1) - Ia pohuè mai tahipito me io tītahi hana hauhau mēìa i te tokoìa mai a te hoa, mea haki atu i to âtou koakoa, mea nui te ènana e haahana i te ponatekao èo tahiti « ‘Aua’a a’e » :
*- « ‘Aua’a a’e ‘oe i māramarama ai au i taua parau ra. » (Kāputuèo a te Pū tuhuka èo tahiti, tapa hāmani 79).
2) - Ia haahanaìa hua ponatekao «‘Aua’a a’e » ma he èo ènana, ua ìò me «Auaè» ; totahi atu, mea tata èka hua ponatekao me te ponatekao èo ènana « Aua ». « ‘Aua’a a’e >>> Auaè » :
*- « Auaè me òe, ani àòè e topa au ». Me he mea e ìte tātou ma hope iho, u meitaì aè te peàu: « Aua òe, ua topa au. » ; tōtahi atu he mea àkaàka aè te kio tekao nei.
3) - I te kōava o hua mou ponatekao hei koè, e too ta te Haè tuhuka èo ènana a haahana tātou i te ponatekao meitaì ai à :
*- « Meitaì ai à ua pao te hana. » (« Mou Pona Tekao », tapa hāmani 159).
Te mou kio tekao ma hope iho, u takiìa me i òto mai o hua kōtūòmia a te Haè tuhuka ; u patuìa e Toti Teikiehuupoko ma òto o te tekao òmua :
*- « E hana tēnei i koàka i te hakakōrero, meitaì ai à i hanaìa i òto ihoā à o te tau ava vākai, mēìa te nuiìa o te puke tuhuka e puke tumu hāmani ».
I Ua Pou, mea nui te ènana e peàu nei : « Pohuè enā me koe !!! »
Patuìa e Jacques Iakopo Pelleau
U haatoitoiìa te patuhei vāàna i te tau aahiìa a te Haè tuhuka èo ènana i te 21/08/2022.