TOMINIKA TEKAU MA TAHI O TE AVA MA TE ÈHUA
(Â tapu 25 no Èhuō 2024)
TOMOÌA : C. 2
|
E haameitaì nei au ia Ietu Kirito, Ia Òe Ietu e, to mātou Hatu e. |
E Ietu e, to ù Toko. A apuu mai ia mātou nei I tēnei â koakoa Ma te tau tai ananu e. |
TARAMO 34 (33) : A mai, a ìte me ôtou i te meitaì o te Hatu.
Kio Vānana : E te Hatu e, o ta Òe tekao te Kuhane e tuku nei i te pohuè. Io Òe anaiho te tekao e aahi i te pohuè ananu.
Pure a te poì haatià : E moû, moû nui to Òe hakatu e te Motua e. Apuu mai Òe i ta mātou pure.
ÙTUNA : D.28
|
1 |
E Ietu, o Òe te tumu, |
2 |
|||
|
3
|
4 |
||||
|
Haamaakauìa : Te kāìè ia Òe, te i mate no mātou. Te kāìè ia Òe te pohuè nei ananu. E to mātou Hatu e, e to mātou Etua, a tihe mai Òe, e Ietu, te Haapohuè. |
|||||
KŌMŌNIŌ : D.3 Mōumu : Ia Eukaritia te haraoa me te vino ; Koè nui te haraoa, koè nui me te vino.
|
1 |
2 |
3 |
4 Ia hano te ènana i te Eukaritia,
A titii te mikeo, a uē i te Etua.
Hīmene haahuaèkaèka : D.1
|
1 |
2 |
3 U peàu mai Òe, e Ietu e, o te i kai me te inu
I to ù nino me to ù toto, e pohuè ananu to Īa.
PAHIÌA : V.5
|
A hīmene (bis) I te kui (bis) O to tātou (bis) Maria e, (bis) E apuu, apuu, (bis) I òto to Ietu ikoa. (bis) |
me te hahi (bis) no te Hatu (bis) paterono (bis) a meitaì. apuuìa (bis) |
TOMINIKA TEKAU MA TAHI O TE AVA MA TE ÈHUA
TATAUÌA IO TE HĀMANI O IOTUE 24, 1.15-18
1 I Tikemi, u haaputu Iotuē i te tau ati Iraene paotū.
I muì iho, u vavaò īa i te tau kooūa,
te tau hakaìki paotū e haatee i te mataèinaa ;
Ua tū âtou haakātahiìa i te aò o te Etua.
2 U peàu Iotuē i te mataèinaa pēènei :
15 « Me he mea aòè ôtou e makimaki e tāvini i te Hatu Etua,
i tēnei â, a vae i to ôtou ètua :
te tau ètua o to ôtou tau tupuna
i te henua ma tītahi kēkē o te kaavai Efarate,
akoè à te tau ètua o to Amorite,
te mataèinaa o te henua nei.
O au nei me tu ù huaahaè,
u makimaki mātou e tāvini i te Hatu. »
16 U haahua atu te mataèinaa :
« E mate nui tātou ma mua te titii i to tātou Hatu Etua
no te tāvini atu i te tau ètua kē.
O te Hatu to tātou Etua, te i aahi ia tātou
atii me to tātou tau tupuna me i te Henua Ekipito,
te haèhumu no te poì haamōèhuìa.
O te Hatu Etua te i hana i te nuiìa
o te tau hana mahaò ta tātou i ìtemata.
18 O te Hatu Etua te i tiòhi meitaì i ùka o tātou
e taha ana i vāveka o te tau henua kē ananu,
te tau mataèinaa tōtōua me tātou.
U makimaki tātou me he mea ta òe e tāvini atu i te Hatu.
O Īa to tātou Etua. »
TARAMO 34 (33) 2-3, 16-17, 20-21, 22-23
A mai, a ìte me ôtou i te meitaì o te Hatu. 34,9
2 E haameitaì au i te Hatu ma te tau â paotū.
E hahi au i te Hatu i te tau vahi ia ôtoa.
3 Io te Hatu anaè to ù haakāìè.
A òko mai e te poì veve, a koakoa me to ù.
16 U tiòhi te Hatu i te tau ènana toitoi.
U hakaòko i to âtou èo vavaò ia Īa.
17 U titii te Hatu i te tau ènana mākaka,
U haakoè i to âtou ikoa me io te henua.
20 E aha à te nuiìa o te kōhii
Te i haamamae i te ènana toitoi,
21 Paotū te â, u haakoè te Hatu ia âtou.
Aòè e tahi ivi o hua ènana e hatiìa ai.
22 E haahika te hana ìno i te ènana mākaka.
E haapei te Hatu i te umu no te ènana pē
23 Te i haahaa me te kaipipiò i te ènana toitoi.
E haapohuè te Hatu i te ènana haatià.
TATAUÌA O TE HĀMANI A PAURO PEÀTO I TO EFETIA
5, 21-32
E tu ù tau tuàne tuehine,
21 a aotahi atu aotahi mai te hoa i te hoa,
mēìa i to ôtou pakaihi i te Kirito.
22 A aotahi atu te tau vehine i ta âtou vāhana
me he mea i te Hatu.
23 O te vāhana hoì te upoko o ta īa vehine,
me he mea o Ietu Kirito te upoko o te Èkaretia,
hua Èkaretia, te nino o te Kirito, to īa haapohuè.
24 Ohia u aotahi atu te Èkaretia ia Ietu Kirito,
a aotahi hua mea anaiho te vehine i ta īa vāhana.
25 A kāòha te tau vāhana i ta ôtou vehine,
me he mea ta te Kirito, te i kāòha i te Èkaretia
me te haaìò i te mateìa i uē ia īa.
26 U haapeàto te Kirito i te Èkaretia
ma te papatema me te vai me te mana o te tekao.
27 U makimaki hoì Ietu Kirito
e aahi ia Īa i te Èkaretia e keàpa aa i te pootu,
èpo koè, komimo koè, atià à peàto, toitoi noa.
28 Atii anaiho tēnei : a kāòha te vāhana i ta īa vehine,
me he mea u haataetae īa i to īa nino.
Ia kāòha te vāhana i ta īa vehine, u kāòha ia īa anaiho.
29 Aòè e tahi ènana e haahaa i to īa nino.
He mea kē : u hākai ia īa me te tiòhi meitaì
me he mea ta te Kirito i te Èkaretia.
30 O tātou hoì te mēmau o to te Kirito nino.
31 No èià, a titii te vāhana i to īa motua me to īa kui
no te haapii me ta īa vehine.
E ìò âua tokoùa e tahi anaiho.
32 E tekao hōhonu hua miterio,
oia hoì te makimaki hakanā o te Etua.
U maakau ta ù e haavivini mai hua tekao
i te haatahiìa o te Kirito me te Èkaretia.
ALLELUIA ALLELUIA
cf. In.6, 63.68
E te Hatu e, o ta Òe tekao te Kuhane e tuku nei i te pohuè.
Io Òe anaiho te tekao e aahi i te pohuè ananu.
EVANERIO O IETU KIRITO VĀÀNA E IOANE 6, 60-69
I tēia mou pō, u peàu Ietu pēènei :
60 Ia òko te tau kouâ o Ietu i hua tekao,
u peàu te nuiìa o âtou :
« He tekao māàma koè tēnei tekao. O ai te i hakaòko ? »
61 Aòè i peàu tītahi ia Ietu i te mea
u kōhumuhumu to Īa tau kouâ mēìa i hua tekao.
Atià, ua ìte Īa ; no èià, u peàu ia âtou :
« Mēìa i hua tekao, e huìkēìa to ôtou maakau ?
62 Pēhea ôtou ia ìtemata i te Tama a te ènana
e hiti aa i te vahi i èià to Īa noho òmua ?
63 O te Kuhane o te Etua te i tuku i te pohuè.
Aòè he mea e koàka mai me io to te ènana mana.
Te tekao ta ù i peàu ia ôtou,
he tekao Kuhane, he tekao pohuè.
64 Atià, i vāveka o ôtou, enā tahipito te i haatià koè. »
Me i te tumu hoì, ua ìte Ietu
o ai te huaa haatià koè, o ai te kouâ e haaìò ia Īa.
65 U peàu atu Ietu :
« Oia te piò u peàu au ia ôtou pēènei :
E ūtaì te ènana ia ù me he mea u aahiìa e te Motua.
Akoè à, u te e ūtaì mai ia ù te ènana e tahi.
66 Me i hua ava, he mea nui te kouâ i paekē me io Ietu,
ua koè to âtou ūtaì ia Īa.
67 U peàu Ietu i te Tīònohuu ma tokoùa :
« U makimaki me ôtou e taha atu ? »
68 Ua hua atu Timone Petero ia Īa :
« E te Hatu e, e ūtaì mātou ia ai ?
Io Òe anaiho te tekao e aahi i te pohuè ananu.
69 U haatià mātou,
ua ìte mātou o Òe te Peàto nui a te Etua. »