TOMINIKA TEKAU MA VAÙ O TE AVA MA TE ÈHUA
(Â tapu 13 no Oaoamanu 2024)
TOMOÌA : G.3
|
1 |
2 |
TARAMO 90 (89) : I te pōpōuì, a haaèka mai to Òe hakāòha ia mātou :
E pao ai to mātou tau â me he koìka me te hīmene.
Kio Vānana : Mamau te tau ènana koekoe veve :
no âtou te Patirēia o te àki.
Pure a te poì haatià : E moû, moû nui to Òe hakatu, e te Motua e.
Apuu mai Òe i ta mātou pure.
|
ÙTUNA : B.2 (Pō e ono)
Haamaakauìa : Te kāìè ia Òe, e te Hatu Ietu e, te i mate nui, te pohuè ; (Pō e ono) A tihe mai, e Ietu ; a tihe mai, e Ietu. Ua mate Òe, ua tū hakaùa, a tihe mai Òe, te Haapohuè. |
|||||||||||||||||||||||||
KŌMŌNIŌ : D.28 (Pō e ono)
|
Mōumu |
E taha atu nei hoì au |
Ua noho mai Òe, e Ietu, |
D.9
|
1 |
A noho muò (bis) Me te toitoi ; (bis) A pakaihi (bis) Me te apuu ;(bis) Atoratio (bis) Ôtou ia Ù, (bis) A tohuti mai io he haè Motua. |
2 |
Hīmene haahuaèkaèka : D.11
|
E Oà pohuè tēnei Te i iho mai io tātou nei, O ta Ietu i haaìò |
A hahi, e nā hoa, To Īa nino e mau pohuè. E koìka kanahau, |
A hahi tātou ia Ietu I òto te Eukaritia ; O to tātou Haapohuè, |
PAHIÌA : V.83 (Pō e ono)
|
E Maria e, Me io Òe te punaìa mai, Te kākāno o te Pohuè. |
Te Hatu Ietu, te Kirito, Hakaìki nui, Tuhuka e, Te Mana nui. |
Maria, Maria, Maria e, A apuu mai. Maria, Maria, Maria e, A pure mai. |
V.27
|
1 |
2 |
3 |
TOMINIKA TEKAU MA VAÙ O TE AVA MA TE ÈHUA
TATAUÌA O TE HĀMANI O TE MĀÀMA 7, 7-11
7 Ua pure au. U vaièiìa mai te māàma.
U vavaò toutaki au.
Ua ihi i òto o au nei te Kuhane Māàma.
8 U haataetae au ia īa ma ùka atu o te ikoa haakāìè
me te tokotoko hakaìki.
9 No ù, he mēmau tupepaka te tau taetae paotū.
O te Māàma tu ù taetae anaè.
Aòè e àva me īa te tau keâ pupuà pīàma.
Me he one te moni kiki paotū o te aomāàma nei
ia tiòhiìa te Māàma.
Me he èpokau te moni tea i mua o īa.
10 U haataetae au i te Māàma ma ùka atu
o te nino heòheò me te poèa.
Ua vae au i te Māàma ma ùka atu o te àma òumati.
Aòè hoì to īa pupuà e koè ai.
11 Me te Māàma, u koàka mai ta ù tau taetae paotū.
O te Māàma te tumu o te tau taetae
u te e koàka i te ènana te tatau.
TARAMO 90 (89) 12-13, 14-15, 16-17
I te pōpōuì, a haaèka mai to Òe hakāòha ia mātou : E pao ai to mātou tau â me he koìka me te hīmene. 90,14
12 A hakaìte mai i te nuiìa o to mātou tau â.
A tahi nei e ùmihi mau mātou i te Māàma.
13 E te Hatu e, a òomi ponihoo i to Òe pekē.
Umoì te haatevee i uē i to Òe tau tāvini.
14 I te pōpōuì, a haaèka mai to Òe hakāòha ia mātou :
E pao ai to mātou tau â me he koìka me te hīmene.
15 Òmua, ua ìte mātou i te uēuē ; i tēnei, a haakoakoa mai.
Òmua, u òomi mai te ìno nui ; i tēnei, a èkaèka mātou.
16 A haavivini i to Òe tau tāvini te tumu o ta Òe hana.
A haapupuà i mua o to âtou tau tama i to Òe kāìè.
17 I ùka o mātou te moû o te Hatu, to mātou Etua.
A haamau te Etua i te hana o to mātou îìma.
A haameitaì te Hatu ia mātou te tau ènana hana.
TATAUÌA O TE HĀMANI I TO HEPEREO 4, 12-13
12 Na te mea e mēmau pohuè te Tekao a te Etua,
he mea ìi oko, tōtahi atu to īa koi
i te koiìa o te kohetā e ùa mata.
U putaèe te Tekao a te Etua i òto òa o te ènana tiàtohu,
tihe i te tumu o te kuhane me te koekoe,
tihe i te pohoìa o te pooviitua, te pūhoo o te ivi.
U haatāhakahaka te Tekao a te Etua i to te ènana tau hīa
atii me to īa tau maakau hakanā.
13 Aòè e tahi mēmau te i pēpenaìa
i haapupuni i mua o te mata o te Etua.
I mua o Īa, u kahu koè te tau mēmau paotū ;
ua ìte meitaì te Etua ia âtou tikitahi.
O te Etua te i haavā ia tātou paotū.
ALLELUIA ALLELUIA
Mt.5,3
Mamau te tau ènana koekoe veve : no âtou te Patirēia o te àki.
EVANERIO O IETU KIRITO VĀÀNA E MAREKO 10, 17-30 (10,17-27)
I tēia mou pō,
17 ia hano Ietu e hee atu, u tohuti mai te ènana,
ua noho muò i mua o Īa me te ūi atu :
« E Tuhuka meitaì e, e aha te hana e hana atu au
etià e koàka mai ia ù te pohuè ananu ? »
18 U peàu Ietu ia īa : « Umaha to òe peàu mai :
e tuhuka meitaì ? Aòè e tahi ènana meitaì.
O te Etua anaè te i meitaì.
19 Ua ìte òe i te tau tekao a te Etua :
Umoì e kukumi haamate i te ènana.
Umoì e haapē i te mātirimonio.
Umoì e kamo. Umoì e pōtoho pu. Umoì e kaipipiò.
A pakaihi i to òe motua me to òe kui. »
20 U peàu īa : « E Tuhuka e. Me i to ù nino hou,
u aotahi au i hua tau tekao. »
21 O Ietu à, e tiòhi mau aa ia īa, u haataetae.
U peàu Īa : « E tahi mea i toe ia òe.
A hee. A hoko atu i ta òe tau taetae paotū.
A tuku i te poì veve.
E koàka ia òe te puke taetae io he àki.
I muì iho, a mai. A ūtaì mai. ! »
22 Ia òko hua ènana i tēnei tekao, ua maù nui īa,
me to īa hee atu, nui to īa kuhane koè,
mēìa ua nui ta īa tau taetae.
23 E tiòhi aa Ietu vii pu o Īa, u peàu i to Īa tau kouâ :
« He mea hana nui no te tau ènana me te taetae
e tomo i òto o te Patirēia o te Etua. »
24 Te tau kouâ, u emièe oko âtou mēìa i tēnei tekao.
Atià, u peàu hakaùa Ietu ia âtou :
« E tu ù tau tama e, he mea hana nui te tomo
i òto o te Patirēia o te Etua.
25 He mea māeka atu no te kāmero te uu ma he puta o te nira.
He mea hana nui no te ènana me te taetae
te tomo i òto o te Patirēia o te Etua. »
26 Ua nui aè to te tau kouâ emièe
me te peàpeàu te hoa i te hoa :
« O ai òa te ènana e haapohuèìa ? »
27 U tiòhi matiòka Ietu ia âtou me to Īa peàu :
« Aòè e koàka i te tau ènana. Atià, e koàka i te Etua.
Aòè he mea aòè e koàka i te Etua. »
28 A tahi a peàu Petero ia Ietu :
« O mātou à, u titii mātou i te tau mea paotū
me te ūtaì ia òe. »
29 U peàu Ietu : « E tekao tiàtohu ta ù nei.
Me titii te ènana i to īa haè, to īa tau tuàne tuehine,
to īa motua, to īa kui, ta īa tau tama,
akoè à to īa henua i uē ia ù me te Evanerio
30 io te aomāàma nei, e koàka ia īa
te nuiìa o te haè, te huaa tuàne tuehine,
te tau kui, te tau tama, te tau henua,
atià me te tōtōua haamākaka mai.
I te ao a tihe mai, e koàka ia īa te pohuè ananu. »