TOMINIKA TOÙ ÒNOHUU O TE AVA MA TE ÈHUA
(Â tapu 27 no Oaoamanu 2024)
TOMOÌA : G.10 (Pō e ono)
|
1 |
Mōumu |
2 |
|
I.3 1 |
Mōumu |
||
|
2 E mea kē, u haakoè ia Īa iho ; Ua too i te kōava pahikaèo, |
|||
TARAMO 126 (125) : He hana mahaò hoì to Īa i uē ia mātou.
Ua tihe to mātou ava no te haakoìka koakoa.
Kio Vānana : A haameitaììa te Hatu, to tātou Etua.
U haapupuà Īa i te māàma i ùka o te poì
e noho nei io te pō pōtako.
Pure a te poì haatià : E te Hatu, a òko i ta mātou pure ;
(Pō e ono) A òko mai ia mātou (bis).
E Ietu e … TO Ù HATU E, / A hakāòha mai … IA MĀTOU E ; E apuu mai Òe i ta mātou pure.
|
ÙTUNA : COMME LUI, SAVOIR DRESSER LA TABLE (Pō e ono) Refrain : Comme Lui, savoir dresser la table, Comme Lui, nouer le tablier, Se lever chaque jour et servir par amour, comme Lui.
A.11 1 2
Haamaakauìa : Te kāìè ia Òe, te i mate, te pohuè, e Ietu e, (Vāhana) (Pō e ono) To mātou Hatu, a tihe mai, a tihe mai. (Vehine) Te kāìè ia Òe, e te Hatu Ietu e, « Air Christ est venu » te i mate nui, te pohuè ; A tihe mai, e Ietu ; a tihe mai, e Ietu. |
|||||||||||||
KŌMŌNIŌ : E IETU HAKĀÒHA NUI E (Pō e ono)
|
1 E Ietu Hakāòha nui e, Te Àrenio o te Etua, Na to Òe nino Tapu oko E haapohuè ia mātou. |
Mōumu E Ietu e, (e Ietu e) E te Oà pohuè, (e te Oà pohuè) Te Miterio Tapu nui, U haamau Òe i te Piimau Hou Me mātou. |
||
|
2 E Ietu Hakāòha Nui e, Te Àrenio o te Etua, Na to Òe Toto tapu oko E haataìtaì ia mātou. |
Mōumu E Ietu e, (e Ietu e) E te Toto pohuè, (e te Toto pohuè) Te Miterio Tapu nui, Te tahe nei no te haapohuè ia mātou. |
||
(E Ietu)
D.5
|
1 |
Mōumu |
2 Kāòha tātou ia Ietu, / To tātou Hakaìki.
Kāòha tātou ia Ietu, / To tātou Haapohuè.
O Īa te Tama Tāhia / Te i tukuìa mai.
A koakoa tātou / Te tama a Maria.
Hīmene haahuaèkaèka : D.1
|
1 |
2 |
3 |
PAHIÌA : TE HŌUPO TAITAI O MARIA PEÀTO (Pō e ono)
|
1 E te Hōupo Taitai o Maria Peàto, O Òe te pāpua karanata O te Etua. O Òe te nohoka koakoa O te Etua I vāveka o te maa pua riria. |
Mōumu Oia nei te vehine haatepēiù Tū ana me te Kāìè, Uhiìa me te kahu kaèkaè, Keàpa i te monikiki. U pupuà to īa pootu E taha ana io te Hakaìki. |
||
|
2 E te Hōupo taitai o Maria Peàto / O Òe te tumuâkau kekaa o te Etua O Òe te hue ahi kāòha o te Etua / Te i uà no te poì paotū. |
|||
V.38
|
1 |
2 |
Mōumu |
TOMINIKA E TOÙ ÒNOHUU O TE AVA MA TE ÈHUA
TATAUÌA O TE HĀMANI O TE PEROHETA IEREMIA 31, 7-9
U peàu hoì te Hatu : « A taaàu i te koakoa no Iakopo,
a hahi i te kuà o te tau mataèinaa.
A hīmene i te hīmene hahi e peàu ana :
E te Hatu Etua e, a haapohuè i to òe mataèinaa,
i te toeka o Iraene. »
8 Enā, e haahua nei au ia âtou me i te henua i te kēkē tiu.
Enā, e haaputuputu nei au ia âtou
me i te kotina paoìa o te henua.
Enā ma vāveka o âtou te poì matapō, te tau vaekoki,
te tau vehine kōpū tama, te tau vehine hānau hou mai.
E motuhaka nui oko te poì te i hua mai.
9 Ua hee âtou, e uē aa me te mateteka.
E haahuaìa mai âtou ma òto o te koakoa.
E aahi au ia âtou io te tau vaitahe
ma te vaanui meitaì : aòè e tukia to âtou vaevae.
Ua ìò au e motua no te mataèinaa Iraene,
O Efarima tu ù tama hāmua.
He tekao na te Hatu. »
TARAMO 126 (125) 1-2b, 2c-3, 4-5, 6
He hana mahaò hoì to Īa i uē ia mātou, Ua tihe to mātou ava no te haakoìka koakoa. 126,3
1 Ia haahua mai te Hatu ia mātou,
Ia hua mai i Tiona mātou, poì mōèhu ;
me he ènana moemoeā to mātou hakatu.
2 Ua pī to mātou haha i te katahehe.
U taaàu mātou i te taa koakoa.
A tahi a mevaha te tekao io te poì êteni :
« Auē, te hana mahaò ta te Hatu i hana no âtou. »
3 He hana mahaò hoì to Īa i uē ia mātou,
Ua tihe to mātou ava no te haakoìka koakoa.
4 E te Hatu e, a haahua ia mātou,
Me he mea te vaitahe io he henua ataha.
5 E tūtū te ènana i te kākāno e uēuē aa.
Ua kohi īa i te tau puku me te koakoa.
6 E taha īa, taha atu e tūtū i te kākāno
Me te uē me te mateteka.
Ua hua īa, hua mai me te koakoa,
E kave aa i te pūpā haraoa.
TATAUÌA O TE HĀMANI I TO HEPEREO 5, 1-6.
1 Ua vaeìa te Tāuà nui me i vāveka o te tau ènana.
To īa hana tumu te tāvini i te Etua,
ma te ikoa o te tau ènana.
E ùtuna īa i te taetae kāòha me te hēaka haatāvaè
no te hooi i te mīkeo.
2 Na te mea he koekoe pepae to īa
me he mea to te tau ènana,
e koàka ia īa te hakāòha mai i te poì e mīkeo nei,
e hukaka aa mēìa i to âtou koekoe pōtako.
3 No èià, he mea nui to īa ùtuna hēaka,
no to īa iho mīkeo, atii no te tau mīkeo o te mataèinaa.
4 Aòè e too pu te ènana na īa ta īa anaè
i hua hana haakāìè. E vavaò te Etua i to Īa tāuà,
me he mea ua ìte tātou no Aarone.
5 Hua mea anaiho ta Ietu Kirito :
i te ava ua tū Īa e Tāuà nui,
u te e too Īa i hua ikoa haakāìè na Īa ta Īa anaè.
U vavaò ia Īa te Etua e peàu aa :
« O òe tu ù Tama. I tēnei â, e hānau au ia òe. »
6 Io he vahi kē, u patuìa pēènei : « He Tāuà òe,
vāàna i te hakatu o Meretiteka,
no te tau tai a tihe ananu. »
ALLELUIA ALLELUIA
cf.Rk.1,68.79
A haameitaììa te Hatu, to tātou Etua ;
U haapupuà Īa i te māàma i ùka o te poì
e noho nei io te pō pōtako.
EVANERIO O IETU KIRITO VĀÀNA E MAREKO 10, 46b-52
I tēia mou pō,
46 e hee aa i vaho o Ieriko Ietu,
to Īa tau kouâ me te haètoa nui,
enā io te taì o te vaanui,
ua noho te ènana matapō e kaiape aa.
O Paratimeo to īa ikoa, tama na Timeo.
47 Ua òko hua ènana matapō e taha nei Ietu no Natareti.
U taaàu anamai me te peàu :
« E te tama a Tavite. E Ietu e. A hakāòha mai. »
48 Mea nui te poì i oonaki ia īa etià e mutu īa.
Atià, tōtahi atu to īa taaàu :
« E te tama a Tavite, a hakāòha mai. »
49 U hakaēa Ietu me te peàu : « A vavaò ia īa ! »
U vavaò âtou i hua matapō me te peàu :
« Oho te ìi. A tū ! U vavaò nei Īa ia òe. »
50 Ua taki anamai īa i te kahu uhi pu,
u keepao me te tihe io Ietu.
51 U pohā te èo o Ietu me te peàu :
« E aha to òe makimaki e hana au no òe ? »
U peàu te matapō :
« E Rapuni e. A tāhakahaka to ù mata. »
52 U peàu Ietu ia īa : « A taha atu.
Mēìa i to òe haatià, u pohuè òe. »
U tāhakahaka anamai to īa mata
me te ūtaì ia Ietu, ma io he vaanui.