INFOS / MOU TEKAO HAKAÌTE

   AUJOURD'HUI 16/09/2022, MISE EN CONFORMITÉ ORTHOGRAPHIQUE DU SITE TERMINÉE - PLUS DE 56000 VISITEURS EN 3 ANS ET 6 MOIS - MERCI À TOUS - KOÙTAÙ NUI/VAIÈI NUI ÔTOU PAOTŪ !!! CHAQUE SEMAINE, RETROUVEZ DE NOUVEAUX ARTICLES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu tekau ma toù o te Ava ma te èhua, èhua C (04/09/2022)

porter sa croix
« O te ènana u te e amo i to īa peka, e ūtaì koè ia ù, aòè e koàka i hua ènana e ìò he kouâ no ù. »

 

TOMINIKA TEKAU MA TOÙ

(Â tapu 4 no Māhinaihea 2022)

 

TOMOÌA : NOUS SOMMES LE PEUPLE

 

Refrain : Nous sommes le peuple de la longue marche,

               Peuple des Chrétiens, peuple de frères.

               Nous sommes le peuple de la Nouvelle Alliance,

               Un peuple appelé à la Liberté.

   

                    1

Nous continuons la caravane

Des peuples de la longue nuit

Derrière notre père Abraham,

Guidés par le vent de l’Esprit.

                  2

La mer a été traversée ;

Moïse a sauvé tout son peuple.

La mort a été renversée ;

Christ nous donne la Liberté.


E te Hatu e - Te Kāìè

Hakaòko : A hakaòko i te èo o te Hatu (o te Hatu) ; A hakaòko i te èo o te Hatu.

TARAMO   90(89) : E te Hatu e, i tēia tai, i tēia tai ènana, o Òe anaiho to mātou vahi maù.


Kio Vānana :
E te Hatu e, a matavaièi mai ia ù, to Òe tāvini. A hakako mai i to Òe makimaki.


Pure a te poì haatià :
E te Hatu, a òko i ta mātou pure ; A òko mai ia mātou (bis).


ÙTUNA :            
Mōumu :    Mea ùtuna (i te pohuè), Vāhana

                                            Mea ùtuna (te mana nui), Vāhana

                                            A ùtuna i te Etua.

                1

Eīa te hana a te ènana,

Te hānia to mātou àe,

Te vaimata, te koakoa,

E tuku nei hoi mātou

Ia Òe, e te Hatu e.

                2

Eīa te puku o te henua ;

Ua ìò e haraoa (me te vino) Vāhana

Hanaìa e te ìma ènana.

E tuku nei hoì mātou

Ia Òe, e te Hatu e.


To mātou Motua e…    (Glorius)       /          Peàto


Haamaakauìa :
  Te kāìè ia Òe, e te Hatu e, te i mate nui, te pohuè ;  A tihe mai, e Ietu ; a tihe mai, e Ietu.


KŌMŌNIŌ :     
(Èo taaMave mai,

                          (Paotū)  Te pohuè

                          (Èo taaMe io he àki.

                          (PaotūMave mai, mave mai.

Mōumu : O te Eukaritia, te pou pātoko)

                O to tātou Haatia.                 ) bis

                Mave mai (Vāhana) te pohuè.)

                Me io he àki (Vāhana), mave mai.) bis

                Paotū : Mave mai i òto o to mātou tau hōupo, mave mai !

 

              1

E Ietu e, u haaìte Òe

To Òe Kaoha

Ma te ùtuna to Òe nino,

Ia ìò e Kuhane no mātou.

            2

Haaūo ia mātou

Te taha io ta Òe tapukai.

Mamau te tau ènana

I keèeìa no te mau o te Arenio.

 

 

Hīmene haahuaèkaèka : JE VOUDRAIS TE DIRE

 

1      Je voudrais Te dire, et par le beau soleil,

Par la tendre brise, le murmure du matin,

Par le chant des oiseaux, par le chant des fleurs,

Je ne veux qu’une chose, je veux T’aimer.

2       Mon amour pour Toi, plus grand que les montagnes,

Mon amour pour Toi, plus profond que les mers,

Mon amour pour Toi, au parfum de la rose,

Je ne veux qu’une chose, je veux T’aimer.

Refrain : Oh ! si seulement, Tu savais comme je veux

               Marcher avec Toi pour toujours.

      Appelle-moi, demande-moi ; oh, parle-moi !

      Viens avec moi rencontrer Mon Père

      Partager ensemble la vie, choisir la vie.

 

PAHIÌA : E MARIA E, IOTEVE E…

 

E Maria e, Ioteve e,

Te huaahaè o te Etua e,

Hakako mai ia mātou

Te ùmihi i te Etua.

A pure mai no mātou nei,

A pure mai.

----------------------------------------------------------------------------------------

KIO VĀNANA  :     Amen, Alleluia,

                                  Amen, Alleluia,

                                  Amen, Amen, Alleluia.

 

PEATO : Vehine :   Peàto.

                 Vāhana :  Peàto nui te Hatu.

                 Vehine :   Peàto.

                 Vāhana :  Peàto nui te Hatu.

               Paotū :     Peàto nui te Hatu, te Etua o te aomāàma.

               Paotū :     Ua te àki me te henua

                                I to Òe kāìè.

                                Òtana i ùka nui !

                                A meitaììa te tihe nei

                                Ma te ikoa o te Hatu.

                                Òtana i ùka nui !

 

ARENIO :  E te Arenio, o te Etua

Te too (i) te tau mikeo

O te aomāàma nei.

Hakāòha mai, (Hakāòha mai), Vāhana

Hakāòha mai (Hakāòha mai), Vāhana

 

Hakāòha mai ia mātou,

Hakāòha mai ia mātou.

Hakāòha mai ia mātou.

E te Arenio, o te Etua

Te too (i) te tau mikeo

O te aomāàma nei.

A vaièi mai, (A vaièi mai) Vāhana

A vaièi mai, (A vaièi mai) Vāhana

Vaièi mai ia mātou, vaièi mai ia mātou

I te moû, i te moû, i te moû.

 

TOMINIKA TEKAU MA TOÙ

TATAUÌA O TE HĀMANI O TE MĀÀMA     9, 13-18

13      O ai te ènana te i ìte i te tau maakau o te Etua ?

        O ai te ènana te i vivini i te makimaki o te Etua ?

14      He maakau poto te kaituto o te tau ènana ;

        he koekoe pepee to tātou.

15      U haavekeìa hoì to tātou kuhane e te nino mate vave.

        U haaveke tēnei kahu èpo kaaea i te koekoe māàma.

16      He mea hana nui no te haavivini i te tau mēmau o te henua nei

        no te ìte meitaì i te tau mea tata èka po me tātou.

        O ai òa te i ìte i te tau mea te io he àki ?

17      E te Hatu e, anoa u te e pōpahi mai i to Òe Kuhane Meitaì,

        o ai òa te i ìte i to Òe makimaki ?

        Me io Òe anaiho te māàma, e te Hatu e.

18      Ma èià, u haatoitoiìa te vaanui

        o te tau ènana noho ana io te ao nei.

        Ma èià, ua ìte te tau ènana i te hakatu e haaèka ia Òe.

        Ma io to òe māàma, u pohupohuè âtou.


TARAMO   90(89), 3-4, 5-6, 12-13, 14.17abc

E te Hatu e, i tēia tai, i tēia tai ènana, O Òe anaiho to mātou vahi maù.      90, 1

 

3       U haahua Òe i te ènana io he èpo, to īa tumu.

        U peàu hoì : « E hua te ènana io he èpo kaaea. »

4       No Òe e aha tautini èhua ? E tahi â anaè.

        E tahi â pao vave, me he ava poto i te .

 

5       Ua puhi Òe : ua kaò te ènana me he ata moemoeā.

        E aha te ènana ? He èitā e huìkē vave.

6       U pupuà īa me he pua i te pōpōuì,

        I te ahiahi, ua òì me he èitā moô.

 

12      A hakaìte mai i te nuiìa o to mātou tau â.

        A tahi nei a ùmihi mau mātou i te māàma.

13      E te Hatu e, a òomi ponihoo i to Òe pekē.

        Umoì te haatevee i i to Òe tau tāvini.

 

14      I te pōpōuì, a haaèka mai to Òe hakāòha ia mātou :

        E pao ai to mātou tau â me he koìka me te hīmene.

17      I ùka o mātou te moû o te Hatu, to mātou Etua.

        A haamau te Etua i te hana o to mātou îìma.

 

TATAUÌA O TE HĀMANI IA FIREMONE     9-17

9       O au nei o Pauro, te kooūa Pauro ;

        i tēnei, io he haèhumu au nei mēìa ia Ietu Kirito.

10      E ape nei au ia òe i i tu ù tama,

        te tama ta ù i hānau i òto o te haèhumu, Onehimo te ikoa.

11      Òmua, he ènana avai noa no òe, aòè hoì e hana īa.

        I tēnei, he ènana tohe i te hana no te toko mai.

        E toko hoì īa me ia òe.

12      Io òe e pōpahi nei au ia īa

        e aha à ua ìò īa me to ù iho hōupo.

13      O to ù hīa, e noho īa ma to ù kaokao ;

        etià, ma to òe ikoa, e tāvini mai ia ù,

        te io he haèhumu mēìa i te Evanerio.

14      Atià, aòè au i makimaki e hana i tītahi hana

        aòè e haakoakoa oti ia òe.

        Na òe ta òe hoì te vaièiìa. Aòè e viitoi tītahi ia òe.

15      Ua hee uanei Onehimo mamao me io òe no te ava poto,

        etià e tutuki hakaùa òe me īa, no te ava paona koè.

16      A āpuu ia īa, aòè me tītahi tueni haamōèhuìa,

        atià me he teina tāhia nui no òe.

        Ua ìò īa e teina toitoi no au nei.

        Tōtahi atu, a ìò he teina tiàtohu no òe

        i mua o te Etua, i mua o to te ao nei.

17      No èià, anoa u maakau òe he hoa tāua,

        a āpuu mai ia Onehimo me he mea ia ù anaiho.


ALLELUIA ALLELUIA          cf.Ta.119,135

E te Hatu e, a matavaièi mai ia ù to Òe tāvini. A hakako mai i to Òe makimaki.


EVANERIO O IETU KIRITO VĀÀNA E RUKA     14, 25-33

        I tēia mou ,

25      ua ūtaì te haètoa nui ia Ietu. E hāìu ana, u peàu ia âtou :

26      « Anoa e tihe te ènana io ù, atià aòè īa e haataetae ia ù

        ma ùka atu o to īa motua me to īa kui,

        ta īa vehine, ta īa tau tama,

        to īa tau teina, to īa tau tuehine,

        to īa pohuèìa anaiho,

        aòè e koàka ia īa e ìò he kouâ no ù.

27      O te ènana u te e amo i to īa peka, e ūtaì koè ia ù,

        aòè e koàka i hua ènana e ìò he kouâ no ù.

28      O ai hoì me i vāveka o ôtou, te i hano e haatū i te haè mōuka,

        aha u te e kaapee īa òmua no te tatau

        e hia moni e hei no te haapao meitaì i te hana ?

29      Anoa u te e kaapee hua ènana no te tatau i te moni,

        e kānea īa i te tuàka me tītahi hope,

        atià aòè e koàka ia īa te haapao i te hana.

        E kakata hoì te poì te i ìte, e peàpeàu ana :

30      « Eīa te ènana te i tīmata e haatū i te haè.

        Aòè e koàka ia īa te haapao i te hana. »

31      O ai òa te hakaìki e hano e nahu i te tōua me te hakaìki ,

        aha aòè īa e kaapee òmua no te kaituto pēhea

        me to īa ònohuu tautini kape e tōtōua atu īa

        me te hakaìki e tihe tōtōua mai me te tekau tautini kape.

32      Anoa u te e koàka ia īa, i te ava u mamao te hakaìki ,

        ua pahi īa i te keèe no te haakoè i te tōua.

33      Hua mea anaiho i vāveka o ôtou nui,

        anoa u te e paekē te ènana me io to īa tau taetae paotū,

        aòè e koàka ia īa e ìò he kouâ no ù. »

 

Comments est propulsé par CComment