Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

Te hīmene huaa tumu o te Henua ènana : To te Henua ènana, a tū !

I te èhua 1994, na Bruno KOHUMOETINI no Ua Pou i patu mai i te hīmene huaa tumu o te Henua ènana, « To te Henua ènana, a  ! ».

Kātahi me Rudy, Isidore, Alphonse me Rose KOHUMOETINI no Ua Pou, u haamau âtou i te pūpū « Kanahau Trio ». U puta mai te pehe uià « Enfant des Îles » i te èhua 1994 ; enā e 15 hīmene kōnini i òto. U haatià âtou ìa hakaìteìa te mou hīmene ta âtou i òto o tēnei tohua niu tavavā.

kanahau trio0

TO TE HENUA ÈNANA, A  !

To te Henua ènana, a

No te hahi me te ape i te Hatu !

O Īa te tumu o mea kōtoa.

Na Īa e aahi, na Īa e toko

I te huaa ènana

Atii me te poì hou.

 

To te Henua ènana, a tū

No te tohe i te hana me te ūo !

Oia te tumu o te pohuè hou,

No te hakahee i te òko o te henua

I vāveka nui ahau o te ao nei.

 

To te Henua ènana, a tū

No te heke me te hoa tupuna !

Oia te eà (*) no te kave kāìè.

Na âtou e aahi, na âtou e toko

Te pohuè kanahau no â kōtoa.

 Bruno KOHUMOETINI

(*) Me i òto mai o te èo tahiti te ponaèo "eà" = vaanui.

U haatoitoiìa te patuhei vāàna i te tau aahiìa a te Haè tuhuka èo ènana i te 20/08/2022.

 

 

 

Comments est propulsé par CComment