TOMINIKA E ÙA O TE AVA TATAÌ
(Â tapu 8 no Mei 2024)
TOMOÌA : E.3 Mōumu : Mave, mave mai, e te Hatu e (bis)
|
1 |
2 |
6 |
|||
|
7 O Òe, te Emanuera e, / E te Etua me mātou e. |
|
|
|||
E te Hatu e. Te Kāìè : Ø Apuuìa o te Tekao
TARAMO 126 (125) : E haatee hoì te Etua i to Īa mataèinaa ma òto o te koakoa, io te māàma pupuà o to Īa kāìè.
Kio Vānana : A haapei ôtou i te vaanui o te Hatu.
A haapāàhaaha i te tahaìa o to Īa tapuvae.
E ìte te ènana hakatahi i to te Etua haapohuèìa.
Pure a te poì haatià : Me he auahi kekaa, ua hiti ta mātou pure io Òe,
(Ava mutu ma mua o te kāhuaìa) e te Hatu e.
|
ÙTUNA : G.10
Peàto
|
|
Anamnèse : Te kāìè ia Òe te i mate no mātou,
Te kāìè ia Òe e pohuè nei ananu,
E te Hatu e Ietu e, a tihe mai, a tihe mai.
To mātou Motua e / Àrenio
KŌMŌNIŌ : D.38
|
1
|
2 |
|
3 |
E Ietu, te Oà Pohuè, |
Hīmene haahuaèkaèka : (Ava mutu)
PAHIÌA : V.6
|
1 |
Mōumu. |
2 |
--------------------------------------------------------------------------------------
TOMINIKA E ÙA O TE AVA TETAÌ
TATAUÌA O TE PEROHETA PARUKO 5, 1-9
1 E Ierutaremi e, a taki i to òe kahu uē, i to òe kahu pēpē.
A tāpī ia òe me te pootu o te kāìè o te Etua,
no te ava paona koè.
A uhi ia òe me te kahu o te toitoi o te Etua ;
ma ùka to òe upoko te paèkuà.
A tokihi òe i te kāìè o te Etua pohuè.
2 E haakeàpa te Etua i to òe poèa ma te tau vahi paotū
i aò o te àki, na te mea e vevaò ananu te Etua ia òe
ma tēnei tau ikoa : « Te Moû me te Toitoi »,
« Te Kāìè o te Pakaihi i te Etua. »
3 A tū, e Ierutaremi e. A tū òe ma ùka he tuaivi,
a tiòhi atu i te kēkē o te tiheìa o te òumati.
Enā ta òe tau tama i putuputuìa mai
i te mana o te tekao a te Etua,
me i te tiheìa òumati tihe toitoi i to īa kaòìa.
4 U koakoa âtou na te mea u haamaakau te Etua ia âtou.
5 U titii âtou ia òe, e taha atu ma he vaevae.
U haamōèhuìa e te tau ènana i tōtōua me òe.
6 I tēnei, u haahua mai te Etua ia âtou io òe,
tautuaìa âtou me te kāìè,
me he mea i ùka o tītahi nohoka hakaìki.
7 Oia hoì te tekao a te Etua :
E haapāpakuìa te tau tuaivi tiketike
me te tau pūkei mau ananu. E haapīìa te tau kākaavai,
e haapāàhaahaìa te henua etià e taha atu te mataèinaa
o Iraene haametaù koè ma òto o te Kāìè o te Etua.
8 U peàu te Etua : Te maaâkau me te tau tumuâkau kakaa nui,
a vaièi atu âtou i te vahi maù no te mataèinaa Iraene.
9 E haatee hoì te Etua ia Iraene ma òto o te koakoa,
io te māàma pupuà o to Īa kāìè.
E aahiìa atu me te kāòha me te toitoi noa.
TARAMO 126 (125) 1-2b, 2c-3, 4-5, 6
E haatee hoì te Etua i to Īa mataèinaa ma òto o te koakoa,
io te māàma pupuà o to Īa kāìè. c Pa.5,9
1 Ia haahua mai te Hatu ia mātou,
Ia hua mai i Tiona mātou, poì mōèhu,
Me he ènana moemoeā to mātou hakatu.
2 Ua pī to mātou haha i te katahehe.
U taaàu mātou i te taa koakoa.
A tahi a mevaha te tekao io te poì êteni :
Auē, te hana mahaò ta te Hatu i hana no âtou.
3 He hana mahaò hoì to Īa i uē ia mātou,
Ua tihe to mātou ava no te haakoìka koakoa.
4 E te Hatu e, a haahua ia mātou,
Me he mea te vaitahe io te henua ataha.
5 E tūtū te ènana i te kākāno e uēuē aa.
Ua kohi īa i te tau puku me te koakoa.
6 E taha īa, taha atu e tūtū i te kākāno,
Me te uē me te mateteka.
Ua hua īa, hua mai me te koakoa,
E kave aa i te pūpā haraoa.
TATAUÌA O TE HĀMANI A PAURO PEÀTO I TO FIRIPO 1, 4-6.8-11
E tu ù tau tuàne tuehine.
4 I tēia â, tēia â i òto o ta ù tau pure paotū,
u vevaò au me te koakoa i uē ia ôtou,
5 e kaituto ana pēhea to ôtou toko mai ia ù
no te haamevaha i te Evanerio,
me i te â to mua o to ù tiheìa atii tihe i tēnei.
6 Ma te tiàtohu, o te Etua te i tīmata e hana i òto o ôtou
i hua hana meitaì, e haapao Īa vāàna i to Īa makimaki,
tihe atu i te â o te Tiheìa o te Kirito Ietu.
8 O te Etua anaiho te i haatiàtohu i to ù haataetae ia ôtou nui,
i òto o to te Kirito Ietu hakāòha mai.
9 Oia nei ta ù pure vevaò i uē ia ôtou :
nui aè to ôtou kāòha atu kāòha mai,
etià e hōhonu to ôtou māàma no te ìte i te tiàtohu
10 no te vae i te hana meitaì e hana atu.
Ma èià, i te â o te Tiheìa o te Kirito,
e tū ôtou taìtaì pē, piò koè.
11 A toitoi noa to ôtou hakatu pohuè,
na Ietu Kirito anaè e vaièi ia ôtou,
etià e hahi me te haakāìèìa te Etua.
ALLELUIA ALLELUIA.
cf. Ruka.3,4.6
A haapei ôtou i te vaanui o te Hatu.
A haapāàhaaha i te tahaìa o to Īa tapuvae.
E ìte te ènana hakatahi i to te Etua haapohuèìa.
EVANERIO O IETU KIRITO VĀÀNA E RUKA 3, 1-6
1 I te èhua ònohuu ma ìma o te hakaìkiìa o Tiperio Ketare,
o Ponotio Pinato te kuvenea o te Henua Iutea,
o Herote te hakaìki o te Henua Karirea,
o Firipo, to īa teina,
te hakaìki o te Henua Iturea me Tarakonia,
o Ritana te hakaìki o te Henua Apirena,
2 e tāuà nui aa o Hana me Kaifa,
ua tihe te Tekao a te Etua io Ioane, te tama na Takaria.
I hua ava, ua noho Ioane i te henua ataha.
3 Ua vii Ioane i te kaavai Ioritane ia ôtoa,
e haamevaha aa i te tekao o te papatema
no te hāìu i te koekoe
etià e haakoèìa te tau mīkeo.
4 O īa te i patuìa io he hāmani o Itaia te peroheta :
« I te henua ataha, ua òkoìa te èo e taaàu aa,
pēènei : A haapeipei i te pūtaìa mai o te Hatu.
A haapāàhaaha i to Īa vaanui.
5 A haapī i te vao, a haapāpaku i te tuaivi me te pūkei,
a haatoitoi i te vaanui pikopiko,
a haamenia i te vahi keâkeâ.
6 E ìte te tau ènana paotū i te haapohuèìa o te Hatu. »