TOMINIKA E HĀ O TE AVA TATAÌ
(Â tapu 22 no Mei 2024)
TOMOÌA : E.7 Mōumu : E Ietu, ta mātou e tiaki nei,
Me mai, mave mai !
|
1 |
2 |
TARAMO 80 (79) : E te Hatu mana nui e, a haahua ia mātou i te meitaì. A matavaièi mai, e haapohuèìa mātou.
Kio Vānana : A hīmene, a tātakahiti i te koakoa.
Mamau òe, e Maria peàto, enā io òe te Hatu Etua.
Pure a te poì haatià : E te Motua e, a òko mai ia mātou, ta Òe tau tama.
|
ÙTUNA : E.3 Mōumu : Mave, mave mai, e te Hatu e (bis)
|
|
||||||||||||||
Anamnèse : Te kāìè ia Òe te i mate, te pohuè (e Ietu e),
Ietu, to mātou Hatu, a tihe mai.
KŌMŌNIŌ : D.15 Mōumu : Mave mai Òe, e to ù Hatu e,
E kōhoà nei te hōupo ia Òe ;
Mave, mave mai. (bis)
|
1 3 |
2 5 |
Hīmene haahuaèkaèka : E.2
|
No te aha hoì, e te Hatu e, |
Mōumu |
E te Hatu e, a ihi mai Òe / I òto te tau hōupo
E vevaò nei ia Òe ! / A haaìi Òe
Te ènana e hukaka nei / Etià e pohuè !
Mave, mave, mave mai !
PAHIÌA : V.19
|
1 |
Mōumu |
2 |
TOMINIKA E HĀ O TE AVA TETAÌ
TATAUÌA O TE PEROHETA MIKEA 5, 1-4a
1 Oia nei te Tekao a te Hatu :
« E Petereemi Eferata,
o òe te ati iti noa i vāveka o te tau ati o Iuta :
me i òto mai o òe, e haatū au i te Hakaìki e vivini ia Iraene.
2 O te tai kākiu te tumu o to īa matatetau,
to mua ati i aò aè, i aò aè.
Ma muì o tītahi ava no te titii atu,
e tihe mai te â e hānau te vehine
te i haaheiìa no te hānau.
3 E haatahi te toeka o to īa tau tuàne me te tau tama o Iraene.
E tū īa. O īa to âtou Tiaki meitaì,
ma te mana o te Hatu, ma te ikoa kāìè o to īa Etua.
4 E pohupohuè âtou me te haametaù koè.
E neke hoì te hakaìkiìa o hua vivini
tihe atu i te kotina paoìa o te henua.
O īa anaiho te tumu o te moû. »
TARAMO 80 (79) 2.3bc, 15-16, 18-19
E te Hatu mana nui e, a haahua ia mātou i te meitaì.
A matavaièi mai, e haapohuè ia mātou. 80,4
2 E te Tiaki o Iraene, a hakaòko i ta mātou pure,
Na Òe i haatee mai me he mea i te naho mutō.
O to Òe nohoka kāìè i ùka o nā anera Kerupi.
3 A vaa. A haapohuè ia mātou !
15 E te Etua mana nui e, a matavaièi mai.
A tiòhi Òe me io he àki, a ìte meitaì.
16 A toko i te tumuvino nanuìa e to Òe ìma,
I te huì na to Òe mana i haatupu.
18 A toko to Òe ìma i te ènana i vaeìa e Òe,
I te Tama a te Ènana ta Òe i haatū.
19 Koè nui e paekē mātou me io Òe.
A haapohuè mai, e hahi mātou i to Òe ikoa.
TATAUÌA O TE HĀMANI I TO HEPEREO 10, 5-10
E tu ù tau tuàne tuehine,
5 O īa te piò, i te ava ua tihe te Kirito io te ao nei,
u peàu Īa pēènei : « E te Etua e, aòè Òe i makimaki
i te ùtuna hēaka, akoè à i te tau ùtuna hakatu kē.
Atià, u kānea Òe i te nino no ù.
6 Aòè Òe i apuu i te hēaka pūovo i te ahi,
i te ùtuna haatāvaè no te haakoè i te umu mīkeo.
7 U peàu hoì au ia Òe : Eīa au nei.
Ua tihe au no te haatae i to Òe makimaki, e te Etua e,
vāàna i te mea i patuìa io he Hāmani tapu i ùka o au nei. »
8 To mua, u peàu te Kirito :
« Aòè Òe i makimaki i te ùtuna hēaka,
u te e apuu Òe i te ùtuna o te taetae kāòha,
te hēaka pūovo i te ahi, te ùtuna haatāvaè i te umu mīkeo. »
O âtou paotū te tau ùtuna peàuìa e te Ture a Moite.
9 I muì iho, u peàu te Kirito :
« Eīa au nei no te haatae i to Òe makimaki. »
Ma èià, u haakoè te Kirito i te ùtuna hēaka to mua,
no te haamana i te hakatu ùtuna hou.
10 U haapeàtoìa tātou, mēìa u aotahi Ietu Kirito
i te makimaki o te Etua me to Īa ùtuna i to Īa iho nino,
e tahi ùtuna anaè no te tau tai a tihe ananu.
ALLELUIA ALLELUIA.
cf. Ho.3, 14.17
A hīmene, a tātakahiti i te koakoa.
Mamau òe, e Maria peàto, enā io òe te Hatu Etua.
ÈVANERIO O IETU KIRITO VĀÀNA E RUKA 1, 39-45
I tēia mou pō,
39 ua taha atu Maria me te hiti haakoi i uta, io te tuaivi,
io tītahi pāpuahaè o te Henua Iutea.
40 Ua uu īa i òto o te haè o Takaria
me to īa kāòha atu ia Eritapeta.
41 I te ava ua òko Eritapeta i te kāòha mai o Maria,
ua û te tama i òto o to īa kōpū,
ua pī Eritapeta i te Kuhane Meitaì.
42 U taaàu īa me te èo oko, e peàu aa :
« U kāìèìa òe i vāveka o te tau vehine.
U kāìèìa me te tama me i òto o to òe kōpū.
43 E pēhea ua tihe io ù nei te kui o to ù Hatu ?
44 Na te mea, ia taki to òe kāòha mai io to ù puaìka,
ua û i te koakoa te tama i òto o to ù kōpū.
45 Mamau hoì te vehine i haatià e pao ai
te mea i haki atu ia īa ma te ikoa o te Hatu. »