INFOS / MOU TEKAO HAKAÌTE

   AUJOURD'HUI 16/09/2022, MISE EN CONFORMITÉ ORTHOGRAPHIQUE DU SITE TERMINÉE - PLUS DE 56000 VISITEURS EN 3 ANS ET 6 MOIS - MERCI À TOUS - KOÙTAÙ NUI/VAIÈI NUI ÔTOU PAOTŪ !!! CHAQUE SEMAINE, RETROUVEZ DE NOUVEAUX ARTICLES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu tekau ma hā o te Ava ma te èhua, èhua C (11/09/2022)

fils enfant prodigue

« U koakoa te tau anera a te Etua mēìa e tahi anaiho ènana mikeo te i hāìu i te koekoe. »

 

TOMINIKA TEKAU MA

TATAUÌA O TE HĀMANI A MOITE PEÀUÌA EHOTO   32, 7-11.13-14

        Ua noho Moite ma ùka o te tuaivi Tinai.

7       U peàu te Etua ia Moite : « A iho atu.

        Ua teka nui to òe mataèinaa,

        te poì ta òe i haahiti mai me io te Henua Ekipito.

8       Aòè e haatevee âtou no te hukaka

        me io te vaanui ta ù i haahei no âtou.

        U kānea âtou i te ata o te punua piha me te puke moni kiki

        haataheìa io he ahi.

        Ua moe haatona âtou i mua o tēia ata

        me te ùtuna atu i te hēaka.

9       U peàu âtou pēènei : E te mataèinaa Iraene,

        o Īa nei to òe ètua te i haahiti ia òe me io te Henua Ekipito.

        Ua ìte au e mataèinaa koekoe pūtuì âtou.

        I tēnei, e hakaìte au ia âtou i to ù pekē ;

        e haahika au ia âtou nui.

        Atià, me io òe, e haahānau au i te mataèinaa òko nui. »

11      Ua hano Moite te haatāvaè i te Hatu, to īa Etua.

        U peàu īa pēènei : « E te Hatu e, umaha Òe e pekē

        i te mataèinaa ta Òe i aahi mai me i te Henua Ekipito,

        ma te mana o ta Òe hana mahaò,

        me te ìi o to Òe pūhāîìma.

13      A maakau Òe i ta Òe tau tāvini

        o Aparahamo, o Itaako, o Iakopo.

        U peàu Òe ia âtou ma te haamau i ta Òe tekao :

        E haanui atu au i to ôtou ati i ùka

        me he mea te nuiìa tini, tini,

        o te tau hetū io he ataàki. E tuku atu au

        i to ôtou ati i ùka i te henua ta ù i peàu.

        Oia te hope taetae e ìò ia âtou

        me he henua me io te tupuna no te tau tai ananu. »

14      Ua huìkē te Etua. U haamāhaè i te tuki

        ta Īa i peàu e haatopa i ùka o to Īa mataèinaa.

 

TARAMO 51 (50), 3-4, 12-13, 17.19

 E au me te hee atu io tu ù motua.     Rk.15,18

 

3       E te Etua e, a hakāòha mai.

        Mēìa i te nuiìa o to Òe ,

4       A hooi mai me i to ù mikeo.

        A haamā i tu ù koekoe .

 

12      A pēpena i òto o au nei i te koekoe taìtaì.

        A haahou i to ù kuhane, a haamau i to īa meitaì.

13      Umoì e titii atu ia ù mamao me io Òe.

        Umoì e taki me i òto o au i to Òe Kuhane Meitaì.

 

17      E te Hatu, tu ù Etua e, a pepeù i tu ù kiinutu,

        A tahi a hahi to ù haha i to Òe kāìè.

19      O te koekoe unu i te , o īa te hēaka e kākī Òe.

        Te hēaka e haatāvaè ia Òe, e te Hatu e.

 

TATAUÌA O TO MUA HĀMANI IA TIMOTEO     1, 12-17

12      U haahuaèkaèka au ia Ietu Kirito, to tātou Hatu,

        te i haaoko ia ù no te tāvini ia Īa.

        Ua vae Īa ia ù me he ènana e hei no te hana ta Īa i tuku mai.

13      E aha à òmua he ènana paha au,

        ènana vaavō, haamākaka i te Èkaretia.

        U hakāòha mai te Kirito,

        mēìa ua hana au me te koekoe pōtako.

        U te e haatià hoì au.

14      U vaièi mai to tātou Hatu

        i te nuiìa o te karatia me te haatià te i òto o te Kirito Ietu.

15      Oia nei te tekao tiàtohu, te tekao hakahae koè :

        Ua tihe te Kirito i te aomāàma nei

        no te haapohuè i te tau ènana mikeo.

        O au tītahi, te atu i vāveka o tahipito.

16      U hakāòha mai Ietu Kirito ia ù nei to mua,

        etià e haapuàhaìa i òto o au iho to Īa vaièiìa.

        Oia te hakatu no te poì e haatià ia Īa

        vāàna e ìò ia âtou te pohuè ananu.

17      I te Hakaìki nui o te tau tai hakatahi,

        i te Etua no te ava paona koè, ìte koè ìa,

        Etua e tahi anaè,

        te hahi me te kāìè ma te tau tai a tihe ananu. Amene.


ALLELUIA ALLELUIA          cf.Ta.86,5 ; Rk.15,4 ; Ta.51,14

O Òe te Hatu meitaì nui e haakoè i te mikeo ; O Òe te i ùmihi i te mutō i kaò, A haakoakoa ia ù to Òe haapohuè mai.


EVANERIO O IETU KIRITO VĀÀNA E RUKA     15, 1-32

        I tēia mou ,

1       u haatata mai io Ietu te tau pupurikano

        me te poì mikeo paotū i to Īa tekao hakaòko.

2       U kōhumuhumu te tau Fariteo

        me te tau tuhuka tekao, e peàu ana :

        « U āpuu meitaì te ènana nei i te poì mikeo,

        ua kai īa me âtou. »

3       U peàu Ietu ia âtou i tēnei tekao haapupuà :

4       « O ai te ènana i vāveka o ôtou

        me te naho mutō e ìma tekau,

        anoa ua kaò e tahi me io âtou,

        aha u te e avai īa io te henua me te mutiē

        i te iva ònohuu ma iva no te ùmihi i tēia i kaò,

        tihe atu e koàka mai ia īa ?

5       Ia koàka mai ia īa, i te koakoa, u tautua i hua mutō.

6       I te ava ua hua īa io he haè,

        u haaputuputu i to īa tau hoa, te tau ènana tata me īa.

        U peàu īa âtou : « A koakoa ôtou me au nei.

        U koàka hoì iho nei ia ù te mutō te i kaò. »

7       U peàu au ia ôtou :

        mēìa e tahi anaiho ènana mikeo te i hāìu i te koekoe,

        he mea nui atu te koakoa io he àki

        i to te tau ènana e iva ònohuu ma iva e māmaakau ana

        aòè e hei no âtou te hāìuìa o te koekoe.

8       O ai te vehine me ònohuu moni tarama ta īa,

        anoa ua kaò e tahi, aha u te e haauà īa i te àma

        me te purumi i te haè, e ùmihi mau

        tihe atu e koàka mai ia īa hua moni te i kaò ?

9       Ia koàka mai, u haaputuputu i to īa tau hoa,

        te tau vehine tata o īa, me te peàu :

        « A koakoa ôtou me au nei.

        U koàka iho nei ia ù te moni tarama i kaò. »

10      Atii hoì ta ù peàu ia ôtou :

        U koakoa te tau anera a te Etua,

        mēìa e tahi anaiho ènana mikeo te i hāìu i te koekoe. »

 

11      U peàu hakaùa Ietu :

        « Enā te ènana me tama tokoùa.

12      U peàu te teina i to īa motua : E to ù motua e,

        a tuku mai i te hope taetae e ìò mai ia ù. »

        Ua tūha te motua ia âua i to īa taetae.

13      Mou i muì iho, u haapuke te teina i to īa taetae paotū,

        me to īa hee atu i te henua mamao.

        I èià, ua tūtā pu īa i to īa taetae e pohuè ana māàma koè.

        Ia pao to īa taetae i te tūtā pu,

         ua mate nui īa i te oke io hua henua.

        Aòè he mea to īa no te kai.

15      Ua hano īa e tāvini i te ènana o hua henua,

        te i pahi atu ia īa i te vahi èitā no te tiaki i te tau puaka.

16      U makimaki īa e kai haamaòna i te tau puku

        e kai nei te tau puaka.

        Atià, u te e tuku atu te ènana e tahi ia īa.

17      E kaituto ana io he koekoe, u peàu īa :

        « Tokohia ènana hana io tu ù motua te i kai haamaòna.

        He mea nui te poo haraoa e toe.

        O au â, i înei, ua mate au i te oke.

18      E hua au io to ù motua.

        E peàu au ia īa : « E tu ù motua e,

        ua teka au io te Etua io he àki. Ua teka au io òe.

19      Aòè e hei ia ù e apaìa he tama na òe.

        A āpuu mai me he ènana hana e tāvini ia òe. »

20      No èià, ua īa, ua hua io to īa motua.

        Ia tihe īa i te vahi mamao me io he haè,

        ua ìte te motua ia īa. U mehea te motua,

        u tohuti io te tama, ua hopu mau me te hoki ia īa.

21      U peàu te tama : « E te motua e,

        ua teka au io te Etua io he àki. Ua teka au io òe.

        Aòè e hei ia ù e apaìa he tama na òe. »

22      Atià, u peàu te motua i to īa tau tāvini :

        « A kave mai ponihoo i te kuà o te kahu òoa,

        a haauhi ia īa. A kokomo te koro io to īa ìma.

        A haaoka i te aihū no to īa mou vaevae.

23      A hano i te piha taùtaù me te kukumi.

        A kai tātou, a haaèkaèka.

24      Ua mate hoì tu ù tama nei, enā u pohuè hakaùa.

        Ua kaò tu ù tama, enā u koàka mai. »

        U tīmata âtou i te koìka haaèkaèka.

 

25      Enā io te vahi èitā te tama hāmua o hua ènana.

        I te ava ua hua īa me to īa haatata io he haè,

        ua òko īa i te takiìa o te me te haka.

26      U vevaò īa i tītahi tāvini.

        Ua ūi atu e aha te hakatu o tenā mea.

27      U peàu te tāvini ia īa : « Ua hua mai to òe teina.

        U kukumi to òe motua i te piha taùtaù

        mēìa i koàka mai, nino heòheò to īa. »

28      U pekē nui te tama hāmua.

        Aòè īa e makimaki e tomo io he haè.

        Ua uu i vaho to īa motua,

        u vevaò mai e toutaki ana ia īa.

29      Atià, u haahua te tama i to īa motua :

        « E hia èhua i tēnei u tāvini au ia òe ?

        Aòè au i pūtuì e tahi anaè o to òe tau tekao.

        Koè nui to òe tuku mai e tahi kaiū menē

        no te haaèkaèka me to ù tau hoa.

30      Atià, me hua mai ta òe tama nei,

        te i tūtā pu i to īa taetae me te tau vehine mako,

        u kukumi òe i te piha taùtaù. »

31      U peàu te motua ia īa :

        « E tu ù òna tama e, ua noho òe ananu me au.

        Na òe anaiho to ù tau taetae paotū.

32      Atià, he mea hei te tūha i te kaiìamau me te haaèkaèka

        mēìa i to òe teina : ua mate nui īa, u pohuè mai nei ;

        ua kaò īa, u koàka mai nei. »

 

Comments est propulsé par CComment