Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

HŌHO’A / HOPE’A >>> ATA / PAOÌA

Ma òto o te tau maakau tukuìa e tēia tama ènana, tēia tama ènana io Facebook, ua ìte hae au i ponatekao èo tahiti e ùa, o « hōho’a » me « hopea ».

premier dernier


I òto o te kāputuèo a te èpikopo Dordillon, e ìte tātou i te ponatekao « hōhoà ».
Mea à te haaviviniìa ; înei he hua mea hakatu me « haaòa » me ta tātou e ìte i òto o te avetekao ma hope mai « U hōhoà te mokohe i to īa pekeheu, ua ona atu ».

I òto o hua kāputuèo atii, e koàka ia tātou te ponatekao « hope » me te nuiìa o te haaviviniìa ta tātou i ìte meitaì. Te ponatekao « hopeà » à, he mea.



I te kēkē o te èo tahiti, u hakaìteìa e te tau tuhuka i te ponatekao « hōho’a » me te tau haaviviniìa « 1) - image, effigie, forme 2) - photographie, film ».

 

Ma he èo ènana, o te ponatekao « ata » i hakaìte atu i hua mou haaviviniìa. Tōtahi atu, u tukuìa te pahihana « ata » mea haaèo mai ma he èo ènana i mou avetekao farani « apparaître, paraître, se dessiner, marquer/laisser une marque ».


I tēnei, a avai pu tātou i te ponatekao èo tahiti « hōho’a »
 ; a haahana tātou i te ponatekao « ata » ta tātou i ìte ma òto o te mou avetekao « E pata i te ata », « prendre une photo » ; « he atavii », « un film, une vidéo » ; « he atakeue », « un dessin animé ».

No te ponatekao « hope’a », mea tata èka te mou haaviviniìa o te ponatekao ènana « hope » me te mou haaviviniìa i tukuìa mai e te tau tuhuka èo tahiti, oia hoì « bout, extrémité, fin ». Atika à, e tekao ana tēnei no te ponatekao « hope », umoì no te ponatekao « hope’a ».

I te kōava o te ponatekao « hope’a », a haahana tātou i te ponatekao « paoìa » i te kēkē àò, me te mou ponatekao « paona, paotina, paotia » i te kēkē ùka.

A oho te ìi tātou ! I i te tau tupuna ènana, aua tātou e ao ia haatekeo mai i to tātou èo tāhia te nuiìa o te èo me i vaho mai !


Patuìa e Jacques Iakopo Pelleau i 2015

U haatoitoiìa te patuhei vāàna i te tau aahiìa a te Haè tuhuka èo ènana i te 22/08/2022.
(Aua te tau ponatekao me i òto mai o te tau kōtūòmia me te tau kāputuèo kākiu)

 

Commentaires (0)

    Attach images by dragging & dropping or by selecting them.
    The maximum file size for uploads is MB. Only files are allowed.
     
    The maximum number of 3 allowed files to upload has been reached. If you want to upload more files you have to delete one of the existing uploaded files first.
    The maximum number of 3 allowed files to upload has been reached. If you want to upload more files you have to delete one of the existing uploaded files first.
    Commentaire de

    Comments est propulsé par CComment