INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te Koìka Hapaina o Maria Peato io he àki (15/08/2019)

assomption

TE KOINA HAPAINA O MARIA PEATO

 

TOMO 'IA:     V.61

1
Ka'oha 'oe Maria
I tupu mikeo ko’e
'O tei pi 'i te karatia
Te Kuhane Meita'i

2
'Ua hahi matou nui
'I to ‘oe koika
E Hapaina ka'i'e a
'Ia 'oe 'io he 'aki.

3
Te hetu onohuu e ‘ua
E hei no ‘oe
E Maria virikine
'A pure no matou.

4
Te kanahau o te 'aki
'I uka o ‘oe
E mahina 'io to vae
E oumati to kahu.

5
To Ietu Kui tahia
To matou ona kui
'A tiohi 'ia matou
A' pure no matou.

 

                                               V.10

                            1                                             Moumu.

                   E Maria peato,                              E koika, e koika

                   E te kui no Ietu,                            E koika kanahau

                   ’A tiohi mai 'oe,                            No Maria peato.

                   ’I ta 'oe tau tama,                          ’A hahi tatou nui nei

                   E tama hoi matou,                        Ena Maria ’i ’uka

                   ’O 'oe to matou kui,                      ’Io te Tama.

                   Koakoa nui ho’i matou.

TARAMO: Mamau 'oe e Maria 'io te nohoka ka'i'e o to 'oe Tama.

 

Kio Vanana:    'Ua tomo Maria i 'oto o te ka'i'e o te Etua.

'A tatakahiti me te koakoa te tau anera 'ia 'otoa.

Pure a te po'i ha'ati'a:  E te Hatu Etua, alleluia, 'a ono mai ‘ia matou, alleluia.

UTUNA:                    Z.170

                                                           Moumu

                                               I hana mai te Haka'iki mana

                                               'I te mea maha’o nui

                                               'A meita'i to ia ikoa

'U tu a'e,

'u tatakatahiti tu 'u kuhane

'I te Hatu, tu'u pohu'e.

'O te po'i mana

tei ha'atopa ia,

'O te po'i papaku

tei tu ana'e

'U tapava'u nui te po'i oke

'U tiehi ia

te tau ona veve nui.

                                               PAHU  -  MAVE

                        K.3b

1

'O tatou te mata’einaa

'O te Hatu Etua.

Ha'amevaha 'i te ao nei

(i) to te Hatu kaoha.

        1 Petero 2,4

Ekaretia e tahi,

Ekaretia peato

Ekaretia apotoro,

‘a hahi  i to ‘oe Hatu.

 

2

'O tatou te huaa ha’e

haatû ia e Ietu

'i 'uka o te Apotoro

me te tau peroheta.

       Efetia 2,19

 
 

3

'I 'oto o te Kirito

'O tatou te ke'a pohu’e

(e) ha'atû i te ha'e tapu

no to Etua ka'i'e.

  Efetia 2,19.

            4  (komunio)

'O tatou kiritiano

te Nino o te Kirito

'O tatou te tau momau

'O Ietu te upoko

     Koroha 1,18.

Haamaakau ia:  Te ka'i'e 'ia 'Oe, e te Fatu e, 'o 'Oe to matou ha'apoho'e

Tei mate nui me te Tu haka'ua e poho'e nei a, e Ietu Kirito

'O 'Oe (bis) to matou Etua, 'a tihe mai, e Ietu, to matou Fatu.

KOMUNIO :             D.17

                 1

'O au to 'otou Etua
Pohu’e tiatohu
'Ua hei to 'u ka'oha
Me to 'u mana nui
'Ua 'i'o te koika
'O au tiatohu
Me he ‘i’o ia 'i Kana
Te vai mea vino e.

            Moumu
'O au te O'a poho'e

'O te iho mai mei 'io he aki

'O to 'u mau e tuhae

'O tou Nino teia

E inu i to 'u Toto

E mau tiatohu to 'u Nino

'O tei kai 'ia Ia

E poho'e nui ananu.

2

'Ua pao te hana mana

'O tou ha'a'ite

'Ua tu'u au 'ia 'otou

Te Arenio tiatohu

'O to 'u Nino tenei

Tei vahi tia,

'O to 'u Toto tenei

Tei ha'atahe tia.

HIMENE HAAHUAEKAEKA A MARIA PEATO

47        " ‘U ha’a tiketike tu 'u kuhane ‘i te Fatu.

‘Ua 'u ‘i te koakoa tu 'u koekoe ‘io te Etua Ha’a poho'e.

48        ‘U tiohi mai ‘i to Ia pahina'eo ha’apapa'u.

            Mama’u 'oe, e pe’au mai te tau tai ‘enata paotu.

49        ‘I ue 'ia 'u ‘ua hana ‘i te hana maha'o te Mana nui

            ‘O Peato to Ia inoa.

50        ‘I teia tai, ‘i teia tai e mau ‘a to Ia haka’oha,

            ‘i ue ‘i te tau ‘enata e pakaihi 'ia Ia.

51        ‘U ha’a'ite mai ‘i te 'i'i ‘o to Ia mana,

            ma te ha’a tavava’ i te po'i ka’i'e pu.

52        ‘U ha’a iho Ia ‘i te po'i mei ‘io he nohona ka’i'e,

            me te ha’a tiketike ‘i te po'i iti noa.

53        ‘U ha’a tapava'u Ia ‘i te tau ‘enata mate ‘i te ‘one.

            ‘U titi’i ‘i te po'i me te taetae, kiko ko'e na ‘i’ima.

54        ‘Ua toko te Fatu 'ia Iraene, to Ia tavini,

            e ha’a ma’akau ana ‘i to Ia haka’oha nui,

55        va’ana ‘i to Ia te'ao ‘i to tatou tau tupuna,

            ‘i ue 'ia Aparahamo me to ia ati ‘i ‘una a'e,

            No te tau tai ‘a tihe anatu."

‘A ka’i’e nui i te Motua me te Tama me te Kuhane Meita’i

Ma te tau tai ‘a tihe ananu.

PAHI IA:                   V.36

1                                  Moumu                                    2

'A nui te maha'o e         Ka'oha 'oe Maria e            Koika nui ho'i no matou e

To Maria hanau 'ia e     E te ha'atepei'u e               To 'oe hanau 'ia nei e

Mea kui no Ietu e          Ka'oha 'oe Maria e            'A tiohi mai 'oe Maria e

'A nui te maha'o e.        E te ha'atepei'u e               'I ta 'oe tau tama e.

                                      E te kui no Ietu e

                                      'A pure 'oe no matou nei e.

----------------------------------------------------------------------------------------------

 

TETAUTINA O TE HAMANI APOKARUPO     11, 19a; 12,1-6a.10ab

A tahi a pepeutia te Hiero o te Etua io he ani. I oto ua ite tia te Araka o te Piimau. Ua ite tia titahi hakatu maha'o nui io he ani, peenei: O te Vehine i vahi tia me te oumati, ma 'a'o o to ia vaevae te meama, onohuu ma 'ua fetu me he hei pae i una o to ia upoo. E vehine 'opu tama, e ue ana me he mea u haatotohi i te tama. Ua ite tia titahi mea hakatu ke io he ani: e tarakone u'au'a me he ahi, e fitu upoo to ia me na kere onohuu, me te pa'e kaha ma una o na upo'o o ia e fitu. Me to ia ve'o, ua toi i te paio e to'u o te tau fetu, me te haatopa 'ia atou io he fenua. Ua tu hua tarakone i te a'o o te vehine e haatotohi ana i te tama, e hano e kai i to ia tama fanau iho. U fanau hua vehine i te tama 'oa. O ia te i vivini i te aomaama me te to'oto'o paapaa. U hapai tia hua tama i una o te ani, io te Etua me to ia Nohona kai'e. Ua hiki hua vehine i te fenua ataha i te vahi i kanea tia e te Etua no ia. Ua 'ono au i titahi 'eo oko nui io he ani e peau aa: " Eia e haapoho'e te Etua i to Ia mata'einaa. U tuaki te Etua.  O ia nei to Ia Patireia. O ia nei me te hakaiki tina o to ia Kirito.

 

TETAUTINA O TOMUA HAMANI I TO KORINETIA          15, 20-27a

E tu 'u tau tunane tuehine, He mea ke: tiatohu nui ua tu haka'ua te Kirito mei vavena o te huaa mamate O Ia te enata to mua te i poho'e haka'ua mei vavena o te poi mamate paotu. Ua tihe mai te matena ma te enata e tahi. Ma te enata e tahi e tihe ho'i me te poho'e haka'ua mei io te matena. Me he mea e mamate te tau enata paotu meia i to atou haake me Atamo, atii e popoho'e haka'ua te tau enata paotu meia i to atou haatahi me te Kirito. Ati'a e poho'e haka'ua titikitahi te tau enata vaana i to atou ava: omua ika te Kirito, o Ia te hamua i vavena o te huaa mamate paotu. Ma mu'iho te tau enata e ke ana me te Kirito, i te ava o to Ia hua mai me te kai'e. E haahina te Kirito i te mana o te tau anera e vivini nei e aha 'a to atou inoa ke, inoa ke. A tahi a pao ai 'ona'ona te tau tai 'ia otoa, i te ava e tuku atu te Kirito i te hakaiki tina i te Etua Motua. E vivini ho'i te Kirito i te aomaama nei, tihe atu e haahina te Etua i te tau mana haapakeka 'ia Ia me te oomi 'ia atou ma 'a'o o te vaevae o te Kirito. O te matena te mana paona e haahina tia. Ua patu tia ho'i:" Ua tuku te Etua i te tau memau 'ia otoa ma 'a'o o to Ia vaevae. "

----------------------------------------------------------------------------------------------------

EVANERIO O IETU KIRITO VAANA E RUKA     1, 39-56

I teia mou po ua taha atu Maria me te fiti haakoi i uta, io te tuaivi, io titahi papua fa'e o te fenua Iutea. Ua u'u ia i oto o te fa'e o Takaria me to ia kaoha atu 'ia Eritapeta. I te ava ua 'ono Eritapeta i te kaoha mai o Maria ua 'u te tama i oto o to ia kopu, ua pi Eritapeta i te Kuhane Meitai. U taa'au ia me te 'eo oko e peau ana: " U kai'e tia 'oe i vavena o te tau vehine. U kai'e tia me te tama mei oto o to 'oe kopu. E pehea ua tihe io 'u nei te kui o to 'u Fatu ? Na te mea 'ia tani to 'oe kaoha mai i to 'u puaina, ua 'u i te koakoa te tama i oto o to 'u kopu. Mamau ho'i te vehine i haatia e pao ai te mea i fa'i ia atu 'ia ia ma te inoa o te Fatu." A tahi 'a peau Maria peenei: " U haatiketike tu 'u kuhane i te Fatu. Ua 'u i te koakoa tu 'u koekoe io te Etua Haapoho'e. U tiohi mai i to Ia pahina'eo haapapa'u. Mamau 'oe, e peau mai te tau tai enata paotu. I ue 'ia 'u, ua hana i te hana maha'o te Mana nui. O Peato to Ia inoa. I teia tai, i teia tai e mau a to Ia hakaoha, I ue i te tau enata e pakaihi 'ia Ia. U haa'ite mai i te 'i'i o to Ia mana, ma te haatavava i te po'i kai'e pu. U haaiho Ia i te po'i mei io he nohona kai'e, me te haatiketike i te po'i iti noa. U haatapava'u Ia i te tau enata mate i te oke. U titii i te po'i me te taetae, kiko ko'e na iima. Ua toko te Fatu 'ia Iraene, to Ia tavini, E haamaakau ana i to Ia hakaoha nui, vaana i to Ia te'ao i to tatou tau tupuna, i ue 'ia Aparahamo me to ia ati i una a'e, No te tau tai a tihe anatu." Ua noho Maria me Eritapeta, e to'u meama uanei. I mui iho ua hua io to ia fa'e.

 

Comments est propulsé par CComment