietu

Tu 'u nino tenei

Tu 'u toto tenei

'O to 'u toto ua tahe

Mea pohu'e no 'otou.

2

'A nui te maha'o

Me te atoratio

'Ia Ietu Kirito

Io he Eukaritia.

PAHI 'IA :  V.6

  1                                 Moumu.                                      2

E to matou paterono,      ’A ape to tama tahia               E te haatepeiu

Maria ha’atepei’u           Ia haiu mai ia matou nei        O te pure rohario,

O te henua enana,           E ona me ha’avavai'ei mai     ’A ha’auo ’ia matou nei

’A tiaki mai ’ia matou.   ’Ia matou po’i mikeo.            Te tau hana meita’i.

LECTURE DE LA GENESE    (Gn 18,20-32)

Les trois visiteurs d’Abraham allaient partir pour Sodome. Le Seigneur dit: «Comme elle est grande, la clameur qui monte de Sodome et de Gomorrhe! Et leur faute, comme elle est lourde! Je veux descendre pour voir si leur conduite correspond à la clameur venue jusqu’à moi. Si c’est faux, je le reconnaîtrai.» Les deux hommes se dirigèrent vers Sodome, tandis qu’Abraham demeurait devant le Seigneur. Il s’avança et dit: «Vas-tu vraiment faire périr le juste avec le pécheur? Peut-être y a-t-il cinquante justes dans la ville. Vas-tu vraiment les faire périr? Est-ce que tu ne pardonneras pas à cause des cinquante justes qui sont dans la ville? Quelle horreur, si tu faisais une chose pareille! Faire mourir le juste avec le pécheur, traiter le juste de la même manière que le pécheur, quelle horreur! Celui qui juge toute la terre va-t-il rendre une sentence contraire à la justice?» Le Seigneur répondit: «Si je trouve cinquante justes dans Sodome, à cause d’eux je pardonnerai à toute la ville.» Abraham reprit: «Oserai-je parler encore à mon Seigneur, moi qui suis poussière et cendre? Peut-être, sur les cinquante justes, en manquera-t-il cinq: pour ces cinq-là, vas-tu détruire toute la ville?» Il répondit: «Non, je ne la détruirai pas, si j’en trouve quarante-cinq.» Abraham insista: «Peut-être en trouvera-t-on seulement quarante?» Le Seigneur répondit: «Pour quarante, je ne le ferai pas.» Abraham dit: «Que mon Seigneur ne se mette pas en colère, si j’ose parler encore: peut-être y en aura-t-il seulement trente?» Il répondit: «Si j’en trouve trente, je ne le ferai pas.» Abraham dit alors: «Oserai-je parler encore à mon Seigneur? Peut-être en trouvera-t-on seulement vingt?» Il répondit: «Pour vingt, je ne détruirai pas.» Il dit: «Que mon Seigneur ne se mette pas en colère: je ne parlerai plus qu’une fois. Peut-être en trouvera-t-on seulement dix?» Et le Seigneur répondit: «Pour dix, je ne détruirai pas la ville de Sodome.»

----------------------------------------------------------------------------------------------------------

TETAUTINA TE HAMANI A PAURO PEATO I TO KOROHA   2, 12-14

E tu 'u tau tunane tuehine. Ma te papatema u tomitia otou katahi me te Kirito, katahi me Ia u poho'e haka'ua otou, na te mea u haatia otou i te mana o te Etua te i haatu hakau'a 'ia Ietu Kirito  mei vavena o te po'i mamate. Omua me he po'i mamate otou meia i to otou tau mikeo, he eteni otou ite ko'e i te Ture a Moite. U vai'ei te Etua 'ia otou i te poho'e katahi me te Kirito, ma te haako'e i to otou tau mikeo paotu. Ua veti te Etua i te hamani ai'e te i hakatio 'ia tatou ma to ia tau ture. U haako'e te Etua i hua hamani ai'e, me he mea u patia te Etua 'ia ia uo he peka o te Kirito.

-----------------------------------------------------------------------------------------------------

EVANERIO O IETU KIRITO VAANA E RUKA     11, 1-13

Ohia ua noho Ietu io titahi vahi, ua pure Ia. 'Ia pao to Ia pure, u peau titahi mei vavena o to Ia tau kou'a: " E te Fatu e, a hakako mai i te pure me he mea u hakako Ioane i to ia tau kou'a." U peau Ietu 'ia atou peenei: " I te ava e pure otou, a peau peenei: E te Motua e, a tapu to 'oe inoa. A tihe to 'oe Patireia. A tuku mai i te o'a no te 'a nei, paotu te 'a. A haako'e i to matou mikeo, atii me matou u haako'e i te po'i u ai'e mai. Aua e haahemo mai i te motii." U peau Ietu 'ia atou peenei: " O ai i vavena o otou me te hoa, 'ia hee ia i te tumoe nui no te peau: E te hoa e, a ai'e mai e to'u faraoa. Ua tihe ho'i io 'u to 'u hoa e vii ana i te fenua. A'o'e he mea kai to 'u no te apuu 'ia ia. Ati'a mei oto o te fa'e u haahua atu te hoa : " Umo'i e haapa'opa'o mai. I tenei ua pa ia te ava puta. Ua moe au me to 'u tau tama. A'o'e e koana 'ia 'u te tu no te tuku atu 'ia 'oe." U peau au 'ia otou: anoa a'o'e e tu te hoa no te tuku i te faraoa, e aha 'a he hoa ia, e ma'o ho'i me te tuku atu i te mea paotu te i ape tia meia u vaavo to ia kaiapetina. U peau au 'ia otou: a ape otou, e tuku tia mai. A umihi otou, e koana mai.A paopao, e pepeu tia 'ia otou. Na te mea me ape titahi e 'i'o 'ia ia. Me umihi te enata e koana mai.  E pepeu tia te ava puta no te enata e paopao. O ai te motua mei vavena o otou, me ape ta ia tama i te ika, e tuku atu i te puhi fenua ? A ko'e 'a me ape te tama i te mamai moa, e tuku atu i te koropio ? Me ite otou, e te po'i pe, e tuku atu i te mea meitai i ta otou tau tama, totahi atu ta te Motua te io he ani, e tuku atu i te Kuhane Meitai i te po'i e ape io Ia."

 

Pure 'i te Haka'iki Anera Mikaere peato

E te haka'iki Anera Mikaere peato e

'a papua mai 'ia matou io he toua;

'a 'i'o 'oe to matou toko mea tu'aki i te makaka pu

me te tau haapakeka 'ia a te tiaporo.

Ia haahana te Etua i 'uka o ia i to Ia mana nui

me te tuku mai ia matou i te 'i'i

no te haatiatohu  i to matou haati'a:

e toutaki mamate nei matou ia 'oe.

O 'oe 'a, e te Haka'iki o te tau kape o te 'aki

uhi 'ia e te 'i'i o te Etua,

a tu'aki io he havaiki pe, ia Tatane

me tahipito tau  kuhane makaka,

e papauo a'a 'i 'a'o nei

no te haa hukaka i te tau kuhane 'enana

    -Amene

 

TOMINIKA ONOHUU MA FITU

TETAUTINA TE HAMANI A MOITE PEAU TIA TENETE 18, 20-32
        Ua ma'o na manihii tokoto'u apuu tia e Aparahamo.

        Ua hano atou e hee i te papua fa'e Totoma me Komora.

20      U peau te Fatu 'ia Aparahamo:

        " Aue, te oko nui o te poo'ina e fiti io 'u

        mei na papua fa'e Totoma me Komora !

        Aue, te toko o to atou mikeo !

21      E too ta'u e hee tiohi i te hakatu o to atou hana

        te oko o te poo'ina ua fiti i tu 'u a'o.

        No te mea e tivava oti, e ite au. "

22      A tahi ua taha na enata toko'ua i Totoma.

        O Aparahamo 'a, ua noho i mua o te Fatu.

23      U haatata mai Aparahamo me te ui atu:

        " E te Fatu e, aha e hano 'oe e haamate

        i te enata toitoi me te enata mikeo ?

24      Ena oti e ima onohuu enata toitoi io te papau fa'e Totoma ?

        Aha e hano 'oe haamate 'ia atou ?

        A'o'e e koana 'ia 'oe e vevete i to atou mikeo

        meia i hua e ima onohuu enata toitoi

        e noho aa i oto o te papua fa'e ?

25      Aue, te faufau o to 'oe hana me hana 'oe atii !

        E haamate e tahi matena i te enata toitoi me te enata mikeo ?

        E oona'i tia te po'i toitoi hakatu me te po'i faufau ?

        E aha e hakatio pu, e haava pu me te toitoi ko'e

        te Hakaiki nui o te aomaama viipu ? "

26      U haahua atu te Fatu:" Anoa e koana 'ia 'u i Totoma

        e ima onohuu enata toitoi,

        meia 'ia atou e vevete au i te tau mikeo

        o te tau enata paotu eka ana io he papua fa'e."

27      U peau Aparahamo

        " E vaavo au nei oti no te tekao haka'ua i tu 'u Fatu.

        O ai au nei ? E epo aneiho au,tutu me te 'ehu ahi ana'e.

28      Ati'a i oto o tena tau enata e ima onohuu toitoi noa,

        e ko'e oti toko ima.

        E aha no tena mou enata toko ima

        e haamape 'oe i te papua fa'e ? "

        U haahua te Etua:

        " A'o'e au e haamamape i te papua fa'e

        me koana 'i a'u e fa onohuu ma ima enata toitoi."

29      Ua tohe Aparahamo e peau ana :

        " E fa onohuu enata toitoi ta 'oe e koana mai oti."

        U peau te Fatu:

        " A'o'e au e haape i te papua fa'e

        meia i tena tau enata e fa onohuu."

30      U peau haka'ua Aparahamo:

        " Aua e peke mai, e tu 'u Fatu e,

        no te mea e vaavo haka'ua au no te te'ao:

        e koana 'ia 'oe e to'u onohuu enata toitoi ana'e."

        U haahua te Etua:" A'o'e au e haape i te papua fa'e

        meia i tena tau enata e to'u onohuu."

31      Ua tohe Aparahamo:

        " E vaavo oti au no te peau haka'ua i tu 'u Fatu:

        e koana oti 'ia 'oe tekau enata toitoi ana'e."

        U haahua te Etua:" A'o'e au e haape i te papua fa'e

        meia i na tekau  enata toitoi."

32      U peau haka'ua Aparahamo:

        "Aua e peke mai e tu 'u Fatu e.

        O ia tu 'u te'ao paona:

        tionohuu enata toitoi ana'e oti, ta 'oe e koana mai. "

        A tahi a haahua atu te Etua: "

        A'o'e au e haape i te papua fa'e Totoma

        meia i hua tionohuu enata toitoi."

TARAMO 138 (137), 1-2a, 2b-3, 6-7b, 7c-8

E te Fatu e, u hakaono 'oe i tu 'u pure vevao.    138,3

 

1     E te Fatu e, u haahua'eka'eka au mei io he koekoe.

      U haka'ono ho'i 'oe i tu 'u pure veva'o.

      E himene nei au 'ia 'oe i mua o te tau anera,

2     E oha nei au e tiohi ana i to 'oe Hiero tapu.

 

      E haahua'eka'eka nei au meia i to 'oe kaoha me te tiatohu.

      U tiketike atu i te tau memau paotu to 'oe inoa.

3     I te 'a u haahua mai 'oe i to 'u pure veva'o,

      U haauo to 'oe mana i te 'i'i o tu 'u kuhane.

 

6     Ua ite te Etua tiketike i te enata avai noa.

      Mei te vahi mamao ua tuhi Ia i te enata kai'e pu.

7     E te Fatu e, me oomi tia au e te ino haapukina mai,

      U haapoho'e mai 'oe ma te haahina i te po'i hiaki 'ia 'u.

 

      U tuaki au ma te mana o te Fatu.

8     I ue 'ia 'u ua hana me he mea ta Ia i peau mai.

      E te Fatu e, paona ko'e to 'oe kaoha.

      Umo'i e hakaea i to 'oe matavai'ei mai.

 

TETAUTINA TE HAMANI A PAURO PEATO I TO KOROHA 2, 12-14

12      E tu 'u tau tunane tuehine.

        Ma te papatema u tomitia otou katahi me te Kirito,

        katahi me Ia u poho'e haka'ua otou,

        na te mea u haatia otou i te mana o te Etua

        te i haatu hakau'a 'ia Ietu Kirito

        mei vavena o te po'i mamate.

13      Omua me he po'i mamate otou meia i to otou tau mikeo,

        he eteni otou ite ko'e i te Ture a Moite.

        U vai'ei te Etua 'ia otou i te poho'e katahi me te Kirito,

        ma te haako'e i to otou tau mikeo paotu.

14      Ua veti te Etua i te hamani ai'e te i hakatio 'ia tatou

        ma to ia tau ture.

        U haako'e te Etua i hua hamani ai'e,

        me he mea u patia te Etua 'ia ia uo he peka o te Kirito.

 ALLELUIA   ALLELUIA        c f .Rm.8,15

 Haatee tia e te Kuhane Meitai te i haa'i'o 'ia tatou:

he tau tama a te Etua, ua apa tatou i te Etua:
"to matou Motua"

 

EVANERIO O IETU KIRITO VAANA E RUKA     11, 1-13

1       Ohia ua noho Ietu io titahi vahi, ua pure Ia.

        'Ia pao to Ia pure,

        u peau titahi mei vavena o to Ia tau kou'a:

        " E te Fatu e, a hakako mai i te pure

        me he mea u hakako Ioane i to ia tau kou'a."

2       U peau Ietu 'ia atou peenei:

        " I te ava e pure otou, a peau peenei:

        E te Motua e, a tapu to 'oe inoa.

        A tihe to 'oe Patireia.

3       A tuku mai i te o'a no te 'a nei, paotu te 'a.

4       A haako'e i to matou mikeo,

        atii me matou u haako'e i te po'i u ai'e mai.

        Aua e haahemo mai i te motii."

5       U peau Ietu 'ia atou peenei:

        " O ai i vavena o otou me te hoa,

        'ia hee ia i te tumoe nui no te peau:

        E te hoa e, a ai'e mai e to'u faraoa.

6       Ua tihe ho'i io 'u to 'u hoa e vii ana i te fenua.

        A'o'e he mea kai to 'u no te apuu 'ia ia.

7       Ati'a mei oto o te fa'e u haahua atu te hoa :

        " Umo'i e haapa'opa'o mai. I tenei ua pa ia te ava puta.

        Ua moe au me to 'u tau tama.

        A'o'e e koana 'ia 'u te tu no te tuku atu 'ia 'oe."

8       U peau au 'ia otou: anoa a'o'e e tu te hoa

        no te tuku i te faraoa, e aha 'a he hoa ia,

        e ma'o ho'i me te tuku atu i te mea paotu te i ape tia

        meia u vaavo to ia kaiapetina.

9       U peau au 'ia otou: a ape otou, e tuku tia mai.

        A umihi otou, e koana mai.A paopao, e pepeu tia 'ia otou.

10      Na te mea me ape titahi e 'i'o 'ia ia.

        Me umihi te enata e koana mai.

        E pepeu tia te ava puta no te enata e paopao.

11      O ai te motua mei vavena o otou,

        me ape ta ia tama i te ika, e tuku atu i te puhi fenua ?

12      A ko'e 'a me ape te tama i te mamai moa,

        e tuku atu i te koropio ?

13      Me ite otou, e te po'i pe,

        e tuku atu i te mea meitai i ta otou tau tama,

        totahi atu ta te Motua te io he ani,

        e tuku atu i te Kuhane Meitai i te po'i e ape io Ia."

 

 

Comments est propulsé par CComment