Imprimer cette page

Te tau nūmera no tēnei tai hou

nombres3

Òmua naoti, e tatau nei te ènana kākiu ma he tekau me te touhā ; ia nui oko te memau me te ènana, àòè i koàka ai te tetau, i peàuìa ai tini tini tini mea.

I te tiheìa mai o te tau haoè inei, he tau poì menike a koè à peketane âtou. Mei òto mai o to âtou èo te mou ponatekao moni/money, hānere/hundred me tautini (u pepenaìa hua ponatekao mei òto mai o mou pona tekao ènana, o tau me tini te hakaìte nei i te nuiìa o te memau me te ènana e tekao ana ìa). mou ponatekao e ùa, o mirioni me miriā, mei òto mai o ponatekao farani o million me milliard.

Tihe i tēnei, koàka i te tau poì ànamotua te tatau e haahana ana ia hānere me tautini. Ia peàu atu òe i te èhua o to âtou hānauìa, u haahua âtou ma he èo farani. Atii me te moni utu io he tau haè hoko ; i èià u òkoìa hae : « Deux mille trois cent dix francs » io te koava o « e ùa tautini e toù hānere me te ònohuu farane/vaihū ».

Na òe i tēnei :

- 1774 : tautini e hitu hānere et hitu ònohuu ma

- 1946 : tautini e iva hānere e ònohuu ma ono

- 2001 : e ùa tautini ma tahi

- 2019 : e ùa tautini me te ònohuu ma iva

Tāpapaìa nūmera :

0 he mea

10 ònohuu

20 tekau

30 e toù ònohuu

1 e tahi

11 ònohuu ma tahi

21 tekau ma tahi

31 e toù ònohuu ma tahi

2 e ùa

12 ònohuu ma ùa

22 tekau ma ùa

32 e toù ònohuu ma ùa

3 e toù

13 ònohuu ma toù

23 tekau ma toù

….

4 e

14 ònohuu ma hā

24 tekau ma hā

 

5 e ìma

15 ònohuu ma ìma

….

 

6 e ono

16 ònohuu ma ono

   

7 e hitu

   

8 e vaù

     

9 e iva

     

40 e hā ònohuu…        50 e ìma ònohuu…       60 e ono ònohuu…

41…ma tahi                 51…ma tahi                 61…ma tahi…….

70 e hitu ònohuu        80 e vaù ònohuu         90 e iva ònohuu

100 hānere                 273 e ùa hānere e hitu ònohuu ma toù

1 000 tautini,

1 000 000 mirioni, e tahi mirioni

1 000 000 000 miriā, e tahi miriā

Tau haamaàmaìa atu :

1)- he mea te ponatekao tūmua « i » ia te nūmera ma hope o te haahana : « Ua ìte au e ùa mako ».

2)- Anoakoàka te tetau o te memau me te ènana, i haahanaìa ai te ponatekao tini io te koava o te nūmera : « U tihe mai tini tini tini ènana i te koìka ».

3)- Aè he mea te « e » ma mua o ònohuu, tekau, hānere, tautini, mirioni me miriā. Ia te « aè he mea » ma mua o te nūmera ònohuu paoìa, e tukuìa ai ia « me te » ma mua : « 2011 : e ùa tautini me te ònohuu ma tahi ».

4)- Te heiìa, e tāpitiìa e te pona tuina « ma » te tau nūmera ònohuu me te tau nūmera e tahi. Ia koè te tau nūmera ònohuu me te hānere, e tukuìa te « e » i mua o te nūmera e tahi : « 2008 : te èhua e ùa tautini e vaù ».

 

Patuìa e Jacques Iakopo Pelleau

 

Comments est propulsé par CComment