TE KOÌKA O TE PENETEKOTE
(Â tapu 19 no Mataìki 2024)
TOMOÌA : K 138 ESPRIT DE PENTECÔTE
|
Refrain : Esprit de Pentecôte, Souffle de Dieu, Vois ton Église aujourd'hui rassemblée, Esprit de Pentecôte, Souffle d'Amour, Emporte-nous dans ton élan, Emporte-nous dans ton élan.
|
|
||
|
1 Peuple de Dieu nourri de Sa Parole, Peuple de Dieu vivant de l'Évangile, Peuple de Dieu se partageant le pain, Peuple de Dieu devenu Corps du Christ. |
2 Peuple de Dieu aux écoutes du monde, Peuple de Dieu partageant ses combats, Peuple de Dieu solidaire des hommes, Peuple de Dieu assoiffé de justice. |
||
TARAMO 104 (103) : E te Hatu e, a pahi mai i to Òe Kuhane te i haahou i te hakatu o te henua.
Pure vevaò i te Kuhane Meitaì : Mave mai (A mave mai)
E te Kuhane Meitai e,
A haaveàveà i to mātou koekoe e to Òe Kāòha.
Kio vānana : Mave mai, e te Kuhane Meitaì e !
A ihi mai io he koekoe o mātou.
A haaveàveà i to mātou koekoe e to Òe kāòha.
Pure a te poì haatià : No to Òe kāòha ia mātou, e te Hatu e,
a hakaòko mai Òe i to mātou pure.
Apuu mai me te moû.
ÙTUNA : K.15
|
1 Hakatu au me he vāhana mātiri hou Tāpīìa i te heipua ; Hakatu me te vehine hou Tāpīìa i te tāpeà me te koro.
|
Mōumu I ùka o au nei te Kuhane o te Hatu Te i haapeàto mai ; Ma te paùìa me te kao tapu, Na Īa i pōpahi ia ù no te kave atu I te Tekao Meitaì Hou Mai i te poì veve.
|
||
|
2 Koù e haapeàto ia tātou Te Etua o te moû ! Na Īa e haamau ia tātou Te Meitaì paona koè. |
3 A haahuaèkaèka ananu No te tau mea paotū ; Oiana ta te Etua e tiaki nei Me io tātou. |
||
Épiclèse 1 : E te Hatu e, a vaièi mai i to Òe Kuhane
mea haatapu i te haraoa me te ipu nei.
Haatiketikeìa : E Ietu …Kirito e, haaìòìa no mātou.
|
Anamnèse : Te kāìè ia Òe, e te Hatu e, Te i mate nui, te pohuè ; A tihe mai, e Ietu ; a tihe mai, e Ietu.
Épiclèse 2 : E te Hatu e, a vaièi mai to Òe Kuhane etià e ìò mātou he tāvini no to Òe kāìè. |
KŌMŌNIŌ : O TE EUKARITIA TE POU PĀTOKO
To mua hīmene : (Èo taa) Mave mai,
(Paotū) Te oà pohuè
(Èo taa) Me io he àki.
(Paotū) Mave mai, mave mai.
|
Mōumu : O te Eukaritia, te pou pātoko O to tātou Haatià. (bis) Mave mai, (Vāhana) te oà pohuè. Me io he àki, (Vāhana)mave mai. (bis) Paotū : Mave mai i òto o to mātou tau hōupo, mave mai ! |
||
|
1 E Ietu e, u haaìte Òe To Òe Kāòha Ma te ùtuna to Òe nino, Ia ìò e Oà Kuhane no mātou. |
2 Haaūo ia mātou Te taha io ta Òe tapukai. Mamau te tau ènana I keèeìa no te mau o te Àrenio. |
|
|
Te ùa o te hīmene : 1 Me kāòha ôtou ia ù, E aotahi ôtou i tu ù Tekao. Na to ù Motua e tuku ia ôtou Te toko te i noho ananu me ôtou. |
Mōumu E te Etua e, A pahi mai Òe I te vevaò, te Kuhane Meitaì. Na hua Kuhane e hakako ia mātou Ta Òe tekao mea pohuè no mātou. |
|
|
2 Me kāòha ôtou ia ù, / E aotahi ôtou i tu ù Tekao E kāòha to ù Motua i hua ènana / Ua ihi Māua i òto o īa. |
||
Hīmene haahuaèkaèka : MAVE MAI, E TE MOTUA
|
1 |
Mōumu |
|
|
Mave mai, e te Motua |
E te Kuhane Meitai e, |
|
|
O te poì veve. |
A iho mai io he koekoe |
|
|
O Òe te i vaièi |
O mātou. |
|
|
I te taetae kuhane. |
A pahi mai me i ùka |
|
|
E to mātou Māàma, |
I to Òe Māàma. |
|
|
A ihi mai io mātou. |
PAHIÌA : MARIE NOUS INVITE
|
Marie nous invite à prier pour la Paix À jeûner pour la Paix. Elle nous dit aussi : de prier sans arrêt Et, bâtissez un monde nouveau. |
Refrain Donnons-nous la PAIX (x3) Partageons la PAIX (x3) Vivons dans la PAIX (x3) La PAIX de Jésus Pour l’éternité. |
TE KOÌKA O TE PENETEKOTE
TATAUÌA O TE HĀMANI HANA A TE TAU ÀPOTORO 2, 1-11
1 I te ava i hakiìa te koìka Penetekote,
io he vahi e tahi, u putuputuìa te poì haatià paotū.
2 Ua òkopuìa anamai te pokokina me io he àki mai,
hakatu me he tūaio metaki oko nui.
Ua pī i hua pokokina te haè i èià ua noho âtou.
3 Ua ìte âtou i tītahi mēmau hakatu me he èo ahi
te i tuhaìa me te tau, e tahi ma ùka o âtou tikitahi.
4 A tahi a pī âtou paotū i te Kuhane Meitaì,
me to âtou tekatekao ma he èo kē, èo kē,
vāàna ta te Kuhane Meitaì i makimaki e peàu âtou.
5 Enā, ua noho i Ierutaremi te tau ati Iuta, poì pure,
te i titihe mai me i te tau henua paotū ma àò o te àki.
6 Mēìa i te pokokina, u putuputu mai te haètoa.
U pūpūkina âtou na te mea ua òko âtou tikitahi
i te tau Àpotoro e tekao aa ma òto o to âtou iho èo.
7 U mahaò âtou me te emièe e peàu ana :
« Aòè à me i te Henua Karirea mai
tēnei poì paotū e tekao nei ?
8 Pēhea òa tātou titikitahi, e òko ia âtou
e hakako ana ma òto o to tātou èo tumu ?
9 To Paratia, to Metai, to Erama,
te huaa ènana e noho nei i te Henua Metopotamia,
Iutea, Kapatokia, Ponoto, Atia, Ferukia,
10 Pamafuria, Ekipito, Tiripia tata èka me Kirene,
to Roma manihii înei, te poì hānauìa ati Iuta,
11 me te poì haa ati Iuta mēìa i to âtou haatià,
to Kerete, to Arapia, ua òko tātou paotū ia âtou
e tekao aa ma io to tātou èo
no te hakaìte i te hana mahaò o te Etua. »
TARAMO 104 (103) 1.24ac, 29b-30, 31.34
E te Hatu e, a pahi mai i to Òe Kuhane
Te i haahou i te hakatu o te henua. cf.104,30
1 A haameitaì i te Hatu, e tu ù kuhane e.
E te Hatu e, tu ù Etua e, u tiketike Òe.
Ua tāpīìa Òe me te kāìè,
24 He mea nui to Òe tau hana, e te Hatu e.
Ua pī te henua i to Òe tau taetae.
29 Me too Òe i to âtou menava,
E mate nui âtou me te hua io he èpo.
30 Na Òe e puhi i te ao, e pēpena hou âtou.
U haahou Òe i te hakatu o te henua.
31 A kāìè te Hatu no te tau tai e tihe ananu.
A èkaèka te Etua i òto o to Īa tau hana.
34 Koù e haaèkaèka to ù mou hīmene i te Hatu.
O tu ù koakoa te haapii me te Etua anaè.
TATAUÌA O TE HĀMANI I TO KARATA 5, 16-25
E tu ù tau tuàne tuehine.
16 Oia nei ta ù tekao : a ao i te Kuhane Meitaì
mea Haatee ia ôtou.
Ma èià, e òomi ôtou i te tau hīa pē o te nino.
17 He mea kē hoì te tau hīa o te nino,
mea kē te hīa o te Kuhane Meitaì.
Aòè e haatūtahi te hīa o te nino me to te Kuhane Meitaì.
Oia te piò, ia haatee te Kuhane ia ôtou,
u te e hana ôtou vāàna i te hīa o te nino.
18 Me aotahi ôtou i te makimaki o te Kuhane Meitaì,
ua koè te mana o te Ture i ùka o ôtou.
19 Ma te tiòhi i te hakatu pohuè o te tau ènana,
ua ìte tātou paotū e aha te tau hīa pē o te nino :
te hinenaò pu, te hana mako, te keu pē,
20 te pakaihi i te ètua tīvava, te nanikaha, te koekoe kaipipiò,
te tōtōua, te keitani, te haahaa, te totofai,
te tōtohe me te paekē,
21 te koekoe ovi atu ovi mai, te kai me te inu hauhau
me tahipito hakatu pē atu.
Òmua, u peàu au ia ôtou, u peàu hakaùa :
te ènana te i hana i hua tau hana teka,
aòè īa e tomo i òto o te Patirēia o te àki.
22 He mea kē to te Kuhane Meitaì puku i òto o tātou.
Me io Īa te koekoe kāòha, koekoe koakoa, koekoe moû.
Ma te Kuhane Meitaì, e amo te ènana i te tau kōhii paotū,
e toko atu toko mai te hoa i te hoa me te koekoe vaièi,
23 te koekoe hakahae koè, pekē koè, kāìè koè.
Aòè e hakako te Ture i hua hakatu pohuè.
24 Ia haatahi te tau ènana me te Kirito,
me he mea, u haamate âtou i to âtou iho nino
ma te òomi i te tau hīa pē.
25 U vaièi mai te Kuhane Meitaì i te hakatu pohuè hou.
A aotahi hoì tātou i hua Kuhane !
PURE VEVAÒ I TE KUHANE MEITAÌ
E te Kuhane Meitaì e,
A iho mai io he koekoe o mātou.
A pahi mai me i ùka i to Òe māàma.
E te Motua o te poì veve,
E te tumu o te vaièi i te taetae. A mave mai.
E te māàma o te koekoe. A ihi mai io mātou.
E te vavao meitaì nui.
E te manihii moû oko,
A haakoè i te momoù.
Ma òto o te hana, o Òe te hakaēa.
Ma òto o te veàveà, o Òe te kamaìi.
Ma òto o te uē, o Òe te èkaèka.
E te māàma haakoakoa mai.
A mai no te haapī me to Òe àma
I te koekoe o to Òe poì haatià.
Me takiìa me io mātou to Òe mana Etua,
E koè ai te Meitaì i òto o te ènana.
E toe anaè te hīa pē me te Ìno nui io īa.
A haamā i te mea èpo.
A haatokū i te mea moô.
A haapohuè i te mea takapii.
A haakevaì i te mea heò.
A haamāhanahana i te mea anu.
A haatoitoi i te mea pikopiko.
A vaièi mai i te poì haatià
E hano nei e haapii me Òe,
I te hitu o to Òe hana kāòha.
Paotū te â, a haatee mai i te àki.
A vaièi mai i te tuki o te hana meitaì.
A tuku mai i te pohuè me te koakoa paona koè.
ALLELUIA ALLELUIA
Mave mai, e te Kuhane Meitaì e !
A ihi mai io he koekoe o mātou.
A haaveàveà i to mātou koekoe e to Òe kāòha.
EVANERIO O IETU KIRITO VĀÀNA E IOANE 15, 26-27 ; 16, 12-15
I te ava e taha atu Ietu me i te aomāàma nei io te Motua,
u peàu Īa i to Īa tau kouâ pēènei :
26 « E tihe mai te Vavao, o Īa te Kuhane
te i hakaìte i te Tiàtohu i ùka o te Etua,
me io te Motua to Īa iho mai.
Na ù e pahi mai i hua Kuhane me io tu ù Motua.
Na Īa e haatiàtohu ia ù iho.
27 O ôtou tahipito te i haatiàtohu mai ia ù,
na te mea ua kē ôtou me au me i te tīmataìa.
12 He mea nui te tekao kē e too ta ù e hakaìte atu,
atià he tekao toko.
I tēnei, u te e koàka ia ôtou te apuu.
I3 I te ava e tihe te Kuhane
e hakaìte i te Tiàtohu i ùka o te Etua ;
na Īa e haatee ia ôtou i te Tiàtohu paotū.
Aòè hoì e peàu na Īa ta Īa anaè,
e peàu Īa vāàna i te mea ta Īa i haaòko.
E hakaìte atu Īa i te mea e tihe ai ma tītahi â.
14 E òko Īa i tu ù tekao no te hakaìte ia ôtou.
Ma èià hoì to Īa haakāìè ia ù.
15 To tu ù Motua taetae paotū, ua ìò no ù.
Oia te tumu u peàu ia ôtou :
e òko te Kuhane i ta ù tekao me te haki atu ia ôtou. »