Imprimer cette page

Pēhea te haaèo mai i te « Mairie » me te « Commune » ?

Ia òkoìa hua mou ponatekao io tītahi haamevaha èo, u mamae to ù puaìka na te mea, i òto o te kāputuèo « Mou Pona Tekao » a te Haè tuhuka èo ènana, enā hoì te ponatekao hei pao no te haaèo mai i hua mou ponatekao farani.

ua pou mairie 1979 francis roche

Te ata o te haèmataèinaa o Ua Pou pataìa e Francis Roche i te èhua 1979

 

1) - O te haèmataèinaa/faèmataèinaa te ponatekao i hei no te huì mai i te ponatekao mairie ; o te pāio haèmataèinaa/faèmataèinaa te ponatekao i hei no te commune. Me he mea e tekao ana no te ava henua, mea nui te ènana e haahana nei pu i te ponatekao haèmataèinaa.

Atii nei e koàka ia tātou te ave tekao « U hakateeìa te pāio mataèinaa e te hakaìki me to īa tau toko ; e nei âtou io he haèmataèinaa. O âtou te Pūnaha haèmataèinaa. »

Me i òto mai o te èo tahiti te ponatekao mono ; u hei te haahana i te ponatekao èo ènana toko.

 

2) - E tekao ana no te tau mana hakatee o Porinetia/Motutini farani, no te peàu atu « Les représentants siègent à lAssemblée de Polynésie », i peàuìa ai « E nei te tau hakatoo io te Pūnaha Hau Henua/Pūnaha Hau o Porinetia farani. »

 

3) - E tekao ana no te tau mana hakatee e nei i Paris,

*- No te peàu atu « Les députés siègent à l’Assemblée nationale », i peàuìa ai « E tū nei te tau àkatū io te Pūnaha Hau Nui/Pūnaha Hau farani. » Me i òto mai o te èo tahiti te ponatekao « tepute ».

*- No te peàu atu « Les sénateurs siègent au Sénat », i peàuìa ai « E tū nei te tau àkahana io te Pūnaha tiketike. »

Patuìa e Jacques Iakopo Pelleau (2015-2019)
U haatoitoiìa te patuhei vāàna i te tau aahiìa a te Haè tuhuka èo ènana i te 2
1/08/2022.

 

 

 

Comments est propulsé par CComment