TE KOÌKA PAPATEMA O IETU KIRITO
(Â tapu 12 no Èhua 2025)
TOMOÌA : E IETU, TE VAIPUNA O TE POHUÈ
|
1 E Ietu, te vaipuna o te pohuè, Pupuhi ananu i òto o te papatema. |
Mōumu Me i òto o to Òe hōupo, Ua tahe te pohuè, Ua tahe te puna toto Eukaritia. |
||
|
2 E Ietu, te tumu o te kāòha, Tūtaì ananu to hōupo Me to mātou hōupo. |
|||
TARAMO 104 (103) : O te vai me te Kuhane te i haatiàtohu ia Òe, e te Hatu kāìèa e.
Kio Vānana : I tēnei â, ua pepeùìa te ataàki,
ua iho mai te Kuhane Meitaì i ùka o Ietu.
Ua òkoìa te èo o te Etua Motua
ma ùka atu o te taki o te vai :
« O Īa nei tu ù Tama Tāhia, te Tiàtohu o to ù Kāòha. »
Pure a te poì haatià : Comme un oiseau fait monter sa chanson,
Monte vers Toi notre prière ;
Oh Seigneur, écoute-là.
ÙTUNA : TE MOTUA ME TE TAMA ME TE KUHANE MEITAÌ
Mōumu : Te Motua, me te Tama, )
Te Kuhane Meitaì, )
Ua tū te Māàma. ) (bis).
|
1 Te Motua (Vehine) / Òko mai to ù èo (Vāhana) Vevaò au (Vehine) / Ma òto o ta ù Pure (Vāhana) A toko mai Òe Ia pohuè mātou e, e, E to ù Etua (Vehine) / Hakaìki Òe no ù e, Huiii. (Vāhana) |
|
2 Te ata hei (Vehine) / Haatiàtohu Òe no ù, e (Vāhana)
Mākivi, e (Vehine) / Me he anuanua (Vāhana)
Keàpa nui Òe,
Ua tū te Māàma e, e,
Ia vivo te Kuhane (Vehine) / Meitaì nui e, Huiii. (Vāhana)
Épiclèse 1 : E te Hatu e, a vaièi mai to Òe Kuhane
mea haatapu i te haraoa me te ipu nei.
Haatiketikeìa : E Ietu …Kirito e, haaìòìa no mātou.
Haamaakauìa : Te kāìè ia Òe te i mate ;
Te kāìè ia Òe, ua tū hakauà.
To mātou Etua, te Haapohuè,
A tihe mai, e Ietu e.
Épiclèse 2 : E te Hatu e, a vaièi mai to Òe Kuhane etià e ìò mātou he tāvini no to Òe kāìè.
KŌMŌNIŌ : E IETU HAKĀÒHA NUI E
|
1 E Ietu Hakāòha Nui e, Te Àrenio o te Etua, Na to Òe nino Tapu oko E haapohuè ia mātou. |
Mōumu E Ietu e, (e Ietu e) E te Oà pohuè, (e te Oà pohuè) Te Mitērio Tapu nui, U haamau Òe i te Piimau Hou Me mātou. |
|
|
2 E Ietu Hakāòha Nui e, Te Àrenio o te Etua, Na to Òe Toto tapu oko E haataìtaì ia mātou. |
Mōumu E Ietu e, (e Ietu e) E te Toto pohuè, (e te toto pohuè) Te Mitērio Tapu nui, Te tahe nei no te haapohuè ia mātou. |
|
(E Ietu)
Hīmene haahuaèkaèka : Ô PÈRE, JE SUIS TON ENFANT
|
Ô Père, je suis ton enfant, |
1 Comme la plante pour grandir |
PAHIÌA : Ô DOUCE VIERGE MARIE
|
Ô douce Vierge Marie, À Dieu tu as dit « OUI ». Aide- moi chaque jour dans ma vie À dire comme toi mon « OUI ». |
E Maria no te moû, O òe te i « E » i te Etua. A toko mai ia mātou No te peàu « E » i te Etua. |
TE KOÌKA PAPATEMA O IETU KIRITO
TATAUÌA O TE HĀMANI A TE PEROHETA ITAIA 40, 1-5.9-11
1 Oia nei te tekao o to ôtou Etua :
« A haamaha i te uē, a haamaha i te uē o to ù mataèinaa.
2 A kōnini ta òe tekao no te peàu i Ierutaremi :
Ua pao nui to īa ava memae, ua ìò i te hooi to īa tau mīkeo.
Na te ìma o te Hatu to īa tuki haamemae,
mēìa i to īa tau hana tekateka. »
3 U taaàu te èo :
« I te henua ataha, a haapei ôtou no te tiheìa mai o te Hatu.
I te henua ataha, a kānea i te vaanui no te Etua.
4 A haapī meitaì i te tau kākaavai paotū.
A haapāàhaàha i te tau tuaivi me te tau pūkei.
A haamenia i te vaanui keâkeâ.
A pepeù i te ava i ùka o te tau kapua tuaivi.
5 A tahi a pupuà te kāìè o te Hatu Etua.
E ìte ai te tau ènana paotū i te mea
me io te haha o te Etua hua hitipona i te tekao.
9 A hiti òe i ùka o te tuaivi tiketike,
e te keèe te i kave atu i te tekao i Tiona.
A taaàu òe me te èo oko,
e te keèe e kave i te tekao hakaìte i Ierutaremi.
A tekao me te èo oko : umoì e haametaù.
A haki atu i te tau pāpuahaè o te Henua Iutea :
« Eīa to ôtou Etua.
10 Eīa te Hatu Etua e tihe nei me te Mana nui.
Ua ìò te vivini ia Īa.
Enā me Īa te tau taetae ta Īa i koàka mai ma òto o te tōua.
I mua o Īa te tuki kāìè i koàka mai.
11 U hākai Īa i to Īa naho, hakatu me te ènana tiaki mutō.
Na to Īa ìma e haaputuputu i te tau mutō kākaiū,
me to Īa hopu ia âtou. »
TARAMO 104 (103) 1c-3b, 3c-4, 24a.c-25, 27-28, 29-30
Na te vai me te Kuhane i haatiàtohu ia Òe, e te Hatu kāìèa e. cf. 1In.5,7-8
1 Ua tāpīìa Òe me te kāìè,
Te àma te kahu te i vāhī ia Òe.
U hohoà Òe i te ataàki hakatu me te haèâ,
3 To Òe nohoka io te tau vai ma ùka o te papahenua.
To Òe pāriri te tau kohu o te àki maù.
E tohuti mai Òe i ùka te pekeheu o te metaki,
4 Te hā metaki te tau keèe pahiìa e Òe.
U tāvini ia Òe te uià e topa me io he àki.
24 He mea nui to Òe tau hana, e te Hatu e.
Ua pī te henua i to Òe tau taetae.
25 Eīa te tai nui. O ai te i ìte i to īa kaùoo ?
I òto e totoo te nuiìa tini tini o te tau ika kē.
27 Âtou paotū e tetaì nei ia Òe,
No te koàka mai to âtou oà, i te ava e hei.
28 U vaièi atu Òe : e kohi mau âtou.
U pepeù i to Òe îìma : e kai haamaòna âtou.
29 Ia kaò to Òe mata, u pūpūkina âtou.
Me he mea e too Òe i to âtou menava,
E mate nui âtou me te hua io he èpo.
30 Na Òe e puhi i te ao, e pēpena hou âtou.
U haahou Òe i te hakatu o te henua.
TATAUÌA O TE HĀMANI A PAURO PEÀTO IA TITO 2, 11-14 ; 3, 4-7
E tu ù tau tuàne tuehine,
2,11 U hakaìteìa mai hoì te vaièiìa o te Etua.
O īa te tumu e koàka i te tau ènana paotū
te pohuè te io he àki.
12 Na hua karatia e hakako mai
no te titii i te mea haapākeka i te Etua,
te òomi i to tātou hīa kāìè ènana, te pohuè io te ao nei
me te koekoe atenoho, koekoe toitoi, koekoe pure hae.
13 U hakapahi hua karatia ia tātou
no te tetaì i te tetaììa haakoakoa.
Oia hoì te Tiheìa me te Kāìè o Ietu Kirito,
to tātou Etua tiketike me te Haapohuè.
14 U ùtunahēakaìa hoì Ietu Kirito i uē ia tātou,
no te hooi i to tātou mīkeo me te haataìtaì,
etià e ìò tātou to Īa mataèinaa,
poì koekoe ūo i te hana meitaì.
3,4 Atià, u hakaìte mai te Etua, to tātou Haapohuè
i to Īa vaièiìa me to Īa kāòha nui no te tau ènana.
5 Na Īa i haapohuè ia tātou, mēìa i to Īa hakāòha mai,
aòè no te vaièi mai i te tuki o to tātou hana meitaì
i hanaìa na tātou ta tātou anaè.
Ma te vai, u haahānau hakaùa te Etua ia tātou nei.
I òto o te Kuhane Meitaì,
u haahou Īa i to tātou hakatu pohuè.
6 Na te Etua i haaneke ma te nuiìa i hua Kuhane Meitaì
i òto o tātou, ma te ikoa o Ietu Kirito to tātou Haapohuè,
7 etià, ma to Īa karatia,
e ìò tātou he tau ènana toitoi i mua o te Etua,
no te koàka mai te pohuè ananu ta tātou e tetaì mau nei.
ALLELUIA ALLELUIA.
I tēnei â, ua pepeùìa te ataàki,
ua iho mai te Kuhane Meitaì i ùka o Ietu.
Ua òkoìa te èo o te Etua Motua
ma ùka atu o te taki o te vai :
« O Īa nei tu ù Tama Tāhia, te Tiàtohu o to ù Kāòha. »
ÈVANERIO O IETU KIRITO VĀÀNA E RUKA 3, 15-16.21-22
I tēia mou pō,
15 Ohia u tetaì te mataèinaa me te kaituto âtou nui
io he koekoe : o Ioane oti te Kirito,
16 u haahua Ioane me to īa peàu ia âtou paotū, pēènei :
« O au nei, u papatema au ia ôtou io he vai.
Atià, enā a tihe mai tītahi, nui atu to Īa mana i to ù.
Aòè e hei ia ù te vevete i te aho o to Īa aihū.
Na Īa e papatema ia ôtou
io he Kuhane Meitaì me te ahi. »
21 I te ava u papatema Ioane i te haètoa paotū
u papatemaìa me Ietu.
E pure aa Ietu, ua vahiìa te àki.
22 Ua iho mai te Kuhane Meitaì i ùka o Ietu
me he hakatu ìtea o te manu tavaìè.
U pohā te èo me io he àki, pēènei :
« O Òe tu ù Tama tāhia.
Io Òe te Tiàtohu o to ù Kāòha. »