INFOS / MOU TEKAO HAKAÌTE

     04/08/2022 - Afin de mettre en conformité avec la graphie académique ses textes rédigés en langue marquisienne il y a plusieurs années, Jacques Iakopo Pelleau a entrepris la correction graphique de tous ses articles et de son lexique (Vocabulaire), ce qui prendra plusieurs semaines ; la date de normalisation est indiquée en fin d'article.

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Tau pure no te â tapu ònohuu ma hā o te Ava ma te èhua, èhua C (03/07/2022)

je vous envoie

« Enā, e pōpahi atu au ia ôtou me he punua mutō i vāveka ahau o te tau rupo. »

 

TOMINIKA ÒNOHUU MA

TATAUÌA O TE PEROHETA ITAIA     66, 10-14c

10      A koakoa ôtou e tahi me Ierutaremi.

        A èkaèka ôtou mēìa ia Ierutaremi.

        O ôtou paotū e haataetae ia īa.

        A koakoa nui ôtou te i mēìa i to īa mateìa.

11      A àva atu ôtou i te kaiìamau

        o to Īa pohuè haaèkaèka.

        A haamaòna ôtou, a inu ôtou tihe i te kūìa

        me io te nuiìa o to Īa kāìè.

12      Oianei ta te Etua i peàu :

        « E aahi mai au i Ierutaremi i te moû me he vaitahe.

        I Ierutaremi me he taitoko,

        e haapuke au i te tau taetae o te tau mataèinaa.

        E ìò ôtou me te tau tama hou hopuìa,

        te tau tama tāhia haataetaeìa io he pūhāîìma.

13      Me he mea e haakoè te kui i te o to īa tama,

        atii tēnei e haakoè au i to ôtou i òto o Ierutaremi.

14      E ìtemata ôtou : e ôtou i te koakoa.

        Mēìa i te koakoa, e haahouìa to ôtou nino

        me he èitā tupu hou.

        E haapuàha te Hatu i to Īa mana nui i mua o to Īa tau tāvini. »

 

TARAMO 66 (65), 1-3a, 4-5, 6-7a, 16.20

A hahi i te Etua, e te henua ia ôtoa. A hīmene no te Hatu. 66, 1


1
        A hahi i te Etua, e te henua ia ôtoa.

        A haakoìka no te haakāìè i to Īa ikoa.

2       A haahuaèkaèka me te hahi ia Īa.

3       A peàu ôtou i te Etua : « Auē ! To Òe hana mana. »

 

4       I to Òe , e moe haatona te tau mataèinaa paotū,

        E hīmene ana ia Òe me te hahi i to Òe ikoa.

5       A mai. A ìte ôtou i te hana o te Etua,

        To Īa tau hana mahaò i uē i te tau ènana.

 

6       Na te Hatu i haaìò i te tai me he papakeâ,

        U paìpaì koè te vaevae o to Īa mataèinaa.

        O hua tau hana mahaò, te tumu o to tātou koakoa.

7       E paona koè to Īa vivini me te mana.

 

16      A mai, e te poì pakaihi i te Etua,

        A haaòko i to te Etua hana i uē ia ù.

20      A haameitaììa te Etua te i āpuu i to ù pure,

        Te i tiòhi mai me te kāòha.

 

TATAUÌA TE HĀMANI I TO KARATA     6, 14-18

14      E tu ù tau tuàne tuehine.

        O au à, koù e ìò te mateìa o te Kirito io he peka

        te tumu o tu ù kāìè, tu ù anaè kāìè.

        Ma hua peka hoì o te Kirito, me he mate nui no ù

        te tau mēmau paotū o te ao nei.

        Atii me au iho, me he ènana mate nui au no te ao nei.

15      He mea tupepaka te haapātehe,

        he mea tupepaka te pātehe koè ìa.

        O te mea taetae oko, e ìò tātou he pēpena hou.

16      I te tau ènana e pohuè vāàna i hua māàma,

        te moû me te hakāòha mai me io te Etua.

        Hua mea anaiho no te mataèinaa o te Etua,

        te Iraene tiàtohu.

17      Oianei to ù tekao paoìa :

        umoì e tahi ènana e hano haapaòpaò hakaùa mai.

        Ua ìteìa i òto o to ù nino

        te tau maki i mamae au i uē ia Ietu.

18      E tu ù tau tuàne tuehine, me to ôtou kuhane

        te karatia o to tātou Hatu Ietu Kirito. Amene.

 

ALLELUIA ALLELUIA      cf. Ta.19,5

U mevaha te Tekao, te Tekao Meitaì Hou mai tihe atu io te tau kotina o te henua.

EVANERIO O IETU KIRITO VĀÀNA E RUKA    10, 1-12.17-20

        I tēia mou ,

1       ua vae te Hatu e hitu ònohuu ma tokoùa kouâ .

        Ua pahi atu ia âtou tokoùa, tokoùa i mua o Īa,

        io te pāpuahaè paotū me te tau kākaavai

        i èià u makimaki Īa e hee atu.

2       U peàu Ietu ia âtou :

        « He mea nui te tau puku paa,

        he mea iti te poì kohi i te puku.

        A pure hoì ôtou i te hatu hei pāpua

        etià e pahi īa i te poì hana no te kohi i to īa tau puku.

3       A tataha atu. Enā, e pōpahi atu au ia ôtou

        me he arenio mutō i vāveka ahau o te tau rupo.

4       Umoì ôtou e too i te moni, te kete, te aihū,

        aua e hakaea ôtou ma io he vaanui no te kāòha i te ènana.

5       Ia uu ôtou io tītahi haè, a peàu òmua pēènei :

        « I te huaahaè nei te moû ! »

6       Enā i òto o te haè te ènana kōhoà nei i te moû,

        e ihi to ôtou moû i òto o īa.

        Akoè à, e hua mai te moû i òto o ôtou.

7       A noho ôtou io hua haè, a kai, a inu

        i te mea i tukuìa ia ôtou.

        I te ènana hana hoì to īa tuki.

        Umoì ôtou e hee me io tēnei haè i tēia haè.

8       Anoa e tomo ôtou io tītahi pāpuahaè

        te i āpuu meitaì ia ôtou, a kai i te mea e tukuìa ia ôtou.

9       A haameitaì ôtou i to âtou poì hōpī me te peàu ia âtou :

        u tata èka me ôtou te Patirēia o te Etua.

10      Anoa e tomo ôtou io tītahi pāpuahaè

        aòè i āpuu ia ôtou, avai i to âtou haè,

        a hee atu ma io he vaanui me te peàu :

11      « O te èpo o to ôtou pāpuahaè te i pipii

        ma o to mātou vaevae, e tūtū mātou me te avai io ôtou.

        Atià, a ìte ôtou : u tata èka te Patirēia o te Etua. »

12      Na ù e peàu ia ôtou : I te â o te haavā paona,

        e mea atu te tuki o hua pāpuahaè i te tuki o Totoma.

17      Ua hua mai te tau kouâ e hitu ònohuu ma tokoùa.

        Ua âtou i te koakoa me to âtou peàpeàu pēènei :

        « E te Hatu e, ma to Òe ikoa, u aotahi mai me te tau tiaporo. »

18      U peàu Ietu ia âtou : « E tiòhi ana, ua ìte au ia Tatane,

        e haaihoìa ana me he uià e pohā io he àki.

19      Eīa, ua tuku atu au ia ôtou i te mana no te keàhi

        i te tau puhihenua, i te tau koropio,

        me te haahika i tēia e haapākeka ia ôtou.

        Aòè he mea e haamākaka mai ia ôtou.

20      Atià, umoì ôtou e koakoa

        mēìa u aotahi te tau kuhane ìno ia ôtou.

        A koakoa mēìa ua patuìa to ôtou ikoa io he àki. »

 

Comments est propulsé par CComment