INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu ònohuu ma vaù o te Ava ma te Èhua, èhua C (04/08/2019)

vanite

He auahi anaè, auahi puhiìa e te metaki te tau mea ìa òtoa.

 

NO TE TOMINIKA ÒNOHUU  MA VAÙ

(Â tapu, â e 4 o te meàma no ehuo o te èhua 2019)

 

TOMO 'IA:     A.12

1

'O te koekoe toitoi

'O to mua puku o te ma'ama

Mei 'io te Etua mai

Te koekoe vai'ei 'i te mo'u.

'U apu'u Ietu

'i te tau 'enana paotu

Hakatu ke, hakatu ke

Hakatu ke, hakatu ke.

2

 'O te koekoe pakaihi

 Te hoa 'i te hoa 'i mua o te Etua

 Mei 'io te Etua mai

   Te koekoe pakaihi i te hoa

             3

'O te koekoe tavini

'I te tau 'enana 'i 'oto te veve

Mei 'io te Etua mai

Te koekoe tavini 'i te veve.

 

TARAMO: E te Hatu e 'i teia tai 'i teia tai, 'o 'Oe anaiho to matou vahi ma'u.

Kio Vanana:   Mama'u te po'i koekoe veve, no 'atou te Patireia o te 'ani.

Pure a te po'i ha'ati'a:  'A oko mai, e te Hatu e, 'i ta matou ona pure

                                       'A oko mai, e te Hatu e, 'i ta matou tau ape 'ia.

UTUNA:                   

R/ Je t’offre mon cœur,

prends-le donc,

C’est pour toi Seigneur.

Je t’offre mon cœur,

garde-le dans ton cœur Seigneur.

1. Pour t’annoncer tu m’as choisi

Prends ma voix, je te la donne.

Pour rassembler tous les amis

Que je sois Toi au cœur du monde.

2. Pour te porter, tu m’as choisi

Prends mes mains, je te les donne

Pour rassasier les faims de vie

Que je sois Toi au cœur du monde.

3. Pour te servir, tu m’as choisi

Prends ma vie, je te la donne

Pour protéger les plus petits

Que je sois Toi, au cœur du monde.

Haamaakau ia:  Te ka'i'e 'ia 'Oe te i mate, te ka'i'e 'ia 'Oe u pohu'e,

             e Ietu to 'u Hatu, 'a noho mai 'Oe me matou nei ma te tau tai ananu

KOMUNIO:

  1. Prenez et mangez

Prenez et mangez et buvez-en tous

Car c’est mon corps, car c’est mon sang

Prenez et mangez et buvez-en tous

Car c’est ma vie donnée pour vous

Je suis celui que l’on aime

Je suis celui que l’on prie

Je suis celui qu’on emmène

Celui qui donne la vie

 

Je suis celui qui se donne

Je suis celui que l’on prend

Je suis celui qui pardonne

A ceux qui en font autant

Himene haahuaekaeka: C.11

                     1

'Ua noho 'oe me matou paotu

no te ha'ataetae mai

'i te 'enana ha'ati'a tohe mau.

Moumu

E te Hatu e, 'io 'oe te koakoa nui,

te ma'ama, te vahi ma'ū.

'A tiaki meita'i 'i ta 'oe tau tama tahia.

                2

No 'oe matou, no 'oe ananu.

'Ia tuta'i matou me 'oe

e tapava'u te tau hana ka'oha.

                 3

E tuku atu matou 'ia 'oe

te kuhane me te houpo

me to matou 'enana tiatohu.

PAHI IA:                   V.1

1

E Maria Virikine

E te kui no Ietu,

’A tiohi mai 'oe

’I ta ‘oe tau tama.

Moumu.

Ua hahi ’ia 'oe,

Hiva Oa, Tahuata,

Fatu Iva, Ua Huka,

Ua Pou, Nuku Hiva.

 

--------------------------------------------------------------------------------------------------------

Lecture du livre de Qohèleth (1, 2 ; 2, 21‑23)

Vanité des vanités, disait Qohèleth. Vanité des vanités, tout est vanité !

Un homme s’est donné de la peine ; il est avisé, il s’y connaissait, il a réussi. Et voilà qu’il doit laisser son bien à quelqu’un qui ne s’est donné aucune peine. Cela aussi n’est que vanité, c’est un grand mal ! En effet, que reste-t‑il à l’homme de toute la peine et de tous les calculs pour lesquels il se fatigue sous le soleil ? Tous ses jours sont autant de souffrances, ses occupations sont autant de tourments : même la nuit, son cœur n’a pas de repos. Cela aussi n’est que vanité.

TETAUTINA O TE HAMANI I TO KOROHA     3, 1-5.9-11

E tu 'u tau tunane tuehine. Meia u poho'e haka'ua otou katahi me te Kirito, a imi i te taetae te io he ani, i ei'a ho'i te Kirito, e noho ana i te ima oko o te Etua. A kohoa aneiho i te mea te io he ani, umo'i i te mea te io he aomaama nei. Ua mate otou katahi me te Kirito.  To otou hakatu poho'e hou u te e haaite tia atu nei, a'o'e i haaite tia me to te Kirito. Atii ho'i to tatou meia ua pii tatou me te Etua. O to otou hakatu poho'e hou e tahi me to te Kirito. No ei'a i te 'a e haaite te Kirito 'ia Ia iho, e tu ai otou me Ia i oto o te kai'e Etua. A haahina ho'i otou i te tau hia pe o te tino: te hana mako, te hana faufau, te hinenao pu, te maki mikeo, te kohoa pu i te taetae me he pakaihi i te etua tikoe hua kohoa te haapuke i te taetae. Umo'i e hakahae te hoa i te hoa. Na te mea u titii otou i te hakatu poho'e kakiu, no te too i te hakatu hou. O ia te enata hou pepena tia e te Etua he ata no Ia, eti'a e 'i'o to otou hakatu poho'e me to te Etua, totahi atu i teia 'a, i teia 'a, tihe i te pii meitai me te Etua. Ma ei'a e ko'e ai te paetina o te tau enata ati ke mei io to te ati ke. E ko'e ai te tuhi i te ati Iuta me to Hereni, te enata peritome tia me tahipito peritome ko'e, te haoe, te enata kaikaia, te tueni haamo'ehu tia, te enata na ia ta ia. E tahi ana'e e toe: o te Kirito. A kaituto 'ia Ia aneiho: o te Kirito i oto o otou tikitahi. O te Kirito te pao'ona'ona o te tau memau paotu.

--------------------------------------------------------------------------------------------------

EVANERIO O IETU KIRITO VAANA E RUKA     12, 13-21

I teia mou po, mei vavena o te fa'etoa u poha te 'eo o titahi enata me te peau 'ia Ietu:" E Tuhuna e, a peau i to 'u tuana no te tuku mai i te hope taetae ua 'i'o 'ia 'u mei io to maua tau tupuna." U peau Ietu 'ia ia:" E te hoa e, na ai e haatu 'ia 'u he enata haava 'ia otou, a ko'e 'a he enata mea pahee i to otou taetae ? " U peau Ietu 'ia atou:" A tiohi meitai. Umo'i otou e kohoa pu i te taetae. E aha a' u tapava'u nui te enata, a'o'e e haakoa atu hua taetae i to ia poho'e." U peau Ietu 'ia atou i tenei tekao haapupua: " Ena te enata taetae nui. U tapava'u to ia fenua: nui te puku i koana mai. U kaituto ia me te peau:" Pehea ta 'u nei ? A'o'e e 'ava te fa'e avaina taetae no te haapuke i te tau puku kohi tia e au." I mui'ho u peau:" Ena te mea e hano atu au. E vavahi au i to 'u tau fa'e avaina taetae me te haatû i na fa'e karaiha a'e, no te haapuke i oto i to 'u faraoa atii me to 'u tau taetae paotu. 'Ia pao te hana e haa'eka 'ia 'u aneiho e peau ana: E tu'u kuhane, he mea nui to 'oe tau taetae i haapuke tia no te nui tina o te tau ehua. A hakaea 'oe. A kai, a inu, a haakoina." Ati'a u peau te Etua 'ia ia:" E te enata tua'ave ! I te po nei e pao to 'oe poho'e. I ai oa e 'i'o hua taetae i haapuke tia e 'oe ? Atii ho'i ta te enata e haapuke i te taetae no ia aneiho. Ati'a i mua o te Etua, he enata taetae ko'e. "

Pure 'i te Haka'iki Anera Mikaere peato

E te haka'iki Anera Mikaere peato e

'a papua mai 'ia matou io he toua;

'a 'i'o 'oe to matou toko mea tu'aki i te makaka pu

me te tau haapakeka 'ia a te tiaporo.

Ia haahana te Etua i 'uka o ia i to Ia mana nui

me te tuku mai ia matou i te 'i'i

no te haatiatohu  i to matou haati'a:

e toutaki mamate nei matou ia 'oe.

O 'oe 'a, e te Haka'iki o te tau kape o te 'aki

uhi 'ia e te 'i'i o te Etua,

a tu'aki io he havaiki pe, ia Tatane

me tahipito tau  kuhane makaka,

e papauo a'a 'i 'a'o nei

no te haa hukaka i te tau kuhane 'enana

    -Amene

 

TOMINIKA ÒNOHUU MA VAÙ O TE AVA MA TE 'EHUA

TE HAMANI O TE TUHUNA TE'AO KOHERETA

1, 2; 2,21-23

1,2     O ia nei te te'ao o te tuhuna maama, o Kohereta te inoa:

        He auahi ana'e, auahi puhi tia e te metani te tau mea 'ia otoa.

2,21    U haapa'opa'o titahi enata 'ia ia iho, ma to ia hana haanui.

        He enata tuhuna ia, enata maama.

        Ma to ia hana u tapava'u nui.

        Ati'a e avai anamai ia i to ia taetae

        i te enata ke, a'o'e ia i pa'opa'o i te hana.

        O ia nei te mea tupe noa me te mea teka nui.

22      E ho'i. E aha te mea e koana mai i te enata i te ao nei,

        ma to ia pa'opa'o, te hana haanui i oomi 'ia ia ?

23      E aha te mea e koana mai i te enata,

        ma to ia memae i teia 'a, teia 'a,

        te haapao meitai i te hana tuku tia 'ia ia,

        to ia mataka ana'e i te po ?

        O ia ho'i te mea e auahi puhi tia e te metani.

TARAMO   90 (89), 3-4, 5-6, 12-13, 14.17abc

E te Fatu e, i teia tai, i teia tai enata,
O 'oe aneiho to matou vahi ma'u.           90,1

 

3       U haahua 'oe i te enata io he epo, to ia tumu.

        U peau ho'i: "E hua te enata io he epo ka'aea."

4       No 'oe e aha tautini ehua ? E tahi 'a ana'e.

        E tahi 'a pao vave, me he ava poto i te po.

 

5       Ua puhi 'oe:ua na'o te enata me he ata moemoea.

        E aha te enata ? He teita e hu'i ke vave.

6       U pupua ia me he pua i te popou'i,

        I te ahiahi ua o'i me he teita mo'^o.

 

12      A haa'ite mai i te nui tina o to matou tau 'a.

        A tahi nei e umihi mau matou i te maama.

13      E te Fatu e, a oomi ponihoo i to 'oe peke.

        Umo'i te haatevee i ue i to 'oe tau tavini.

 

14      I te popou'i a haa'eka mai to 'oe hakaoha 'ia matou:

        E pao ai to matou tau 'a me he koina me te himene.

17      I una o matou te mo'u o te Fatu, to matou Etua.

        A haamau te Etua i te hana o to matou iima.

TETAUTINA O TE HAMANI I TO KOROHA     3, 1-5.9-11

        E tu 'u tau tunane tuehine.

1       Meia u poho'e haka'ua otou katahi me te Kirito,

        a imi i te taetae te io he ani, i ei'a ho'i te Kirito,

        e noho ana i te ima oko o te Etua.

2       A kohoa aneiho i te mea te io he ani,

        umo'i i te mea te io he aomaama nei.

3       Ua mate otou katahi me te Kirito.

        To otou hakatu poho'e hou u te e haaite tia atu nei,

        a'o'e i haaite tia me to te Kirito.

        Atii ho'i to tatou meia ua pii tatou me te Etua.

4       O to otou hakatu poho'e hou e tahi me to te Kirito.

        No ei'a i te 'a e haaite te Kirito 'ia Ia iho,

        e tu ai otou me Ia i oto o te kai'e Etua.

5       A haahina ho'i otou i te tau hia pe o te tino:

        te hana mako, te hana faufau, te hinenao pu, te maki mikeo,

        te kohoa pu i te taetae me he pakaihi i te etua tikoe

        hua kohoa te haapuke i te taetae.

9       Umo'i e hakahae te hoa i te hoa.

        Na te mea u titii otou i te hakatu poho'e kakiu,

        no te too i te hakatu hou.

10      O ia te enata hou pepena tia e te Etua he ata no Ia,

        eti'a e 'i'o to otou hakatu poho'e me to te Etua,

        totahi atu i teia 'a, i teia 'a, tihe i te pii meitai me te Etua.

11      Ma ei'a e ko'e ai te paetina o te tau enata ati ke

        mei io to te ati ke.

        E ko'e ai te tuhi i te ati Iuta me to Hereni,

        te enata peritome tia me tahipito peritome ko'e,

        te haoe, te enata kaikaia, te tueni haamo'ehu tia,

        te enata na ia ta ia.

        E tahi ana'e e toe: o te Kirito.

        A kaituto 'ia Ia aneiho:

        o te Kirito i oto o otou tikitahi.

        O te Kirito te pao'ona'ona o te tau memau paotu.

ALLELUIA    ALLELUIA

                                                                                          Mt. 5, 3

Mamau te po'i koekoe veve, no atou te Patireia o te ani.

EVANERIO O IETU KIRITO VAANA E RUKA     12, 13-21

13      I teia mou po,

        mei vavena o te fa'etoa u poha te 'eo o titahi enata

        me te peau 'ia Ietu:" E Tuhuna e,

        a peau i to 'u tuana no te tuku mai i te hope taetae

        ua 'i'o 'ia 'u mei io to maua tau tupuna."

14      U peau Ietu 'ia ia:" E te hoa e,

        na ai e haatu 'ia 'u he enata haava 'ia otou,

        a ko'e 'a he enata mea pahee i to otou taetae ? "

15      U peau Ietu 'ia atou:" A tiohi meitai.

        Umo'i otou e kohoa pu i te taetae.

        E aha a' u tapava'u nui te enata,

        a'o'e e haakoa atu hua taetae i to ia poho'e."

16      U peau Ietu 'ia atou i tenei tekao haapupua:

        " Ena te enata taetae nui.

        U tapava'u to ia fenua: nui te puku i koana mai.

17      U kaituto ia me te peau:" Pehea ta 'u nei ?

        A'o'e e 'ava te fa'e avaina taetae

        no te haapuke i te tau puku kohi tia e au."

18      I mui'ho u peau:" Ena te mea e hano atu au.

        E vavahi au i to 'u tau fa'e avaina taetae

        me te haatû i na fa'e karaiha a'e, no te haapuke i oto

        i to 'u faraoa atii me to 'u tau taetae paotu.

19      'Ia pao te hana e haa'eka 'ia 'u aneiho e peau ana:

        E tu'u kuhane, he mea nui to 'oe tau taetae

        i haapuke tia no te nui tina o te tau ehua.

        A hakaea 'oe. A kai, a inu, a haakoina."

20      Ati'a u peau te Etua 'ia ia:" E te enata tua'ave !

        I te po nei e pao to 'oe poho'e.

        I ai oa e 'i'o hua taetae i haapuke tia e 'oe ?

21      Atii ho'i ta te enata e haapuke i te taetae no ia aneiho.

        Ati'a i mua o te Etua, he enata taetae ko'e. "

Comments est propulsé par CComment