TOMINIKA E ÙA O TE AVA MA TE ÈHUA
(Â tapu 19 no Èhua 2025)
TOMOÌA : A.17
|
1 |
Mōumu |
2 |
3 E te Etua Motua e, / A tiòhi mai Òe
I te toto mana oko / o to Tama, o Ietu !
A hakaòko i te èo o te Hatu, a hakaòko (bis).
TARAMO 96 (95) : A tataha atu ma te aomāàma vii pu,
a hakaìte i to Īa tau hana mahaò.
Kio Vānana : A koakoa tātou, enā te Piimau Hou :
Mamau te poì i keèeìa no te mau o te Àrenio.
Pure a te poì haatià : E pure kātahi mātou io Òe, e te Hatu e,
(Pō e ono) a òko mai, apuu mai ia mātou
E te Hatu Etua e,
a òko i te pure o to Òe Motuhaka.
ÙTUNA : B.2 (Pō e ono)
|
1 A kave tātou nui I to tātou ùtuna I ùka o te hātaa O tēnei haraoa. He puku o te henua I hana îìma ìa. A ìò mai Mea haraoa pohuè. |
2 A kave tātou nui I to tātou ùtuna I ùka o te hātaa O tēnei vino. He puku o te kāhui I hana îìma ìa. A ìò mai Mea inu kuhane. |
3 Na hua ùtuna I haakoàka mai I te meitaì O te ùtunaìa Ètereno nui noa Ta Ietu io he peka ; E hēaka i èià, He tāuà nui. |
|
B.6 1 |
2 |
3 |
Haamaakauìa : U haaòko nui mātou i To mateìa.
U hahi atu mātou i To Tūhakaùaìa.
E tiaki nei mātou i To tihe mai
Me To kāìè.
KŌMŌNIŌ : D.44
|
1 E koìka mātiri i te kaavai kana. U vevao ia Maria Me to īa òna tama I te koìka o te huòna. |
2 Ua pao à hoi te vino o te koìka. U peàu Maria i ta īa tama Tu ù tama, ua pao ta âtou vino, Kāòha òe te huaa nei. |
|
3 Hua atu Ietu i to Īa òna kui : Aòè à i tihe to au hora. Mea hana à hoi i te hana mana, E tae anaiho to hīa. |
4 Ua hana Ietu i te hana mana Haavino i te vai no te koìka. Koakoa Maria me te huaa I te hana mana i hanaìa. |
5/ Atii à to Maria hana / I ùka o te àki io ta īa tama.
Me vevao à hoi me tātou, / E hati à ta īa tama.
Hīmene haahuaèkaèka : C.12
|
1 |
2 |
|||
|
3 A hahi, a kāìè ananu I te Etua mana, te Pēpena, Me ia Ietu, te Tama Tāhia, Me i te Kuhane Meitaì. |
Te hahi, te kāìè I to tātou Etua... Pohuè, I tēnei ma te tau tai ananu. |
|||
PAHIÌA : V.79 (Pō e ono)
|
1 |
Mōumu |
|
V.9 1 |
Mōumu. |
2 |
TOMINIKA E ÙA O TE AVA MA TE ÈHUA
TATAUÌA O TE PEROHETA ITAIA 62, 1-5
1 I uē ia Ierutaremi, aòè au e mutu.
I uē ia Tiona, aòè e pā to ù haha
tihe e ìteìa to īa toitoi me he pupuà o te atauà,
e keàpa to īa hakatu me he àma pūkohe i te pō.
2 E ìte te tau mataèinaa i to òe toitoi,
e ìte te tau hakaìki i to òe kāìè.
E apa te Hatu ia òe i te ikoa hou, ta Īa i ìte.
3 E ìò òe me he paèkuà io te ìma o te Etua,
me he heipua kakaa io te ìma o te Hatu.
U te e vevaò hakaùa ìa òe : « Tāhia titii ».
Aòè to òe henua e vevaòìa « Henua ataha »
4 atià e apaìa to òe ikoa : « Maùi ».
E apaìa to òe henua : « Tu ù hoa mātiri »
na te mea e haataetae te Hatu ia òe.
E ìò te Hatu me he vāhana no to òe henua.
5 Me he mea e noho te māhaì me te vehine hou,
atii e noho me òe te tuhuka i hakatū ia òe.
Me he mea o te vehine mātiri hou te koakoa o ta īa vāhana,
atii e haaèka òe i to òe Hatu Etua.
TARAMO 96 (95) 1-2a, 2b-3, 7-8a, 9a.10ac
A tataha atu ma te aomāàma vii pu, a hakaìte i to Īa tau hana mahaò. 96, 3
1 A hīmene no te Hatu i te hīmene hou.
A hīmene i te Hatu te henua vii pu.
2 A hīmene no te Hatu, a hahi i to Īa ikoa.
3 Ma tēia â, ma tēia â,
A haaòko nui i to Īa haapohuèìa,
A hano a haki atu i te tau mataèinaa,
I te tau ènana paotū to Īa tau hana mahaò.
7 E te tau mataèinaa e, a hua i te Hatu,
A hua i te Hatu i te kāìè me te mana.
8 A haakāìè i te ikoa o te Hatu.
9 A atoratio i te Hatu, pōnionio i te peàto nui.
10 A hakaìte atu i te tau êteni : o te Hatu te Hakaìki.
E vivini Īa me te toitoi i te tau mataèinaa.
TATAUÌA O TO MUA HĀMANI I TO KORINETIA 12, 4-11
E tu ù tau tuàne tuehine.
4 E hakatu kē, hakatu kē te tau vaièiìa kuhane,
atià, me io te Kuhane e tahi anaè.
5 E hakatu kē, hakatu kē te hana tāvini,
atià, e tāvini ìa te Hatu e tahi anaè.
6 E hakatu kē, hakatu kē te tau hana te i haapaoìa,
atià, te Etua e tahi anaè te tumu o te tau hana kōtoa
i òto o te tau ènana paotū.
7 U vaièiìa ia ôtou tikitahi te ìi o te Kuhane,
hakatu kē to tītahi, hakatu kē to tītahi
no te meitaì o tātou paotū.
8 Na te Kuhane Meitaì i vaièi i tītahi i te tekao māàma.
Na hua Kuhane i vaièi i tītahi
no te hakaìte atu i te maakau hōhonu o te Etua.
9 I òto o hua Kuhane e tahi, u vaièiìa i tītahi te haatià,
i tītahi te mana no te haameitaì i te poì hōpī.
10 U vaièi te Kuhane i tītahi no te hana i te tau hana mana.
He tekao peroheta to tītahi.
U māàma tītahi no te tuhi i te kuhane tīvava
me te hakaìte toitoi i te kuhane tiàtohu.
U tekao tītahi ma he èo kē, èo kē ananu.
U koàka i tītahi te haavivini mai i hua èo kē.
11 Atià, o te Kuhane e tahi anaè,
te tumu o hua tau hana kē paotū.
Na hua Kuhane e tuha ia tātou tikitahi
i to īa vaièiìa, vāàna i to īa makimaki.
ALLELUIA ALLELUIA.
cf.Ap.19,7.9
A koakoa tātou, enā te Piimau Hou :
Mamau te poì i keèeìa no te mau o te Àrenio.
ÈVANERIO O IETU KIRITO VĀÀNA E IOANE 2, 1-12
I tēia mou pō,
1 ua haììa i te toù o te pō te koìka mātiri i Kana,
i te Henua Karirea. Te kui o Ietu tītahi i èià.
2 U vevaòìa Ietu, e tahi me to Īa tau kouâ.
3 Aìna pao te vino, u peàu te kui o Ietu ia Īa :
« Ua pao ta âtou vino. »
4 U haahua atu Ietu :
« E te vehine, e aha ta òe e ape mai ?
Aòè to ù hora i tēnei. »
5 U peàu te kui o Ietu i te tau tāvini :
« A hana ôtou i te tau mea paotū ta Īa e peàu ia ôtou. »
6 Enā i èià e ono hue keâ nunui no te vai
ta te tau ati Iuta i too no te haataìtaì,
vāàna i to âtou haa ati Iuta.
E hānere rita oti tītahi, hānere rita oti tītahi,
ia haapīnuiìa te tau hue.
7 U peàu Ietu i te tau tāvini :
« A haapī ôtou i te tau hue me te vai. »
U haapī nui âtou me te vai.
8 U peàu Ietu ia âtou : « I tēnei, a kapu ôtou
me te kave atu i te ènana vivini i te kaiìamau.
Ua kave te tau tueni io īa.
9 Aòè te vivini o te kaiìamau i ìte me i hea mai hua vino.
Te tau tāvini te i ìte meitaì.
Na âtou hoì i kapu i te vai.
Ia ako te vivini o te kaiìamau i te vai haavinoaìa,
u vevaò i te vāhana hou me ta īa peàu atu :
10 « Ua tuku òmua ìka te tau ènana paotū i te vino mānini.
Ia kū te tau hoa kai, e tukuìa te vino māeka.
U avai òe tihe i tēnei i te vino mānini. »
11 Oiana to mua hana mahaò i hanaìa e Ietu.
I Kana i te Henua Karirea, ua hana Ietu i hua hana mahaò.
Ma èià, u hakaìte Ietu i to Īa kāìè.
U haatià to Īa tau kouâ ia Īa.
12 I muì iho, ua hee Ietu i Kafaranaumi e tahi me to Īa Kui,
to Īa tau teina, to Īa huaa kouâ.
Ua noho âtou mou pō anaiho i èià.