TOMINIKA TO MUA O TE AVA TETAÌ, ÈHUA B
(Â tapu 3 no Mei 2023)
TOMOÌA : Mutu
Penitenia
Apuuìa o te Tekao : A hakaoko i te èo o te Etua. (Noho)
TARAMO 80 (79) : Te Etua e, a haahua ia mātou i te meitaì !
A matavaièi mai, e pohuè ai mātou !
ALLELUIA (Ré 7)
Kio Vānana : E te Hatu e, a hakaìte mai i to Òe kāòha.
A vaièi mai i to Òe haapohuèìa.
Pure a te poì haatià : E te Motua e, a òko mai ia mātou,
(Pō e ono) ta Òe tau tama.
E te Hatu, a òko i ta mātou pure ;
A òko mai ia mātou (bis).
ÙTUNA : G.10 (Pō e ono)
|
1 |
Mōumu |
|
2 E pātoko ananu te Etua / i te poì e memae nei,
Te i hemo i te mate, / te i òto o te àì nui.
E.7 Mōumu : E Ietu, ta mātou e tiaki nei,
Me mai, mave mai !
|
1 |
2 |
||
Peàto
Anamnèse : Te kāìè ia Òe, e te Hatu Ietu e, te i mate nui, te pohuè ;
(Pō e ono) A tihe mai, e Ietu ; a tihe mai, e Ietu.
Te kāìè ia Òe, te i mate, te pohuè, e Ietu e, (Vāhana)
To mātou Hatu, a tihe mai, a tihe mai. (Vehine)
To mātou Motua e…. / Àrenio
KŌMŌNIŌ : E.3 Mōumu : Mave, mave mai, e te Hatu e (bis)
|
1 |
2 |
3 |
|||
|
6 |
7 O Òe, te Emanuera e, E te Etua me mātou e. Te tiàtohu me te pohuè ! |
|
|||
PAHIÌA : V.84 (Pō e ono)
|
1 |
Mōumu |
2 E Maria, e te kui tāhia e, / Te kui o Ietu to tātou Hatu,
A pure òe (i) to Tama Etua / No mātou, ia kē ananu me Ietu.
JE TE SALUE MARIE
|
(Tau moî) Je te salue Marie, Comblée de grâces. Le Seigneur est avec toi. Tu es bénie, Marie, Entre toutes les femmes, Et Jésus le fruit de tes entrailles Est béni. |
Mōumu : (Tau māhaì) Sainte Marie, Mère de Dieu, Oh, prie pour nous Pauvres pécheurs, Et maintenant, Et jusqu’à l’heure de notre mort, Amen. |
Ave Maria, Ave Maria / Ave Maria, Ave Maria (x 2) (Paotū)
TO MUA Â TAPU O TE AVATETAÌ
TATAUÌA O TE PEROHETA ITAIA 63, 16b-17.19b ; 64,2b-7
16 E te Hatu e, o Òe to mātou Motua me to mātou Haapohuè.
Oia nei to Òe ikoa me i kiu mai.
17 E te Hatu e, no te aha u avai Òe ia mātou
e hukaka ana mamao me io to Òe vaanui ?
No te aha na Òe e haaheò o i to mātou koekoe,
te i pakaihi koè i to Òe ikoa ?
A hua mai, e te Hatu e, i uē i to Òe tau tāvini,
i uē i te tau ati ta Òe e haataetae !
19 A pepeù i to Òe àki !
A iho mai io mātou ! I mua o Òe, e èhu ai te tau tuaivi.
64,2 Ua iho mai hoì Òe, e te Hatu e.
I to Òe aò, ua èhu te tau tuaivi.
3 I te tai tehito òmua naoti, aòè i òko te tau ènana.
Òmua atu, aòè i hakakoìa.
Aòè e tahi ènana i ìte i te Etua te i hana
me he mea ta Òe i uē i te poì e pakaihi ia Òe .
O Òe anaè, e te Hatu e.
4 Ua pii Òe me te ènana e aotahi ana ia Òe me te koakoa,
te ènana e haamaakau ia Òe e taha ana io to Òe vaanui.
5 Ua pekē Òe mēìa i to mātou tohe i te mikeo.
E aha à e haapohuè Òe ia mātou,
he tau ènana havaìa i te mikeo mātou nui ;
me he kahu tīèpo i to mātou tau hana meitaì.
O mātou nui me he kaù moô.
Ua puhi te mikeo ia mātou me he mea a te metaki.
6 E te Hatu e, u te e vavaò e tahi ènana i to Òe ikoa.
Aòè i matavaa e tahi ènana no te hahi ia Òe.
Mēìa i to Òe mata koè ia mātou,
u avai mai i te mana o to mātou tau mikeo.
7 Atià o Òe, e te Hatu e, to mātou Motua,
u hakatu Òe me te ènana kānea hue me te èpo pipii.
O mātou hua èpo kaaea.
O mātou nui te hana o to Òe îìma.
TARAMO 80 (79), 2.3bc, 15-16, 18-19
Te Etua e, a haahua ia mātou i te meitaì !
A matavaièi mai, e pohuè ai mātou ! 80, 4
2 E te Tiaki o Iraene, a hakaòko i ta mātou pure !
O Òe te i haatee mai me he mea i te naho mutō.
3 A haapupuà i to Òe mana !
A mai ! A haapohuè ia mātou !
15 E te Etua mana nui e, a matavaièi mai !
A tiòhi Òe me io he àki, a ìte meitaì !
16 A toko i te tumuvino nanuìa e to Òe ìma,
I te huì ta to Òe mana i haatupu !
18 A toko to Òe ìma i te ènana vaeìa e Òe,
I te tama a te ènana ta Òe i hakatū !
19 Koè nui e paekē mātou me io Òe !
A haapohuè mai, e hahi mātou i to Òe ikoa !
TATAUÌA O TO MUA HĀMANI I TO KORINETIA 1, 3-9
E tu ù tau tuàne tuehine.
3 Ia ôtou te karatia me te moû
me io te Etua, to tātou Motua, me io te Hatu Ietu Kirito.
4 U te e hakaēa au i te haahuaèkaèka i te Etua
e kaituto ana ia ôtou, mēìa i te karatia
ta te Etua i vaièi ia ôtou i òto o Ietu Kirito.
5 I òto o Īa hoì, u koàka mai ia ôtou te tau taetae ia ôtoa,
to te Tekao a te Etua atii me to te ìte māàma i te Etua.
6 Na te mea, i vāveka o ôtou, ua noho mau
te tekao haatiàtohu i te Kirito.
7 No èià, aòè e tahi taetae kāòha o te karatia
i toe no ôtou, ôtou te i tiaki nei
i te Tiheìa o to tātou Hatu Ietu Kirito,
i te ava o to Īa hakaìteìa.
8 Na Īa e toko ia ôtou no te tohe mau
i òto o te haatià tihe i te paoìa, etià e piò koè ôtou,
i te â e tihe to tātou Hatu Ietu Kirito.
9 Aòè e hakahae te Etua ia ôtou, u tiàtohu ta Īa tekao.
Na Īa anaiho i vavaò ia ôtou
no te haatahi me ta Īa Tama, Ietu Kirito to tātou Hatu.
ALLELUIA ALLELUIA
cf.Ta.85,8
E te Hatu e, a hakaìte mai i to Òe kāòha. A vaièi mai i to Òe haapohuèìa.
EVANERIO O IETU KIRITO VĀÀNA E MAREKO 13, 33-37
I tēia mou pō, u peàu Ietu i to Īa tau kouâ :
33 « A tiòhi meitaì ia ôtou ! A matavaa !
Aòè ôtou e ìte a hea te ava.
34 U hakatu me te ènana e hee atu i te henua mamao.
U avai īa i to īa haè.
Na te tau tāvini e tiòhi i te tau mēmau paotū.
U haatoitoi īa i te hana ta tēnei, ta tēia e hana atu.
U peàu i te tueni tiaki i te avaputa : a matavaa !
35 A matavaa hoì !
Aòè ôtou e ìte a hea e tihe mai ai te Hatu o te haè :
i te ahiahi oti ? I te tūmoe nui oti ?
Ia taki te moa oti ? I te pōpōuì tika oti ?
36 Oa tihe pu anamai te Hatu,
me te koàka mai ia Īa e hiamoe ana ôtou.
37 O ta ù e peàu nei ia ôtou,
e peàu au i te tau ènana paotū : a matavaa ! »