INFOS / MOU TEKAO HAKAÌTE

       AUJOURD'HUI 01/07/2020, PLUS DE 19700 VISITEURS EN 14 MOIS dont 1200 ce dernier mois !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!  DE NOUVEAUX ARTICLES ET LA LITURGIE CATHOLIQUE SONT PUBLIÉS DANS LES DEUX LANGUES CHAQUE SEMAINE ; RETROUVEZ-LES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

I haamevaha tekao e ùa o te Henua ènana, mea tuhuka hoì te tau poì e hana nei i èià ; u haataetae âtou i te èo ènana/ènata.
No te huì mai i te avetekao « même si », mea nui te ènana e haahana i te ponatekao tahiti « noa atu ». Koè nui !!!
Ma òto o te tau maakau tukuìa e teia tama ènana, teia tama ènana io Facebook, ua ìte hae au i ponatekao èo tahiti e ùa, o « hōho’a » me « hopea ».
Mea nui te ènana e haahana nei i te ponatekao tahiti « pāhono » i te koava o mou ponatekao èo ènana e ùa « hua atu » me « haahua atu ».
Ia òkoìa hua mou ponatekao io tītahi haamevaha èo, u mamae to ùpuaìka na te mea, i òto o te hāmani « Mou Pona Tekao » a te Tuhuka èo ènana, enā hoì te ponatekao hei pao no te huì mai i hua mou ponatekao farani.
Mei te èhua 2004 tihe i te â nei, u òko hae ìa te ponatekao èo tahiti « taui » ma he èo ènana.
I Motutini farani nei, meìa i te ìi haaviviniìa o nā mou ponatekao èo tahiti e ùa, o « fa’a’apu » me « fa’a’amu », u haahana hae ìa e te nuiìa o te tama ènana atii me te poì farani.
Aua tātou e haahana hakaùa i nā ponatekao èo tahiti e ùa o « māere » me « fa’ahiahia » mea hakaìte atu i to tātou « mahaò » !
Mea nui te ènana tumu e haahana nei i te avetekao tahiti « E ‘imi te rāve’a ».
E tahi ponatekao èo tahiti tēnei i òkoìa io tītahihaamevaha èo e nei i Taiohaè : « E ìma paha pūpū ?».
A mou i tēnei, u òkoìa nā mou avetekao e ùa mei òto mai o tītahi pū haamevaha tekao o te henua ènana : 1) - « I te ārea no mars… »  2) - « I te taime o te vākai ».
E haahana hae ìa te ponatekao èo tahiti tauturu e te nuiìa o te ènana ; enā hoì à e ùa ponatekao èo ènana e hua mea anaiho te haaviviniìa me tauturu.
I tēnei tai hou i te Henua ènana nei, u òkoìa hae te avetekao tahiti « fa’atura i te ture ». Enā à te ponatekao hei pao ma he èo ènana.