TOMINIKA E TOÙ O TE AVA TATAÌ
(Â tapu 15 no Mei 2024)
TOMOÌA : E.7 Mōumu : E Ietu, ta mātou e tiaki nei,
(Pō e ono) Me mai, mave mai !
|
1 |
2 |
|
E.5 1 Mōumu. |
2 Mōumu |
HĪMENE Itaia 12 : E Tiona e, a èkaèka, a taaàu i te koakoa.
Enā te Hatu Etua i vāveka o tātou.
Kio Vānana : Ua tihe Ioane, te peroheta o te Tiketike nui,
no te kānea i te vaanui i mua o te Hatu,
me te haatiàtohu i te Māàma.
Pure a te poì haatià : - A òko mai e te Hatu e
(Pō e ono) i ta mātou pure, a apuu mai !
-E te Etua e, a òko mai ia mātou, ta Òe tau tama.
|
ÙTUNA : B.4 (Pō e ono)
C.7
|
|
||||||||||||||||||||||
Anamnèse : -Te kāìè ia Òe, e te Hatu e, (Pō e ono)
Te i mate nui, te pohuè ;
A tihe mai, e Ietu ; a tihe mai, e Ietu.
- Ua mate Òe, ua tū hakaùa, a tihe mai Òe, te Haapohuè ;
A tihe mai, e Ietu, a tihe mai, e Ietu e.
KŌMŌNIŌ : D.13 (Pō e ono)
|
1
|
2
|
3 |
4 Ietu e, Òe te Mana nui ; / Tiiki mai to Òe toto mana !
E inu no mātou nei / No te hana me Òe.
D.15 Mōumu : Mave mai Òe, e to ù Hatu e,
E kōhoà nei te hōupo ia Òe ;
Mave, mave mai. (bis)
|
1 3 5 7 |
2 4 6 8 |
Hīmene haahuaèkaèka : (Ava mutu)
PAHIÌA : (Pō e ono)
|
E Maria e, (bis) Ua ìò ta ù korona (ta ù korona) E vii nei i òto o to ù nei ìma E hei pure i mua i to Òe aò. |
Mōumu Ia kāòha au (bis) i ta ù (bis) Korona (i ta ù korona) Ia pure au (bis) i ta ù (bis) Mitērio (i tau mitērio) No te mea e pure mana te Rohario. |
V.7
|
1 |
Mōumu |
TOMINIKA E TOÙ O TE AVA TETAÌ
TATAUÌA O TE PEROHETA SOFONIA 3, 14-18a
14 E te moî Tiona e, a taaàu i te koakoa.
E te moî Ierutaremi e, a tātakahiti i te èkaèka.
E te mataèinaa Iraene, a haataki i te hīmene hahi.
15 U haamemao te Hatu me io òe
i te tau ènana kaipīpiò pu.
U haahika te Hatu i te tau ènana e tōtōua me òe.
Enā io to òe pāpua te Hatu, te hakaìki o Iraene.
Aua e haametaù i te mea ìno.
16 I hua ava, u peàpeàu to Ierutaremi pēènei :
« E Tiona e, aua òe e hopo.
Aua e oha i to òe upoko na te hakaìka.
17 Enā io òe te Hatu Etua.
O Īa te toa hoka e haapohuè ia òe.
O òe te haakoakoa me te haaèkaèka i te Hatu.
Mēìa i to Īa kāòha mai, e haahou Īa
i te mēmau paotū vii pu o òe.
18 E haka te Hatu iho me to Īa hīmene i te hīmene koakoa
e tahi me òe, me he mea i te â koìka. »
HĪMENE Itaia 12, 2,4b-e. 5b-6
E Tiona e, a èkaèka, a taaàu i te koakoa.
Enā te Hatu Etua i vāveka o tātou. cf.It.12,6
2 O te Hatu Etua tu ù Haapohuè.
U haatià nei au, haametaù koè.
O te Hatu Etua tu ù ìi. E hīmene au ia Īa.
Io te Hatu te tumu o to ù pohuè.
4 A haahuaèkaèka i te Hatu
A haamevaha i to Īa ikoa.
« A haki atu io te poì êteni i to Īa tau hana mana. »
A hakaìte atu : he Tiketike to Īa ikoa.
5 A haataki i te pū no te hahi i te Hatu.
Ua hana hoì te Hatu i te hana mahaò.
6 E Tiona e, a èkaèka, a taaàu i te koakoa.
U tiketike te Hatu Etua i vāveka o ôtou
Te Peàto nui o Iraene.
TATAUÌA O TE HĀMANI A PAURO PEÀTO I TO FIRIPO
4, 4-7
E tu ù tau tuàne tuehine.
4 A koakoa ananu ôtou i òto o te Hatu ;
u peàu hakaùa : a koakoa ôtou.
5 A ìte te tau ènana paotū i to ôtou koekoe vaièi.
U haatata mai hoì te Hatu.
6 Umoì e haapaòpaò pu ia ôtou iho.
I tēia ava, i tēia ava, a haahuaèkaèka i te Hatu.
Ma òto o te pure vevaò, a ùtuna atu i te Etua
i to ôtou tau apeìa.
7 Ia noho te moû me io te Etua i òto o ôtou,
he haametaù koè to ôtou koekoe me te kuhane
i òto o Ietu Kirito.
Hua moû te i iho mai me io te Etua,
u te e koàka i te ènana te haavivini mai.
ALLELUIA ALLELUIA. Rk.1,76 ;1,7
Ua tihe Ioane, te peroheta o te Tiketike nui,
no te kānea i te vaanui i mua o te Hatu,
me te haatiàtohu i te Māàma.
ÈVANERIO O IETU KIRITO VĀÀNA E RUKA 3, 10-18
I tēia mou pō,
10 ua ūiūi mai te haètoa ia Ioane me te peàu :
« E aha te hana e hana atu mātou ? »
11 U haahua Ioane me te peàu ia âtou :
« Te ènana me nā kahu e ùa,
a tuku atu e tahi i te ènana kahu koè.
Te ènana me te oà, a hana hua mea anaiho. »
12 Ua tihe me te mou pupurikano no te hano mai i te papatema.
U peàu âtou : « E Tuhuka e, e aha ta mātou e hana atu ? »
13 U peàu Ioane ia âtou : « Umoì e hakapahi i te ènana
e tuku nui atu i te moni haaheiìa no ôtou. »
14 Enā me te tau kape te i ūiūi ia īa :
« O mātou à, e aha te hana e hana atu ? »
U peàu Ioane ia âtou :
« Umoì ôtou e viitoi i te ènana e tuku mai i ta īa moni,
umoì e haamākaka i te ènana ma te pōtoho pu ia i īa.
A koakoa me to ôtou moni utu.
Umoì e kōhoà i te haanui atu. »
15 Ohia u tetaì te mataèinaa me te kaituto âtou nui
io he koekoe, o Ioane oti te Kirito,
16 u haahua Ioane me to īa peàu ia âtou paotū, pēènei :
« O au nei, u papatema au ia ôtou io he vai.
Atià, enā a tihe mai tītahi, nui atu to Īa mana i to ù.
Aòè e hei ia ù te vevete i te aho o to Īa aihū.
Na Īa e papatema ia ôtou i to he Kuhane Meitaì me te ahi.
17 Enā i to Īa îìma te haìna no te tūtū i te haraoa
me te haataìtaì i to Īa tohua.
E haapuke Īa i te kākāno io he haè avaina kākāno.
E haapūovo Īa i te kaù haraoa moô io he ahi uà paona koè. »
18 U toutaki tōtahi atu Ioane i te mataèinaa,
e hakaìte ana ia âtou i te Tekao Meitaì Hou Mai.