Io te tapa hāmani 158 o « Mou Pona Tekao », u hakapahi mai te Haè Tuhuka èo ènana umoì tātou e haahana hakaùa i hua avetekao. U tukuìa mai e âtou « E ùmihi tātou pēhea. », « E ùmihi tātou i tītahi hakatu ».

Mea hakaìte atu i to âtou ūo no te ùmihiìa, e ùa haahanaìa ia « pēhea » to tahipito : A ùmihi tātou pēhea pēhea te hana !

*- Cherchons les moyens de réaliser ce travail !

Ma to ù tatauìa mamate i te kāputuèo a te èpikopo Dordillon, u koàka ia ù e ùa ponatekao ènana kanahau pao, e hua mea anaiho te haaviviniìa me « ùmihi pēhea pēhea » :

*- Ahia : ([D] th.105/I) → U ahia te hakaìki pēhea pēhea te haakoè i te naho kioè.

* - Hātatai : ([D] th. 133/I) → A hātatai òe ia tihe mai Teiki i te keàhiìa pōpō !

A ahia tātou pēhea pēhea te pakaihi i te èo ènana ! A hātatai tātou ia haataetaeìa ananu te èo ènana !

A HĀTATAI TĀTOU IA HAAHANAÌA TE MOU PONATEKAO ÈNANA HEI PAO !!!

Patuìa e Jacques Iakopo Pelleau i 2016.
U haatoitoiìa te patuhei vāàna i te tau aahiìa a te Haè tuhuka èo ènana i te 21/08/2022.