O ai Moetai HUIOUTU ? E aha te pūpū « Kavee Moetai » ? E aha te pehe uià « Te Hono » ?

U hānauìa o Moetai i te èhua 1960 i Taiohae. Tata èka te 30 èhua to īa nohoìa i te henua mamao ; atika à, ua mau ananu to īa haaènana io he koekoe.

Mea taetae oko no īa te tau vahi kākiu me to īa ùmihi e aha to âtou haaviviniìa me te tau haakakai i ùka o âtou. Vāàna e Lucien Roo Kimitete, « Koè nui te haaènana e noho me he tiki, a hee i mua ! » ; ua hei to Moetai kaitutoìa me to Roo ; u makimaki Moetai ia hee ananu i mua te haaènana.

I te èhua 2011, e tahi punaìa mai to te pehe uià « Te Hono » me to nā mou pūpū hīmene kē, Takanini me Vakakina.
E tahi èhua atii te tupuìa o te Matavaa nui i Nuku Hiva.

 Te tau ènana i òto o te pūpū « Kavee Moetai »

Moetai HUIOUTU : tau ponatekao tumu, te hīmene me te kitā ;

Christophe CORDIER : kitā taki hōhonu, tau kāviiìa èo takièka ;

Mana SALMON : pahu me te piano ;

Yves GOUVERNEUR : kitā taki hōhonu ;

Pita HOKAHUMANO : ukulele ;

Anne RAGU : pū puhi kaokao ;

Mamie Dora Tehina TEIKIEHUUPOKO : tau hīmene.

U haatoitoiìa te patuhei vāàna i te tau aahiìa a te Haè tuhuka èo ènana i te 20/08/2022.