IA OKO NUI

Ia oko nui to ù hinenaò ia òe, e pō au to ù mata

Me he mea anaiho e hopu nei au ia òe.

Ia oko nui to ù toutaki ia òe, peùa au to ù mou ìma

Me he mea anaiho e hō nei au ia òe.

Haatiki au to òe ikoa i ùka te kiko to ù hōupo

no to u hinenaò ia òe.

Ua apa au to òe ikoa i ùka te hetū o te àki

no to ù toutaki oko ia òe.

U u hinenaò oko au ia òe…

Ua ape nei au ia òe, ia òko mai òe, te uē o to ù kuhane.

U haatoitoiìa te patuhei vāàna i te tau aahiìa a te Haè tuhuka èo ènana i te 20/08/2022.