O īa tītahi ma vāveka o te pūpū toa ènana i kukumi haamate i nā kape farani e ìma, e hooi aa âtou i to âtou kahu io he kaavai tapu. U haavāìa, u haapiòìa i te mate, u puhiìa haamate o Pakoko i te venini tapu, â e 21 no te meàma Pohe o te èhua 1845. He tupuna o Pakoko no Moetai, oia te tumu i makimaki ai īa e haakāìè i te ikoa o te hakaìki tehito ma òto o tēnei èo takièka.
Pakoko, patuataìa i Taiohae e Ernest Goupil i te meàma no Èhuō 1838.
(Tēnei ata, me io te huuahaè o te hakaìki kape tai farani o Jean-Daniel Rohr ;
i Nuku Hiva ta īa amoka hana (1842-1844))
PAKOKO HAKAÌKI
Pakiu e to ù ati e, a pae.
Havao e to ù ati e, a pae.
Mutu te henua o Tuhiva
To tapuvae e taha ana,
To henua to pito i nanuìa po
Pōhutu nei te mate ia òe.
Eīa te toa e unu nei io to īa toto.
Pakoko hakaìki ua mate.
Ahe kāòha.
Tini tini te vaimata i tahe
To tūìa i mua te mate
E mata e mata ta òe i kōhoà
Kāòha to ponatekao paona …
To kuhane hakaìki ua ona. Ua ona i KiuKiu.
Āpuuìa mai e to Havaiki…
U haatoitoiìa te patuhei vāàna i te tau aahiìa a te Haè tuhuka èo ènana i te 08/08/2022.