Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

TE TAU HĪMENE RITURIA KATORIKO

TE TAU HĪMENE RITURIA KATORIKO

 


                                            E TE HATU, ETUA MOTUA                     A. 1 a

Air : P. 26

1
E te Hatu, Etua Motua,
Na Òe i makimaki
E haatutuki te tau ènana,
Ta Òe tau tama tāhia.

2
A òko mai Òe i te pure
O ta Òe mataèinaa.
Ma òto o tēnei â koìka,
A vaièi mai to karatia.

3
A hooi mai to mātou mikeo,
A haamau to mātou haatià,
Haaoko to mātou tetaì,
To mātou kāòha ia Òe.

4
A toko mai Maria peàto,
To mātou kui haatāhia,
Etià haatià te poì
I to Òe kāòha mai.

5
Te Motua hākāòha mai,
A òko mai Òe te pure
Ta te Kuhane i haatupu
I òto o mātou nui nei.

6
Ta Òe Tama, to mātou Hatu,
O Īa hoì to mātou vaanui,
O Īa hoì te Tekao tiàtohu
Ma te tau tai a tihe ananu.

                                          O TE PUREMETA TE ÙTUNA                   A. 1 b

Air : P. 26

1
O te puremeta te ùtuna
A Ietu io to Īa Motua.
E atoratio ta tātou nei
Ia Ietu i ùka o te peka.

2
E pure nei tātou haapāpaku,
A ùtuna i to tātou Hatu.
Ia too Īa to tātou pure,
U vevete mai te tau veke.

3
Haahou te ùtuna hēaka
Ta tātou i mākaka ia Ietu ;
Haahouìa te tau koekoe
Mea tūtaì ananu me Ietu.

                                               UA TAHE TE VAI TAPU                          A. 2

Sud A. 3                                                                                                      (même air D. 6)

Tah. 77

1
Ua tahe te vai tapu
i ùka o to tātou àe.
U haaìò Ietu ia Īa
e Tama tāhia nui.

Mōumu 
U koakoa nui
to tātou nei hōupo.
I tēnei â i haapao
te Tama ta īa i haaòko.

2
E te Etua meitaì e,
E aotahi mātou,
E too me te koakoa
I ta Òe tau ture.

3
Na te vai tapu oko
Me te tekao mana nui
I haaìò ia ù
E tama no te Etua.

4
E tu ù Motua tāhia,
A tiaki Òe ia ù,
A toko mai, e Ietu,
I to ù nei pohuèìa.

                                                 ÒMUA ATU TE ETUA                            A. 3

cf. Tah. 44 PUHETINI Mimiò

1
Òmua atu te Etua
E ua haamau i to Īa tau ture
I òto o te ènana e,
Me te haamau ananu.

Mōumu
E hakaòko, e āpuu
I to te Etua tau ture.
I èià te Pohuèìa
Me te Pohuè ananu.

2
E ua kaò te henua,
Ua mau hoì te ture.
E haamau te Hatu i te vaetukia
Ia Aparahamo me Moite.

                                                  PUTUPUTU TĀTOU                             A. 4

Le vieux Joe Mione

Ua Pou

Putuputu tātou i òto te Hiero
Mea hahi i to tātou ùtuna kekaa
O te i kave mai te Pohuè ètereno
No to tātou kuhane, no to tātou nino.

A hahi (bis) i te Hatu (bis)
Mana nui io he àki,
To tātou Etua,
To tātou Hakāìki.

                                                       A TOMO MAI                                  A. 5

Mione - Ua pou                                                                                         ( même air V. 76 )

1
A tomo mai tātou nui
Io te Hiero o te Etua
Mea hahiìa to Īa kāìè,
O Īa te Etua Toùtahi.

2
Putuputu mai nei tātou nui
I mua i te o te hātaa
Mea pure i te Hatu,
Te tiaki i to Īa huaa tama.

3
Me tūtaì à me Ietu Kirito,
A tuku atu i te Motua
To tātou ènana tiàtohu
Mea haatae to Īa hīa.

                                                   E TE MATAÈINAA                              A. 6

PCN

1
E te mataèinaa o te Tiaki mutō meitaì,
A tomo i òto o to Òe haèpure !
A kohi i te tau puku o te pohuèìa
Ta Ietu i haakoàna mai !

Mōumu
U haapii mau te Etua
Me to Īa mataèinaa
I òto o te haèpure,
I ùka o te hātaa.

2
A hano tātou, te tau tama o te Etua
I te tau tekao tiàtohu hakaòko
Me te haamau atu i to he koekoe
O Ietu hoì i haamāàma mai.

3
Umoì hoì e pekapeka to tātou koekoe !
A òko ai tātou i to te Hatu èo !
E tekao meitaì oko ta Īa i tuku
Me he kākano io he èpo meitaì.

                                             O IETU TO TĀTOU HATU                         A. 7

T. 175                                                    O vau te Fatu no te rai                   (même air H. 2)

1
O Ietu to tātou Hatu,
O Īa to tātou pohuè.
A hee tātou io Īa
Me te haapāpaku nui !

Mōumu
Ua tomo tātou nui
I òto o te haè tapu.
O īa na te hakatu
O te hiero o te àki.

2
A hahi tātou nui
To tātou Hakāìki !
Haameitaì tātou
Atoratio tātou !

                                                   A TOMO, A TOMO                              A. 8

Tah. 196                                                                                                     (même air V. 37)

1
A tomo, a tomo
i òto te haè
o te Etua mana nui,
A tomo, a tomo !

2
E vahi meitaì
To tātou haèpure.
O te puta o te àki
Pepeùìa no tātou.

3
I te avāputa
Enā te vai tapu.
E haatupu te hopo nui
Ia te kuhane.

4
A āpuu tātou
I te Tekao Meitaì
Ta te Hatu e hakako mai
Mea hākai ia tātou.

5
A tomo tātou
I òto o te hōupo
O Ietu, te ùtunaìa
Io to tātou Motua.

                                                      O TE Â TĒNEI                                 A. 9

Uki                                                       No te hōupo tapu no Ietu

1
O te â tēnei
Te i kātahi ia tātou nei
I te o Ietu Kirito,
Te hōupo vaièi e.

Mōumu
O te haaìò (bis)
E Piimau Hou (bis)
O ta tātou e (bis)
E haameitaì nei.

2
A kātahi à tātou nui
Me to tātou Hatu Ietu,
Io to Īa hōupo vaièi
I te poì kotoa e.

3
A inu à tātou nui
I te vai te e mao.
Me io to Ietu hōupo,
U pūpuhi ananu e.

Mōumu
O te i hoohoo (bis)
Io te vaipuna (bis)
O ta Ietu (bis)
I kātahe anamai.

4
Te hōupo o te kāòha nui
E tūnou anaè ia tātou nei.
Ia tohuti atu tātou
I te Pohuè ananu e.

                                              A TIHE TĀTOU I TE MAU                       A. 10

Uki

A tihe tātou i te mau o te Arenio,
Ua iho me i ùka te mau ètereno.

1
Ua vii te keèe na te Hatu,
A pei tātou kotoa no te mau.

2
Tuutehē au i tu ù kahu koè no te mau
Ma te penitenia, te hoko i to kahu.

 

                                          UA VII TE KEÈE NA TE HATU                   A. 11

Uki - Roo

Ua vii te keèe na te Hatu
I ta Īa òna Èkaretia
I te aomāàma nei.

Me haamau Òe i te mikeo
E te Hatu e, na ai te  ?

Haahuaèkaèka atu nei mātou
I to Òe ikoa e te Hatu !
Me ta Òe òna Èkaretia (e tahi)
A tihe to Òe keèe
I mua o te poì èteni !
Ia te haatià mau !

Ua ìte Òe i te maakau
Io he koekoe o te ènana.
Na ai te ia Òe (e te Hatu e) ?
Ua tuku mai Òe
ta òna Tama Tāhia ;
Ua mate io he peka i ia mātou.

O Òe te tumu o te vaièi,
O Òe te tumu o te karatia,
E te Hatu, io Òe te pohuè ananu.

Ua haamau Òe i te haraoa
Me te vino mea na mātou,
Ta Òe òna Èkaretia (e tahi)
Èkaretia e tahi,
Èkaretia peàto,
Àpotoro, katoriko.

                                                   A HAHI I TE HATU                            A. 12

1
A hahi i te Hatu,
Ma tēnei puremeta,
Te ùtunaìa mana nui
I to tātou Hatu, o Ietu Kirito.

2
A mave i te Hatu
Ma te pure me te hīmene,
Te poì kiritiano,
Te tau tama no te Èkaretia !

3
A òko, e te Hatu
I ta mātou apeìa !
A kāòha, a toko mai Òe !
A vaièi mai te pohuè ananu !

                                                 TE ETUA MANA NUI                           A. 13

Uki - Roo

1
Te Etua Mana nui,
Ia Òe te kāìè me te hahi
O mea hakātahi.

2
Te Etua Mana nui,
Ia Òe te kāìè me te hahi
O mea hakātahi.

3
Te Kuhane Meitaì,
Te haatee me te moû
o mea hakātahi.

A tiòhi me te meitaì i te Vikario
Me to Òe Èkaretia
I òto o te aomāàma viipū !
A haataetae i to mātou Èpikopo tāhia,
To mātou motua kuhane haamāàma,
A haatee ia īa !

A tiòhi me te meitaì i te Èkaretia
i òto o te tai moana Patitifa !
A haataetae to mātou Henua ènana !
A vaièi mai to Òe kāòha !
A toko mai Òe ia mātou !

A tiòhi i te haatià o te Èkaretia

Me te haatahi ma te aomāàma viipū !
A haamaakau i to Òe kāòha nui ia mātou !
A haaneke i te Evanerio
Ma nā henua kotoa !

                                              O AU TE HATU O TE ÀKI                       A. 14

Tah. 175 - Sud D. 6                                                                            (même air A. 2 et D. 6)

Air : Hooumi

1
O Au te Hatu o te àki,
Te Tiaki mutō meitaì
Te i vaièi i to ù pohuè
I te huaa mikeo.

2
Ua iho mai Au, me io he àki
No ôtou mea vevaò.
E ùmihi, e haahua mai au
O te i titii i te pohuè.

3
U hooi au to ù toto
I to ôtou tau hava.
A ìò mai ôtou mea hoa
No ù me to ù Motua.

6
Na te hakaòko, na te haatià
I to ù Evanerio
I aahi atu i te ènata
Tihe atu i no he àni.

4
U haatū au no ôtou
I te Èkaretia e tahi,
Mea haamau i te Tiàtohu
Mea haakoè i te tipaì.

7
O ta ù i ape atu
I to Motua mana nui,
A tūtaì ôtou nui
I to he Èkaretia e tahi.

5
To ôtou i èià,
Te tau â e pohuè i àò nei,
O to ù tino tiàtohu
He tekao tipaì koè ta ù.

8
Auē ! Ietu ! To koakoa,
Ua au me to Èkaretia.
A haamau Òe ia ù i òto,
A tihe atu au i no he àki.

                                            A HEE MAI TĀTOU PAOTŪ                     A. 15

Hooumi

1
A hee mai tātou paotū,
E te poì kiritiano !
A tomo, a tomo
Tātou i òto o te haè o te Etua !

2
A heau tātou i ùka !
E èva aa to tātou Hatu
Io he peka me te mata nui
I te huaa ènana i òto o te mikeo.

3
E aha to tātou e tuku atu ia Īa
Mea haakoè to Īa  ?
To tātou òna kuhane
Ia meitaì ta Īa i makimaki.

                                                  O IETU TO Ù HATU                           A. 16

Sud D. 7 Hatiheù                            O Ietu to ù Hatu, o Ietu to ù Etua.

1
Òe e te mataèinaa,
A hahi à i to Òe Hatu
Ta te àki i vaièi mai !
Te kāòha anaè, te moû.

2
Koè nui i pōpahi mai
Ta te Etua, te Motua
I ta Īa iho Tama
Haahika i te aomāàma.

3
O to te Etua hīa,
A pohuè te aomāàma
Ma te haatià i ta Īa Tama.
Koè e hika i te haavā !

4
O ta ù te haatià atu
I ta te Etua i tekao mai.
No te pohuèìa ananu
Ma te kai to Īa iho nino.

5
O ta ù te haatià atu
I ta te Hatu i vaièi mai.
O to Īa iho pohuèìa
Ma te vai o te papatema.

                                                   E TE POÌ HAATIÀ                             A. 17

Tah. 92 - H.P. 348                                        E i te pure tutia

1
E te poì haatià,
A moemoe haatona !
A atoratio atu
Ia Ietu te Kirito !

Mōumu
O Ietu to tātou Hatu,
To tātou Haapohuè.
E hakako mai ia tātou
Te Vaanui Meitaì.

2
Ua tihe me i ùka
Mea ùtuna te nino,
Mea ùtuna te toto
Io to Īa Motua.

3
E te Etua Motua e,
A tiòhi mai Òe
I te toto mana oko
o to Tama, o Ietu !

                                                 KĀÒHA I TE MOTUA                          A. 18

Roo

1
Kāòha i te Motua
Te i pēpena ia ù nei,
Te Tama i haapohuè mai,
Te Kuhane i haameitaì mai.
Kāòha i te kui
I hopu i to ù pohuè,
Te huaa ia ôtoa.
Kāòha tātou e.

2
Te tau tuàne tuehine,
A hahi tātou nui
I te kāìè o te Motua
I pēpena i te mea hakātahi.
Ma òto o to Īa kāòha nui,
U pahi mai i te Tama
Na te mana o te Kuhane
I òto o te kui virikine.

                                                   HĪMENE ÈPIKOPO                            A. 19

Heiau

1
Te Etua mana nui e,
U tiòhi me te meitaì
I to Òe mataèinaa,
Te Èkaretia a Ietu.

Mōumu
Haatāhia, e te Hatu e,
I to mātou nei Èpikopo,
To mātou Motua tiaki
Ta Ietu i pahi no mātou !

2
Ma io te hana èpikopo,
Na Ietu te hakako mai nei,
Na Ietu te haatee mai,
Na Ietu te haatapu mai.

3
A haataetae Òe
to mātou Henua ènana !
A tapavaù te kāòha,
Te moû me te haatià !

4
E te Motua Èpikopo,
Eīa nei ta òe tau tama !
Aahi mai òe ia mātou
Io Ietu, te Haapohuè !

                                                   HĪMENE ÈPIKOPO                            A. 20

Air : Tahiti

1
A hahi tātou i te Etua,
Te hākāòha ia tātou,
Te tiòhi me te meitaì
To Īa òna motuhaka.

Mōumu
O òe, te Èpikopo e,
To mātou Motua Tiaki
Ta Ietu i pahi no mātou
No te haamāàma mai.

2
U āpuu mātou ia Ietu
Ia tihe òe io mātou.
A hakako mai i te kāòha,
Te haatià, te moû.

                                                  U VEVAÒ TE ETUA                           A. 21

Léone - JMJ. 97

1
U vevaò te Etua
Ia tātou tikitahi.
Ua vae te Etua
Ia tātou tikitahi,
No te hakaòko ia Īa
Me te noho me Īa.

Mōumu
A tū, e te motuhaka,
A utaì ia Ietu !
O Īa te vaanui,
O te Tiàtohu
Me te Pohuè.

2
U kāòha te Kirito
Tihe i te matena.
U tāvini te Kirito
Tihe i te paona,
No te vevaò ia tātou nui
Ia utaì me Īa.

3
U hakako te Kirito
(i) te poì haatià.
U puàha te Tekao
I to tātou pōtako,
No te haaìò ia tātou
He tama no te Māàma.

4
E tuku mai te Motua
(i) te Kuhane Meitaì.
O te tumu me te kuà
O te vaièiìa
No te haatapavaù
Te nino o te Kirito.

                                               TE TUMU O TE POHUÈ                        A. 22

Ioteve - TVP

O Ietu te tumu o te Pohuè.
Te Hatu, te Etua,
Teka koè, piò koè
Te Tiketike peàto nui, o Ietu Kirito.

E Hakāìki Òe no te tau hakāìki,
E Hatu no te tau hatu.
Ia Òe te Māàma,
Te Kāìè me te Mana.

                                                  TO MĀTOU MOTUA                           A. 23

Ioteve - Hakataò

1
To mātou Motua,
To mātou Pēpena,
Motua i te kāìè,
Motua i te kāòha,
Ia mātou poì mikeo.

Mōumu

He moû, he kāòha
To hakatu, e te Hatu.
U haataetae ia mātou.
He moû, he kāòha ananu.

2
E Ietu Pohuè,
To mātou Hatu e,
Etua Haapohuè,
Etua i te kāòha,
No Òe mātou paotū.

                                               TO TE HENUA ÈNANA                         A. 24

1
To te Henua ènana, a tū ! (bis)
No te hahi me te ape i te Hatu.
O Īa te tumu o nā mea kotoa.
Na Īa e aahi, na Īa e toko
I te huaa ènana atii me te poì hou.

2
To te Henua ènana, a tū ! (bis)
No te tohe i te hana me te ūo,
O īa te tumu o te pohuè hou,
No te haahee te òko o te henua
I vāveka nui ahau o te ao nei.

3
To te Henua ènana, a tū ! (bis)
No te heke me te hoa tupuna,
O īa te êà no te kave kāìè.
Na âtou e aahi, na âtou e toko
Te pohuè kanahau no nā â kotoa.

                                               A KOAKOA, ALLELUIA                        A. 25

I. 214 - CNA n°493

1
A koakoa, alleluia, tātou paotū, alleluia !
E hākāòha Ietu ia tātou. Alleluia, Alleluia !

2
A hahi tātou - i te Kirito.
A meitaììa to Īa ikoa.

4
Ua tū Ietu - me io te ana.
U pohuè Īa no te tai ananu.

6
U vevaò mai - Ietu ia tātou
No te kainamau o te Kāòha.

3
Ua mate Ietu - i uē ia tātou
U tuàki Īa i te matena.

5
O Īa te Hatu - te vaanui,
Te Tiàtohu me te Pohuè.

7
A tāpī òe - i to kuhane
A pei tātou no te koìka.

                                                A ITI ANANU MĀTOU                            B. 1

1
A iti ananu mātou
I mua i to Òe
A mā me he vai hōata ! (bis)

Mōumu
Hohoàìa mai nā îìma
I to Òe aò, e te Hatu,
Mea ùtuna te aomāàma
E koakoa nui ta mātou.

2
A pei ananu mātou
I te tueni
I te huaa ènana (bis).

3
A iti ananu mātou
I mua i to Òe aò
Āua te uē, a pī i te koakoa (bis).

4
A toko atu toko mai
Tātou paotū
I no he vaanui meitaì (bis).

                                                  A ÀVE TĀTOU NUI                              B. 2

Sud B. 3

1
A àve tātou nui
I to tātou ùtuna
I ùna o te fātaa
O tēnei faraoa.
He puku o te fenua
I hanaîìmatia.
A ìò mai
Mea faraoa pohoè.

2
A àve tātou nui
I to tātou ùtuna
I ùna o te fātaa
O tēnei vino.
He puku o te kāhui
I hanaîìmatia.
A ìò mai
Mea inu kuhane.

3
Na hua ùtuna
I haakoàna mai
I te meitaì
O te ùtunatina
Ètereno nui noa
Ta Ietu i no he peka,
E hēaka i èià,
He tauà nui.

                                                 A KAVE TĀTOU NUI                             B. 3

Nuku-Hiva

1
A kave tātou nui
I to tātou ùtuna
I ùka o te hātaa
O tēnei haraoa.

3
A kave tātou nui
I to tātou ùtuna
I ùka o te hātaa
O tēnei vino.

5
Na hua ùtuna
I haakoàka mai
I te meitaì
O te ùtunaìa.

2
  He puku o te henua
  I hana îìma ìa ;
  A ìò mai mea haraoa
  Mea haraoa pohuè.

4
He puku o te kāhui
I hana îìma ìa ;
A ìò mai mea inu
Mea inu kuhane.

6
E kāòha anaè
Ta Ietu io he peka ;
E hēaka i èià
He tama, he tauà nui.

                                                         E IETU                                     B. 4

Tah. 105 bis (Médéric)

1
A āpuu mai, e te Hatu
I tēnei haraoa
Puku no te henua
Hanaìa e te ènana
Ia ìò e oà kuhane.

Mōumu
E Ietu oà,
Te i vahiìa
No te ao hou
Te tiketike, te kāìè,
Ia haameitaììa Òe.

3
A āpuu mai, e te Hatu
I tēnei vino
Puku no te henua
Hanaìa e te ènana
Ia ìò e inu kuhane.

4
A pahi mai Òe, e te Hatu
I to Kuhane Tapu
Ia haatapu mai Īa
I tēnei ùtuna
Ia ìò e nino, e toto no Òe.

                                             E AHA TA Ù E TUKU ATU                        B. 5

                                 (On peut chanter à l’offertoire ou en chant d’action de grâce).

1
E aha ta ù e tuku atu
I te Hatu to ù Pēpena ?
O īa anaiho o tu ù hōupo
Me tu ù pohuè.

2
Ia ao mai Òe, e te Hatu
I tēnei vaetukia.
A too mai Òe i to ù kōhoà
I te kāòha ia Òe.

3
To Òe nino, to Òe toto
E mea taìtaì to Òe mata
Ta mātou e haamaakau
Ma òto o te ùtuna.

                                                  A TUKU I TE HATU                             B. 6

Tah. 64

1
A tuku i te Hatu
To tātou ùtuna
 Me te haameitaì atu
 Ia Īa aneiho
 Te hakatu vaièi
 Me to Īa meitaì.

2
A too te hakatu
Ta Ietu i tuku mai.
A hahi i te Motua
To tātou pēpena
Kātahi tātou nui
No te hee me Ietu.

3
E Ietu Kirito e,
U haatià mātou
He Etua tiàtohu,
He Etua mana Òe ;
E utaì mātou
Ma muì o Òe.

                                         E TE HATU HE KOAKOA TA Ù                     B. 7

Sud B. 1                              Seigneur mon Dieu, d'un cœur simple et joyeux

Mōumu : E te Hatu, he koakoa ta ù te vaièi atu.

1
Tēnei haraoa
Ta mātou e kave atu
io he hātaa.

2
Me io Òe mai
Nā mea meitaì
Hakātahi.

3
Tēnei vino hou
A ìò ai mea toto
no Òe, e Ietu.

4
To mātou ùtuna
Ta Òe i vaièi mai
ma to îìma.

                                                   ĀPUU, E TE HATU                              B. 8

                                                                   Prends ce pain

1
Āpuu, e te Hatu,
I tēnei haraoa
ia ìò e nino no Òe.

2
Āpuu, e te Hatu,
I tēnei vino
ia ìò e toto no Òe.

3
Āpuu, e te Hatu,
i tēnei îìma
Ia hakatu me to Òe îìma.

                                                     E TUKU NEI AU                                B. 9

E tuku nei au i tēnei haraoa

I ùka o te hātaa, e tu ù Motua e.

E tuku nei au i tēnei ipu tapu

I ùka o te hātaa, e tu ù Motua e.

Me i to Òe vaièi mai, te hana ènana,
A ìò ai he oà no te pohuè hou !

Me i to Òe vaièi mai, me i te hana ènana,

A ìò ai he inu no te pohuè hou !

                                           TE ETUA MOTUA MANA NUI                      C. 1

O te Hatu (bis) mana nui, (bis) O te Hatu mana nui.

1
Te Etua Motua mana nui,
No Īa te tau mea ia ôtoa.

2
A noho muò atoratio atu
Ma te ìi to òe kuhane.

3
E tueni e, kāòha atu ia Īa
Ma to kuhane, ma to ènana tiàtohu.

                                                E HAAMEITAÌ NEI AU                           C. 2

E haameitaì nei au ia Ietu Kirito,

Ia Òe Ietu e, to mātou Hatu e.

E Ietu e, to ù Toko.

A āpuu mai ia mātou nei

I tēnei â koakoa

Ma te tau tai ananu e.

                                                  O IETU TO Ù HATU                             C. 3

1
O Ietu to ù Hatu,
Te tiaki meitaì ;
Na Īa e aahi ia ù
Ma he vaanui tiàtohu.

Mōumu
E haameitaì nei au e
I te Hatu mana nui,
To Īa hōupo tapu
Ma te tau tai ananu.

2
O te kāòha te Etua
Me te aotahi atu
I ta Īa tekao,
Te taetae tiàtohu.

                                                      E HAATIÀ AU                                  C. 4

Heiau

1
E haatià au i te Etua,
te hākāòha mai i te tau ènana.
I òto te àì me te tau kōhii,
e haamau Īa i tu ù haatià.

3
E kāòha nei au i te Etua,
Io he koekoe me i te â, me i te .
He moû me te uē to Īa hakatu ;
e haamau Īa i tu ù kāòha.

2
E tetaì nei au i te Etua,
te haataetae i to ù pohuè.
Io te pūpūkina me te mea ìno,
E haamau Īa i tu ù tetaì.

4
E tūtaì nei au me te Etua
Mea tāvini atu i tu ù tau hoa.
To Īa makimaki, eīa tu ù oà.
E utaì nei au i te Etua.

                                                    E IETU TE TAMA                               C. 5

Ruita                                              Ô Seigneur, tu es l'Agneau divin.

1
E Ietu te Tama Etua,
E poì mātou paotū ;
A āpuu meitaì
I to mātou kōhoà ia Òe.

2
E meitaì te Hakāìki
Ma nā henua hakātahi ;
Me to Òe karatia
Te pohuè no mātou paotū.

3
E tuku atu mātou ia Òe
I te kuhane me te hōupo.
E ùtuna atu ia Òe
To mātou ènana tiàtohu.

                                            TE KĀÌÈ I TO TĀTOU ETUA                       C. 6

Stuart K. Hine Heiau

1
Te kāìè i to tātou Etua,
Te Motua hākāòha nui,
Te pēpena i te huaa ènana
No te kāòha me to Īa pohuè.

2
Te kāìè i te Kirito, Ietu,
Te Hēaka, te Haapohuè,
Te upoo o te Èkaretia,
Te Hāmua o te poì nui.

Mōumu
E hahi nei mātou ia Òe,
E te Fatu mana nui, (Te Etua Toùtahi)
Te tuku mai i to Òe vaièi,
Te kāòha me te moû.

3
Te kāìè i te Kuhane Meitaì,
O te tumu no te hana kāòha,
Te i haatū i te ata Etua
Io tātou, tau tama tāhia.

                                       E AHA À TA Ù E TUKU I TE HATU                  C. 7

Tah. 50 - Sud M. 14

1
E aha à ta ù e tuku i te Hatu
No to Īa tau hana meitaì nui ia ù ?
E kāòha nei au i te Etua mana
Te i hakaòko mai ta ù i ape atu.

2
E tekao tiàtohu te hana meitaì nui
Ta te Hatu i hana me to Īa hakatu.
U vevete Īa ta ù nei tau mikeo,
O Ietu to ù Hatu, o Īa anaè.

Mōumu
E too au i te ipu pohuè.
E vevaò nei au
I te ikoa o te Hatu.

3
U tetaì au ia Òe, e te Hatu,
Umoì e hakaìka, ua ìò Òe ia ù
Mea mōuka pāpua ; i pohuè ai au
Me io te enemī, te kuhane ìno.

                                         EĪA MAI NEI IETU EMANUERA                    C. 8

Sud M. 11 Hatiheù

1
Eīa mai nei Ietu Emanuera,
Te Etua i vāvena o tātou !
A haatiketike, atoratio tātou ia Īa ;
O Īa te tumu o te tau meitaì (bis) paotū.
A atoratio tātou !

3
E Ietu Eukaritia, ia Òe to mātou kuhane,
To mātou hōupo, to mātou tino ia ôtoa ;
A tiaì mai i to he meitaì (bis) anatu !
E Ietu e, a āpuu mai.

2
Ietu, te mau o te koakoa,
U haameitaì Òe ia mātou ;
E aha ta mātou e àve atu io Òe
No to Òe kāòha mai (bis) ia mātou,
E Ietu, e aha à ?

4
Ietu, a haameitaì mai i to mātou heetina !
A tuu mai Òe ia mātou hakātahi
Te haatià, te hakaòno (bis) me te kāòha.
E Ietu e, a haameitaì mai.

                                                           TE KĀÌÈ                                      C. 9

Donna Adkins                                 Nous t'adorons, nous t'aimons

Te kāìè ia Òe, e Ietu e,
te Arenio o te Etua,
ùtunaìa no te tau ènana,
te Haapohuè no mātou.

E te Hatu haaènanaìa,
te Hakāìki hākāòha,
a ìò ananu tu ù kuhane
me tu ù nino no Òe anaè.

                                                     ÙTUNA NEI AU                               C. 10

E tuku nei au

1
Ùtuna nei au i to ù pohuèìa
I òto to ìma, e tu ù Etua e.

Mōumu
Hāìu mai to aò, a tiòhi mai to mata,
Tuku mai to kāòha i òto ia mātou.

2
Hohoà nei au i to ù nā îìma
No te pure io Òe, e tu ù Etua e.

                                                      UA NOHO ÒE                                C. 11

Mus. des Andes

Heiau

1
Ua noho Òe me mātou paotū
no te haataetae mai
i te ènana haatià tohe mau.

2
No Òe mātou, no Òe ananu.
Ia tūtaì mātou me Òe,
e tapavaù te tau hana kāòha.

Mōumu
E te Hatu e, io Òe te koakoa nui,
te māàma, te vahi maù.
A tiaki meitaì i ta Òe tau tama tāhia.

3
E tuku atu mātou ia Òe
te kuhane me te hōupo
me to mātou ènana tiàtohu.

                                                   E AHA TA MĀTOU                            C. 12

Heiau

1
E aha ta mātou e hana
no te haahuaèkaèka,
no to Òe tau hana kāòha
ma io Ietu, to Tama tāhia.

E te Hatu Etua,
no Òe hoì mātou...  ananu
ua tuku atu mātou ia Òe.

2
E tu ù Etua meitaì,
e kāòha ta ù nei ia Òe,
io he koekoe, io he ate,
io he hōupo, io he menava.

O Òe te Poèa,
o Òe te Meitaì ... ananu,
i uē ai au ia Òe, te Hatu e.

3
A hahi, a kāìè ananu
i te Etua mana, te Pēpena,
me ia Ietu, te Tama Tāhia,
me i te Kuhane Meitaì.

Te hahi, te kāìè
i to tātou Etua... Pohuè,
i tēnei ma te tau tai ananu.

                                                        EĪA MĀTOU                                 C. 13

Heiau

E te Hatu e, / no Òe mātou nei / A too Òe ia mātou / no to Òe kāìè.

1 Eīa mātou, ta Òe tau tama

2 Eīa to mātou nino

3 Eīa to mātou hōupo

4 Eīa to mātou kuhane

a āpuu Òe ia mātou

a āpuu Òe ia mātou

a āpuu Òe etià e taìtaì ananu

a tūìka iho me to Òe māàma

i òto o to Òe kāòha.

i òto o to Òe kāòha.

i òto o to Òe kāòha.

i òto o to Òe kāòha.

                                                     E ÙMIHI NEI AU                                D. 1

1
E ùmihi nei au i to ù Hatu
Ma te tau vahi ia ôtoa.
O ta mātou e vevaò nei :
Ietu, a hee mai io mātou nei.

2
E Ietu e, eīa Òe
Ma òto o te Eukaritia
O ta Òe i ùtuna no mātou
Io to Òe Motua.

3
U peàu mai Òe, e Ietu e,
O te i kai me te inu
I to ù nino me to ù toto,
E pohuè ananu to Īa.

                                                E IETU, E TE HATU E                            D. 2

Uki

1
E Ietu e te Hatu e,
Te puna te i hoohoo
No te hopi, te tātihi
No te oke, te oà.

Mōumu
Ia nui te hīmene
Me te koakoa nui,
E te poì veve e,
Ia Ietu Kirito.

2
O Ietu te i hākai mai,
O te i hākai mai me te oà pohuè ;
A tihe tātou me te hīmene
I to te àki hana mana.

3
To Nino, e Ietu e,
Te oà ètereno
No te i keèeìa e,
No te mau o te Arenio.

                                                    O TE EUKARITIA                               D. 3

H.P. 345   Hiva-Oa

Mōumu : Ia Eukaritia te haraoa me te vino ;

Koè nui te haraoa, koè nui me te vino.

1
O te Eukaritia,
E takarameta nui,
Avaina tiàtohu
O Ietu te Kirito.

2
Ua nino, ua toto,
O Ietu te Kirito ;
U tiòhi, u maòhi,
Te ìteìa anaè.

3
Ia kai te ènana
I te Eukaritia,
Ua kai te ènana
Ia Ietu te Kirito.

4
Ia hano te ènana
I te Eukaritia,
A titii te mikeo,
A uē i te Etua.

                                         KOÌKA PEÀTO TE EUKARITIA                     D. 4

Ruita

1
Koìka peàto te Eukaritia,
Ua ìò hoì to tātou ùtuna
Te Nino, te Toto, te Kuhane Etua ;
To tātou Hatu, o te Kirito.

Mōumu
Ua tuku Ietu e,
I to Īa nino mea oà
I òto o te kōmōniō.

2
Maòhi Ietu te ipu me te vino ;
U peàu mai, to ù Nino tēnei,
Te Nino, te Toto, te Kuhane Etua,
To tātou Hatu, o te Kirito.

                                             UA HAAHŌHONUÌA IETU                         D. 5

Sud D. 5 - Ua Pou                                        Temps de Noël

1
Ua haahōhonuìa Ietu
No to Īa hana meitaì.
Ua haahōhonuìa Ietu
No to Īa kāòha mai.
O Īa te tihe mai
Me i òto (o) to Īa Kui.
A koakoa tātou
I to Īa meitaì.

Mōumu
Ua hano tātou ia Ietu, o te Hakāìki.
A pakaihi o Īa hoì, o Emanuera.
A pakaihi i te Etua mana.
A hahi te Hakāìki
Te iho mai me i ùka o te àki.
A hahi tātou ia Ietu !
A hahi tātou, a hahi to tātou aahi,
A hahi tātou, a hahi !

2
Kāòha tātou ia Ietu,
To tātou Hakāìki.
Kāòha tātou ia Ietu,
To tātou Haapohuè.
O Īa te Tama Tāhia
Te i tukuìa mai.
A koakoa tātou
Te tama a Maria.

                                                 O AU TE OÀ POHUÈ                            D. 6

Ruita                                                                                                            (même air A. 2)

1
O Au te oà pohuè.
O te i kai i to ù nino,
O te i inu i to ù toto,
 No īa te Patirēia.

Mōumu
O Ietu te oà pohuè
O to tātou kuhane.
E Ietu, a ihi mai Òe,
To māàma me te moû.

2
E Ietu, u tīèpoìa
To mātou òna kuhane.
U haatahi ananu Òe
I te huaa kotoa.

                                               U TIHE MAI ÒE E IETU                           D. 7

H P. 345 - Ruita

1
Te Eukaritia
E takarameta,
Avaina tiàtohu
O Ietu Kirito.

2
Ia Eukaritia
Te haraoa me te vino ;
Ua nino, ua toto
No Ietu Kirito.

3
A haatata tātou
Me te Eukaritia,
Me te uē me te hopo,
E òna me meitaì.

                                                  MAMAU TE ÈNANA                             D. 8

1
Mamau te ènana e āpuu ia Ietu
Me to īa tau kōhoà me to Īa tekao.
E koàka ia īa te hakatu māàma
vāàna te tama a te Etua.

2
Mamau te ènana e tiòhi ia Ietu,
u pāokapekaìa no tātou tikitahi.
Me i to Īa hōupo tīputaeeìa,
ua tahe te Kāòha tiàtohu.

3
Mamau te ènana e kāòha ia Ietu
ma to īa tau maakau,
atii me te hana ;
e kouâ haatià no te Hatu pohuè
te i haataetae ia tātou.

Mōumu
A hahi tātou me te kāìè
ia Ietu, te Hakāìki ;
o Īa nei te vaipuna o te Pohuè,
te Etua te noho me tātou.

no te kōmōniō
A too tātou te oà tapu
o Ietu, te Hakāìki,
o Īa nei te Pohuè
me te Kāòha,
te Etua te noho me tātou.

4
Mamau te ènana e utaì ia Ietu.
E kave īa i te peka o te Evanerio,
aòè īa e taha io he vao pōtako ;
ua vae i te Tumu o te Māàma.

                                            UA IHO MAI TE OÀ POHUÈ                       D. 9

cf. Tah. 102 - Ruita

air ancien

1
Ua iho mai te oà pohuè,
Te oà no te kuhane.
A āpuu me te toitoi noa
I te nino, te nino o te Kirito.

A noho muò (bis)

Me te toitoi ; (bis)

A pakaihi (bis)

Me te āpuu ;(bis)

Atoratio (bis)

Ôtou ia ù, (bis)

A tohuti mai io he haè Motua.

2
Te ènana ua kai to ù nino,
Ua inu i to ù toto,
Ua noho Au i òto o īa,
Ua noho īa i òto o Au.

                                                   O TE KAI POHUÈ                             D. 10

Tah. 114 - Uki

1
O te kai pohuè
Iho mai me io he àki mai.
E kai kuhane
Ta ù e katièe nei.

Mōumu
Aòè au e taetae
I te aomāàma nei.
E mea koè vave
Te meitaì, te moû. 

2
Ua ako atu hoì au
I to te henua koakoa.
Nui ananu to ù kōhoà
Me to ù hopohopo.

                                                 E OÀ POHUÈ TĒNEI                           D. 11

Tah. 110 - Ruita

E oà pohuè tēnei

Te i iho mai io tātou nei,

O ta Ietu i haaìò
e nino, e oà kai.

A hahi e nā hoa

To Īa nino e mau pohuè.

E koìka kanahau,
A hahi tātou nui.

A hahi tātou ia Ietu

I òto te Eukaritia ;

O to tātou Haapohuè,
Te Pohuè ètereno.

                                                    AUĒ TE KŌHOÀ                              D. 12

Air Tahiti - Toatini

Auē te kōhoà,

O Òe e Ietu,

I to ù koekoe

Mea haè no Òe.

Ua ihi Òe e Ietu

Io he puho tapu

Tetaì ana i to ù kaiape atu,

Mau ana i te kaimau.

O te i kai i to ù nino,

O te i inu i to ù toto

E pohuè mau ananu.

                                                IETU E, ÒE TE KIRITO                         D. 13

Tahiti

1
Ietu e, Òe te Kirito ;
Vaièi mai to Òe kāòha
I ùka o mātou nei
No te noho me Òe.

3
Ietu e, Òe te Pohuè ;
Tuku mai to Òe nino tapu !
E oà no mātou nei
No te pohuè me Òe.

2
Ietu e, Òe te Vaanui ;
A pahi mai to Òe Kuhane
I ùka o mātou nei
No te taha me Òe.

4
Ietu e, Òe te Mana nui ;
Tiiki mai to Òe toto mana !
E inu no mātou nei
No te hana me Òe.

                                               TIHE MAI ÒE E IETU E                         D. 14

Taipivai

U tihe mai Òe, e Ietu e,

Ma òto o te kōmōniō

Mea hākai to mātou kuhane veve

Me te haapī me te karatia.

E Ietu e, (bis)

Tu ù hoa pii, (bis)

U tūtaì,

Tūtaì tāua.

U tihe mai Òe, e Ietu e,

No te noho me mātou nei ;

Ma te ìma o te perepitero,

Ma te mana orotinatio.

                                                    E TOI IA MĀTOU                             D. 15

Tah. 113.1 - Mauia

Mōumu
Mave mai Òe, e to ù Hatu e,
E kōhoà nei te hōupo ia Òe ;
Mave, mave mai. (bis)

1
E toi ia mātou to Òe kāòha
Te ùmihi nei i te koekoe aumiti.

3
Te Haapohuè, Òe e Ietu e,
I tukuìa ia pohuè te ènana.

5
Te Tuhuka mana, Òe e Ietu e,
Te pupuà mai i te maakau pōtako.

7
Te punavai nui, Òe e Ietu e,
A hāinu mai hua vai taetae oko.

2
Te Tiaki mutō, Òe e Ietu e,
Te aahi mai me i te vao maù nui.

4
Te oà pohuè, Òe e Ietu e,
Te haakoè i te tau oke paotū.

6
Te Tātihi moû, Òe e Ietu e,
Te àpau mai i te koekoe takapii.

8
E noho nei Òe ananu me mātou
A vaièi mai te koekoe kāòha.

                                                O AU TO ÔTOU ETUA                         D. 16

Tah. 182 - cf. Tah. 89.1

Ruita - cf. Sud M. 6

1
O Au to ôtou Etua
Pohoè tiàtohu.
Ua hei to ù kāòha
Me to ù mana nui.
Ua ìò te koìka.
O Au tiàtohu
Me he ìòtina i Kana
Te vai mea vino e.

Mōumu
O Au te oà pohoè
O te iho mai me io he àni.
O to ù mau e tuhaè.
O to ù Nino tēia,
E inu i to ù Toto,
E mau tiàtohu to ù Nino.
O te i kai ia Īa
E pohoè nui ananu.

2
Ua pao te hana mana
O to ù haaìte.
Ua tuu Au ia ôtou
Te Arenio tiàtohu.
O to ù Nino tēnei
Te i vahitia.
O to ù Toto tēnei
Te i haatahetia.

                                                     E OÀ TIÀTOHU                               D. 17

Tahiti - Mimiò

E oà tiàtohu

te Nino o Ietu ;

O te mana

No Ietu, Ietu Kirito.

U haaìòìa hoì

To Īa nino mea oà

E vai nei ma òto o te Eukaritia ;

O te èhu haraoa te i ìteìa,

O Au anaiho te tama hou i tihe mai.

                                              O ÔTOU NEI, A MAHAÒ                        D. 18

Uki - Tonga

1
O ôtou nei, a mahaò
To tātou Etua
Haapupuni ma aò
O te Eukaritia.

Mōumu.
O Ietu (bis) te Hatu (bis)
U kāìè (bis) a Tiona (bis)
E Arenio Pakate,
E ìò he Eukaritia.

2
Ua pāìa Òe
I òto o te takarameta.
E kai vaanui
No te ènana hee.

3
E ata, te kāìè me te tāhia nui ;
Pukanā atu, pukanā mai, O te Hatu Etua.

4
Tama tāhia Òe, u pukanā Òe, e to ù Hatu,
Òe ìki haapohuè no te ìi koè.

       

                                         UA IHO MAI TE ARENIO MANA                  D. 19

Tah. 102-2                                                                                                 (même air D. 30)

Ua iho mai te Arenio mana,

O īa hoì o Emanuera.

O te i kai tēnei haraoa

No Īa te pohuè ananu e.

E kave tātou

To tātou ùtuna e,

I ùka te hātaa o te Arenio,

He puku te henua.

O tēnei vino,

O to ù toto mana,

Io ù te pohuè,

Io ù te ùtuna.

———————————————————————————————————————————

E

kave tātou

To tātou

ùtuna e

I ùka

te hātaa

He puku

o te henua

e kave tātou

e kave tātou

tātou ùtuna

io te hātaa

o te tapu kai.

o te Arenio

o te henua

o te henua.

O

tēnei vino

O to ù

toto mana

Io ù

te pohuè

Io ù te

te ùtuna

o tēnei vino

o tēnei vino

toto mana

toto mana

te pohuè.

io ù te pohuè

ùtuna mai

te ùtuna.

                                           O ÒE E IETU, TE OÀ POHOÈ                    D. 20

Hapatoni

1
O Òe Ietu, te oà pohoè
Iho mai me io he àni.
O Òe te oà i vahitia
No te aomāàma hou.
U tāfai Òe i te tau faètoa
I te fenua ataha ;
E ìma faraoa, e ùa
i te tāfai ia mātou nui.

Mōumu
Ua too hoì Òe (bis)
Nā faraoa (e me nā ).
U feau to mata i no he àni
Me to Òe (penetitio atu)
Me te vahi (nā faraoa)
U tuu atu (e tuu atu)
I te tau kouâ me te tuha
I te tau faètoa (i te fenua ataha).

2
Oi nei to hana mana
To mua, e Ietu e,
I ùna o te faraoa.
I tēnei tau â e,
Ua ìò hua faraoa (hua faraoa)
Mea tāfai to mātou tau kuhane veve
Mēìa ma òto o te puremeta,
U koè nui te faraoa.

Mōumu
Ua ìò (bis)
Te faraoa (e te faraoa)
Mea tino tiàtohu no Òe
E to mātou Fatu.
E vevaò nei (e vevaò nei)
Òe ia mātou (Òe ia mātou)
Io te tapu kai
O te aanui o to Patirēia.

                                                  O IETU TO Ù HATU                           D. 21

O Ietu to ù Hatu,

Te puna no te karatia ;

E te puna, te takarameta

Eukaritia e hoohoo au.

(Kofirimatio Mātirimonio)

A toko mai ia ù, e Ietu !

A ihi mai, e to ù Hatu !

Koè nui au e tihe io Òe         

Me koè to Vaièi mai.

Mōumu

E te mea hinenaò nui

Te hōupo vaièi, e Ietu e.

Ua tahe me i òto mai

To meitaì me te moû.

                                                 IETU TE OÀ POHOÈ                           D. 22

Hapatoni

1
Ietu te oà pohoè
Te iho mai me io he àni ;
« Te Etua io mātou nei »,
Ta mātou e kōhoà nei,
Ta mātou e kai atu.

Mōumu
E Ietu Hakāìki,
Kāòha mai ia mātou
To Òe tau teina
I mua ia Òe.

2
O Òe te Tama tāhia
Ta te Motua i pahi mai
Mea haapohoè
I te huaa ènata
O te aomāàma nei.

                                    TE EUKARITIA O TE PUNA TIÀTOHU             D. 23

Hohoì

1
Te Eukaritia
O te puna tiàtohu,
O te pohuè ananu
I to he àki nui e.

Mōumu
U peàuìa e Ietu,
Tu ù nino tēnei,
Tu ù toto tēnei.
O to ù toto, ua tahe
Mea pohuè no ôtou.

2
A nui te mahaò
Me te atoratio
Ia Ietu Kirito
Io he Eukaritia.

                                                 E TAI KOHIÌA TĒNEI                           D. 24

Toatini

E tai kohiìa tēnei

Te peàu a Ietu Kirito.

A mave mai ôtou !

O Au te avāputa o te pāpua.

O īa na te tekao tiàtohu.

Na Ietu i haamau te Eukaritia

O te kaimau e kai atu.

O to ù nino hoì tenā (bis)

Me to ù toto.

E tai kohiìa tēnei,

Te peàu a Ietu Kirito.

A mave mai ôtou !

O Au te avāputa o te pāpua.

O īa na te tekao tiàtohu.

U haatū Ietu i te Èkaretia,

Te mataèinaa o te Etua,

O te poì haatià, 

O te poì haatià ia ôtoa.

                                                   E NOHO NEI IETU                            D. 25

Tah. 84 - cf. Sud M. 7

1
E noho nei Ietu Emanuera
I òto te Eukaritia.
O te oà mau, te oà pohuè
No te poì haatià.

Mōumu
Ia Ietu, Arenio,
Haaìòìa no tātou,
Te hahi, te kāìè,
Te mana, te kāòha.

2
Te kākano o Ietu Haapohuè
I nanuìa e te Hatu
No te pātoko i te ènana
Me to īa tau veke.

                                               O TE KOEKOE TOITOI                         D. 26

Ua Pou

1
O te koekoe toitoi
O to mua puku o te Māàma.
Me io te Etua mai
Te koekoe vaièi i te moû.


U āpuu Ietu
i te tau ènana paotū.
Hakatu , hakatu ,
Hakatu kē, hakatu kē.

2
O te koekoe pakaihi
Te hoa i te hoa i mua o te Etua.
Me io te Etua mai
Te koekoe pakaihi i te hoa.

3
O te koekoe tāvini
I te tau ènana i òto te veve.
Me io te Etua mai
Te koekoe tāvini i te veve.

4 (kōmōniō)
O te koekoe āpuu
I te nino me te toto o Ietu Kirito.
Me io te Etua mai
Te koekoe āpuu i te Arenio.

                                             E IETU E, ETUA TIÀTOHU                      D. 27

Ioteve - (Mauia)

1
E Ietu, e Ietu e,
Etua tiàtohu,
ènana tiàtohu Òe,
Ua noho pohuè hoì Òe
I òto o te mataèinaa.

E Ietu, o Òe te tumu,
E Ietu, o Òe te hiku
O nā mea kotoa.
E Ietu, òmua naoti
E Ietu, i tēnei, ananu
To mātou Hatu.

2
E Ietu, e Ietu e,
U hākāòha mai Òe
I te tau ènana paotū.
E moû, e kāòha anaè
To Òe hakatu Etua.

3
E Ietu, e Ietu e,
O Òe te Tekao
I te tumu anamai io te Etua,
U haaènanaìa Òe
No te haapohuè ia mātou.

4
E Ietu, e Ietu e,
E ùmihi nei Òe
I te tau hoa pii tini tini
No te pōpahi ia âtou
I te kākano meitaì ananu.

                                            E IETU E HAAPOHUÈ MAU                     D. 28

Ua Pou

Mōumu
E Ietu e, Haapohuè mau,
U vevaò mai Òe ia ù nei
No te kaiìamau o te Eukaritia
Mea pohuèìa no ù.

E taha atu nei hoì au
io Òe, e Ietu e ;
Ua too i to Òe nino,
ua inu i to Òe toto ;
Òe tu ù Etua, tu ù Pohuè.

Ua noho mai Òe, e Ietu,
i òto o au nei.
Ua tahi tāua.
E hahi, e hīmene nei
Tu ù kuhane ia Òe, tu ù Pohuè.

                                          IA ÌTETIA I ÙNA O TE FĀTAA                    D. 29

Sud M. 9 - Tah. 102.2                                                                                 (même air D. 20)

1
Ia ìtetia i ùna o te fātaa
O Ietu i no he Eukaritia ;
A atoratio, a pakaihi,
A fiti atu to mātou pure !

Mōumu
Atoratio, e to ù kuhane,
I te Fatu, i to Òe Hakāìki ;
O te Tumu, te Etua, te Pēpena
I te àni me te fenua.

2
Ia tukia hoì me te veve,
E tahi o mātou mōuna,
O Ietu hoì, to mātou Meitaì,
E ape atu, e koàna mai.

3
Ia hava to mātou kuhane
I te veke, o ai to mātou vevaò ?
O Ietu hoì to mātou Haapohuè,
Ia Īa te vivini, te moû o te àni.

4
E Ietu e, e pure mātou ia Òe.
A haapī i to mātou hōupo
I te ahi o te uē ètereno !
A koè nui to īa haafeò !

       

                                            I TĒNEI Â, U VAIÈITIA MAI                      D. 30

Sud M. 13 - Hooumi                                           Carême

1
I tēnei â, u vaièitia mai
Te faraoa o te pohoètina
I te huaa tama o te Etua.
A hahi tātou, a hahi tātou !

Mōumu
Òe te mana, Òe te ìte,
Òe te i tāfai mai.
A aahi atu ia mātou
I te mau o te àni !

2
I te tai òmua ana òa,
Ma te ùtunatia ia Itaako,
O to Ietu ùtunatina hou
I tēnei i haaònotia mai.

3
A maakau òe, e te mataèinaa,
I to òe heetina òa.
E fā ònohuu èhua te òa.
E aha to òe i to he hōupo ?

4
Aòè hoì e pohoè te ènata
I te faraoa aneiho i àò nei,
Atika i te Tekao paotū
A te fafa o te Fatu Etua.

                                                    O HUA IHO IETU                             D. 31

Sud M. 23 - Ua faariro hīa mai

1
I te tai òmua,
U koakoa te Etua
Te too i to Apere
Ùtuna, te Arenio.

Mōumu
O hua iho Ietu,
Ta ôtou i pāoka
I no he peka,
I haaìòtia mai
E te Etua mea Fatu.

2
O Ietu Kirito
Te Arenio tiàtohu,
Te Hēana tapu nui
O te Fatu Motua.

3
U haaìòtia mai
Te faraoa mea Tino,
Me te vino mea Toto
No Ietu Kirito.

4
I te ahiahi
O te Tūhakaùatina,
I te Vahitina faraoa,
U ìtetia te Fatu.

                                                 O AU TE OÀ POHUÈ                          D. 32

Tah. 175 - Sud D. 4                                O vau te Fatu no te rai

1
O Au te oà pohuè
Iho mai me io he àki.
O te i kai i tēnei oà,
No īa te pohuè ananu.

2
E te Tiaki Meitaì,
Ia Òe to mātou pohuè.
A hakaìte ia mātou
Te taetae mau ananu.

3
A aahi Òe ia mātou
io te tapukai o te àki,
Etià e kātahi mātou
Me te huaa peàto.

                                     HAATATA TĀTOU ME TE TAPUKAI               D. 33

Roo

Mōumu
A penetitio mai Òe,
E te Hatu, i ta Òe tau tama
Haanuhenuhe nei i mua ia Òe !
Vaièi mai te moû !

1
Haatata tātou me te tapukai,
Tapukai o te poì kikino
No te kave i to tātou ùtuna
Io te Etua mana io he àki.
Oi Īa anaiho te kuà o te moû
Me te vaièi pao aòè atu.
No keina, te huaa ènana,
A oha, a pahu muò atu !

2
Ua tuku mai Òe i to Òe òna Nino
Mea oà no te poì hakātahi.
Ua tuku mai Òe to Òe Toto
Mea inu no te poì mao vai.
O īa na te hana mana oko nui
Vaièìa mai i to te ao nei.
Noho mai te Etua me tātou
I òto o te Eukaritia.

                                                   NO TE IUTĪ TAPU                             D. 34

Hooumi (air traditionnel)

Mōumu : A hahi, a hahi tātou nui ia Ietu Eukaritia.

1
Te Iutī Tapu i te mau ahiahi,
Ua nuku te Hatu me nā hoa.

2
O te vahiìa haraoa
No te aomāàma hou.

3
O Īa te i noho io he puho tapu
Mea hākai to tātou kuhane.

                                         HAAHUAÈKAÈKA TĀTOU NUI                   D. 35

Hooumi

1
Haahuaèkaèka tātou nui
Ia Ietu Eukaritia.
O Īa te Haraoa pohuè
Te iho mai me io he àki.

2
O Īa to tātou Piimau hou,
To tātou Tukuìa kekaa.
O to Īa ùtuna
Io to Īa òna Motua.

                                        UA HANA IETU I TE KAIÌA MAU                  D. 36

Ua Pou

1
Ua hana Ietu i te kaiìamau Eukaritia.
To Īa kāòha ia tātou.
Ua tuku i to Īa pohuè
Ia tātou poì mikeo.

2
U haaòno nui mātou to mateìa i ùka o te peka.
U tīputaìa to hōupo,
Ua tahe te toto me te vai,
Te puna toto o te Pohuè.

Mōumu
Ua too i te haraoa, haahuaèkaèka.
Ua vahi e peàu ana : a too, a kai mai ôtou paotū,
To ù nino tēnei haaìòìa no ôtou.
A hana ôtou paotū mea haamaakau mai ia ù !

Mōumu
Ua too i te ipu vino, haahuaèkaèka.
Ua tuha e peàu ana : a too, a inu mai ôtou paotū,
To ù toto tēnei i tahe no te poì nui.
A hana ôtou paotū mea haamaakau mai ia ù !

                                                    HE OÀ TIÀTOHU                             D. 37

Mauia


He oà tiàtohu te nino o Ietu,
He inu tiàtohu te toto o Ietu.
E pohuè ananu te ènana
E kai i hua haraoa tapu.

1
O te ènana ua kai i tēnei nino,
Ua inu i tēnei toto,
Ua noho īa i òto o Ietu,
Ua noho Ietu i òto o īa.
 (Ioane 6,56)

2
Ia kai tātou i hua haraoa,
Ia inu tātou me io hua ipu,
Ua haì tātou i te matena o te Hatu
E tetaì ana i to Īa huaìa mai.
(1 Ko 11,26)

3
A kāòha atu kāòha mai te hoa i te hoa
Me he mea u kāòha Ietu ia tātou.
Mēìa i to tātou kāòha atu kāòha mai,
E ìte te tau ènana paotū he kouâ tātou no Ietu.
(Ioane 13, 34-35)

4
Mēìa i te nuiìa o to Īa kāòha i to te ao nei,
Ua tuku te Etua i ta Īa Tama Tootahi
Etià aòè e mate ai te ènana i haatià i hua Tama.
E koàna hoì ia īa te pohuè ètereno.
 (Ioane 3,16)

   

                                                       O TE KĀÒHA                                D. 38

Tah. 115 - Heiau                                           Te Pane Ora

1
O te Kāòha, te ùtuna hēaka
ta Ietu i hana no te tau ènana.
I uē ia tātou, ua tuku ia Īa
io he peka tihe te matena.


E Ietu, te Haapohuè,
a haakoè i te ìno,
a ihi mai io mātou
i to Òe kāòha !

2
O te Kāòha, te aotahi atu
te Tama Tāhia i to Īa Motua.
U haakoè i te hakatu Etua,
ua ìò Īa e tāvini ènana.

E Ietu, te Tama Tāhia,
a haakoè i te ìno,
a ihi mai io mātou
i to Òe kāòha !

3
O te Kāòha, te kaiìamau Etua
ta te Arenio e tuha ia tātou.
A too tātou i te oà tapu,
Kātahi mai me to Ietu hīa.


E Ietu, te oà Pohuè,
a haakoè i te ìno,
a ihi mai io mātou
i to Òe kāòha !

                                             O TE HATU TO Ù MĀÀMA                      D. 39

D. 5                                             Tu es, Seigneur, le lot de mon cœur

Mōumu
O te Hatu, to ù Māàma, to ù Tiaki meitaì.
Io te Hatu te koakoa, i tēnei ananu.

1
O Òe to mātou Toko, e Ietu,
To mātou Haapohuè, e Ietu.

2
Io Òe te vahi maù, e Ietu,
Te moû me te kāòha, e Ietu.

3
A pātoko Òe ia ù, e Ietu,
O to ù hīa io Òe, e Ietu.

4
E hahi ananu mātou, e Ietu,
i to Òe kāòha nui, e Ietu.

                                                     HĪMENE IUPIRI                               D. 40

Mauia

1
A meitaììa te Hatu Etua,
Haaènanaìa me i òto (o) Maria,
Pāokapekaìa, ua mate nui,
Ua tū hakaùa i uē ia tātou.

E te Kirito e, i tēnei ananu,

He Etua Òe, e kāòha anaè

I te tau ènana ma te tai kotoa.

U vevaò Òe ; eīa mātou nei.

2
A meitaììa Ietu te pōìti,
I peàuìa, i tetaììa.
E keàpa nei te Māàma nui
Me te iti noa i uē ia tātou.

3
A meitaììa te Tama Hāmua
E aotahi ana te motua kui.
Ua hana îìma, e ìte kamuta
E aahi Īa i uē ia tātou.

4
A meitaììa te Tiaki Meitaì.
Ua hano Īa i te koivi mutō
I haametaù io he keoho.
Ua vaa Īa i uē ia tātou.

5
A meitaììa te Tuhuka nui.
U hakako mai i te Tiàtohu
Me i te kotina o te ao nei.
U tiaki mai nei i uē ia tātou.

6
A meitaììa te Hēaka Tapu.
I te Mau paona, ua tuku Īa
I te oà pohuè i te poì nui.
U haaìòìa i uē ia tātou.

7
A meitaììa te Hatu Kāòha,
Te tāvini pii me te poì veve,
Te haapohuè i te maka moô.
U hākāòha mai i uē ia tātou.

8
A meitaììa te Hatu Pohuè.
U kiini mai te karatia,
Haatapavaù i te pohuèìa
Ma òto (o) te moû, i uē ia tātou.

9
A meitaììa te Hatu Etua,
Te Motua mana, te Tama Pohuè,
Te Kuhane Tapu e vaièi nui,
Ma te tau me i nui a tihe ananu.

                                                          E IETU E                                    D. 41

D. 308 Scouarnec / Heiau

1
E Ietu e, te oà Tapu no te pohuè hou. (bis)
E kōhoà nei mātou e kaimau ananu.

3
E Ietu e, Emanuera te noho me mātou. (bis)
To Òe makimaki, e kuhane tāvini.

2
E Ietu e, te Arenio haaìòìa. (bis)
E ùtuna atu mātou tūtaì me Òe.

4
E Ietu e, te Hakāìki, a ìò no Òe (bis)
To mātou koekoe me to mātou nino !

                                                       TE VAIPUNA                                D. 42

Ioteve - Hakataò

 

Mōumu
A kapu i te vai o te Pohuè (bis)
E vevaò ia tātou
O Ietu, o Ietu, te Vaipuna.
A kapu i te vai, a inu i te vai
o te Vaipuna.

 

1
O te Vaipuna, to Ietu Pohuè, (bis)
Ua tahe mai te vai o te Kāòha
me io to Ietu Hōupo.
A kapu i te vai, a inu i te vai
o te Vaipuna.

2
A taha mai io te Vaipuna ; (bis)
A ùku io te matena o Ietu
me te vai papatema.
A uhi i te kahu, i te kahu māìta
o te koìka.

3
A taha mai io te punavai (bis)
Atii me te vehine Tamaria.
O Ietu te Vaipuna pohuè ;
Pupuhi ananu, pupuhi ananu
hua Vaipuna.

4
O te Vaipuna to tātou pohuè ; (bis)
Ia tahe mai te vai o te kāòha
me i òto mai o tātou nei
ma ta tātou hana me te tau tekao,
me he Vaipuna.

                                         U VEVAÒ MAI KOE IA MĀTOU                D. 43 a

Piri

1
U vevaò mai Òe ia mātou nei io te ahu tapu,
No te kaiìamau o te Piimau hou ètereno ;
E Ietu te Haapohuè.

2
O Au te oà pohuè me io he àki mai.
O te ènana e kai i to ù nei nino
e koàka ia īa te pohuè ananu.

3
O Au te Toto pohuè me io he àki mai.
O te ènana e inu i to ù nei toto
e koàka ia Īa te pohuè ananu.

Mōumu
E Ietu e, e te oà kuhane.
Ua tuku mai Òe i te Tekao tapu
mea kai kuhane no te tau tai ananu.


E Ietu e, e te oà kuhane.
Ua tuku mai Òe i to Òe Nino tapu
mea kai kuhane no te tau tai ananu.


E Ietu e, e te oà kuhane.
Ua tuku mai Òe i to Òe Toto tapu
mea inu kuhane no te tau tai ananu.

                                                      U VEVAÒ MAI                             D. 43 b

Piri

U vevaò mai Òe ia mātou nei,
e Ietu, te Hatu e,
no te kaiìamau o te nino
me te toto o te Arenio, te Haapohuè.

   

1
E Ietu e, te oà kuhane ;
ua tuku mai Òe i to Òe nino tapu
mea kai pohuè
no te tau tai ananu.

2
E Ietu e, te Inu kuhane ;
ua tuku mai Òe i to Òe toto tapu
mea inu pohuè
no te tau tai ananu.

       

                                                 E TE HATU O TE ÀKI                            E. 1

Tah. 139                                                                                             Creator alme siderum

1
E te Hatu o te àki,
Te Etua māàma e,
O Ietu te i tihe mai,
A tiòhi mai ia mātou !

2
O Òe te kāòha mai
I tēnei aomāàma,
O te i hika i te mikeo,
Te tumu no te tau veke.

3
U ape mātou io Òe,
To mātou Haapohuè,
A pāpua ia mātou
Me i te ìno ia ôtoa !

                                                MAVE MAI TE HATU E                           E. 2

                                                               Venez, divin Messie

No te aha hoì, e te Hatu e,
U avai pu ia mātou
E hukaka ana ma vaho
O to Òe vaanui ?
Na Òe mātou e haatee,
Haapohuè mai.
Mave, mave, mave mai !

Mōumu
Mave mai te Hatu e !
A tuku mai i to Vaièi
I te aomāàma nei !
Mave, mave, mave mai !

E te Hatu e, a ihi mai Òe
I òto te tau hōupo
E vevaò nei ia Òe !
A haaìi Òe
Te ènana e hukaka nei
Etià e pohuè !
Mave, mave, mave mai !

                                                         MAVE MAI                                    E. 3

HLC                                                                      

Mave, mave mai, e te Hatu e (bis)

1
O Òe te māàma Etua,
Vivini i te aomāàma.
A haaìte i te vaanui
O te pohuè mau ananu !
A mai, e te Hatu e !

4
O Òe te puta o te àki,
Te Patirēia o te Etua.
A vevete i te ènana humu
Me i te havaiki pōtako !
A mai, e te Hatu e !

2
O Òe to Iraene Etua
I haamau Piimau Tinai.
A haapohuè ia mātou
To kāòha me te mana nui !
A mai, e te Hatu e !

5
O Òe te Hakāìki nui
To Èkaretia keâ taa.
A haakoè i te mateìa
No te ènana to Òe pēpena !
A mai, e te Hatu e !

3
O Òe te Huì hou o Iete,
Te èpa no te poì paotū.
A pao i te tetaììa
O te tau ènana mate vave !
A mai, e te Hatu e !

6
O Òe te Māàma tūìka
Paotū te tau mataèinaa.
A haapupuà i te poì nui
Taha io te vahi maù o te  !
A mai, e te Hatu e !

7
O Òe, te Emanuera e,
E te Etua me mātou e.
A haatee mai i te vaanui,
Te tiàtohu me te pohuè !
A mai, e te Hatu e !

                                                         TE METIA                                     E. 4

Tah. 141                                                                                                                   (3 airs)

Ietu, Ietu, mave, mave mai (4 fois)

1
Te Metia ta tātou e tiaki nei,
Ahea Òe e tihe mai ai,
Te ape mai tītahi tai i tītahi tai
I to tēnei â, te Vevaò ?

2
Ahea e eke ai te òumati
Peàuìa e nā Peroheta ?
Ohia e puàha mai te àki,
A iho mai ai to tātou Metia !

3
O īa hoì, ua pao nui te ava
Ua iho mai te Arenio tiàtohu
Te i hooi mai to tātou vaimata,
Te i haakoè to tātou memae.

4
Ua ìteìa te keèe no te Hatu
I òto o te haè o Maria.
I to īa haatià mea kui no te tama
I tupu mai ai te Tekao.

5
A èka meitaì ta tātou koekoe !
Eīa ua tihe te ava pōpōuì,
Te tīmataìa te eke o te òumati,
Te hee mai to īa â tiàtohu.

 
         

                                                          UA HAHI                                      E. 5

Air : Tah. 293                                                                                              (même air P. 3)

1
Òe te Hatu mana, e Ietu,
Te tumu no te kāòha.
Na Itaia hoì i haki
Enā te Hatu Emanuera.

Mōumu.
Ua hahi Nukuhiva ia Òe,
Ua hahi Uapou, Uahuka,
E hahi kātahi i te Hatu,
Na Òe e āpuu ia mātou.

2
Ua tae te tekao peroheta
E tihe mai te Haapohuè.  
O īa hoì o te arafa (tīmataìa)
O īa hoì o te omeka. (paona)

Mōumu
Ua hahi Hivaoa ia Òe,
Ua hahi Tahuata, Fatuiva,
E hahi kātahi i te Hatu,
Na Òe e aahi ia mātou.

                                                     E TOÙ VIRETŪ                                 E. 6

Tahiti - Taipivai

1
E toù viretū nui ai te Meitaì
I òto o Ioane anaiho.
O īa oti te Metia o Ioane.
He èo taaàu i te henua ataha.

2
Haatoitoi te vaanui pikopiko,
Haamenia te tau vahi puupuu,
Haameitaì te vaanui o te Hatu,
O īa hoì te Patirēia o te àki.

3
E mea à to Ioane viretū,
Atika no te poì haamana,
E nino makimaki te haapāpaku,
E kukumi kōhoà to īa hitiìa.

 
     

                                        E IETU, TA MĀTOU E TIAKI NEI                    E. 7

Piri - Ua Pou

E Ietu, ta mātou e tiaki nei,
Me mai, mave mai !

1
E tetaì nei mātou ia Òe,
A hee mai, to mātou Hatu !
A tiòhi meitaì ia mātou !
A matavaa, nā hoa e !

2
E vevaò nei mātou ia Òe,
A hee mai, e te Haapohuè !
Umoì e haamau
To mātou mikeo !

                                                 O ĪA NEI HOÌ NĀ PŌ                             E. 8

Taipivai - Kohoe

1
O īa nei hoì nā pō
Te i tukuìa mai te Haapohuè
Mea hokoìa i te tau mikeo,
Mea haapohuè te ènana io he àki.

2
A ìò ananu au ia Òe, e Ietu,
A tātai atu Òe ia Tatane !
Ia tāvini atu au ia Òe
I te pohuèìa, i te mateìa !

3
A haapī mai Òe
I tu ù koekoe
I te hopo nui
Tu ù tau mikeo !

4
A haakoè mai Òe
I tu ù tau àiê
O te mikeo hoì
Me to īa tau tuki !

                                                IO TE HENUA ATAHA                           E. 9

Taipivai

1
I te henua ataha
To Ioane Papetito
Haatavaè ôtou i te pekē o te Etua.

3
Me te peàuìa me i òmua mai
Na te peroheta o Itaia e.

5
E huu kamerō to Ioane kahu,
E kii puaka te taka i te kooi e.

2
Haatuhukaìa i te ènana e,
U tataèka mai nei hoì
Te Patirēia o te àki.

4
Kānea haakanahau i te vaanui
Mea heeìa no te Hakāìki e.

6
E manu kaiū me te mānini momoke
To īa kai i te henua èitā e.

                                                 U HĀNAU TE METIA                             F. 1

                                                             Il est né le divin enfant.

Mōumu
U hānau te Metia,
To tātou Haapohuè,
U hānau te Metia,
A hahi to tātou Hatu !

1
A hahi i te Tama hou
Ta te Motua i vaièi mai !
A hahi i te Tama hou
Te Māàma o tēnei ao !

2
I òto o te veve nui,
U hānau te Haapohuè.
I òto o te veve nui,
Ua ìò he tāvini.

3
O Īa te Arenio
O te i hoko i te mikeo.
O Īa te Arenio
o te Etua Motua.

                                            GLORIA IN EXCELSIS DEO                       F. 2

Sud F. 2

1
I te pō, u ìteìa
E te tau tiaki mutō.
Ua tihe te anera
Me tēnei hīmene hou.

2
A haameitaììa
Te Etua i ùka nui !
Te moû io he henua,
To Īa hīa tiàtohu.

3
O Īa te Arenio,
Te Kāìè me te Moû.
Na Īa i haakoè
To te ènana mikeo.

4
O Īa te Tapu Nui
Te hakanā to Īa Mana.
E Tuhuka mahaò,
E Mana paona koè.

5
I te kaokao o te Motua
To Īa nohoka kāìè.
Na Ietu to tātou Hatu
E toko mai ia tātou.

                                                    I TE TŪMOE NUI                                F. 3

Dans une étable obscure.

O te Hatu Etua, haaènanaìa no te tau ènana.

1
I te tūmoe nui,
I òto o te ana,
Me io te Virikine
U hānaua Ietu.

2
E hahi to te àki
Me to Havaiki
Me nā kotina e
O nā motu tini.

3
Keàpa te māàma
Me te tiàtohu.
Hōata te toitoi
Hohoàìa mai.

4
U tohuti te Makoi
No te pakaihi
Me te atoratio
Te Tama Etua.

                                                    O ÔTOU PAOTŪ                                F. 4

Tah. 147 - Sud F. 4

1
O ôtou paotū,
A hee mai ôtou,
ôtou e kāòha
I te Tama hou.

Mōumu
Eīa te Hatu,
O Emanuera e.
Kāòha tātou
To Īa hānauìa.

2
Io he kaavai
o Petereemi,
I òto he ana
Me te veve nui.

3
I èià Maria
I te tūmoe nui,
I èià Ioteve
Me Ietu hoì.

4
A mutu te àki !
A mahaò tātou !
Ua ìò te Etua
Mea tama.

5
A vaièi ia Ietu
To tātou kāòha,
Te atoratio
Ma te kuhane !

                                         A MUTU TE ÀKI ME TE HENUA                    F. 5

Tah. 150

1
Ua mutu te àki me te henua,
Ua ìò te Tekao mea ènana.

Mōumu
E ìò nei o Īa he Tama iti,
Te Haapohuè me te Tāvini.

2
I te tūmoe nui, u hānau mai nei
Ietu, te Māàma nui no te ao nei.

3
Taioko te poì e memae nei
Te i haapāpaku to âtou koekoe.

4
A hee mai e te tau tiaki mutō
Me te koakoa i òto te fatene !

5
Atii me tātou, a hee io Ietu
Atoratio me te haameitaì atu.

                                                 I ÒTO O TE FATENE                          F. 6 a

Tah. 143

1
I òto o te fatene,
E aha ta ôtou i ìte ?
Te poì tiaki mutō me
Tītahi tama hou.

Mōumu


I peàu mai nei :
O au Ietu
Te Haapohuè ènana.

2
Eīa te koìka nui.
A hīmene no te hahi !
A hahi tātou kotoa !
Enā te Emanuera.

3
I pii o te Tama hou,
O ai à ta ôtou i ìte ?
Maria me Ioteve,
To Īa mou motua tāhia.

                                                 I ÒTO O TE FATENE                          F. 6 b

Hooumi / Aakapa

1
I òto o te fatene,
E aha ta ôtou e ìte,
E te tau tiaki mutō ?
Tītahi Tama moû nui
I peàu mai nei o Au Ietu,
Te Haapohuè ènana.

Mōumu
E koìka nui tēnei.
A hīmene, a ìi tātou !
A hahi tātou Noere !
Enā te Emanuera.

2
Tataèka me te Tama iti,
O Īa à ta ôtou i ìte
Maria me Ioteve
Te i haatāhia atu,
Ta âua e pure i èià
Ma òto o te koakoa.

                                                  E HAÌ ANA TĀTOU                              F. 7

Taipivai

1
E haì ana tātou
Te koìka Noere,
O īa hoì o Ietu pōìti.

2
Te i hānau à hoì
Io he haè veve nui
Me to Īa haapāpaku nui.

3
E Tama Etua Òe,
O Ietu, o te Kirito
E Tama ènana Ietu Emanuera.

4
O te tumu à hoì
O te taetae nui,
O te tumu o te pohuè ia ôtoa.

5
E Hakāìki nui Òe
No te àki me te henua.
Òtana ia Ietu Emanuera.

                                                           E TEÌKI                                       F. 8

Air : Magnificat - Uki

1
E Tuhuka, e Tuhuka, te kave àma,
U tūìka i te pōtako,
U puàha.

Mōumu
I moe Īa i to he papa,
Vāhīìa me te èpa.
A tihe au me te vaetukia !

2
U hōata, u hōata nui
Vahi koè
No Ioteve me Maria.

3
A tahuti, a tahutihuti
Tātou nui
Io te àma hihi puàha !

4
A tahuti, a tahuti
A tahuti tātou ia ôtoa
Io te Hatu o te pohuè !

                                             E AHA TĒNEI E KEUU NEI                        F. 9

E aha tēnei e keuu nei ?

E èo kōnini me i òto he àki ;

E anera i peàu mai nei

Ua hānau to tātou Hatu e.

Te Henua Iutea Petereemi,

Kāìè nui te koìka Noere,

Koakoa tātou, a hahi e

Ia Ietu Emanuera.

Maria te kui no te Tama,

Ioteve motua, te tiaki toitoi

Ia Ietu hānau hou e,

Te Haapohuè ènana e.

                                           KĀTAHI MAI TĀTOU KOTOA                     F. 10

Kātahi mai tātou kotoa

Mea hahi i te Tama hou,

Te Hatu Emanuera e !

A ìte tātou nā hoa e !

I te henua Petereemi,

Hakāìki hānau hou,

Te Pohuè o te poì.

O Maria me Ioteve

I te tūmoe nui

I te kaokao o te Tama hou.

                                                      I TE MOE NUI                                F. 11

Tahiti

I te moe nui o te ava nui e,

Iho mai ai te Tama ènana

Mea haaìte te kāòha Etua,

E pohuè ai te huaa ènana.

Koakoa nui ai to te aomāàma nei

I tēnei pō i hānau mai ai te Hatu.

A noho muò tātou no te hahi atu

Noël (4), enā te Emanuera.

                                                IA ÌTE TĀTOU IA IETU                           F.12

Ia ìte tātou ia Ietu,
E koakoa nui tātou.
Ia tahutihuti atu tātou io Ietu,
O Ietu Emanuera !

E pua kekaa e Maria e,
E pua kekaa o Iete.
U puàha i te ìma o Ioteve
Te kāòha o te Etua.

                                                 U HĀNAUÌA I TE PŌ                           F. 13

Aakapa - Isa

Koakoa nui hoì,
U hānau mai te Haapohuè
I òto Petereemi Iutea.

Mōumu
U hānauìa i te pō,
Te Haapohuè mana
I peàuìa mai.

E Tama no te Etua
I hānau ènana Īa
Me i òto o Maria
I uē ia tātou nui nei.

                                                  A KAITUTO TĀTOU                            F. 14

A kaituto tātou
I tēnei tekao
No Ioteve me Maria
Te i avai hoì
I to âua haè
I Natareti,
Te Henua Karirea.

Ua hiti Ioteve
I Petereemi,
Te pāpua haè o Tavite.
E tupu Ioteve
Me i òto te huaa
Me i òto mai
O te ati o Tavite.

E hano Ioteve
I te ikoa patu
Me Maria, ta Īa vehine
Kōpū tama hoì.
I èià âua,
Ua tihe te tau â
E hānau Maria.

No te koè hoì
Te vahi i òto
Te haè āpuu manihii,
Ua taha âua
I òto te ana,
E ana keâ,
Te i koàka mai.

U hānau Maria i te tūmoe nui

I ta Īa tama hāmua.

U vāhīìa me te èpa hoì,

Ua haamoeìa io he fatene.

E hahi Pākiu, e hahi Hōata,

E hahi me to Hikoèi, i to òe koìka,

E koìka hānau to Maria

Me Ioteve i ìte.

                                                          PŌ TAPU                                    F. 15

Taipivai                                                           Douce nuit

Pō tapu, ua hānau mai
Te Haapohuè
No te tau ènana paotū
Ta te Hatu i vaièi mai ;
A mai atoratio tātou ia ôtoa !

A mai Òe, mave mai
To mātou Haapohuè,
E Ietu Emanuera
Te i hānau hakatu veve
I òto o te fatene vāveka o te mutō.

                                                    HAÌ ATU TĀTOU                           F. 16 a

                                                                         (sortie)

1
Haì atu tātou e te koìka e,
Te koìka hānauìa,
Te Hakāìki nui e.

Mōumu
Alleluia, Alleluia, Alleluia,
Te koìka hānauìa,
Te Hakāìki nui e.

2
Ua tihe hoì te miti pō e,
U hānau mai nei
Te Hakāìki nui e.

                                                    FAÌ ATU TĀTOU                           F. 16 b

                                                                         (sortie)

1
Faì atu tātou e te koìna e,
Te Fitina o Ietu,
Te Hakāìki nui e.

Mōumu
Alleluia, Alleluia, Alleluia,
Te Fitina o Ietu
To he Àni nui e.

                                                          U FĀNAU                                    F. 17

Tah. 149 bis Hiva Oa

U fānaua o Ietu, te Emanuera ;

A hahi, a hīmene : Noere, Noere

1
Te kāìè i te Etua
no tēnei Tama hou.

2
Te moû io te fenua
no tēnei Tama hou.

3
E haapuàhatia tātou
e tēnei Māàma.

4
E aahitia tātou
e tēnei Tekao.

                                                   ADESTE FIDELES                             F. 18

1
U hānau te Metia,
te Haapohuè ;
Ua ìò te Etua he ènana.

A pakaihi tātou

I te Emanuera !

U kāòha te Hatu (bis)

I te tau tai ènana

tēnei, ananu.

2
Ua puta te Māàma
io te pō keevō
no te tūìka i te tau ènana.

3
Ua taki te Tekao me io te Motua ;
U haaìte mai i to Īa kāòha.

4
Ua noho me tātou te Hatu Etua ;
Mamau te ènana pii me Īa.

                                                 E TUPU TE VIRIKINE                           F. 19

Hiva Oa

E tupu te Virikine e hānau

I te tama me te apaìa

Te ikoa o Emanuera,

O īa hoì te Etua me tātou nei.

Ua tihe i te â tapu nui ;

I tēnei â, u keàpa nui

Te māàma o te Etua,

O Ietu Kirito à, o Ietu.

                                        A UTAÌ TĀTOU I TE TAU MAKOI                  F. 20

Sud Hiva Oa

1
A utaì tātou i te tau Makoi,
A ìmi i te Metia,
A toitoi, umoì e pākeka,
A noho muò i to Īa aò !

2
Ia tihe te hetū puàha nui,
Te meitaì a mau ia Īa,
A titii to te ao nei,
A too i to te Etua !

3
A hee tātou, a kave atu
Te moni kiki me te mira
Me te mea haakekaa
O to tātou vaetukia.

4
Te moni kiki, te haavivini
No to Īa hakāìki,
Te mira no te ènana tiàtohu,
Te kekaa no te Etua.

                                                U MIKEO AU E IETU E                           G. 1

Tah. 49

1
U mikeo au, e Ietu e,
No ù i mate ai Òe.
Auē to ù aumiti e, 
E Ietu e, a òko mai !

Mōumu
E Ietu e, e Ietu e,
Te Pohuè me te Moû ;
E Ietu e, e Ietu e,
A hākāòha ia mātou !

2
A hakahua mai i te moû,
E koakoa to ù hōupo,
Na Òe i haataìtaì,
E Ietu e, a òko mai.

                                           MA TE VEVAÒ ME TE HOPO                      G. 2

Taiohaè

Auē, to kāòha, e Ietu e,

o Òe te Hatu moû oko,

a hākāòha ia mātou !

1
Ma te vevaò me te hopo
Ia Òe, e Ietu,
To ù kuhane e pūkina nei,
To īa mikeo e nui ananu.

2
Mea nui to peàu, e to ù hoa,
A tihe mai !
U titii au ; aè au i āpuu.
To Òe meitaì e nui ananu.

3
E noho muò au me to ù koekoe
I to Òe aò.
Umoì e tōua, a tiòhi to kouâ
Ta Òe i hoko me to Òe toto mana.

                                                E IETU TO Ù MĀÀMA                            G. 3

Ruita

1
E Ietu to ù Māàma
Me to ù Pohuè tiàtohu, (e Ietu e)
A toko mai ia mātou
I te aomāàma nei.

2
A vevete i te teka,
Ma òto o mātou nei, (e Ietu e)
A tinai i te ìno,
A noho i òto o mātou.

3
A mave mai, e Ietu e,
E pepeù nei mātou, (e Ietu e)
I to mātou hōupo,
Òe te Hākāòha.

 

                                              A UTAÌ TĀTOU ME IETU                         G. 4

Taiohaè

1
A utaì tātou me Ietu,
To tātou hoa pii,
Te puta o te àki,
Te puta hāpiti oko.

Mōumu
E te Hatu e,
A hahi mātou ia Òe,
I to meitaì e,
Ma te tau tai ananu.

2
A ape à tātou ia Ietu,
I te tau â haaoke,
Ia òko tātou to Īa èo
Tohuti tātou io Īa.

                                                 E TE TAU KIRITIANO                            G. 5

Tah. 128 - Sud G. 2

1
E te tau kiritiano,
Umoì e haaòa ;
A hua mai i te Etua,
A haakoè i te mikeo.

Mōumu
A hua mai i te Etua,
A hua mai i te Etua,
A haakoè (i) te mikeo.

2
E te tau kiritiano,
A hahi i te Etua
I tuku mai ia tātou
I to Īa karatia.

3
Me he tiaki mutō meitaì
Te ìmi te i kaò,
E kāòha te Etua
I to Īa tama kotoa.

Mōumu
E kāòha nui te Hatu
Ia tātou, poì mikeo,
E kāòha te Hatu.

                                             A ÒKO MAI, E TE HATU E                        G. 6

1
A òko mai, e te Hatu e,
I to mātou pure.
I mua tēnei hātaa,
E hahi nei me te koakoa.

3
Nui noa to mātou pure,
Nui te atoratio.
Ia Òe i òto tēnei puho tapu
Vāàna to Òe koakoa.

2
E poì mikeo mātou,
E poì ìi koè.
Haatavaè Òe to mātou kuhane
Etià e pohuè mātou.

4
E Ietu Hakāìki e,
Vaièi mai to karatia
Etià e ìi mātou
No te pakaihi ia Òe.

                                                 O TE HATU ANAIHO                            G. 7

Tah. 49 Montiton

1
O te Hatu anaiho,
Te Tumu o te Pohuè,
Me i to tātou hānauìa
O te Mana, te Pātoko.

E kōhoà atu nei tātou
I te mēmau taetae oko.
E meitaì ai te hōupo,
Te Motua hākāòha,
Te Etua mana nui.

2
O te Hatu anaiho,
Te Māàma me te Moû,
Te Vaipuna koakoa
No to tātou koekoe.

3 (tūpāpaù)
O te Hatu anaiho,
I te ava o te mate,
E aahi i te kuhane
Io te haè èkaèka.

                                                   E TE HATU ETUA                              G. 8

G. 79 - 7                                         Mauia Ouvre mes yeux Seigneur

1
E te Hatu Etua,
A pepeù to ù mata
Etià e vivini au nei
To Òe hana mahaò ;
A tūìka i te matapō
Te i ùmihi ia Òe.

2
E te Hatu Etua,
A pepeù to ù ìma
No te tuku i te poì veve
Te i taaàu io Òe ;
A hakako mai no te tuha atu
I te taetae kotoa.

3
E te Hatu Etua,
A pepeù to ù haha
Mea hahi au ia Òe
Ma te tau â paotū,
Me te haaneke atu au
I to Òe kāòha.

4
E te Hatu Etua,
A pepeù to ù hōupo.
A haahou i to ù maakau,
Te hana, te kōhoà ;
A pepeù i òto o au nei
I te koekoe hou.

5
E te Hatu Etua,
O Òe to ù Pātoko.
Tu ù hīa e tahi anaè :
Te tāvini ia Òe
Ma te òa o te pohuè,
A noho au me Òe.

                                                   HĀÌU TE KOEKOE                              G. 9

Ua Pou

Haameitaì nei mātou i te Patirēia o te àki

Ta Òe e Ietu i haamevaha,

No te tau poì hemo i te mate

Me te tau ènana i òto o te veve.

Mōumu
Hāìu te koekoe, ua tata te Patirēia.
U peàu te Hatu : Hāìu te koekoe !
A hua mai tātou io Ietu.

                                                   E KĀÒHA ANANU                            G. 10

Ludovic - Hohoì

1
E kāòha ananu te Etua
i te poì veve,
i te poì iti noa,
i te poì mikeo.

Mōumu
A tū, a tohe mau
i te haatià kiritiano.
A tiòhi te hana o Ietu,
to tātou Etua.

2
E pātoko ananu te Etua
i te poì e memae nei,
te i hemo i te mate,
te i òto o te àì nui.

                                        A UNU TĀTOU E TE KIRITIANO                    H. 1

No te Peka

A unu tātou, e te kiritiano,

Hēaka Ietu no tātou i no he peka ;

E ìò mai te tuki me io te Motua

Mea pohuèìa hoì i no he àki.

A amo e (bis) tātou i te peka o Ietu,

E haaìi, (bis) Haameitaì, (bis)

Atoratio, (bis) Haameitaì, (bis)

Atoratio ia Ietu.

                                                   E IETU HAKĀÌKI E                              H. 2

1
E Ietu Hakāìki e,
O Òe te Etua mana ;
A kē ananu mātou me Òe
Tihe to mātou matena.

Mōumu
Te kāìè me te hahi
Ia Òe, to mātou Hatu e,
Te tāvini aotahi
Te i mate i uē ia mātou.

2
Ua hahi te tau anera
I to Òe â hānauìa.
A hahi me mātou nei
I to Òe òna kāòha.

3
E Ietu to mātou Fatu,
U haatià mātou ;
He Etua tiàtohu,
He Etua mana Òe.

4
E Ietu te Kirito e,
Me to Òe karatia,
A haanui aè Òe
I to mātou haatià.

5
A tūtaì anatu mātou
Me ta Òe tau tama.
A tūtaì anatu mātou
I àò nei, i ùka nui.

                                                 O ÒE E TE KIRITO E                            H. 3

PCN

1
O Òe, e te Kirito e,
I memae me te mate
I ùna o te peka no mātou,
E atoratio mātou ia Òe.

Mōumu
E Ietu e, to mātou Fatu,
Te i mate i uē ia mātou,
 A hākāòha mai ia mātou.
 I te ava o te matena.

2
O Òe, e te Kirito e,
I haakoè i te mikeo
O Matarena me to Petero,
  A haakoè i to mātou mikeo.

3
O Òe te Tiaki meitaì ;
A aahi (i) to mātou hoa
Io te vahi peipeitia ; i èià
Te māàma me te moû anatu.

                                                 E IETU E, TE I MATE                            H. 4

Tah. 162 - Uki

1
E Ietu e, te i mate i no he peka,
Ma te haatià, a òko to mātou pure nei ;
A toko mai ia mātou, ia hopee iho,
O to Òe pākeka te hakatu mana ètereno.

2
E te Hatu e, kāòha mai to kouâ !
Òe anaiho to mātou pātoko mau ;
Ia tihe mai te mate, e Ietu tiàtohu,
U pahiìa mai Òe e aahi no mātou nei.

Mōumu :

Òe, Òe Ietu, to mātou Hatu,

O mātou nei to Òe tueni ;

Ma te amo hoì i to mātou peka

Mea tūtaì me Òe no he àki.

                                            U PEÀU MAI TE ETUA IA Ù                       H. 5

Karitema

U peàu mai te Etua ia ù :

A hee mai òe ma te hakaea koè.

A tiòhi mai te puta i tu ù kaokao,

To ù hōupo tēnei e avai nei.

A tiòhi mai to ù mou îìma nei.

Auē hoì te māhoahoa nei,

E hopu au ia Òe.

E Ietu e, te hoko mikeo,

E memae nei au,

Auē, auē.

A tiiki mai Òe te pohuè

Ia tihe atu au io Òe.

                                               TE PĀPUA TETEMANE                          H. 6

Tah. - Casimir

1
Te pāpua Tetemane e,
U hopi to ù kuhane
Pī te hopi, e mate hoì.
A haatià, e te Motua e,
Ua tae to hīa,
Umoì à to ù nei.
Ua peipei hoì au nei
No te mate hēaka.

Mōumu
Eri, Eri rama tapahatani e.
E to ù Motua, e to ù Etua,
Umaha Òe i titii mai ai ia ù ?
No te tau èo, no te tau piò
No te aomāàma nei viipū,
Ua pahiìa mai te Tama e,
Mea pohuè no mātou.

                                                        MAÒÌA HOÌ                                   H. 7

Taiohaè                                                        (Vaanui peka)

Maòìa hoì

To Īa tau kouâ.

Mātiòka ana hoì ia Ietu,

Hēakaìa hoì to Īa nino

I ùka o te pākeka.

Auē, auē to ù Haapohuè,

Tuutehē nei au.

No to ù piò o te nati tēia

Te i maihuki

I to Òe Hōupo tapu.

                                             ÙMIHI NEI AU TE POHUÈ                         H. 8

Ruita

Ùmihi nei au te pohuè

Ma òto o te aomāàma nei.

No to ù nei àì nui e,

Ua tihe i te paoìa.

Ma òto o te haaìi nui

I te amoka to ù tau memae,

E ape nei au i te Hatu

Ia toko mai ia ù.

                                                     ÒTANA ÒTANA                                H. 9

Taiohaè                                                       Makamaka èitā                                      Hooumi

Òtana, òtana !

Òtana, òtana te Tama a Tavite,

Te uuìa kanahau Ierutaremi.

E haameitaììa te tihe nei

Ma te ikoa o te Hatu io tātou nei.

Òtana, òtana !

Òtana, òtana, te Tama a Tavite,

Kāòha nui à !

O Òe te i tihe mai ma te ikoa o te Hatu,

Òtana i ùka nui.

                                                     ÒTANA ÒTANA                              H. 10

Sud M. 12

1
Enā a tihe mai Ietu i Ierutaremi,
O te i ònoìa e te faètoa ;
A hahi me tātou !

Mōumu
Òtana, òtana, òtana, ia Ietu,
O te Tama a Tavite ;
Kāòha nui à !

2
He tau makamaka èitā
I te îìma o tenā faètoa ;
A hahi me tātou !

3
A meitaìtia te tihe nei
Ma te ikoa o te Hatu ;
A hahi me tātou !

4
Enā Òe, e te Hatu e,
Ua iho mai me io he àni
I òto o au.

5
Aòè o au te pohoè nei,
Atika o te Kirito
I òto o au.

                                              A HAATIKETIKE TĀTOU                       H. 11

Tah. 182 ancien - Ruita

1
A haatiketike tātou
Te tomoìa kāìè
O Ietu i òto o Ierutaremi,
Òtana i ùka nui !

Mōumu
A meitaiìa te tihe nei
Ma te ikoa o te Hatu.
Òtana te Tiketike nui,
Òtana i ùka nui !

2
A auau i to tātou hōupo
Mea tahaìa no Ietu,
Mea haè pohuè no Īa,
Ia noho Ietu me tātou.

                                                           ÒTANA                                     H. 12

Mihi - Hooumi                                             (Makamaka èitā)

1
Ua uu Ietu io he pāpuahaè Ierutaremi,
Ua te huaa ènana i te koakoa.

Mōumu
Peàu ana Òtana, òtana, te Tama a Tavite,
Òtana, òtana, òtana ia Ietu.

2
Ua taki to âtou kahu me te tuku atu io he taì o te uapu
Mea hahi ia Ietu Kirito, hatihati te makamaka èitā.

3
Titii ana me te pua i ùka o te uapu
Mea haakekaa i to Ietu heeìa.

                                     MAÒ I TE TUMU O TE PEKA O IETU              H. 13

Taiohae

1
Maò i te tumu o te peka o Ietu
To Īa òna kui tāhia nui,
Te teina o to īa kui, Maria Kereopa
Me Maria Matarena me Ioane.

2
Ia ìte Ietu i to Īa òna kui
Me te kouâ tāhia nui i to īa kaokao,
U peàu i to Īa kui :
« Te vehine, o īa nei ta òe òna tama ».

3
I muì iho u peàu i te kouâ tāhia nui :
« O īa nei to òe òna kui ».
Me i te ava aneiho,
Ua too te kouâ ia Maria io to īa haè.

                                                     U ÙTUNA IETU                               H. 14

Médéric - Hatiheù

1
U ùtuna Ietu ia Īa iho
I ùka o te peka.

Mōumu
E hēaka haapohuè
I te huaa o te henua nei.

2
Ua tahe to Īa toto
Me i ùka o te peka.

                                                E NOHO MUÒ NEI AU                         H. 15

Tahiti - Toatini

1

E noho muò nei au

Io to vaevae,

E Ietu e, to ù Hatu e.

Mōumu
Auē, auē, te mamae !
Nā puta e ìma no Òe Ietu,
To ù mikeo o te tumu,
Nā puta e ìma no Òe Ietu.

2
Haakoè mai Òe
To ù mikeo
O ta ù i too nei.

                                         AHEA, AHEA E KOÈ TO Ù PIÒ                   H. 16

(cf. Mimiò)

Ahea, ahea e koè to ù piò ?

Ahea, ahea e hee atu ai

I te henua no to Maria tau tama

I vāveka te tau anera ?

To ù pure rohario,

Mea hoko umu o to ù mikeo.

E unu nei au i to ù ìno,

E Maria e, i te henua nei,

E manihii au.

                                                     MA TO ĪA PEKA                              H. 17

NT. 8                                                         1Petero 2, 21-24

Ma to Īa peka, u haapohuè Ietu ia tātou, poì mikeo.

1
U memae te Kirito
I uē ia tātou.
E haaìte atu ana i te hakatu
Etià e utaì tātou ia Īa.

3
Ia haamākakaìa te Kirito,
Ua mutu Īa, e òomi aa i te pekē.
U avai anaè i te Etua
Te haavā me te toitoi.

2
U teka koè te Kirito Ietu,
U hakahae koè to Īa haha ;
Ua pahaìa te Tama Tāhia,
Aòè i haahua Īa i te paha.

4
Ia pāokapekaìa te Kirito,
Ua amo Īa i to tātou mikeo.
Ma te memae i koè ai te tau mikeo,
Na to Īa tau maki u haapohuèìa tātou.

                               (PE-KA, akoè a mate-na / mama-e / ùtu-na / kāò-ha / tau ma-ki /

                                                       NO TE PEKA                                H. 18

Heiau

1
A hahiìa te peka
No Ietu, te Arenio,
I memae me te mate
No tātou, poì mikeo.

3
A hahiìa te peka
Te i haapeàtoìa
E te toto o te Tama
I uē i te tau ènana.

Mōumu

A hahi tātou ia Ietu
To tātou Haapohuè.

4
A hahiìa te peka,
He tekao o te kāòha,
He mana o te Etua,
No te poì haatià.

2
A hahiìa te peka,
Te âkau o te Pohuè
Te i āpuu i te hēaka,
Utunaìa no tātou.

5
A hahiìa te peka,
Te tumu o te kāìè.
A amo tātou i te peka
No te utaì me Ietu.

                                             E AHA TA ÔTOU I ÌTE NA                       H. 19

Hooumi

1
E aha ta ôtou i ìte na,
E te mau tiaki meitaì,
I ùka te mōuka ?
Te henua maaèitā.

2
Ua ìte mātou ia Maria
E tekao ana me te uē.
Ua nui te kāòha Etua
I te henua mikeo.

3
Ua tū Maria i ùka.
A tū tātou, a pure !
Haapao te tau â peàto
Ta te Hatu i peàu.

4
Keuu mai te hatutii
No te oonaki mai.
Aòè e pohuè te i āpuu koè
I ta Īa tau hana i peàu.

5
O te hana hei koè,
Te haakoakoa mikeo,
Te inu, te haka, te pere,
E mea mate tēia.

                                        HAAHUAÈKAÈKA NUI À TĀTOU                    I. 1

Uki

1
A hīmene no te Hatu te hīmene hou !
Ua hana Īa i te hana mahaò ;
Na te mana o to Īa ìma oko,
U haamau i to Īa vivini,
U hakaìte i to Īa haapohuè
I te poì èteni.

Mōumu
Haahuaèkaèka nui à tātou
Te Etua Motua io he àki
O te i kātahi ia tātou kotoa !
Ua tae te hīa o te Motua,
Ua tae te hīa o te Tama,
Tūtahi te haatià mau.

2
Te Etua toùtahi, te hakatu kāòha.
U hēaka Ietu i no he peka
I te aò o Ponotio Pinato.
Ua tahe te vai me te toto,
Te hooi mikeo o te ènana
I te henua ia ôtoa.

                                             HAAHUAÈKAÈKA TĀTOU                         I. 2

Uki                                                              Koroha 1,12-20

1
 Haahuaèkaèka tātou i te Etua Motua !
 Na Īa i hao ia tātou
 Me io he mana o te Tiaporo ;
 Na Īa i haatomo ia tātou
 I òto o te Patirēia,
 O te Patirēia o to Īa Tama tāhia.

Mōumu
O te Kirito, te ata ìtea o te Etua ;
O te Kirito, te tumu
O te tau mēmau ia ôtoa.

2
Ma òto o hua Tama, te Pohuè.
Na hua Tama i koè ai te mikeo ;
Ma he toto o Ietu io he peka,
U vaièiìa mai te moû
O to Īa hōupo tīputaèeìa,
Te Puna o te Pohuè.

3
O te Kirito, te upoko o te Èkaretia ;
O te Kirito, te hāmua o te tau ènana
I haoìa me io he mana o te mateìa ;
Te vivini o Īa, te vivini o nā mea hakātahi.

                                           MA ÒTO O TE KŌAVA ETUA                       I. 3

Uki                                                               Firipo 2, 6-11

1
Ma òto o te kōava Etua,
O Ietu Kirito,
E aha à aòè i haamau kaikino
Te haahakatu me te Etua.

Mōumu
Etià e taki iho te ikoa o Ietu,
E noho muò paotū to te àki,
To te henua, to Havaiki.
A haki anamai te tau èo paotū :
E Hatu o Ietu Kirito
Ma òto o te kāìè, te kāìè o te Etua Motua.

2
E mea kē, u haakoè ia Īa iho ;
Ua too i te kōava pahikaèo,
A ìò hakatu
Me te tau ènana kotoa.

3
U haaènana ia tiòhi atu,
U haapāpaku me te aotahi atu
I te hīa o te Motua
Tihe i te mateìa.

4
O īa te tumu i haatiketike anaè ai
Te Etua ia Īa  
Me te apa atu i te ikoa  
Ma ùka o te ikoa ia ôtoa.

                                             E KOÌKA KOAKOA TĒNEI                          I. 4

Tah. 172

E koìka koakoa tēnei

No te poì haatià ia Ietu.

Ua hika te mate ia Òe.

Alleluia, Alleluia, Alleluia.

Kāòha mai Òe, e Ietu tāhia e,

I tēnei â koìka koakoa nui.

U tū mai, u tū mai

To tātou Hatu Mana nui

I tēnei â koìka no te Pakate.

E Ietu (bis), hākāòha mai, (bis)

A hākāòha mai ia mātou, (e Ietu)

I tēnei â koìka,

I tēnei â koìka Pakate.

                                         I TĒNEI Â KOAKOA, ALLELUIA                     I. 5

Sud I. 2

1
I tēnei â koakoa,
Na Ietu, te Pohuè
I haahika i te mate. Alleluia.

4
U ìteìa te Hatu
E Maria Matarena
Te i ìmi me te uē. Alleluia

2
I te pōpōuì Pakate,
Ua tū hakaùa
Te Hatu, te Kirito. Alleluia.

5
U ìteìa te Hatu
E Timone Petero
Me tahipito àpotoro. Alleluia.

3
I èià te anera,
U huììa te keâ,
Aòè te Hatu i òto. Alleluia.

6
U ìteìa hakaùa
E to Īa tau kouâ
Me te nuiìa te tau hoa. Alleluia.

7
U tiòhi hoì o Toma
I to Ietu hōupo
I veòìa e te taa.
Alleluia.

8
Mamau o te i haatià
I te Tūhakaùaìa
O Ietu, te Haapohuè
Alleluia.

9
I ùka aè te Kāòha
Te Kāòha, te Hahi,
No tēnei koìka nui.
Alleluia.

10
I to tātou Haapohuè,
Te Pakaihi, te Kāìè
No te tau tai ananu.
Alleluia.

                                           E MANA NUI TO ÈO, E IETU                        I. 6

U tiàtohu Alleluia, Alleluia, Alleluia, Alleluia.

1
E mana nui to èo, e Ietu,
Ma te pō toù to Òe pohuè.

2
O Òe, Ietu, to ù Pohuè,
Ma òto ia mai to Òe pohuè.

3
A noho mai tātou kotoa
I te oà ètereno.

                                               A KOAKOA, E MARIA E                           I. 7

                                                                      (Matarena)

Mōumu
A koakoa, e Maria e, Tū hakaùa Ietu,
A koakoa, Matarena e ; U pohuè to tātou Hatu.

1
O Ietu te Etua,
U haapāpaku Īa,
Ua ako i te mate
No mātou io he peka.

3
Aè to Īa kuhane
I noho i Havaiki.
Hopee ia Īa te èhu
Ua hika ia Īa te mate
O te nino tūpāpaù.

2
Ua vaeìa Òe
No te haaìte atu
I te Tekao meitaì :
U pohuè Ietu, te Hatu.

4
Me ta Īa i peàu,
Ma te pō toù e tū ai
Me i òto mai o te mate,
No te pohuè ananu.

                                                  U POHUÈ HAKAÙA                               I. 8

Hāmani Pure                                                                               (même air M.) ou Tah. 109

1
U pohuè hakaùa
Te Tama a te Etua
I mate i no he peka
I uē ia tātou.

2
Pō toù me noho Īa
I òto he ana keâ,
U pohuè hakaùa
No to Īa mana oko.

3
E Ietu, e Maria,
E ape aa mātou,
A titii te mikeo,
A hua mai te meitaì.

                                                      ETUE TE UĒ !                                   I. 9

Tah. 170 - Sud I. 4                                                                                               (Air tahitien)

1
Etue te uē,
A koakoa à !
O ôtou te kouâ
No Ietu Kirito.

2
Epō te pohuè,
Ua noho Ietu
Me Iona, e toù â,
I òto o te ùa.

Mōumu

Ua tū hakaùa Īa,
Ua tū hakaùa Īa ;
U tūàki i te mate,
Ua kaò te pōtako.
Ua tū hakaùa Īa,
Ua tū hakaùa Īa ;
U tūàki i te mate,
Me te pōtako.
Alleluia, Alleluia...

3
Ua ìteìa mai
Te Haapohuè,
E mou vehine
Me nā àpotoro.

 4
Ua ìò to Ietu
Tūhakaùaìa
Mea tumu, i tēnei,
No te Haatià.

                                                 I TE MAÙTEIAO NUI                            I. 10

I. 29 Depuis l'aube

1
I te maùteiao nui,
I tū ai, e Ietu e. 
U keàpa te ao nei,
Noho mai Òe me mātou. bis

2
Taha ana au ma he vaanui
Me to ù kuhane koè.
Maakau ana to ù tau veke,
Taha mai Òe me mātou. bis

3
U mevaha to Òe kāòha
Ma òto te poì veve.
A noho mai Òe me mātou,
Matavaa me mātou.(bis)

4
No te toko o te amoka
Hopee ai to ù nino.
Haatavaè mai to kāìè !
A memae Òe me mātou !

5
Muì aè to memae nui,
U vevaò mai Òe ia mātou.
Io he koakoa o to Motua,
Āpuu mai Òe ia mātou.

       

                                              U PEÀU IETU IA TĀTOU                         I. 11

I. 165-1                                                Quand Il disait à ses amis

1
U peàu Ietu ia tātou : 
« O Au te Pohuè ananu » ;
Ua hika tātou i te mateìa.
Ma io Īa, Alleluia,
U pupuhi te hānauìa hou.

2
U peàu Ietu ia tātou :
« O Au te Àma o te ao nei » ;
Ua vae tātou i te pō keevō.
Ma io Īa, Alleluia,
U keàpa to tātou àma hou.

3
U peàu Ietu ia tātou :
« Mamau te poì haamoû » ;
Ua too tātou i te tōtōua.
Ma io Īa, Alleluia,
U pupuhi te Tetaì mau.

4
U peàu Ietu ia tātou :
« A mave mai ôtou e uē nei » ;
Ua ùmihi tātou (i) te vaanui .
Ma io Īa, Alleluia,
U pupuhi to tātou koakoa.

Mōumu
Alleluia, Alleluia
U pohuè Ietu.
Alleluia, Alleluia
U pohuè Ietu.

5
U peàu Ietu ia tātou :
« O Au te oà pohuè » ;
Ua ako tātou i te kai tekeo.
Ma io Īa, Alleluia,
U pupuhi te vaièiìa.

                                                          ETUE UĒ                                     I. 12

Aakapa - Taipivai

Etue uē, nā hoa ;

U pohuè hakaùa mai

Te Tama a te Etua

I mate i ùka o te peka.

A hahi me te koakoa

To tātou Arenio Pakate.

A hahi me te koakoa

To tātou Tukuìa kekaa.

Ua hika ia Ietu te mate,

Ua hika ia Ietu te pōtako,

Ua ìò te mana ia Ietu,

Ua tū te Kāìè ètereno.

                                                   E HAÌ NEI TĀTOU                              I. 13

cf. Tah. 195 - Ruita                                         No te Fitina

1
E haì nei tātou te koìka
Hitiìa to tātou Hatu
Io he àki me te kāìè.
I tēnei, a koakoa tātou.
A hahi tātou i te Hatu !

2
U tuku Īa i to Īa mana
I to Īa huaa kouâ :
A hee atu ma te ao nei,
A hakako i te tau ènana.
A hahi tātou i te Hatu.

3
Ua hua Ietu io te Motua
Haapei to tātou nohoka.
A tetaì tātou nui
Te kōava pii io Ietu.
A hahi tātou i te Hatu.

                                                        HAAPUÀHA                                   I. 14

Tah. 182 - Hatiheù                                                                                    No te àma Pakate

1
Haapuàha to mātou koekoe
Me to mātou kuhane pōtako ;
O te àma keàpa nui
Te hakatu o te Kirito.

Mōumu.
Te mana o te Pohuè hou,
Òe Ietu, te Kirito,
Te àma hoì, te hakatu o te haatià
O te pohuè paona koè.

                                                     HE Â KOAKOA                                I. 15

PCN

1
He â koakoa tēnei
No te poì haatià ia Ietu ;
Ua hika te mate ia Īa.
Alleluia, Alleluia !

Mōumu
E Ietu, hākāòha mai,
A hākāòha mai Òe ia mātou
I tēnei â koìka Pakate.

2
Ua tū hakaùa Ietu,
To tātou Hatu mana nui.
U pohuè ananu Īa.
Alleluia, Alleluia !

                                                 E ÌTE ÔTOU IA IETU                            I. 16

PCN

E ìte ôtou ia Ietu i Karirea ;

E ìte ôtou ia Ietu, ua tū hakaùa.

1
Umoì e ùmihi ma vāveka o te poì mate !
A ùmihi ia Īa io te poì pohuè !

2
Umoì e ùmihi io he vahi mamao nui !
E noho Īa me tātou i te tau â paotū !

                                                    HAÌ ATU TĀTOU                               I. 17

                                                                         (sortie)

1
Haì atu tātou e te koìka e,
Te Fitina o Ietu,
Te Hakāìki nui e.

Mōumu
Alleluia, Alleluia, Alleluia,
Te Fitina o Ietu,
To he Àki nui e

                                        TE PĒPENAÌA O TE AOMĀÀMA                   I. 18

Uki                                                                                                      TENETE 1,1-31.2,1-2

A hahi, a hahi i te Hatu ma te tau tai ia ôtoa

Te i pēpena i te àki me te henua i te manu me te ika paotū.

A hahi, a hahi tātou i to Īa ikoa ma te tau tai ananu.

I te tumu u pēpena te Etua

I te àki me te henua e.

Te henua à, e hakatu koè ;

E hakatu koè, kiko koè.

Ma ùka o te peteò pō keevō,

Ma ùka o te vai e ona nei,

Ma ùka o te vai e ona nei,

Ona nei te Ao o te Etua.

U PEÀU TE ETUA.

U pēpena te Etua

I te ika o te tai nui e.

I te manu pohuè e pī nei,

Nokenoke nei ma he tau vai ;

I te manu pekeheu e ona nei,

Ona nei ma he papa o te àki.

O īa te hana i haapaoìa

I te pō e ÌMA e.

U PEÀU TE ETUA.

 

Me te māàma anaè,

U meitaì te māàma.

Haapae te Etua i te māàma ;

Haapae i te māàma me io he pō

Me te apa o te Etua i te māàma : he  ;

Me te apa o te Etua i te keevō : he PŌ ;

Me te ahiahi, me te pōpōuì.

O te hana tēia i te pō e TAHI.

U PEÀU TE ETUA.

Me te hana o te Etua

I te papahenua :

Me te haapae i te tau vai

Ma ùka o te papahenua,

Me io te tau vai

Ma àò o te papahenua.

Me te apa o te Etua i te papahenua : he ÀKI

O te hana tēia i te pō e ÙA.

U PEÀU TE ETUA.

Òutī tee te henua,

Te henua ia ôtoa e.

I te èitā e tuku nei,

U pēpena te Etua

Ma òto o to Īa mana nui.

Pēpena te Etua i te tau manu hae

Ma òto o to īa hakatu.

Pēpena te Etua i te puaka kai

Ma òto o to īa hakatu,

Me te tau puaka paotū.

Ua ìte te Etua u meitaì.

U PEÀU TE ETUA

U pēpena te Etua

I to Īa iho ata o te ènana

I te ata o te Etua.

I pēpena atu ai

He vāhana, he vehine.

I pēpena atu ai

Me te puhi atu te menava pohuè

Me te penetitio atu.

U PEÀU TE ETUA.

Ua ìte te Etua

I ta Īa mea paotū i hana ;

Eīa he meitaì nui e.

       

E tuku nei i te kākano ;

I te tumu âkau e tuku nei,

E tuku nei i te puku.

O īa te hana i haapaoìa

I te pō e TOÙ e.

U PEÀU TE ETUA.

U pēpena te Etua

I nā àma kaùoo e ùa.

E vivini âua me io he àki

I te  me te Pō io he henua.

Pēpena te Etua i te tini hetū

Me te tuku atu i te papa o te àki.

Ua ìte te Etua u meitaì.

O te hana tēia i te pō e e.

U PEÀU TE ETUA.

Me te ahiahi,

Me te pōpōuì anamai.

O te pō e ONO e.

Me te pao anamai atii,

Ua tae te hīa o te Etua.

Atii ua pao anamai

O te àki me te henua.

Haapao te Etua i te pō e HITU

I te hana ta Īa i hana.

Me te hakaea i te pō e HITU.

Me te haameitaì atu.

U PEÀU TE ETUA.

                                          O IETU KIRITO TE KEÂ TUMU                  K. 1 a

PCN

1
O īa na te haè o te Etua
I vāveka o te huaa ènana ;
Ua noho te Etua me tātou,
To Īa mataèinaa.

Mōumu
O Ietu Kirito te keâ tumu
Ta te tau ènana i titii,
Ta te Etua i vae
Mēìa i to Īa meitaì.

2
O īa na te haè no te pure
No te tau mataèinaa paotū.
E too au i to ôtou ùtuna
I ùka o to ù hātaa.

3
No te haatū i te Èkaretia,
E nino tēnei no Ietu Kirito.
A ìò nei ia ôtou hakātahi
E tau keâ pohuè.

4
O ôtou te haè o te Etua.
No èià, umoì ôtou e mahaè
E noho nei te Kuhane Meitaì
I òto iho o ôtou.

                                          O IETU KIRITO TE KEÂ TUMU                  K. 1 b

1
O Au te Vaanui, te Tiàtohu,
Te Pohuè o te tau ènana paotū ;
Me haatià ôtou ia ù nei,
E ìte ôtou (i) te Motua.

2
Enā a hee au no te kānea
I te vahi no to ôtou nohoìa.
E hua mai hakaùa no te too
Ia ôtou, haapii me au.

Mōumu
O Ietu Kirito te keâ tumu
Ta te tau ènana i titii,
Ta te Etua i vae
Mēìa i to Īa meitaì.

3
A kātahi tātou me te Kirito
No te tuku i te haatià e tahi.
Te kāìè, te hahi i te Motua
I te Tama me te Kuhane Meitaì.

                                                 TE ÈKARETIA TUMU                            K. 2

Tah. 42

Te Èkaretia tumu

E Katoriko, Peàto.

Paotū te tau vahi,

Ma te tau tai ananu

Me i kiu, me i kiu mai,

Te ikoa Evanerio,

O Ietu Kirito,

To tātou hakatu mana.

Mōumu

Ua hana te Àpotoro

Me ta Īa i peàu.

Ua haki mai te Hatu

Te pohuè, te taetae.

To Ietu Èkaretia,

E mōuka tiketike ;

Ua pī te aomāàma

I to īa Kāìè.

                                              O TE ÈKARETIA A IETU                          K. 3

Tah. 43 bis

O te Èkaretia a Ietu

Te tumu, te no te tiàtohu.

O te koè nui e keue,

E koè nui e hika.

Mōumu

O Īa hoì e māàmāàma e,

O te Kirito e (bis),

I te hakaìteìa, i te tahaìa

O te ènana io he henua nei.

                                                   ÈKARETIA E TAHI                              K. 4

PCN

1
I to te Èkaretia
A Ietu te Kirito,
Te tekao tiàtohu
I èià aneiho.

4
E mea peàto hoì
I to te Èkaretia
Ma te hakāìki tumu
O Ietu te Kirito.

Mōumu
Èkaretia e tahi,
Èkaretia peàto,
Èkaretia àpotoro,
A hahi to òe Hatu !

5
E mea e tahi hoì
I to te Èkaretia
Ma te vivini e tahi
O te tau Vikario.

2
Atika, a òko mai !
E tahi Èkaretia
A Ietu te Kirito
Oi haaveke ôtou.

6
Mea katoriko hoì
I to te Èkaretia
Ma te tū tootahi
I te vahi kātahi.

3
E mea e tahi īa,
E mea peàto īa,
Mea katoriko īa
E mea àpotoro.

7
E mea àpotoro hoì
I to te Èkaretia
Ta te tau àpotoro
To īa tau tekao.

                                             O TĀTOU TE MATAÈINAA                        K. 5

PCN

Mōumu : Èkaretia e tahi, Èkaretia peàto

Èkaretia àpotoro, a hahi i to òe Hatu.

1
O tātou te mataèinaa
O te Hatu Etua.
Haamevaha i te ao nei
(I) to te Hatu kāòha.

1 Petero 2,4

2
O tātou te huaahaè
Haatūìa e Ietu
I ùka o te Àpotoro
Me te tau peroheta.

Efetia 2,19

3
I òto o te Kirito,
O tātou te keâ pohuè
(E) haatū i te haè tapu
No to Etua kāìè.

Efetia 2,19

4
O tātou kiritiano,
Te Nino o te Kirito ;
O tātou te tau mōmau,
O Ietu te upoko.

Koroha 1,18.

                                              E TE KUHANE MEITAÌ E                         K. 6

Sud K. 2 - Tah. 3.3


E te Kuhane Meitaì e,
A iho mai io mātou nei ;
Hakako mai i te pure
I te Etua Tiketike.

Mōumu
A hee mai Òe, a haamāàma,
A haapī nui to mātou hōupo
I te ahi nui no te kāòha Etua.

2
Haamoû to mātou hōupo ;
A paekē me io te ìno,
A too me te toitoi
I to te Etua vivini.

3
E te Kuhane Meitaì e,
A haameitaì Òe
I to mātou heeìa
I no he henua nei.

                                       MAVE MAI E, E KUHANE MEITAÌ                   K. 7

Tah. 3.3

1
E te Kuhane Meitaì e,
A iho mai io mātou nei ;
Haamāàma hoì Òe
Te kāìè o te Toùtahi.

Mōumu.
Mave mai, e te Kuhane Meitaì ;
A haapī to mātou hōupo
I te ahi tāpupu
Me he kāòha Etua.

                                      IA TŪÌKA MAI TE KUHANE MEITAÌ                 K. 8

Uki

1
Ia tūìka mai te Kuhane Meitaì
I te koekoe pōtako ;
U peka te pō keevō
E Ietu to karatia.

Mōumu
A ihi mai òe,
E te Kuhane Meitaì,
Ia puàha
Te kāìè o to ù Hatu.

2
A haaheò mai òe, te Kuhane Meitaì
I tu ù koekoe pepee,
Ia hahi au ia òe
Me Ietu me te Motua.

                                               IHO MAI ME IO HE ÀKI                           K. 9

(Air : breton)

Mōumu
Me mai me io he àki mai,
E te Haapohuè !
Haamāàma mai
I to kouâ tāhia !

1
O Òe te Motua
No te poì veve,
Te māhanahana
No te i kamaìi.

2
O te nui o te àì,
Òe te Pohuèìa
E te manihii
No te kuhane nei.

                                                E TE KUHANE MEITAÌ                         K. 10

1
E te Kuhane Meitaì,
A hee mai io mātou nei ;
Haanui mai i te kāòha
I òto o mātou nei.

2
O au te tumu vino mau,
O ôtou te tau makamaka
Te i pii mai ia ù nei ;
O īa te puku nui.

                                                     I ÙKA O AU NEI                              K. 11

Piri

1
Hakatu au me he vāhana mātiri hou
Tāpīìa i te heipua ;
Hakatu me te vehine hou
Tāpīìa i te tapeà me te koro.

Mōumu
I ùka o au nei, te Kuhane o te Hatu
Te i haapeàto mai
Ma te paùìa me te kao tapu ;
Na Īa i pōpahi ia ù no te kave atu
I te Tekao Meitaì hou mai i te poì veve.

2
Koù e haapeàto ia tātou
Te Etua o te moû !
Na Īa e haamau ia tātou
Te Meitaì paona koè.

3
A haahuaèkaèka ananu
No te tau mea paotū !
O īa na ta te Etua e tiaki nei
Me io tātou.

                                                E TAHI ETUA ANAIHO                           L. 1

Tah. 58                                                                                             O te māhana Tominika

1
E tahi Etua anaiho,
Te Motua me te Tama
Me te Kuhane Meitaì,
Etua Toùtahi ètereno.

Mōumu
A hahi tātou i te Etua Motua !
A hahi tātou i te Tama
Me te Kuhane Meitaì.

2
E hana kātahi âtou
Ma te hakatu e tahi.
He Hipotati kē âtou
Ma to âtou nā ikoa tokotoù.

                                                      O TE Â TĒNEI                                  L. 2

Tonga                                                        Hōupo Tapu oko

1
O te â tēnei
Te i kātahi ia tātou nei
I te aò o Ietu Kirito,
Te hōupo vaièi e.

Mōumu.
O te i haaìò (bis)
E Piimau hou (bis)
O ta tātou e (bis)
E haameitaì nei.

2
A kātahi à tātou nui
Me to tātou Hatu Ietu,
I to Īa hōupo vaièi
I te poì kotoa e.

3
A inu à tātou nui
I te vai tee mao ;
Me io to Ietu hōupo
U pupuhi ananu e.

Mōumu
O te i hoohoo (bis)
Io te vaipuna (bis
O ta Ietu e, (bis)
I kātahe anamai.

4
Te hōupo (o te) tevotio nui
E tūnou ana ia tātou nei ;
Ia tohuti atu tātou
I te pohuè ananu e.

                                              A UTAÌ TĀTOU ME IETU                          L. 3

                                                                                                                                  (G. 4)

1
A utaì tātou me Ietu,
To tātou hoa pii,
Te puta o te àki,
Te puta hāpiti oko.

Mōumu
E te Hatu e,
A hahi mātou ia Òe,
I To Meitaì e,
Ma te tau tai ananu.

2
A ape à tātou ia Ietu
I tēnei â o te Hatu (koìka) ;
Ua òko tātou to Īa èo
Tohuti tātou io Īa.

                                             E TO IETU HŌUPO TAPU                         L. 4

Sud M. 19

1
E to Ietu Hōupo Tapu,
Te hōupo Hākāòha Nui ;
O Òe to mātou taetae,
Te vaipuna no te koakoa.

Mōumu
I te tai hakātahi,
A atoratio mātou ia Òe
Ma te kāòha, kāòha,
Ma te pure ia Òe.

2
Òe te Moû me te Pohoè
No te poì hopo i te mikeo ;
Kāòha Òe ia mātou
A koàna to te àni pohoè.

3
Eīa to Ietu Hōupo Tapu,
Te hōupo hākāòha nui ;
O īa hoì te paù tapu,
Te vaipuna no te pohoè nui.

                                               A KAPU ÔTOU I TE VAI                          L. 5

Sud M. 18

1
E kapu ôtou i te vai
I te puna o te pohuè ;
Ua tahe atu me i òto o te puta
I te ava kaokao o te Kirito.

Mōumu
E to Ietu hōupo tapu,
A hākāòha mai Òe
Te i tiòhi atu ia Òe
I pāokaìa io he peka.

4
Ua tae ananu
To te Hatu maìmaì
Ta to Īa hōupo maakau
Me i te tai, te tai ananu.

2
U pahi mai te Etua
I to Īa Tama tootahi,
Te hēaka i ùtunaìa
O to Īa kāòha mai i te tumu.

3
A ūo to tātou kāòha
Me he ekeia òumati
I to tātou atoratio
I to Ietu hōupo, hōupo tapu.

5
A ūo to tātou kāòha
Me he ekeìa òumati
I to tātou atoratio,
I to Ietu Hōupo tapu.

                                          NĀ HOA E TE POÌ KIRITIANO                      L. 6

Taipivai

Nā hoa e, te poì kiritiano,

A kāòha i te hōupo,

Te hōupo mana no Ietu

(Te vaipuna no te pohuè.) (bis)

E atoratio nei mātou

I to Òe òna hōupo ;

A tiòhi, a penetitio

I to mātou òna henua e.

                                                I ÒTO O IETU KIRITO                            L. 7

Tah. 185.2 - Ina te tapa’o aroha                                                                            Sud M. 22

1
I òto o Ietu Kirito
Ua kāòha mai te Etua ;
I òto o Ietu Kirito
Ua uē mātou i te Etua.

Mōumu
Te haameitaì, te atoratio
I to Ietu Hōupo Tapu.
A hahi atu tātou nui
I to Īa kāòha mai.

2
Taioko te tau ènata
U taìtaì to âtou hōupo,
Na te mea e ìte âtou
I te Etua io he àni.

3
Ta te ènata e tiòhi
Te mea ma vaho aneiho ;
Ta te Etua e tiòhi
I òto nui o te hōupo.

4
Umoì to tātou hahi
Ma te fafa anaè,
Atika ma te tiàtohu
O to tātou koekoe.

5
Koè te haahua mai
Ta te Etua ia mātou
Vāàna e to mātou piò,
To mātou piò hakātahi.

                                              E TE ÀKI ME TE HENUA                          L. 8

Tah. 55 E te rai e te fenua

1
E te àki me te henua kotoa,
A hee mai tātou e kātahi
Ma te oha no te atoratio
I te Etua to tātou Hatu !

Mōumu
O īa te tumu, e te Hatu,
No te tau mea, te Pohuè ;
O īa te tumu, e te Hatu,
No te tau mea kotoa.

2
Atoratio tātou ia Ietu
Me te kuhane o te Tiàtohu !
A hahi tātou i to Īa tiketike
Me he mea o te tau anera !

                                                AUĒ TE KOAKOA NUI                            L. 9

Tah. 182 - Sud M. 4                                                                                       (même air H. 11)

1
Auē te koakoa nui !
Enā to tātou Hakāìki
Me i òto mai te puho tapu ;
Ietu, te Hatu o te àki.

Mōumu.
No te haakāìè ia Ietu
Te i tihe mai io tātou nei,
A hīmene tātou, a hahi
Tihe atu io he àki.

2
No ùka mai hoì te nohoka
I tukuìa mai nei.
E vaièi mai nei hoì Ietu
I to Īa tau karatia.

3
A haapī to mātou kuhane,
Ietu atoratioìa,
I te haatià me te kāòha
I te tau karatia nui.

                                                   ÒTANA I ÙKA NUI                             L. 10

Tah. Sud M. 3

1
Òtana i ùka nui
I te nino no Ietu ;
No Īa te pakaihi
Me te atoratio atu.

Mōumu
O to Ietu nino mana
E atoratioìa i àò nei ;
To Īa nino, to Īa toto
Ta tātou e atoratio.

2
O Īa i kāòha
Me te vaièi mai,
Te oà kuhane
No te pohuè ananu.

3
I to Òe heeìa
Io mātou nui nei,
Ietu, kāòha mai,
A haameitaì mai !

                                                O TA Ù I KĀÒHA ATU                          L. 11

Sud M. 17

1
O ta ù i kāòha atu
To te àni Hakāìki,
O Ietu te i noho
I òto o to ù hōupo.

Mōumu
Ia Ietu to ù hōupo
O to ù haapohoè,
Te kāìè me te moû
Me ia ù ia ôtoa.

2
E aha ta ù e haahua atu
No to Òe kāòha mai ?
A vaièi mai Òe ia ù
Te oà no te kuhane.

3
I te aò te Fatu,
Haakoè to te tino,
Haatihe ta te kuhane
I to īa tau kōhoà.

4
A iho mai te anera
Mea toko to ù veve,
Mea haamau i te pure
Me te hahi nui atu.

5
E Maria peàto e,
A vaièi mai Òe
To hōupo uē anatu
Mea uē ia Ietu.

                                            A ATORATIO TĀTOU IA ÒE                      L.12

Sud M. 20   Sainte Anne

1
A atoratio atu
Ia Òe, e Ietu,
Te tau poì ènata,
Ma nā fenua ôtoa.

2
E te poì haatià,
A muimui tātou
I pii o te fātaa,
I èià te Kirito.

3
A kaituto tātou
I to Ietu kāòha
I òto te Eukaritia
No te huaa ènata.

4
Ua tihe me i ùna
Mea ùtuna te Tino,
Mea ùtuna te Toto
Io to Īa Motua.

5
Me i te â, me i te pō,
U vevaò te Kirito
I te huaa ènata
Mea tuha karatia.

6
E aha à ua naò,
U tiàtohu te noho
Mēìa i te peàu :
He Tino hoì to ù.

7
E aha à ua naò,
U haapāpua aè,
U atoratio atu
Te tau ènata tini.

8
A tūtaì to tātou
Mahaò me te kāòha ;
A atoratio atu
I to tātou Etua.

                                              NA TE TURE A TE HATU                        L. 13

Hatiheù Toatini

1
He tekao a te Hatu
E aahi ia tātou
Io he Patirēia
Ta tātou e kōhoà nei.

Mōumu
Haameitaì i te Hatu,
O Ietu Haapohuè,
Ma òto te hīmene hahi,
Òtana, alleluia.

                                               NO TE ETUA TOÙTAHI                         L. 14

Heiau

1
E te Fatu Motua e,
Te Etua hākāòha,
He tumu no te pohoè,

Te kāìè ia Òe
Ma te tau tai hakātahi.

2
E te Tama Tāhia e,
E Ietu, te Hakāìki,
Te hēana no mātou,

Te kāìè ia Òe
Ma te tau tai hakātahi.

3
E te Kuhane Meitaì,
Te māàma me te moû,
Te vevaò me te ìi,

Te kāìè ia Òe
Ma te tau tai hakātahi.

4
E te Etua Toùtahi,
Te kuà o te kāòha,
Te āpuu ia mātou,

Te kāìè ia Òe
Ma te tau tai hakātahi.

     

                                                       NA TE ETUA                                  N. 1

1
Na te Etua i haatūtaì
Ia Atamo me ia Eva,
Mou hoa mātiri âua
Mea hānau i te tama.

2
Ua ìò hoì te mātiri
He hakatu o to Ietu
Tūtaì atu, tūtaì mai
Me to Īa Èkaretia.

3
Na Ietu e haatapu
I te kāòha nā hoa
Te haamau i te Piimau
No te òa o te pohuè.

                                      E TE HATU E, EĪA TO MĀTOU HĪA                 O. 1

Tah. 290

E te Hatu e,
Eīa to mātou hīa :
A āpuu mai
I to mātou apeìa.

Ia ìò te tau tama e àpotoro,
Me te tāvini no te Èkaretia katoriko,
E tuku nei mātou
Ta mātou tama ia Òe.

E te Hatu e,
Haanui to mātou ìi !
Ia ìò hoì mātou
E kave òko no Òe.

Ia kave hoì mātou ma te aomāàma
To Òe ikoa, e te kuà o te Pohoè, e te Hatu.
Ia hahiìa Òe
E te henua kotoa.

                                               A TŪÌKA MAI, E IETU E                          O. 2

Tah. 291

1
A tūìka mai, e Ietu e,
To mātou tau maakau
No to mātou tau tama
Ia ìò e àpotoro.

2
A hakaòko mai, e Ietu e,
I to mātou pure !
Ia nui te tau tama ènana
E àpotoro.

3
Ia nui te tau ènana
I òto o te pūpū voto !
Ia ìò âtou mea kave òko
No Òe, e to ù Hatu.

E Ietu e, to ù Hatu e,
A hākāòha me ia mātou nei,
E a òko mai Òe i to mātou pure.

                                                       IA ÌÒ HOÌ AU                                  O. 3

Tah. 289 bis

Taiohaè

Ia ìò hoì au e kouâ no Òe
No te haamevaha
I ta Òe Evanerio
I te aomāàma kotoa.

E kōhoà nei mātou
I te hana me Òe, e Ietu,
No te tāvini i ta Òe Èkaretia
I te Henua ènana.

Ùa Pou

Ia ìò hoì au e àpotoro hou
Mea kave atu
I ta Òe Evanerio
Ma te ao nei, ma te ao nei.

E koàka ia ôtou
Te ìi o te Kuhane Meitaì
E ìò ôtou e ìte no ù
Tihe atu i te paoìa o te aomāàma nei.

                                                       E TAI KOHIÌA                                  O. 4

Toatini

E tai kohiìa tēnei
Te peàu a Ietu Kirito
A mave mai ôtou.

Kōmōniō

O au te avāputa o te pāpua
O īa na te tekao tiàtohu.

Na Ietu i haamau te Eukaritia
O te kaimau e kai atu ;
O to ù nino hoì tenā
Me to ù toto.

Vevaò

O au te avāputa o te pāpua,
O īa na te tekao tiàtohu.

U haatū Ietu i te Èkaretia
Te mataèinaa o te Etua
O te poì haatià,
O te poì haatià ia ôtoa.

                                            MAMAU TE I ÀVE I TE ÒKO                       0. 5

Tah. 52 cf. Sud T. 1

Mamau te i àve i te òko o te Evanerio e,
O te i àve i te peka, a utaì me te Hatu.

1
A āpuutia e Ietu,
Koè nui Īa e hopo ;
O te Hatu te Pātoko,
Te hoa no to Īa kāòha ;
Aè he mea e avai atu
Ta Īa e kōhoà nei,
Te tāhia i to Īa Hatu
I te Meitaì me te Ìno.

2
I te koa o to Òe nohotina,
I no he avatai o te ao nei,
Ia tutuki me te tai oko,
Aòè e naò to Òe vaa.
To Òe aahi te haatià,

Me ia Maria te tiaki,
O Ietu to Òe kātau
Te i haamau ia Òe.

3
A toitoi, a meitaì
To Òe pohoètina
Ma te haamaakau ana
I te peka o te Hatu.
A noho te moû o Ietu
I òto o to Òe hōupo ;
A koakoa, a èkaèka
I to Īa tau vaièi.

                                             UA FAÌTIA TE KOÌNA NUI                        O. 6

Vaitahu

1
Ua faìtia te koìna nui
No nā mitinane katoriko
I àve mai te teào a te Etua
I te Fenua ènata nei.

Mōumu
Hakauàtia te àma i Vaitahu ;
U puàha nā motu e ono
Ia haakāìètia te Etua
I kāòha i to Īa mataèinaa.

2
A hahi tātou nui i te Etua mana
I kāòha ia tātou ma to Īa Tama ;
O Ietu te Tekao e tūìna i te ènata
I te aanui o te Motua.

                                                    IA KOÈ TE PURE                               P. 1

Tahiti

1
Ia koè te pure,
E koè hoì te haatià ;
Ia koè te haatià,
E koè hoì te kāòha.

Mōumu
E Ietu e, o Òe te kāòha ;
A toko Òe ia mātou
Ia ìò mātou e tāvini
No te Evanerio
E no te Èkaretia.

2
Ia koè te kāòha,
E koè te kōhoà tueni ;
Ia koè te kōhoà tueni,
E koè hoì te tueniìa.

                                                       TE TURE ÙA                                   P. 2

Tah. 53 - cf. Sud T. 2

1
Te ture ùa te hei no mua
O te kāòha nui te hoa i te hoa ;
Mēìa u tiàtohu nui
No te kāòha nui i te Toùtahi.
O te kāòha te heiìa nui ;
A kāòha i te poì kotoa
O te i hei, te hei koè,
Te hiiaki, te ìno, te meitaì,
te veve nui.

2
U kāòha mai te Etua mana
Te poì kotoa titikitahi
Me he ata heiìa ia ìte
No to Īa hakatu meitaì nui.
No keina, u pōpahi ia tātou nui
E kāòha atu te hoa te hoa ;
Me koè te kāòha i te Etua
Koè te kāòha i te ènana.

3
Me he nino hoì te Èkaretia,
Nui noa tātou, e tahi nino
I te mau o te Hatu te io he àki.
E hoa kai nātoa tātou hoì ;
A kāòha te hoa i te hoa
Ma te tūtaì o te i meitaì,
Me he mero tītahi no tītahi
O te haatuhuka mai a Pauro.

                                          O ĪA TE HAKATU O TE TĀHIA                     P. 3

Tah. 293 - Taiohaè                                                                                          (même air E. 5)

1
O Īa te hakatu o te tāhia,
Te tumu hoì no te tau puku ;
O te Kāòha tiàtohu tēia,
Te tāhia i te Motua.

Mōumu.
E tāhia te Etua ia tātou.
Auē te tāhia o te Etua ;
E hāìu mai te Etua ia pure,
Na Īa e tiaki mai ia tātou.

2
E kāòha te Etua ia tātou,
E tihe atu i te paoìa ;
Na Īa te pohuè i tuku mai,
I òto o Īa te Patirēia.

                                                 ÒMUA ATU TE ETUA                            P. 4

1
Òmua atu te Etua
E ua haamau i to Īa tau ture
I òto te ènana e,
Me te haamau ananu.

2
E hakaòko, e āpuu
I to te Etua tau ture ;
I èià te pohuèìa
Me te pohuè ananu.

3
E ua kaò te henua,
Ua kaò hoì te ture ;
E haamau te Hatu te vaetukia
Ia Aparahamo me Moite.

                                               PRIÈRE UNIVERSELLE

O Seigneur, écoute-nous, alléluia ; ô Seigneur, exauce-nous, alléluia.
E te Hatu Etua, alleluia, a òko mai ia mātou, alleluia.

Seigneur, entends la prière qui monte de nos cœurs.   E.25
E te Hatu hākāòha, a òko ia mātou.

Notre Père, notre Père, nous te supplions humblement.
E te Hatu Motua e, e pure mātou ia Òe.

Seigneur, écoute-nous ; Seigneur, exauce-nous.
E te Hatu, a òko mai, e te Hatu, a toko mai.

Entends nos prières, entends nos voix, entends nos prières monter vers Toi.
E te Motua e, hākāòha, a āpuu mai (i) tēnei pure.

O Seigneur, en ce jour, écoute ma prière.
E to mātou Hatu e, a òko (i) ta mātou pure.

(Encens)
Me he auahi kekaa, ua hiti ta mātou pure io Òe, e te Hatu e.

Tahiti
E te Hatu e, a òko mai ; e te Hatu e, a āpuu mai, a toko mai.

Noël air : Dans une étable obscure…
E te Hatu Etua, a òko ia mātou.

E te Atua e, aroha mai ia mātou i mua i to aro.
E te Etua e, a òko mai ia mātou, ta Òe tau tama.

 

E te Fatu e, aroha mai ia mātou, te here nei Òe i to nunaa.
E te Hatu e, a āpuu ia mātou, u kāòha Òe (i) te tau ènana.

E te Fatu e Ietu e, to mātou faaora e, te pure amui nei mātou ia Òe.
E te Hatu Etua e, to mātou Haapohuè, e pure mātou nui i to Òe kāòha.

        No to here ia mātou, e te Fatu e, a faarii mai Òe i ta mātou nei pure ?

 aroha mai ia mātou.
Mēìa to Òe kāòha, e te Hatu e, a āpuu mai Òe i ta mātou nei pure no te aomāàma.

Te Fatu, te Fatu, a oko mai i to mātou nei òna pure.
A òko i ta mātou nei pure, e te Hatu mana nui e.

E te Motua e, a òko mai ia mātou, ta Òe tau tama.

E te Hatu (bis), a òko mai, (bis)

A āpuu mai (bis) ta mātou pure.

E moû, moû nui to Òe hakatu e te Motua e,

Āpuu mai Òe i ta mātou pure.

                                                E TE MEA KOÈ VAVE                            S. 1

Sud S. 1 - H.P. 397                                                           (même air Anamnèse marquisien)

1
E te mea koè vave
Te noho o te ènana
I ùna o te fenua ;
E te mea koè vave !

2
Atii te pua òì,
Atii to te ènata ;
U tupu aè te pua,
U fānau te ènata.

3
U topa iho te pua,
U mate pu te ènata ;
Mea poto to âua
Pohoè i te fenua.

4
A haatata ôtou,
E te huaa mikeo,
A haatata ôtou
Me te ùa tūpāpaù.

5
Ia naò i èià,
E te huaa ènata,
Hano i te haakāìè,
A pēhea ta ôtou ?

6
Ua koè i èià
To ôtou kāìè pu ;
Ua koè i èià
To ôtou kōhoà pu.

7
Ua koè i èià
To ôtou koakoa ;
Ua koè i èià
To ôtou taetae.

8
Ua koè i èià
To ôtou hakāìki ;
Ia koè i èià
Te tau mea ia ôtoa.

9
U avai aneiho
To ôtou meitaì ;
U avai aneiho
To ôtou karatia.

10
Umoì e hano atu
I te mea pao vave ;
A kāòha aneiho
Te mea mau anatu.

                                          E TE POÌ KIRITIANO, HAAPEI                     S. 2

Tah. 12 - Uki

1
E te poì kiritiano, haapei to kōutee
No te tihe atu io te haè motua ;
O ai hoì ta tātou i ìte, a hea te keèe
Kōutee no te kuhane.

2
Ia nui to taetae, ua nui te kāìè pu.
Ua hiko te mana i to īa taetae ;
Na īa te kuhane ènana,
No to ù kāìè pu, u hopee te kuhane.

3
A tohuti, a ape io Ietu te Pohuè.
O Īa te tātihi o tātou poì mikeo.
E ìò mai te takarameta no te poì mate,
U àkaàka te nino e.

4
Ma tēnei tiòhiìa, a maakau toitoi,
I to nino hou e oà na te èpo
Tātai ana te mate ia òe ;
U tataèka po me to tuke vaevae.
Me Ietu te kāòha nui i òto he àki,
Te ètereno ananu.

                                             I TE ETUA TĀTOU I TĒNEI                        S. 3

Sud S. 2 Père Pousset

1
I te Etua tātou i tēnei,
I to tātou paekētina,
I ùna o te àni e âvei hakaùa.

Mōumu
Âvei, âvei hakaùa
I mua o nā vaevae o Ietu.
Âvei, âvei, âvei hakaùa
I ùna o te àni,
Te âvei mau anatu.

2
A nui to tātou pure io Ietu.
A nui to tātou hana meitaì
Mea pohoè koakoa anatu.

                                                 AUĒ ! I TE TŌUA NUI                            S. 4

Sud G. 1                                                                                                     (même air S. 6)

1
Auē ! I te tōua nui
I òto ia ù nei,
E ùa mea enemī
Te kuhane, te tino.

Mōumu
E Ietu e, a vaièi mai
To karatia mana
etià e òko te tino,
E moû te kuhane.

2
Ua ìmi te kuhane
I te ahi o te Ture.
E kōhoà nei te tino
Te tau mea pao vave.

3
Na ai à e haapohoè
Tēnei tino mate
Ia hee to ù kuhane
Te vahi tōua koè ?

4
To tātou pohoètina,
Ua poto i àò nei ;
Ua pī i te tau memae
Te àì paona koè.

5
A tiòhi i te àni,
I èià te nohona ;
E koè ai te tōua
Te àì hakātahi.

                                                     I TE TAI PAOÌA                                 S. 5

Ruita - Tah. I te mau tau hope’a

1
I te tai paoìa,
O te ènana haatià
E tū hakaùa mai ;
To tātou nino nei,
No to Ietu mana,
E hua hakaùa mai
Me tītahi kākano
O te i nanuìa.

2
E koè nui te àki
Ma te keuu nui ;
E kao hoì te henua
I te veàveà e ;
Keuu te e,
E tū te i mate ;
Ua tihe mai te ava
No te haavā nui e.

                                              IO TE VAHI MEMAE NUI                          S. 6

Tah. 17                                                      I roto i te abuto                          (même air S. 4)

1
Io te vahi memae nui,
No te haamā kuhane,
E noho nei mātou me te uē
Ta mātou e taaàu nei.

Mōumu
Kāòha mai, kāòha mai !
O ôtou to mātou hoa ;
Ia pepeùìa te àki
I to mātou pureìa.

2
Nui oko, nui te vaimata,
Ta mātou e haatahe nei.
Aè hoì e koè te memae
Io te ahi nui.

                                          MAMAU TE KOEKOE AOTAHI                     T. 1

Pacôme - Petiot

1
Mamau te koekoe aotahi
I te vevaò a te Hatu ;
Me i te henua memao,
Ua hiti te keèe na Òe,
Ma te ava, ma te ava tai nui.

Mōumu
E èo no Òe, e te Hatu e,
A taha, a taha ma nā henua kotoa ;
A hakaìte i to te ao nei
E haatāhia nui au nei.

2
E aha e mea mahaò
Te hana i hanaìa e Òe
I uē i te poì kikino ;
U tīmata te hāìuìa koekoe
O te huaa, o te huaa èteni.

3
Pēhea u mehea mātou nui
I te hakatu ìtea mai.
I nā motu e ono,
Ua mau te peka o te Kirito,
Te hōata (bis) o te kehukehu.

4
A pei, e te huaa kiritiano,
I naò o te Hatu
Me te huaa mitinane,
A haì haatahi tātou
I te koìka, i te koìka nui.

                                              TO MĀTOU HAAPOHUÈ                          T. 2

Roo

Ietu to mātou Haapohoè,
A toko mai i to tau kouâ
No te tuhaìa i te Evanerio pohuè ;
Ia taki to ikoa tapu,
Ia puta mai to Òe Moû
I òto o mātou nei.
Ia hihi mai te māàma o te kāòha.

Mōumu
E no èià, e te tau hoa,
Ia ìò òe e èo (no te Hatu)
No te haamevaha i te Tekao
O te Evanerio pohuè.

                                                     A TETAHA ATU                                T. 3

Air Y. 3 - P. Édouard                                                                          L. Deiss - Fille de Sion

A tetaha atu, alleluia, ma te ao nei kotoa,

Ma io te poì, alleluia,

A hakako ia âtou, alleluia.

1
A hīmene no te Hatu te hīmene hou !
A hīmene no te Hatu te henua viipū !
A haakakai i to Īa kāìè io te poì
I ta Īa hana mahaò no te haètoa.

3
No te Hatu te àki ; na Īa te kāìè.
Ma to Īa hiero te mana, te kāìè.
A atoratio i te Hatu ma to Īa haè !
A uu mai i te taha tapu no te tūìa !

2
Ma tēia â, ma tēia â,
A haaòko nui i to Īa pohuè !
A hano, a haki ma te tau mataèinaa
O te Hatu, o Īa te Hakāìki.

4 (chanté le dim. 16 fév. 2014)
A kāìè nui i te Motua,
Me te Tama, me te Kuhane Meitaì
Me i òmua naoti i tēnei ananu,
Ma te tau tai hakātahi, amene.

                                                HAKAUÀTIA TE ÀMA                            T. 4

Hīmene Iupiri Vaitahu

Hakauàtia te àma i Vaitahu,
U puàha nā motu e ono
Ia haakāìètia te Etua
I kāòha i to Īa mataèinaa.

1 (Mitinane)
Ua faìtia te koìna Iupiri
O nā mitinane katoriko
I àve mai te Teào o te Etua
I te Fenua ènata nei.

2 (Koìna Hāpaina)
I te koìna Hāpaina, ia hahitia Maria,
Ua vae te Etua ia Īa mea kui
No to Īa Tama, o Ietu to mātou Fatu,
Me te kui o te huaa ènata.

3
I te tau òmua ika, e mōèhu te fenua,
Èteni ana te tau tupuna ;
Òno koè hoì i te Teào o te Etua
I noho èteni ai âtou nui.

4
E aha à to âtou haatià koè,
Aè te huaa mitinane i hopohopo ;
Ua noho, ua tanu te kākano meitaì,
Ua tohe te haaòno te Teào a Ietu.

5
Ma òto o te toko o Ietu me Maria,
Ua nui te tau puku meitaì ;
I pohoè ai âtou i òto o te haatià,
I tihe mai ai tēnei ava.

6
Kāòha nui te huaa mitinane !
Na ôtou te pohoè to mātou kuhane ;
Ua noho Ietu Haapohoè
Me mātou nui i te tau â paotū.

                                                NO TE TAU MITINANE                           T. 5

Tah. 288

Auē te kanahau to kotou vaevae,
E te tau mitinane, tau keèe a Ietu.
No kotou i kave mai te Tekao a te Hatu
Ma nā vahi hakātahi tihe i te Henua ènana.

U titii kotou i te motua me te kui,
Me te haa, me te huaa i uē i te Etua.

Me he rupo hae oko te huaa èteni,
Aòè i hopohopo te huaa mitinane.

Mēìa i te toko o nā hōupo tapu,
Te rupo te i vaè, u pohuè âtou.

Te huaa mitinane, kāòha nui kotou,
Na kotou te pohuè o to mātou kuhane.

                                                  E MARIA VIRIKINE                              V. 1

(Ruita - Tonga)

1

E Maria Virikine,

E te kui no Ietu,

A tiòhi mai òe

I to mātou kāòha.

Mōumu.

Ua hahi ia òe,

Hivaòa, Tahuata,

Fatuiva, Ùahuka,

Ùapou, Nukuhiva.

2

U tavavā pu te òko

O to òe meitaì,

O to òe pure mana

Ma nā henua kotoa.

3

E ona me hiti aè

Mātou io he àki

Mea kāòha ananu

Ia òe, e Maria.

                                                    E MARIA PEÀTO                               V. 2

1
E Maria peàto
I tupu mikeo koè,
A nui to òe pure
I uē ia mātou nei.

Mōumu.
E Maria, (bis)
Te Kui, (bis)
No Ietu, (bis)
A tiòhi mai òe ia mātou.

                                             A MATAÒTAÒ ÒE MARIA                        V. 3

Tah. 212-1

1
A mataòtaò òe Maria,
E te kui peàto o te Etua,
E te kui haì kāòha nui,
A pure i uē ia mātou.
A hīmene, a pakaihi.

2
E te kui koekoe virikine,
E te kui o te karatia nui,
E te kui tupu mikeo koè,
Te vevaò o te poì hee tai,
Te hōata, te toitoi noa.

3
U hapai nino ìa hoì òe,
Na to Tama tāhia nui,
Ma ùka o te tau peàto,
I te ìma oko to òe nohoka
E Maria tiaki ia mātou.

                                                  KOAKOA KOAKOA                             V. 4

Tah. 245                                                      Ham. Pure 215                       Ave te Arii Vahine

1
Koakoa, koakoa,
Ua hua te meàma,
Taetae nui oko
I te tama o Maria.

Mōumu
E Maria e, Imakurata,
O òe to mātou kui,
A haamaakau mai òe ia mātou
Ma òto ta òe pure.

2
A muìmuì tātou
I te aò o Maria
O te kui o Ietu,
O te kui o tātou.

3
A hahi me te kāòha
I te kui o Ietu.
A hahi me te kāòha
I te kui o tātou.

4
Pēhea òa te hahi
Ia òe e Maria,
Te kui o te Etua
Me i hea te Tekao.

5
U peàu anaiho
O òe hoì Maria,
Te kui o te Etua,
Ènana hoì mātou.

                                                  A HĪMENE TE HAHI                             V. 5

Uki

A hīmene (bis)

I te kui (bis)

O to tātou (bis)

Maria e (bis)

E āpuu, āpuu (bis)

I òto to Ietu ikoa. (bis)

me te hahi (bis)

no te Hatu (bis)

Paterono (bis)

A meitaì.

Āpuuìa (bis)

                                             E TO MĀTOU PATERONO                        V. 6

Tah. 201

1
E to mātou paterono,
Maria haatepēiù
O te henua ènana,
A tiaki mai ia mātou.

Mōumu.
A ape to tama tāhia
Ia hāìu mai ia mātou nei
E òna me haavāvaièi mai
Ia mātou poì mikeo.

2
E te haatepēiù
O te pure rohario,
A haaūo ia mātou nei
Te tau hana meitaì.

                                                        O AI TĒNEI                                    V. 7

Tah. 241-1

1
O ai tēnei, tēnei e tiòhi nei ?
E pootu me he pōpōuì, o Maria,
O Maria, te i hānau, te i tuku
I te hihi o te òumati tiketike.

Mōumu
A hīmene ia Maria,
Te kui o te Etua,
To tātou òna kui,
I tupu mikeo koè.

2
O Maria, te haatepēiù
No te àki e no te henua,
A tiòhi i to Hatu tama
E to mātou pure rohario.

                                            E MARIA NO TE ROHARIO                        V. 8

1
E Maria no te rohario,
E te kui haatāhia,
A tiòhi mai òe
I ta òe nei tau tama.

Mōumu.
E mata moû oko
To òe nā e Maria,
E mata hākāòha
I te huaa ènana.

2
Ua muìmuì mātou
I mua i to òe aò.
A vaièi mai òe ia mātou
I te tau karatia.

                                                  E MARIA PEÀTO E                              V. 9

Tah. 245                                                    Ave te Arii Vahine                      (A tui tātou nui...)

1
E Maria peàto e,
E te kui kāìè koè,
A nui to òe pure
Io to Tama pinea o te Etua.

Mōumu
A tui tātou nui, (nui e)
I te pua hei roti, (hei roti e)
No te haakanahau
I to īa òna hātaa.

2
E pure nei tātou,
I te pure kāòha òe.
E Maria, u (hōata)
Pootu me he hihi òumati.

                                                    E MARIA PEÀTO                             V. 10

(Rataro)                                                                                                    (E koìka, e koìka)

1
E Maria peàto,
E te kui no Ietu,
A tiòhi mai òe,
I ta òe tau tama ;
E tama hoì mātou,
O òe to mātou kui,
Koakoa nui hoì mātou.

Mōumu.
E koìka, e koìka,
E koìka kanahau
No Maria peàto.
A hahi tātou nui nei ;
Enā Maria i ùka
Io te Tama.

                                                       O ÒE MARIA                                 V. 11

Taipivai

1
O òe Maria
To mātou nei kui ;
E hahi nei mātou ia òe.

Mōumu
A pure òe io te Motua
No mātou nui te poì mikeo.

2
O òe Maria
Te haatepēiù ;
E pure mātou ia òe.

                                                    E MARIA PEÀTO                             V. 12

                                                                  (Maria, Maria e)

1
E Maria peàto,
E te kui no Ietu,
E vevaò nei mātou
Ia òe, a hee mai.

Mōumu.
Maria, Maria e,
Maria e, kāòha òe !
Maria, Maria e,
Maria e, kāòha òe !

2
E kui tāhia òe,
E kuà no te tai nui,
No te àki, te henua ;
A pure òe no mātou.

                                              E TE MEA KOAKOA NUI                        V. 13

1
E te mea koakoa nui
No tātou, e te poì,
Te poì veve ;
U vaeìa hoì Maria
Mea kui meitaì no Ietu.

Mōumu
Kāòha òe, (bis) Maria, (bis)
Òe hoì to mātou mōuka e.
Ua ìò ia òe te kāìè
Me to Ietu moû pao koè.
O īa hoì, (bis) ia mātou e, e Maria.

                                                  KĀÒHA ÒE MARIA                         V. 14 a

Glinka - Imbaud

1
Kāòha òe Maria,
Kāòha òe pī i te karatia,
Me òe hoì te Hakāìki,
Te Hakāìki e, te Hakāìki.

2
Kāòha òe Maria,
Kāòha òe pī i te karatia.
U kāìè hoì òe vāveka
O te tau vehine, o te tau vehine.

3
Kāòha òe Maria,
Kāòha òe pī i te karatia.
U kāìè hoì òe me Ietu
Me i òto o to kōpū.
Amene, amene.

                                                  KĀÒHA ÒE MARIA                        V. 14. b

Glinka - Imbaud

1
Kāòha òe Maria
Pī i te Karatia.
Kāòha, kāòha.
Me òe hoì te Hakāìki,
Te Hakāìki e,
Te Hakāìki e.

2
Kāòha òe Maria
Pī i te Karatia.
Kāòha, kāòha.
U kāìè hoì òe vāveka
O te tau vehine,
O te tau vehine.

3
Kāòha òe Maria,
Pī i te karatia.
Kāòha, kāòha.
U kāìè hoì me Ietu
Me i òto o to òe kōpū
Amene, amene.

                                        E HAHI MĀTOU IA ÒE E MARIA                  V. 15

Gaston Tuhoe

Ave, Ave (bis), Ave Maria.

1
E hahi mātou ia òe, e Maria e,
No to òe kāòha ia mātou nei,
Ta òe tau tama nei.

2
A tuku òe ia mātou nei i ta òe tama ;
A peàu atu i te kāòha
O to mātou hōupo.

                                           A KOAKOA E TU Ù KUHANE                    V. 16

Tah. 209

1 a
A koakoa, e tu ù kuhane,
O te Etua to ù haapohuè,
No Īa te tiòhi haakāòha,
I te pāpaku nui, e tueni au.

1 b
Ia haameitaì nui ôtoa,
Ia toutaki mai te tau tai,
Ia toutaki mai te tau tai
Ia ôtoa, e pohuè nui hoì.

Mōumu.
E Maria e, karatia nui e,
Haatepēiù nui e,
E kui hoì òe no te Etua,
A pure no mātou.

                                                E MARIA IMAKURATA                         V. 17

Ua Pou

E Maria Imakurata,

O òe to mātou kui,

A haamaakau mai òe ia mātou,

Ma òto ta òe pure.

A hahi me te kāòha

I te kui o Ietu.

A hahi me te kāòha

I te kui o tātou.

Pēhea òa te hahi

Ia òe e Maria,

Te kui o te Etua.

Me i hea te Tekao.

                                             A HAHI TĀTOU IA MARIA                       V. 18

Tah. 233 Louis Mamatui

1
A hahi tātou ia Maria
I tupu mikeo tumu koè,
No te àki me te henua
Virikine peàto.

Mōumu
Kāòha òe, Maria peàto,
E kui no Ietu,
Kui no tātou paotū.

2
Te haatepēiù no te àki
Me te Henua ènana,
A tiòhi mai ia mātou nei,
A vevaò ia mātou.

                                            E MARIA E, HAATIÀ NUI E                      V. 19

1
E Maria e, haatià nui e,
Virikine peàto ;
E kui meitaì i vaeìa,
A pure no mātou nei.

Mōumu
Maria     (bis)
Peàto e  (bis)
E te kui   (bis)
No Ietu    (bis)
O īa to ù hīa ia òe, Maria,
Ma te tau tai ananu.

2
No to meitaì, to pāpaku nui e,
To haatià, e Maria,
A vevaò ia mātou e ape nei,
A pure no mātou nei.

                                                   E TE HAATEPĒIÙ                             V. 20

1
E te haatepēiù
To te àki koakoa,
E vevaò nei mātou
I to òe ikoa.

Mōumu
E Maria peàto e, to mātou kui,
O to mātou kāòha ia òe, ia òe,
E Maria peàto e, to mātou kui
O to mātou kāòha ia òe.

2
E te kui virikine
To te henua taetae,
Ua pure mātou io òe
Me te peàu atu.

                                              E MARIA IMAKURATA E                        V. 21

E Maria Imakurata e,

To mātou paterono,

E huro nei mātou ia òe

A pure no mātou.

Mōumu

A pure òe no mātou

I te Hatu te Etua

I òto i te tau ati.

                                                 TAÌTAÌ ÒE E MARIA                           V. 22

Tah. 225

1
Taìtaì òe e Maria,
Ua koè te mikeo.
Taìtaì òe e Maria,
U pī nui te karatia.

U peàto, òe Maria,

E hahi nei mātou

ma he èo koakoa

O te hīmene, hīmeneìa,

I to te àki pootu ;

Ia keuu te koakoa

Me Maria Haatepēiù.

2
Haatepēiù òe, e Maria,
No te Henua ènana.
Kāìè ia òe, e Maria,
I vāveka nui o te tau vehine.

                                                        AVE MARIA                                 V. 23

                                                                       (Lourdes)

Ave, Ave, Ave Maria (bis)

1
U hīa Maria
Te haaìte
I vae te moî
Perenateta.

2
E vehie kohi
Ta te pahoè
I Mahapiere
Io te ana.

3
Eīa i òto
Me te vehine
Haatepēiù
Pootu oko.

4
Māìta riria
To Īa kahu,
Èreère àki
To Īa taka.

5
Mata moû oko
Ta te vehine
Matavaièi,
Mata kāòha.

                                  O MARIA TE HAATEPĒIÙ O NUKUHIVA            V. 24

Grotte Hooumi

1
E Maria,
te haatepēiù o Nukuhiva,
Te pootu o te ataàki,
O òe te tāhia o te mōèhu,
o te veve,
E Maria e.

Mōumu
Na òe (F) i āpuu (H)
I to mātou (F) tau tupuna (H).
E hahi nei mātou ia òe,
Te hei rohario,
Te kuà o te hei roti ;
E hahi nei (hahi) mātou ia òe.

2
(F) U paania te ati Hiaoei,
(H) U paania te ati Tomaa,
(F) U paania te ati Kahumaka,
(H) U paania te ati Nohokaavai,
(F) U paania te ati Tekemau,
Ua tuna te pootu o te avaàni.

                                          A KOAKOA E TE POÌ HAATIÀ                   V. 25

cf. Mimiò

1
A koakoa, e te poì haatià,
Ma te pure me te pakaihi
I to te tau karatia noho io
To Maria hōupo vaièi.

Mōumu
E te hōupo tapu
No to Ietu Motua,
A tuku i òto to mātou koekoe
Te kāòha e pohuè ananu.

2
No keina te puàha mai nei
To te riria tavaìè ;
E peàto, e hahi to te àki nui,
Ia koakoa nā hipotati Etua.

                                           E MEITAÌ MAI TE ROHARIO                     V. 26

cf. Mimiò

1
E meitaì mai te rohario,
A pure tātou io Maria,
Tupu mikeo koè, me te moû,
Ta tātou e hahi nei.

Mōumu
E Maria peàto, a pure òe
Io te Etua, no mātou.
Ia hahi ananu mātou nui
I to òe ata, e Maria.

                                               A TUI, E TE TAU TAMA                         V. 27

cf. Mimiò

1
A tui, e te tau tama
No te Etua,
I te tau hei kanahau
E tuku ia Maria.

2
I tēnei meàma,
E pure nei tātou
I te tau â paotū e,
I te rohario mana.

3
Tēnei pure mana,
Me he roti kanahau,
No te tuku atu
I to Maria upoko.

                                              MARIA TE KUI NO IETU                        V. 28

(Roo)

1
Maria te kui no Ietu
I tupu mikeo koè,
E haatepēiù òe.

Mōumu
Kāòha òe, Maria,
E te haatepēiù
O te Henua ènana.
A pure òe i uē ia mātou
Io te Etua Motua.

                                              U HAAHŌHONU TĀTOU                        V. 29

Tah. 224 - M. Frogier                                   A faateitei tātou

1
U haakāìè tātou
I te Paterono Maria
No to tātou tau henua (henua)
Ia Maria no te moû.

2
Ua tihe to òe ikoa
Ma muì te tau mitinane ;
U kōhoà mātou ia òe,
U haatūìa hoì to òe tau haèpure.

                                         NO MARIA TE KUI O TE ETUA                   V. 30

Vaitahu

1
Kāòha òe Maria,
Te kui o te Etua,
To mātou paterono e,
Te kui o te huaa ènata e.

Mōumu
A pure aè òe (no mātou)
No to mātou huaa tama ;
Ia ìò âtou e tāvini
No te Fatu e.

2
U mevaha to òno meitaì,
E te kui tāhia nui,
Ma nā fenua ia ôtoa,
Te nui o te hana meitaì.

                                 KĀÒHA ÒE E MARIA I TUPU MIKEO KOÈ          V. 31

Taipivai

1
Kāòha òe, e Maria,
I tupu mikeo koè ;
O te i pī i te karatia,
Te Kuhane Meitaì.

2
Ua hahi mātou nui
I to òe koìka.
E Hāpaina kāìèa
Ia òe io he àki.

3
Te hetū ònohuu e ùa
E hei no òe.
E Maria Virikine,
A pure no mātou.

4
Te kanahau o te àki
I ùka ia òe.
E māhina io to vae ;
E òumati to kahu.

5

To Ietu kui tāhia,

To mātou òna kui,

A tiòhi ia mātou,

A pure no mātou !

                                                PŌ E ÌMA NO AKUTO                          V. 32

M. Tauru - Pacôme

1
Pō e ìma no akuto,
Ua tū te fenua,
Puàha mai te â hou,
Ua pae nā mitinane ma Tahuata.

2
I èià te tau tueni,
I èià me te kui ;
Ua toko i te hana haatià,
Ua fāìu mai to nā motu e ono.

3
E te kui tāhia e,
A pure aè òe,
A nui te tama ènata
E haì vevaò ma te ao nei.

Mōumu :

E Maria e, Haatepēiù o te Fenua ènata,

E hahi mātou nui ia òe :

A mave, a mave, a mave Maria !

                                                  TE MĀHINA E ONO                            V. 33

Hapatoni

1
Te māhina e ono,
U pōpahi te Etua
I te anera i Natareti
Io tītahi virikine.

Mōumu
Kāòha e Maria pī i te karatia,
Me òe hoì te Fatu, te peàu ta te anera,
Enā òe a tupu i te tama Etua,
A apatia te inoa o Emanuera.

2
Haahua atu Maria,
E pahinaèo au
No te Fatu.
A tae to òe hīa.

                                                  A NUI TE MAHAÒ E                           V. 34

                                                                          Paieti

1
A nui te mahaò e,
To Maria hānauìa e,
Mea kui no Ietu e,
A nui te mahaò e.

Mōumu
Kāòha òe Maria e,
E te haatepēiù e,
Kāòha òe Maria e,
E te haatepēiù e,
E te kui no Ietu e
A pure òe no mātou nei e.

2
Koìka nui hoì no mātou e,
To òe hānauìa nei e,
A tiòhi mai òe Maria e
I ta òe tau tama e.

                                                     A HAHI, A HAHI                              V. 35

                                                                                                       (même air A. 8 et V. 79)

1
A hahi, a hahi
Te Imakurata,
Te kui o te Toùtahi,
A hahi, a hahi.

2
A hahi, a pure
Io Maria Virikine
I tupu mikeo koè ;
E Maria, hāìu mai.

3
E te kui haì kāòha
Te huaa veve
Me te poì hopi ;
E te kui, a toko mai.

                                                  U PEÀU TE ANERA                           V. 36

1
U peàu te anera
O te Hakāìki nui
Ia Maria peàto,
Kāòha òe Maria e.

2
Enā a tupu i te tama
Haapohuè ènana.
U hua atu Maria,
A tae to hīa a tihe nei.

3
U hānaua i te pō
Te Haapohuè mana e,
I òto Petereemi,
I òto he anakeâ.

4
E Etua tiàtohu,
E ènana tiàtohu,
He tama no te Etua,
Òna tama no Maria.

                                                TOMO ATU TĀTOU E                          V. 37

                                                                         (Paieti)

1
Tomo atu tātou e,
I òto e, o te haèpure o Maria,
O te haatepēiù
O te Henua ènana.

2
Auē hoì o te kanahau e,
O to haèpure to òe ahu ;
A noho mai òe
I vāveka o mātou nui e.

3
E Maria e, haatepēiù e,
A tiòhi mai òe ta òe tau tama
No te hahi atu to koìka e,
A pure òe io te Etua
Kāòha mai òe. (bis)

                                              HAHI TĀTOU, HAHI HOÌ                        V. 38

1
Hahi tātou, (bis)
Hahi hoì (bis)
Ia Maria
Taìtaì pē.

Mōumu
Hahi, hahi au,
Hahi, hahi ia òe,
Hahi, hahi au,
Hahi ia òe.

2
A mahaò
No te hana
Kanahau
I haapaoìa.

3
E vehine
Pakaihi (īa e)
E Ioteve(o te i noho)
Taìtaì.

4
Me i ùka
O te hātaa,
A toko mai (bis)
A taha mai !

                                               KĀÒHA MARIA PEÀTO                        V. 39

1
Kāòha Maria peàto,
Ua pī òe i te karatia,
Me io òe te Hatu ;
U kāìèìa hoì òe
Vāveka o te tau vehine ;
Haameitaììa te Hatu
Io to kōpū, o Ietu e, o Ietu.

Mōumu
Maria peàto,
Te kui peàto o te Etua,
A pure òe i te Etua
No mātou no te poì mikeo
Ia tata me te mate,
A pure i uē ia mātou.

                                  A TIÒHI A MAHAÒ TO MARIA TIKETIKE           V. 40

Mōumu
A tiòhi, a mahaò
To Maria tiketike ;
Ua tupu virikine
A tiòhi, a mahaò !

1
I te tau tai kotoa
A haanui, e to ù kuhane,
Te meitaì o Maria
Me to Īa tau koìka.

2
A pure, e Maria,
Ia koè te titania,
Ia mau te karatia
I òto o to ù kuhane.

                                                 I TĒNEI Â, A MAHAÒ                          V. 41

Air : Fatima

1
I tēnei â, a mahaò
Te tau hana kanahau
Ta te Hatu i vaièi mai.

3
E Maria rohario,
Ua mau to nohoka
No te hee pererina.

Mōumu
Kāòha òe e Maria
Imakurata, Imakurata,
Kāòha, kāòha nui.

4
A pure tātou te rohario ;
O to ù pure, ua meitaì
Penitai no te hee pererina.

2
Kātahi tātou me te pure
No te hee pererina
Io Maria Imakurata.

5
E Maria Imakurata,
A haanui i to meitaì
I òto o mātou nei.

                                                      EĪA I RURETA                                V. 42

(Je veux toujours t'aimer)

1
Eīa i Rureta
Te ana Mahaperia,
Hākai Perenateta
I to Īa naho mutō.
E moî taetae koè,
E moî hopi ;
Ua ìte i te Haatepēiù
Pootu oko.

2
E korona i te ìma,
Ua tihe te vaipuna
Ma àò to Īa vaevae ;
Ua ape Perenateta,
E te Haatepēiù,
O ai to òe ikoa ?
Mea nui te peàu
A haki mai.

3
U haapuàha
Te Haatepēiù ;
Nā îìma i àò,
U hapai i no he uma ;
U heau io he àki
Me te peàu :
O au te Virikine
Tupu mikeo koè.

                                                   O ÔTOU TE MATA                            V. 43

Uki

O ôtou te mata,

E te tau anera e,

To Ietu Motua

O to mātou nei.

E haameitaì tātou

Ia Maria e,

Te i haatià mai

I to mātou kōhoà.

Mōumu

U tiàtohu nui, ua taha tātou

Ma àò o te àki e io he henua nei.

O Maria, O Maria,

Te Kui, Te Kui,

O Maria, O Maria

Te Kui, Te Kui ;

Ia Īa à to hōupo,

O īa to tātou hōupo.

                                              KĀÒHA TE HAATEPĒIÙ                        V. 44

                                                                          Paieti

(Èo taa)
Kāòha te Haatepēiù
O te àki me te henua e.

(1)  A haì à
Haì à tātou te koìka Hāpaina
O te kui peàto o te Etua,
Te haatepēiù o te pure rohario e.

(2)  U hapaiìa
Hapai nino ia òe io he àki,
Na te tau anera i hano mai ia òe,
Aahi atu i ùka e vevaò ta to tama e.

(3)  Tāpīìa
Tāpīìa òe me te karatia,
Hetū ònohuu ma ùa mea paèkaha no òe,
E meàma mea pahu vaevae no òe.

                                                   E UU ANA MARIA                             V. 45

1
E uu ana Maria
I òto he àki,
Nui te kāòha,
U kāòha ia Īa.

Mōumu
Te Motua me te Tama (bis)
Me te Kuhane Meitaì, (bis)
Nui noa te kāòha (bis)
Me te poì anera. (bis)

2
E haì ana tātou
I te koìna nui ;
A hahi me te kāòha
Ia Maria peàto.

2ème Mōumu
Maria peàto, (bis)
Te kui o mātou nei, (bis)
A tiòhi me i ùka (bis)
I ta òe tau tama. (bis)

                                                    E TE KUI O IETU                              V. 46

1
E te kui o Ietu,
E te haatepēiù
O te Henua ènana,
A pure no mātou.

2
E Maria,
U haatae òe
I te hīa
O te Etua Motua.

3
Ia hānau òe
I te tama Etua,
Te Haapohuè
O te huaa ènana.

                                                       O ÒE MARIA                                 V. 47

Taipivai

1
O òe Maria, te taìtaì nui,
E taki nei to te ataàki manu,
E pua nei to te pāpua tiaè,
E nui nei to mātou koakoa.

2
E tuku nei to tātou Tama Tāhia,
No òe hoì tēnei māhina,
Maria e te tāhia o te hīmene
Me te pure mana nui.

3
E aha hoì ta mātou taetae nui,
O īa hoì to hōupo taìtaì,
Na òe hoì toko mai te veve
O ta òe tau tama nei.

                                                  KĀÒHA ÒE MARIA                            V. 48

Taipivai

1
Kāòha òe Maria,
E te haatepēiù
No te huaa anera
Me te huaa ènana.

Mōumu
E Maria, (bis)
Te kui (bis)
No Ietu, (bis)
A tiòhi mai òe ia mātou.

2
E Maria peàto 
I tupu mikeo koè,
A nui to òe pure
I uē ia mātou.

                                                 E TE IMAKURATA E                           V. 49

1
E te Imakurata e,
Ta tātou e vevaò atu,
E te Kui Virikine,
A meitaì to mātou hahi.

Mōumu
E te Imakurata e,
Te hoa no te Toùtahi,
A òko i to mātou pure,
A toi mai io he àki.

2
A nui atu te karatia
Ta te Etua ia òe
I to te i vaièiìa
I no he Tuaivi Tapu.

                                                     I HEA TE HEEÌA                              V. 50

Taipivai                                                                                          Tah. Te i hea te haereraa

1
Ī hea te heeìa
To Maria taetae ?
Ua oko to Īa kāòha,
Ua hiti io he àki.

Mōumu
Ua oko te uē
Ia hahiìa te mana i te tau vahi paotū
Ia Maria, te rē i ùka he mate
Io he àki Maria.

                                E MARIA VIRIKINE TE TUPU IMAKURATA          V. 51

Taipivai - Hooumi                                                                                         (même air I. 12)

1
E Maria Virikine
Te tupuìa imakurata
To te Etua òna kui
me te kui no tātou.

2
A hahi me te koakoa
Tātou nui ia Maria !
A hahi me te koakoa
I te kui kāìèa !

3
U hapai nino ìa òe
I ùka hoì o te àki,
I pii o to Tama tāhia,
Io he kāìè o te Etua Motua.

4
E Maria peàto e,
Te toko o te tau kiritiano,
A pure ananu òe no mātou
Io to Tama tāhia nui.

                                             E HAKATU TE I ÌTEÌA MAI                      V. 52

Taipivai - Hooumi

1
E hakatu te i ìteìa mai i ùka o te àki,
E vehine vāhīìa,
Vāhīìa te hihi òumati.

2
E hei hetū i ùka te upoko,
E māhina i àò iho,
Ma àò o to īa vaevae.

3
O īa te kui o te Etua,
E haatepēiù
No te àki me te henua.

                                                E MARIA IMAKURATA                         V. 53

Taipivai

1
E Maria imakurata
To mātou paterono
E vevaò nei mātou ia òe
E Maria imakurata.

Mōumu
A pure òe (bis)
No mātou (bis)
Io to Tama (bis)
Tāhia, tāhia nui.

2
O òe to te Etua hoa
Koè nui e pē i òto òe
O òe te riria māìta
I vāveka o te tau taataa.

                                                   E MARIA E TE KUI                            V. 54

Taipivai

Mōumu
E Maria e te kui,
E Maria e kāòha mai

1
Òe te vaièi i te taìtaì,
Òe te kave haatià.

2
Òe te kave pohuè,
Te kave i te koakoa.

3
Òe te hoa o te Kuhane Meitaì,
Òe te hoa no te peka.

                                 E TE HAATEPĒIÙ NO TE HENUA ÈNANA           V. 55

Taipivai

1
E te Haatepēiù
No te Henua ènana,
A tiòhi mai òe
I to mātou kāòha.

Mōumu
A mave : Maria
A mave : Maria
A mave : Maria.
A mave !

2
U tavavā pu te òko
O to òe meitaì
Me to òe pure mana
Ma nā henua kotoa.

                                                    TĒNEI TUENI AU                             V. 56

Taipivai - Edmond

1
I tēnei, e tueni au,
E tueni au no te Etua
Ia haapaoìa aè
Me ta òe i peàu mai.

Mōumu
Kāòha e Maria e,
Ua pī òe te karatia,
Me òe hoì te Hatu,
Ia òe hoì te moû.

                                    E MARIA PEÀTO, TE TĀHIA O TE ÀKI             V. 57

Taipivai                                                                                                           Air : Hapatoni

1
E Maria peàto, 
Te tāhia o te àki,
Te i tupu imakurata,
Te moû io he henua.

2
Te kāìè ia òe,
O òe Maria,
I vāveka nui ahau
O te tau vehine.

3
Na te Etua hoì
Te tekao i peàu
Taìtaì nui òe
Tu ù kui tāhia.

4
E Maria virikine,
A pure no mātou,
No to mātou mikeo,
To mātou penitenia.

5
To mātou pererina,
To mātou kaiape,
Mea haatae i te hīa
O to Tama tāhia.

6
Me i òto o òe,
Te pua kanahau,
I puàha mai nei
Me te kekaa nui.

7
O Ietu à hoì,
Hua pua kekaa,
To tātou Etua,
To tātou Hakāìki.

                                  KĀÒHA ÒE MARIA I TUPU MIKEO KOÈ            V. 58

Taipivai

 

1
Kāòha òe Maria
I tupu mikeo koè,
O te i pī i te karatia
Te Kuhane Meitaì.

2
Ua hahi mātou nui
I to òe koìka ;
E Hāpaina kāìèa
Ia òe io he àki.

3
Te hetū ònohuu e ùa,
E hei no òe ;
E Maria virikine,
A pure no mātou.

4
Te kanahau o te àki
I ùka o òe,
E māhina io to vae,
E òumati to kahu.

5
To Ietu Kui tāhia,
To mātou òna kui,
A tiòhi ia mātou,
A pure no mātou.

         

                                                    E MARIA PEÀTO                             V. 59

Taipivai                                                        (E te Motua e)

1
E Maria peàto, 
E to mātou kui,
A tiòhi mai òe
I ta òe tau tama.

Mōumu
E te Motua e,
Ua vae òe ia Maria Peàto 
E kui no mātou.

2
Kui haatāhia e,
I te Hatu Etua,
A kave Maria e,
Ta mātou nei pure.

                                              E HAHI NEI MĀTOU NUI                        V. 60

Taipivai - Hivaòa

1
E hahi nei mātou nui
Ia òe e Maria
Ma òto tēnei māhina ;
E māhina taetae nui
No òe e Maria.

Mōumu
E Maria e, haatepēiù
O te henua ènana,
E hahi mātou nui ia òe
A mave (bis)
A mave Maria.

                                               KĀÒHA ÒE E MARIA E                         V. 61

Taipivai - Médéric

1
Kāòha òe e Maria e,
O òe te kui o te Tama Etua ;
A pure mai (bis)
No mātou nei. (bis)

Mōumu
E Maria e, kāòha mai òe
Ia mātou, ta òe tau tama ;
A pure òe i to Tama Etua
No mātou te poì mikeo. Amene. (ter)

                                                    IA ÌÒ TE ANERA                              V. 62

Hooumi                                                          La Visitation                          (+ B5 même air)

1
Ia ìò te anera,
Pōponihoo te hiti
Io Maria virikine,
Io te kui teina.

4
Ua pī Eritapeta
Te Kuhane Etua ;
Ua pē i te mahaò
Mēìa ia Maria.

2
Ma ùka he tuaivi,
Te hiti kāòha,
Tītahi kaavai,
Iutea te henua.

5
Ia òko te tama
Ioane Papetita
To Maria kāòha,
Koakoa oko ki.

3
Ia tutuki Maria
Me te kui Eritapeta,
U kāòha ia Īa
Kāòha, kāòha âua.

6
Ua peàu anamai
E Maria virikine
U tāhia hoì òe
Tahipito vehine.

                                                E MARIA, A HAAMAU                          V. 63

Hatiheù - Moi

1
E Maria, a haamau
I òto to ù hōupo (bis)
Te tau puta no Ietu.

2
A tiòhi o īa ia Ietu !
Auē te nui atu (bis)
Te àì, te memae.

3
O ai te koè e uē
I to Maria memae (bis)
Me to Ietu ?

                                                 A ÒKO MAI E MARIA                          V. 64

Hatiheù (2 airs)

1
A òko mai e Maria
I to mātou pure
E hahi nei ia òe
Me te koakoa.

Mōumu
         Alleluia
Te hānauìa e Maria
Alleluia, alleluia
Alleluia, alleluia.

2
O òe i kāòhaìa
Na tītahi anera ;
A tuku mai ia mātou
Te koekoe moû.

                                                   U PUÀHA MAI NEI                            V. 65

Hatiheù

U puàha mai nei
To òe kanahau, e Maria peàto e,
Me he pōpōuì kanahau oko me te moû.

Eīa mātou nei,

E Maria peàto,
To mātou kui tāhia,
To mātou paterono.

                                                   A TIÒHI E MARIA                             V. 66

Hatiheù - Astre béni du marin                                                                            (même air I. 7)

1
A tiòhi e Maria
I ta òe tau tama ;
A nui to òe pure
I uē ia mātou.

Mōumu
Āua òe e ao
A tekateka tītahi
O mātou nui nei ;
O òe hoì te kui.

                                                MARIA TE KUI O IETU                         V. 67

Hatiheù

Maria te kui no Ietu,
A toko mai ia mātou,
Ta òe tau tama e pure nei io òe,
Kāòha mai !

Umoì òe e titii
Ta mātou apeìa.
A pure aè òe io te Etua mana.
Amene, amene.

                                                  KĀÒHA ÒE MARIA                            V. 68

                                                                                                                   (même air I. 10)

1
Kāòha òe Maria,
E te Haatepēiù
No te huaa ènana,
Kāòha, kāòha nui.

2
U hahi mātou nui
I to òe koìka
Hāpaina kāìèa
No òe io he àki.

3
A òko mai i te pure
A to tau tama tāhia ;
A vaièi mai to kāòha
No mātou poì mikeo.

4
E hano mātou nui
I te hahi ia òe ;
E ìte hoì mātou
I to òe kāòha.

                                           E MARIA PEÀTO TE POOTU                    V. 69

Hatiheù - Tahiti                                         me he hihi òumati

1
E Maria peàto,
Te pootu me he hihi òumati
Puàha i te pōpōuì nui.
Ia tūìka mai òe
I to mātou henua,
Ia puàha me tītahi pua roi.

Mōumu
Ma te haamau i to òe pure
Io mātou nei,
No te toko i to mātou pohuè.

2
Ia òe, e Maria,
Te kui no te Tekao ;
E vaanui taetae nui
No mātou nei ;
Kōhoà nei mātou
Ia mau òe i to mātou
îìma no te pure io òe.

                                   KĀÒHA ÒE MARIA, E TE HAATEPĒIÙ             V. 70

Hatiheù - hāmani pure

1
Kāòha òe Maria,
E te haatepēiù
No te huaa anera
Me te huaa ènana.

Mōumu
E hano mātou nei
I te hahi ia òe ;
E ìte hoì mātou
I to òe meitaì.

2
Kāòha, kāòha nui
E te haatepēiù.
E ìte hoì mātou
I to òe meitaì.

                                                    IA ÌÒ HOÌ MARIA                             V. 71

Hatiheù - Air : Tahiti

Ia ìò hoì Maria,
E kui tāhia no ù,
I òto o to ù tau àì,
Na īa au e toko mai.

E Maria e,
A tiòhi hākāòha mai !
E Maria e,
Kāòha mai ia ù.

                                            A TIÒHI A PURE IA MARIA                      V. 72

Hooumi

1
A tiòhi, a pure
Ia Maria virikine,
To te Etua kui,
E kui hoì no tātou.

Mōumu
A hahi, a hahi me te koakoa
Ia Maria imakurata !
A hahi, a hahi ia Maria
I te kui kāìèa !

2
E Maria te Pootu,
Te toko o te tau kiritiano,
A pure ananu òe
Io to Tama tāhia.

                                           A HAHI, A HAHI TĀTOU NUI                     V. 73

Hatiheù                                                                                                        (même air A. 5)

 

Mōumu
A hahi, a hahi tātou nui
Me te pure me te hīmene
I te tupu imakurata
To Ietu òna kui tāhia.

.

1
O īa hoì te kākano i tupu mai nei
Me i òto o te tumu no Iete,
I puàha mai nei me te kanahau,
O te pua kekaa o Ietu hoì.

2
O Maria te vehine i tū mai nei,
I keàhi te upoko o te enemī,
O Īa te riria māìta nui
I vāveka o nā âkau taataa.

3
A kaiape à tātou nui nei
Ia Maria, to tātou òna kui,
I te karatia nui no tātou
Mea hee i te tōua me te enemī.

4
Umoì tātou e hua i muì,
A too te paviō, a hee i mua
Mea tūàki atu i te enemī,
Enā to tātou kui mea pāpua.

                                           KĀÒHA MARIA NO RURETA                    V. 74

Hooumi : Air Tahiti

1
Kāòha Maria no Rureta,
To mātou paterono,
O òe to mātou vevaò
I mua ia Ietu Kirito.

E Maria no Rureta e,
Vehine no te rohario,
No te rohario peàto, 
E hahi nei mātou ia òe,
To mātou kui tāhia.

2
Kāòha Maria no te moû e,
To mātou kui tāhia ;
A toko òe ia mātou nei,
A pure òe no mātou.

                                          A HAHI, A HAHI IMAKURATA                    V. 75

Hooumi                                                                                            (même air A. 8 et V. 37)

1
E te kui haì kāòha e,
No te huaa veve
Me te poì hopi e,
E te kui e, a toko mai.

Mōumu
A hahi, a hahi
Imakurata (Maria),
Te kui, te kui o te Toùtahi.

2
A hahi, a pure
Ia Maria virikine
I tupu mikeo koè !
Maria e, hāìu mai !

                                                   E MARIA E TE KUI                            V. 76

Hatiheù (air Médéric)

E Maria, e Maria,
E te kui, e te kui,
Hakātahi ia mātou.

E Maria, te Pootu no te Henua ènana,
E Maria virikine hoì òe no mātou
Hakātahi, hakātahi,

Ia mātou (bis) e tahi.

                                                 KĀÒHA ÒE E MARIA                          V. 77

Hooumi                                                 Haatepēiù no Nukuhiva

Kāòha òe e Maria,
Haatepēiù no Nukuhiva,
Te Pootu o te avaàki,
Kāòha, a kāòha,
Kāòha òe Maria,
Kāòha mau ananu;

Eīa mātou i mua o òe
Me te pure me te hīmene ;
A koakoa e te tau tama
I to tātou òna kui ;
A pure io Īa
No te pohuè ananu.

                                                   E MARIA TĀHIA E                             V. 78

Heiau                                                                                                                     Tah. 242

E Maria tāhia e, te kui o te Hatu,

A tiòhi meitaì òe i ta òe tau tama.

1<