E aha òa te mou haaviviniìa ?
1) - Ia tiòhi tātou i òto o te kāputuèo a te èpikopo Dordillon, e koàka ia tātou te ponatekao « pahonohono » anaiho. Te haaviviniìa « te mea piàu mimi, me te mea namu mako me te namu hai.»
2) - I te kāputuèo a te Pū Tuhuka èo tahiti, i te tapa hāmani 336, e ìte tātou te ponatekao « pāhono » ; e toù haaviviniìa. a)- haatahi b)- haapao i te hana i tīmataìa e tahipito c)- haahua atu i te tekao.
3) - No tēnei ponatekao « répondre », i te tapa hāmani o ta īa kāputuèo, u hakaìte te èpikopo Dordillon i nā mou ponatekao e ùa, o « peàu » me « ao ».
4) - I òto o te kāputuèo a te èpikopo Le Cléac’h, i te tapa hāmani 334, e ìte tātou « peàu, hua atu, haahua atu »
O hua nā mou pahihana e ùa ta tātou e tatau i òto o te Evanerio a Ioane.
a) - 6, 25-26
*- (U ūi atu te tau kouâ ia Ietu) « E Rapi e, inehea to òe tiheìa mai i înei? »
*- U haahua Ietu ia âtou « He tekao tiàtohu ta ù nei ia ôtou, … »
b) - 6, 30-32
*- « E aha to òe hana mana haahakatu, etià e ìte mata mātou me te haatià ia òe ? » […]
*- Ua hua atu Ietu ia âtou « E tekao tiàtohu ta ù nei ia ôtou, … »
Patuìa e Jacques Iakopo Pelleau i 2015
U haatoitoiìa te patuhei vāàna i te tau aahiìa a te Haè tuhuka èo ènana i te 22/08/2022.
(Aua te tau ponatekao me i òto mai o te tau kōtūòmia me te tau kāputuèo kākiu)