TOMINIKA TO MUA O TE AVA TETAÌ
(Â tapu â to mua no Mei 2024)
TOMOÌA : AUBE NOUVELLE
|
1 Aube nouvelle, dans notre nuit, Pour sauver son peuple Dieu va venir Joie pour les pauvres, fête aujourd’hui Il faut préparer la route au Seigneur Il faut préparer la route au Seigneur
|
2 Bonne nouvelle, cris et chansons, Pour sauver son peuple, Dieu va venir Voix qui s’élève dans nos déserts Il faut préparer la route au Seigneur Il faut préparer la route au Seigneur
|
E te Hatu e. Te Kāìè : Ø Apuuìa o te Tekao
TARAMO 25 (24) : E te Hatu e, io Òe to ù kāòha.
Io Òe tu ù hīa, e tu ù Etua e.
ALLELUIA
Kio Vānana : E te Hatu e, a hakaìte mai i to Òe hakāòha nui.
A vaièi mai i to Òe haapohuèìa.
Pure a te poì haatià : Comme un oiseau fait monter sa chanson,
(Ava mutu ma mua o te kāhuaìa) Monte vers Toi notre prière
Oh Seigneur, écoute-la.
|
ÙTUNA : E.2
Peàto
|
|
|||||||||
Anamnèse : Te kāìè ia Òe te i mate
Te kāìè ia Òe, ua tū hakauà.
To mātou Etua te haapohuè
A tihe mai e Ietu, A tihe mai e Ietu e.
To mātou Motua e (réciter) / Àrenio
KŌMŌNIŌ : D.22
|
1 |
Mōumu |
||
|
2 O Òe te Tama tāhia / Ta te Motua i pahi mai |
|||
Hīmene haahuaèkaèka : (Ava mutu)
PAHIÌA : OH DOUCE VIERGE MARIE
|
Oh, douce vierge Marie, À Dieu tu as dit « OUI », Aide-moi chaque jour dans ma Vie A dire comme toi mon « OUI ». |
E MARIA NO TE MOÛ, O ÒE TE I « E » TE ETUA A TOKO MAI IA MĀTOU NO TE PEÀU « E » TE ETUA. |
--------------------------------------------------------------------------------------
TO MUA TOMINIKA O TE AVA TETAÌ
TATAUÌA O TE PEROHETA IEREMIA 33,14-16
14 Oia nei te tekao a te Hatu :
« E tihe mai te ava e vaièi atu au i te koakoa
ta ù i peàu atu i te ati Iraene, atii me te ati Iuta.
15 I tēia mou pō, e haatupu au no te huaa o Tavite
i te maka toitoi noa.
E vivini īa i te henua ma te tiàtohu me te toitoi.
16 I tēia mou pō, e haapohuèìa te ati Iuta.
I Ierutaremi, e nonoho te tau ènana me te moû,
haametaù koè.
Oia nei te ikoa e apaìa i Ierutaremi :
« O te Hatu to tātou toitoi. »
TARAMO 25 (24) 4-5b, 8-9, 10.14
E te Hatu e, io Òe to ù kāòha. Io Òe tu ù hīa, e tu ù Etua e. 25,1
4 E te Hatu e, a hakaìte mai i to Òe makimaki.
O Òe iho, a hakako mai i to Òe tau vaanui.
5 A haatee mai to Òe tiàtohu : a haamāàma mai.
O Òe hoì te Etua e haapohuè ia ù.
8 U meitaì, u toitoi anaè te Hatu,
Te i hakaìte i te vaanui i te poì hukaka.
9 U aahi to Īa toitoi i te poì haapāpaku,
U hakako i to Īa makimaki i te ènana kāìè koè.
10 He kāòha me te tiàtohu te vaanui o te Hatu,
No te ènana e aotahi atu i to Īa Piimau.
14 E haavivini te Hatu i hua ènana
I te tumu o to Īa makimaki me te Piimau.
TATAUÌA O TO MUA HĀMANI I TO TETARONIKA 3,12-13 ; 4,1-2
E tu ù tau tuàne tuehine,
12 O ôtou à, koù na te Hatu e haameitaì aè ia ôtou,
e ūo atu i to ôtou koekoe kāòha te hoa i te hoa,
atii me te tau ènana paotū,
me he mea to mātou kāòha ia ôtou.
13 Ma èià, e haaoko te Hatu i to ôtou koekoe haatià,
peàto, teka koè, i mua o te Etua, to tātou Motua,
e tiaki ana i te  o te Huaìa mai o to tātou Hatu Ietu
me to Īa tau anera.
1 E tu ù tau tuàne tuehine, u hakako mātou ia ôtou
e aha te hakatu pohuè te i haaèka i te Etua.
Atii hoì e pohuè nei ôtou.
I òto o te Hatu Ietu, u toutaki mātou etià e hee ôtou i mua,
tōtahi atu to ôtou meitaì.
2 Ua ìte ôtou e aha ta mātou i peàu ia ôtou,
ma te ikoa o te Hatu Ietu.
ALLELUIA ALLELUIA cf. Ta.85,8
E te Hatu e, a hakaìte mai i to Òe hakāòha nui.
A vaièi mai i to Òe haapohuèìa.
EVANERIO O IETU KIRITO VĀÀNA E RUKA 21, 25-28.34-36
I tēia mou pō, u peàu atu Ietu pēènei :
25 « E ìteìa mai te tau hakatu haametaù
io te òumati me te meàma me te tau hetū.
I ùka o te henua, e pūpūkina te tau mataèinaa
i te mea òomi menava,
emièe aa i te pokokina o te tai pekē oko.
26 E mate te tau ènana i te haametaù,
e tetaì aa i te mea a tihe mai io te aomāàma.
E keue hoì te tau hetū io he àki.
27 A tahi a ìteìa te Tama a te Ènana
e tihe aa io he ao me te Mana me te Kāìè.
28 I te tīmataìa o hua tau mea mahaò, a tū, a heau.
U tata èka to ôtou haapohuèìa.
34 A tiòhi ia ôtou anaiho, oa pē to ôtou koekoe
i te kai oko, te kona hae me te tau kōhii no te tau â paotū.
E tihe pu anamai hoì te â nei.
35 Me he ùpeà, e topa anamai īa i ùka o te tau ènana paotū
e noho nei io te aomāàma vii pu.
36 A matavaa ôtou, a pure paotū te â
etià he koekoe oko to ôtou no te tohe mau,
oa hemoìa i te ìno e tihe mai,
etià e tū ai ôtou i te aò o te Tama a te Ènana. »