TE KOÌKA EPIFANIA
(Â tapu 5 no Èhua 2025)
TOMOÌA : F.6a
|
1 |
Mōumu
|
2 |
3 I pii o te Tama hou, / O ai à ta ôtou i ìte ?
Maria me Ioteve, / To Īa mou motua tāhia
TARAMO 72 (71) : E ìteìa to Òe haapohuè mai, e te Hatu e,
e te tau henua me te tau mataèinaa paotū.
Kio Vānana : Ua ìte mātou i to Īa hetū.
Ua tihe mātou no te atoratio i te Hatu.
Pure a te poì haatià : « Emanuera, te Etua me mātou.
Apuu mai i ta mātou nei pure.
Noere ua hānau te Metia. »
ÙTUNA : F.8
|
1 Te kave àma, |
Mōumu Me te vaetukia ! |
2 |
|||
|
3 |
4 |
||||
Épiclèse 1 : E te Hatu e, a vaièi mai to Òe Kuhane mea haatapu i te haraoa me te ipu nei.
Haatiketikeìa : E Ietu …Kirito e, haaìòìa no mātou.
Haamaakauìa : Te kāìè ia Òe, e te Hatu Ietu e, te i mate nui, te Pohuè. A tihe mai, e Ietu ; a tihe mai, e Ietu.
Épiclèse 2 : E te Hatu e, a vaièi mai to Òe Kuhane
etià e ìò mātou he tāvini no to Òe kāìè.
KŌMŌNIŌ : F.4
|
1 |
Mōumu |
2 |
3 |
|
4 A mutu te àki ! |
5 A vaièi ia Ietu |
Hīmene haahuaèkaèka : A.24
|
1 |
Mōumu |
2 |
PAHIÌA : F.12
|
Ia ìte tātou ia Ietu, |
E pua kekaa, e Maria e, |
---------------------------------------------------------------------------------------
TE KOÌKA EPIFANIA
TATAUÌA O TE HĀMANI O TE PEROHETA ITAIA 60, 1-6
1 A maô, e Ierutaremi e. A pupuà.
Ua tihe mai te àma no te haakeàpa ia òe.
Ua vāhī te kāìè o te Etua ia òe.
2 A tiòhi atu. Ua pō pōtako te henua vii pu.
Io te vao maù nui, ua noho te tau mataèinaa.
Atià, ua tū te Hatu. E pupuà nei to Īa kāìè i ùka o òe.
3 E haatata mai te tau mataèinaa io to òe māàma.
E tataha mai te tau hakaìki io to òe atauà.
4 A heau. A tiòhi matiòka vii pu o òe.
E hakātahi mai âtou nui. E titihe nei âtou paotū.
Ua tihe mai nei ta òe tau tama me i te henua mamao.
Ua hua mai ta òe tau moî, e tautuaìa âtou.
5 I hua ava e ìte òe, e èkaèka nui òe.
E ù to òe koekoe pī i te koakoa.
E tihe ai io òe te tau taetae me i te henua mamao.
E haapukeìa io òe te tau hāìna kē
me io te tau mataèinaa o te aomāàma vii pu.
6 E hīhiti mai io òe te tau naho kāmero
o te Henua Matiana me te Henua Efa.
E titihe mai io òe te poì Hapa kave aa i ta âtou
monikiki me te mēmau kakaa.
E hahi âtou me te haakāìè i te Hatu Etua.
TARAMO 72 (71), 1-2, 7-8, 10ab.11, 12-13
E ìteìa to Òe haapohuè mai, e te Hatu e, e te tau henua me te tau mataèinaa paotū. cf. 72,11
1 E te Etua e, a tuku i to Òe mana i te hakaìki.
A tuku i to Òe toitoi i te tama o te hakaìki.
2 A vivini īa i to Òe mataèinaa vāàna i te toitoi.
A apuu īa me te toko i te poì veve e uēuē ana.
7 I hua tau â, e pupuà te hakatu pohuè vāàna i te toitoi,
I te henua, e puàha te moû ma te nuiìa o te tau meàma.
8 A vivini te hakaìki me io te tai tihe atu i te tai,
Me io te kaavai tihe atu i te kotina o te henua.
10 Te hakaìki o te Henua Tarati, o te tau motu
E kave mai i te vaetukia me te taetae kāòha.
11 E moe haatona i mua o īa paotū te tau hakaìki.
E tāvini no īa te tau henua me te tau mataèinaa.
12 E haapohuè īa i te ènana veve e vevaò ia īa,
E toko īa i te poì òomiìa e te àì.
13 E apuu īa i te ènana pōtako, mātua avai noa.
E tiòhi meitaì īa i ùka o te poì tupe noa.
TATAUÌA O TE HĀMANI A PAURO PEÀTO I TO EFETIA 3, 2-3a.5-6
E tu ù tau tuàne tuehine,
2 Ua òko hoì ôtou pēhea, mēìa i to Īa vaièi,
ua tuku mai te Etua i te karatia no te hana i uē ia ôtou.
3 Ma òto o te hakiìa me io te Kuhane Meitaì,
u hakaìte mai te Etua i to Īa makimaki hakanā.
5 I te tau tai tehito, aòè te tau ènana i ìte i hua makimaki hakanā.
Atià i tēnei, ua hakiìa atu e te Kuhane Meitaì
i te tau Apotoro o te Etua me te tau peroheta, pēènei :
6 U koàka mai i te tau êteni te tau taetae kuhane,
peàuìa òmua, hua mea anaiho me to te tau ati Iuta.
O âtou nui me he tau hope o te Tino e tahi.
Ia âtou, te poì êteni tūtaì me te tau ati Iuta,
te taetae vaièiìa i òto o te Kirito Ietu.
Oia hoì te tau puku o te Evanerio.
ALLELUIA ALLELUIA
cf. Mt.2,2
Ua ìte mātou i to Īa hetū.
Ua tihe mātou no te atoratio i te Hatu.
ÈVANERIO O IETU KIRITO VĀÀNA E MATEO 2, 1-12
1 U hānauìa Ietu i te kaavai Petereemi o te Henua Iutea,
i te ava o Herote te hakaìki o hua henua.
I hua mou â, u titihe mai i Ierutaremi te mou Mākoi
me io te henua o te kēkē tiheìa òumati.
2 U peàu âtou :
« I hea te hakaìki nui o te tau ati Iuta
te i hānau i tēnei tau pō ?
Ua ìte hoì mātou i to Īa hetū
io te henua o te kēkē tiheìa òumati.
Ua tihe mātou no te moe haatona i to Īa aò. »
3 Ia òko te hakaìki Herote i hua tekao, u emièe īa,
atii me to Ierutaremi ia ôtoa.
4 U haaputuputu mai īa i te tau Tāuà nui paotū
me te tau tuhuka tekao o te mataèinaa.
Ua ūi atu Herote ia âtou :
« I te vahi hea e hānau ai te Kirito ? »
5 U peàu âtou ia īa :
« I Petereemi io te Henua Iutea,
vāàna i te mea i patuìa e te peroheta :
6 « O òe, e Petereemi o te Henua Iutea e,
aòè hoì òe he kaavai iti noa i te Henua Iutea !
Na te mea me io òe e tū ai te hakaìki,
te Tiaki Meitaì o Iraene, to ù mataèinaa. »
7 Ma te tekao hakanā, u vevaò mai Herote i te tau Mākoi
me to īa ape ia âtou no te haavivini toitoi mai
inehea i pupuà ai te hetū.
8 U pōpahi Herote ia âtou i Petereemi.
U peàu ia âtou pēènei : « A hee atu ôtou.
A ùmihi mamate i te tekao i ùka o hua tama hou.
Me koàka ia ôtou te tekao, a haki mai ponihoo,
etià e hee me au e pakaihi ia Īa. »
9 U aotahi âtou i te hakaìki me to âtou tataha atu.
Enā te hetū ta te tau Mākoi i ìte òmua io te henua
o te kēkē tiheìa òumati, u pupuà i mua o âtou
tihe atu ua tau io te vahi i èià te tama hou.
10 E ìte ana i te hetū, u koakoa nui te tau Mākoi.
11 Ua uu âtou i òto o te haè me to âtou ìte
i te tama hou me Maria, to Īa òna kui.
U momoe haatona âtou i to Īa aò.
E too ana i ta âtou taetae, u ùtuna i te vaetukia :
te monikiki, te èpau kakaa, te mira.
12 Ma òto o te hiamoe, u hakaìteìa i te tau Mākoi
umoì âtou e hua io te hakaìki Herote.
Ua hua hoì âtou i to âtou henua ma he vaanui kē.