TOMINIKA E TOÙ O TE AVA MA TE ÈHUA
(Â tapu 26 no Èhua 2025)
TOMOÌA : (Pō e ono) K.11
|
3 |
Mōumu Ia ù no te kave atu I te poì veve. |
K.8
|
1 Te Kuhane Meitaì |
Mōumu |
2 A haaheò mai òe, Te Kuhane Meitaì, Ia hahi au ia òe |
T
ARAMO 19 (18) : Te koakoa o te Hatu, o Īa to tātou pātoko.
Kio Vānana : U pōpahi te Hatu Etua ia Ietu, to Īa Tāvini,
no te hakaìte atu i te Tekao Meitaì Hou Mai i te poì veve,
no te haki atu i te poì humuìa to âtou haapohuèìa.
Pure a te poì haatià : Comme un oiseau fait monter sa chanson,
(Pō e ono) Monte vers Toi notre prière ;
Ô Seigneur, écoute-là.
A òko i ta mātou nei pure,
E te Hatu Mana nui e.
ÙTUNA : COMME LUI SAVOIR DRESSER LA TABLE
(Pō e ono) Refrain : Comme Lui savoir dresser la table
Comme Lui savoir dresser la table,
Comme Lui nouer le tablier,
Se lever chaque jour Et servir par amour
Comme Lui.
|
1. Offrir le pain de Sa parole Aux gens qui ont faim de bonheur, Être pour eux Des signes du Royaume, Au milieu de notre monde. |
2. Offrir le pain de Sa présence Aux gens qui ont faim d’être aimés, Être pour eux des signes d’espérance Au milieu de notre monde. |
||
|
3. Offrir le pain de sa Promesse Des signes de tendresse |
4 Offrir le pain de chaque Cène Aux gens qui ont faim dans le cœur, Être pour eux des signes d'Évangile Au milieu de notre monde. |
||
K.11
|
1 Me he vāhana mātiri hou |
Mōumu Ia ù no te kave atu I te poì veve. |
|
2 |
3 |
Haamaakauìa : Te kāìè ia Òe te i mate ;
(Pō e ono) Te kāìè ia Òe, ua tū hakauà.
To mātou Etua, te Haapohuè,
A tihe mai, e Ietu, a tihe mai, e Ietu e.
Te kāìè ia Òe te i mate no mātou,
Te kāìè ia Òe e pohuè nei ananu,
E te Hatu e Ietu e (bis) : a tihe mai.
KŌMŌNIŌ : UA TOO IETU I TE HARAOA (Pō e ono)
|
Ua too Ietu i te Haraoa, U haahuaèkaèka, Ua vahi me te peàu : O to ù nino tēnei Haaìòìa no ôtou. A hana ôtou atii Mea haamaakau mai ia ù. |
Me hua hakatu ma hope o te mau (Vāhana) Ua too Īa i te ipu, e peàu aa : O te ipu nei te Piimau hou (I òto o to ù toto) (Vāhana) I te ava hakatahi, E inu ôtou (me io hua ipu) (Vāhana) A hana ôtou atii ) Mea haamaakau mai ia ù. (bis). |
D.26
|
1 O te Māàma. |
|
2 I mua o te Etua. |
||
|
3 |
4 |
|||
Hīmene haahuaèkaèka : D.24
E tai kohiìa tēnei / Te peàu a Ietu Kirito.
A mave mai ôtou !
O Au te avaputa o te pāpua. / Oiana te tekao tiàtohu.
Na Ietu i haamau te Eukaritia
O te kaimau e kai atu. / O to Ù nino hoì tenā (bis)
Me to Ù toto.
PAHIÌA : Ô DOUCE VIERGE MARIE (Pō e ono)
|
Ô douce Vierge Marie, À Dieu tu as dit « OUI ». Aide-moi chaque jour dans ma vie À dire comme toi mon « OUI ». |
E Maria no te moû, O òe te i « E » i te Etua. A toko mai ia mātou No te peàu « E » i te Etua. |
V.20
|
1 |
Mōumu To mātou kui, To mātou kui |
2 E te kui virikine To te henua taetae, Me te peàu atu. |
-------------------------------------------------------------------------------------------
TOMINIKA E TOÙ O TE AVA MA TE ÈHUA
TATAUÌA O TE PEROHETA NEHEMIA 8, 1-4a.5-6.8-10
1 I te â koìka o te meàma e hitu,
u putuputu te mataèinaa me he ènana e tahi i Ierutaremi,
io he tohua i mua o te avaputa peàuìa TE VAI.
Ua ape âtou i te tuhuka tekao, o Etara to īa ikoa,
no te tatau i te hāmani o te Ture a Moite
ta te Etua i tuku ia Iraene.
2 Ua kave mai te tāuà Etara i te hāmani o te Ture
i mua o te motuhaka, te tau vāhana me te tau vehine
me te tau tōìki paotū te i koàka i te vivini i te Tekao a te Etua.
3 E hāìu aa io te tohua o te avaputa Te Vai,
ua tatau mai te tuhuka Etara i te hāmani o te Ture.
Me i te pōpōuì tika tihe atu i te oatea nui,
te tau vāhana, te tau vehine
me te tau tōìki e koàka ia âtou te haavivini
e hakaòko aa ia Etara e tatau aa i te hāmani o te Ture.
4 Ua maô Etara ma ùka o te tohua
kāneaìa no tēia hana anaiho.
Ua ìtemata te mataèinaa paotū.
5 I te ava u pepeù Etara i te hāmani, ua maô te haètoa nui.
6 U haameitaì Etara i te Hatu, te Etua Tiketike.
A tahi a haahua atu te mataèinaa paotū
e hapai aa i te îìma me te taaàu : Àmene. Àmene.
Ia pao te taaàu, ua oha âtou
me te moe haatona i mua o te Hatu, i aò te aò.
7 (U tatau Etara i te mou kio o te Ture o te Etua.)
Na te tau Revita te vetevete ma he èo o te mataèinaa
me te haatuhuka etià e vivini meitaì ìa te tekao.
9 Ua uēuē me te mateteka âtou paotū
i te òkoìa i te tekao o te Ture o te Etua.
Ia pao te tatauìa, u peàu Etara ia âtou :
10 « A taha atu ôtou. A kai i te înaì kiko mōmona.
A inu i te inu mānini. A tuha atu me te ènana veve
me te poì io he àì, aòè e àva to âtou.
He â o te Etua tēnei â, he â tapu. Umoì e uēuē.
A koakoa i òto o te Hatu to tātou pātoko. »
TARAMO 19 (18) 8, 9, 10, 15
Te koakoa o te Hatu, o Īa to tātou pātoko. cf. Ne.8, 10
8 U toitoi noa te ture o te Hatu,
Na īa e haahou i to tātou ìi.
U tiàtohu te Tekao a te Hatu
Te i haamāàma i te poì avai noa.
9 U toitoi te Tekao a te Hatu,
E haakoakoa âtou i te koekoe.
U hōata te makimaki o te Hatu,
E haakeàpa i te mata o te ènana.
10 U taìtaì te pakaihiìa o te Etua,
E noho mau ananu to īa tau puku.
U toitoi te tekao paotū o te Hatu :
He māàma âtou no te haavā i te ènana.
15 E te Hatu e, a apuu i te pona o to ù haha,
A haaòko i to ù èo mamaioo io Òe.
A tihe âtou i mua o Òe me he pure vevaò,
O Òe tu ù motukeâ, to ù Haapohuè.
TATAUÌA O TO MUA HĀMANI I TO KORINETIA 12, 12-30
akoè à : 12, 12-14.27
E tu ù tau tuàne tuehine.
12 E tahi nino anaè to te ènana
e aha à he mea nui to īa tau mēmau.
O hua mēmau paotū hakatu kē tītahi, hakatu kē tītahi,
e ìò âtou nui e nino e tahi anaè. Hua mea anaiho no te Kirito.
13 Atii tātou : he ati Iuta tahipito, he poì Hereni tahipito.
Enā te tau ènana na âtou ta âtou,
enā te tau tueni haamōèhuìa.
Atià, u papatemaìa tātou paotū
na te mana o te Kuhane e tahi,
etià e ìò tātou he nino e tahi.
U hāinuìa tātou nui me te Kuhane e tahi.
14 U te e haapaoìa te nino o te ènana
i te hopenino e tahi anaè, he mea nui to īa tau hopenino kē.
15 Ia peàu te vaevae pēènei :
« Aòè o au te ìma. Koè nui he hopenino au. »
Aha ua koè to īa pii me te nino ?
16 Ia peàu te puaìka pēènei :
« Aòè o au te kikomata.
Koè nui he hopenino au. »
Aha ua koè to īa pii me te nino ?
17 Me he mea he kikomata anaè te nino, i hea te puaìka ?
Me he mea he puaìka anaè te nino, pēhea te hoki atu ?
18 Atià, u haahei te Etua i te tau hope paotū i òto o te nino
vāàna i to Īa makimaki.
19 Anoa he hopenino e tahi anaè, pēhea te nino ?
20 He mea nui hoì te hopenino, atià he nino e tahi anaè.
21 Aòè e koàka te kikomata te peàu i te ìma :
« E aha te mea i koàka mai me io òe ? »
Aòè e koàka te upoko te peàu i nā vaevae :
« E aha te mea i koàka mai me io ôùa ? »
22 Tōtahi atu : Aha, he mea pepae tītahi hopenino ?
Oia nei te mēmau haataetaeìa e tātou.
23 Ohia e maakau tātou e hakaìka te hakaìte i te hopenino,
tōtahi atu e pakaihi tātou i hua hopenino.
E tāpī tātou me te kahu i te tau hopenino haahakaìka mai.
24 Te tau hopenino haakāìè, aòè e hei te tomi ia âtou.
U kānea te Etua i te nino ma te haanui atu i te poèa
o te tau hopenino poèa koè.
25 Ma èià, u haakoè i te tōtōua i òto o te nino.
Ua toko atu toko mai te hopenino i te hopenino.
26 U memae te hopenino e tahi ? U hopenino âtou nui me īa.
U haakāìèìa te hopenino e tahi ? U koakoa âtou nui me īa.
27 Ua ìò ôtou te nino o te Kirito,
hopenino kē to tītahi, hopenino kē to tītahi.
28 I òto o te Èkaretia, ua vae te Etua i tahipito
no te tau hana kē : to mua, he tau Âpotoro,
te ùa, te tau peroheta,
te toù, he tau tuhuka tekao māàma.
Ma hope mai te poì no te tau hana mana,
tahipito no te haameitaì i te poì hōpī,
te poì toko i te tau tuàne tuehine,
te tau vivini e haatee i te Èkaretia,
tahipito e tekao aa ma he èo kē, èo kē ananu.
29 Aha, he âpotoro âtou paotū ? Aha, he peroheta âtou ia ôtoa ?
30 Aòè he mana to tātou paotū no te haameitaì i te poì hōpī.
Aòè e koàka ia tātou paotū e tekao ma he èo kē, èo kē ananu.
Aòè he poì māàma tātou paotū
no te haavivini i hua èo kē, èo kē.
ALLELUIA ALLELUIA
cf. Rk.4, 18
U pōpahi te Hatu Etua ia Ietu, to Īa Tāvini
no te hakaìte atu i te Tekao Meitaì Hou Mai i te poì veve,
no te haki atu i te poì humuìa to âtou haapohuèìa.
TĪMATAÌA O TE ÈVANERIO VĀÀNA E RUKA 1, 1-4 ; 4,14-21
1 Ua hano tahipito e patu i te hāmani
i ùka o te tau mea i haapaoìa i vāveka o tātou.
2 U hakaìte mai âtou i hua mea i pao nei,
vāàna i te tekao i peàuìa e te poì
te i ìtemata me i te tumu.
Ua ìò hua poì he tau keèe o te Tekao a te Etua.
3 Atii ta ù nei te i ùmihi mamate
i te tau mea paotū me i te tīmataìa,
u maakau e hei nui e patu me au
i te hāmani tāpapatoitoiìa
no òe, e Teofiro hakaìki òko nui e,
4 etià e ìte meitaì òe
he mea tiàtohu te tekao i hakakoìa ia òe.
I tēia mou pō,
4,14 ua hua mai Ietu i te Henua Karirea,
me te mana o te Kuhane Meitaì.
U mevaha to Īa òko ma te tau henua vii pu.
15 U hakako Ietu i òto o to âtou tau tinakoka.
Ua hahi te tau ènana paotū ia Īa.
16 Ua tihe Ietu i Natareti ; i èià, u hākaiìa.
I te Tāpati, ua tomo Īa i òto o te tinakoka
me he mea ua hani Īa. Ua maô Īa no te tatau.
17 Ua tukuìa ia Īa te hāmani a te peroheta Itaia.
E ùmihi aa, u kāvii Ietu i te hāmani,
me to Īa koàka mai te mou kio patuìa pēènei :
18 « I ùka o au nei te Kuhane o te Hatu,
na te mea u haapeàto mai Īa e te paùìa,
etià e hakaìte atu au i te Tekao Meitaì Hou Mai i te poì veve.
U pōpahi mai Īa no te haamevaha
i te Tekao Meitaì Hou Mai :
e veteveteìa te poì me io he haèhumu,
e ìte tāhakahaka te poì matapō,
e pohuè na âtou ta âtou te poì òomimākakaìa.
19 U pōpahiìa mai au no te hakaìte atu
i te èhua o to te Hatu vaièiìa mai. »
20 U kāvii hakaùa Ietu i te hāmani me te tuku atu i te tāvini.
U kaapee Īa. Te poì paotū i òto o te tinakoka,
u tiòhi matiòka ia Īa.
21 U pohā te èo o Ietu me to Īa peàu ia âtou :
« I tēnei â, u haapaoìa hua tekao o te Hāmani tapu
ta ôtou i òko puaìka i kapo nei. »