 TAPU E TO٠O TE PAKATE
(Â tapu 23 no Nāpeka 2023)
TOMOÌA : A.22
|
1 |
Mōumu |
2 |
|||
|
3 U hakako te Kirito / (i) te poì haatià. |
|
||||
TARAMO 16 (15) : E te Hatu e, u hakaìte mai Òe ia ù i te vaanui o te pohuè.
Kio Vānana : E te Hatu Ietu Kirito e, a haavivini mai Òe
i te Tekao o te Etua patuìa io he Hāmani tapu.
A veàveà to mātou koekoe me he ahi i te ava u tekao mai Òe.
Pure a te poì haatià : - E te Hatu, a òko i ta mātou pure ;
(Pō e ono) A òko mai ia mātou (bis).
- A òko i ta mātou nei pure, e te Hatu mana nui e.
|
ÙTUNA : I.5 1
|
2 |
8 |
||
|
9 |
10 |
|||
Haamaakauìa : -Te hahi, te kāìè ia Òe, e Ietu, (Pō e ono)
Te i mate io he peka no mātou.
Ua tū hakaùa, e pohuè nei Òe ;
E Ietu, a tihe mai, e Ietu.
Haamaakauìa : - Ua mate Òe, ua tū hakaùa, a tihe mai Òe, te Haapohuè ; A tihe mai, e Ietu, a tihe mai, e Ietu e.
KŌMŌNIŌ : D.27 (Pō e ono)
|
1 |
E Ietu, o Òe te tumu, |
|
||||||||||||||||||||||
|
2 |
3 |
4 |
||||||||||||||||||||||
|
|
|
||||||||||||||||||||||
Hīmene haahuaèkaèka : I.10
|
1 |
2 |
PAHIÌA : V.15 Ave, Ave (bis), Ave Maria. (Pō e ono)
|
1 E hahi mātou ia òe, e Maria e, |
2 |
|
V.4 1 |
Mōumu |
2 |
---------------------------------------------------------------------------------------- ------
TOMINIKA E TOÙ O TE PAKATE
TATAUÌA O TE HĀMANI HANA A TE TAU ÀPOTORO
2, 14.22b-33
I te â Penetekote,
14 e tū ana Petero me te Tīònohuu ma tahi ma to īa kaokao,
u pohā te èo me te peàu pēènei à :
« E te tau ènana o te Henua Iutea,
me ôtou nui e noho nei i Ierutaremi, a ìte meitaì,
a pepeù i to ôtou puaìka no te hakaòko i to ù tekao.
22 E to Iraene, a hakaòko i tēnei tekao :
U haatiàtohu te Etua ia Ietu no Natareti
ma te tau hana mana, hana mahaò me te hakatu mana,
me he mea ta ôtou i ìte i te ava ua hana Īa i vāveka o ôtou.
23 O hua ènana, u haamate ôtou ia Īa
ma te haapāokapekaìa ma te îima o te tau êteni,
vāàna i te makimaki o te Etua me i òmua naoti.
24 U haatū hakaùa te Etua ia Īa,
e haakoè ana i te mamae o te mateìa.
Aòè e àva hoì te mana o te mateìa no te òomi ia Īa.
25 U peàu Tavite i ùka o Īa pēènei :
« Ua ìte ananu au i te Hatu i mua o au.
Enā Īa i to ù kaokao i te ìma oko, oa hika au.
26 No èià, u èkaèka to ù koekoe,
u hīmene me te koakoa to ù èo,
e moe ai to ù nino tūpāpaù i òto o te tetaììa.
27 Na te mea, aòè e avai òe i to ù kuhane i Havaiki,
aòè e ao e hika i te pē to òe peàto.
28 U hakaìte mai òe i te vaanui o te pohuè,
e haapī òe ia ù i te koakoa me to òe tiòhi mai. »
29 E tu ù tau tuàne tuehine,
a ao mai te peàu atu haametaù koè :
ua mate te Pateriareka Tavite, u tomiìa.
E avai nei to īa menema io tātou.
30 He peroheta Tavite. Ua ìte īa i te tekao ta te Etua
i haatiàtohu no te tuku i to īa nohoka hakaìki
i tītahi o to īa huaa, to īa toto.
31 Ua ìte hoì Tavite i te Tūhakaùaìa o te Kirito
ma mua e haapaoìa. No èià, u peàu òmua
aòè i avaiìa i Havaiki, aòè i pē to īa nino.
32 O Īa hua Ietu ta te Etua i haatū hakaùa.
O mātou paotū te tau ènana haatiàtohu.
33 U haakāìèìa me to Īa noho i te ìma oko o te Etua.
Ua ìò ia Īa te Kuhane Meitaì te i peàuìa,
vāàna i te hīa o to Īa Motua. I tēnei, u pōpahi Īa
i hua Kuhane me he mea ta ôtou i ìte me te òko.
TARAMO 16 (15), 1-2a, 7-8, 9-10, 2b.11
E te Hatu e, u hakaìte mai Òe ia ù te vaanui o te pohuè.
16,11
1 E tu ù Etua e, a tiaki meitaì ia ù.
O to ù hīa io Òe, tu ù vahi maù.
2 U peàu au i te Hatu : O Òe tu ù Etua.
7 U haameitaì au i te Hatu, to ù māàma.
Me i te â, me i te pō tu ù vevaò ia Īa.
8 I mua o to ù mata, ananu te Hatu,
Ma to ù kaokao to Īa noho, u haametaù koè au.
9 Ua û i te koakoa to ù kuhane.
U èkaèka to ù nino, ua moe me te moû.
10 Aòè te Hatu e ao e hika au i te mateìa.
Aòè Īa e avai i to īa hoa e pē ai io he èpo.
2b Io Òe anaè to ù koakoa.
11 U aahi mai Òe ma io he vaanui o te pohuè ;
I mua o to Òe mata te koakoa, te koakoa nui.
Ma to Òe kaokao te èkaèka paona koè.
TATAUÌA O TO MUA HĀMANI A PETERO PEÀTO 1, 17-21
E te tau tuàne tuehine,
17 E pure ana i te Etua, ua apa ôtou i te ikoa Motua ia Īa
te i haavā i te tau ènana paotū vāàna i to âtou hana,
koè te haataetae i tahipito, te haamee i tahipito.
A pakaihi hoì ôtou i hua Etua
ma te òa o to ôtou pohuè i te ao nei.
18 Ua ìte meitaì ôtou e aha te mea i vevete ia ôtou
me io te hakatu pohuè o to ôtou tau tupuna,
te i haaòomi mai ia ôtou me he poì haamōèhuìa.
Aòè hoì te taetae avai noa, te monikiki, te monitea.
19 Atià à, o te toto o Ietu Kirito, utukoèìa me te puke moni,
o Īa te Arenio o te Etua, teka koè, piò koè.
20 Epō te pēpena i te ao nei, me i òmua naoti,
ua vae te Etua ia Ietu no te haapohuè i te tau ènana.
I tēnei ava, te ava paona o te aomāàma,
e hakaìteìa atu no to ôtou meitaì.
21 Ma io Ietu, u haatià ôtou i te Etua te i haatū hakaùa ia Īa
me i vāveka o te huaa mamate me te haakāìè ia Īa.
No èià, u haatià ôtou i te Etua anaiho,
atii me to ôtou tetaì i ta te Etua i peàu mai.
ALLELUIA ALLELUIA
cf. Rk.24,32
E te Hatu Ietu Kirito e, a haavivini mai Òe i te Tekao o te Etua patuìa io he Hāmani tapu. A veàveà to mātou koekoe me he ahi i te ava u tekao mai Òe.
EVANERIO O IETU KIRITO VĀÀNA E RUKA 24, 13-35
I hua â to mua o te âtapu,
13 ua hee nā kouâ tokoùa o Ietu
io te pāpuahaè, o Emau te ikoa.
E ùa hora nehe te tahaìa ma he vaevae me i Ierutaremi.
14 U tekatekao âua no tenā tau mea paotū i paoìa.
15 Ohia u tekao atu tekao mai âua,
u haatata mai Ietu iho me to Īa taha atu me âua.
16 E aha à u tiòhi âua ia Īa, u haakekehuìa to âua mata,
oi ìte âua o Īa Ietu.
17 U peàu Ietu ia âua : « E aha te tumu
o to ôùa tekao atu tekao mai, e taha ana nei ? »
U hakaēa âua, u kekehu nui te mata.
18 U haahua tītahi, o Kereopata te ikoa, me te peàu ia Ietu :
« O òe anaè i vāveka o te tau ènana e noho nei i Ierutaremi,
aòè i ìte i te tau mea i hanaìa i nā pō i pao atu nei. »
19 U peàu Ietu : « E aha òa ? »
U peàu âua ia Īa : « Te tekao i ùka o Ietu no Natareti.
Ua tū Īa me he peroheta mana ma te hana, ma te tekao,
i mua o te Etua me te mataèinaa paotū.
20 Pēhea i haaìòìa no te haamate nui me te pāokapeka atu
e to mātou tau Tāuà nui me te tau hakaìki.
21 O mātou à, u tetaì mātou
e haapohuè Īa i te mataèinaa Iraene.
Tōtahi atu, oia nei te toù o te pō
me i te ava i te paoìa o tēia mea.
22 Atià à, u haaemièe mai te mou vehine kē me mātou.
I te pōpōuì tika, ua hee âtou io te ana tūpāpaù.
23 Aòè i koàka ia âtou to Īa nino.
Ua hua me to âtou peàu mai : ua ìte âtou i nā anera
te i peàu ia âtou u pohuè Ietu.
24 Ua hee io te ana tūpāpaù tahipito me i vāveka o mātou.
Ua ìte âtou i te mea i peàuìa e te tau vehine.
O Ietu à, aòè âtou i ìte ia Īa. »
25 U peàu Ietu ia âua : « E te poì pōtako !
E te koekoe tevee i te haatià i te mea paotū
ta te tau peroheta i peàu atu.
26 Aòè à tēia mamae e mamae ai te Kirito
no te tomo io to Īa kāìè ? »
27 U haavivini Ietu i te tekao i patuìa i ùka o Īa
i òto o te Hāmani tapu, e tīmata ana
ma te haatuhuka i nā hāmani vāàna e Moite,
ma hope iho vāàna e te tau Peroheta hakatahi.
28 U haatata âtou me te pāpuahaè i èià to âtou tahaìa.
Ua hano Ietu e hee mamao atu.
29 Ua taî âua ia Īa e peàu ana : « A noho me māua.
Ua èva te â. E kaò ai te òumati. »
Ua uu Ietu no te noho me âua.
30 Ohia io te tapukai me âua, ua too Ietu i te haraoa,
u haahuaèkaèka, ua vahi me te tuku atu ia âua.
31 U pepeùìa to âua kikomata : ua ìte âua ia Ietu.
Ua kaò anamai Ietu me i to âua aò.
32 U peàpeàu atu peàpeàu mai âua :
« Aòè à u veàveà me he ahi to tāua koekoe
i te ava u tekao Īa me tauà ma io he vaanui ?
I te ava o to Īa haatuhuka i te Hāmani tapu ? »
33 Ua tū ponihoo âua no te hua i Ierutaremi.
U koàka mai ia âua te Tīònohuu ma tahi
putuputuìa me te huaa e noho ana me âtou.
34 U peàu âtou ia âua : « Tiàtohu nui.
Ua tū hakaùa te Hatu. U hakaìte ia Īa iho ia Petero. »
35 Ua haki atu me âua i te mea i pao ma io he vaanui.
Pēhea to âua ìte ia Ietu i te ava vahiìa haraoa.