INFOS / MOU TEKAO HAKAÌTE

       AUJOURD'HUI 10/09/2019, PLUS DE 12000 VISITEURS EN 6 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIÉS CHAQUE SEMAINERETROUVEZ-LES DANS LEUR RUBRIQUE RESPECTIVE ! 2)- VOYEZ LA DERNIÈRE INTERVIEW DE JACQUES IAKOPO DANS LA RUBRIQUE "INTERVIEWS" !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

PĀHONO >>> HAAHUA ATU...

Mea nui te ènana e haahana nei i te ponatekao tahiti « pāhono » i te koava o mou ponatekao èo ènana e ùa « hua atu » me « haahua atu ».

question reponse

E aha òa te mou haaviviniìa ?

1)- Ia tiòhi tātou i òto o te hāmani haavivini ponatekao a te èpikopo Dordillon, e koàka ia tātou te ponatekao « pahonohono » anaiho. Te haaviviniìa « te mea piàu mimi, me te mea namu mako me te namu hai

2)- I te hāmani haavivini ponatekao a te Tuhuka èo tahiti, i te tapa hāmani 336, e ìte tātou te ponatekao « pāhono » ; e to ù te haaviviniìa. 1)- haatahi 2)- haapao i te hana i tīmataìa e tahipito 3)- haahua atu i te tekao.

3)- No tēnei ponatekao « répondre », i te tapa hāmani o ta īa hāmani haavivini ponatekao, u hakaìte te èpikopo Dordillon i mou ponatekao e ùa, o « peàu » me « ao ».

4)- I òto o te hāmani a te èpikopo Le Cléac’h, i te tapa hāmani 334, e ìte tātou « peàu, hua atu, haahua atu »

 

O hua mou ponatekao haahana e ùa ta tātou e tatau i òto o te Evanerio a Ioane.

a) - 6, 25-26

*- (U ui atu te tau kouà ia Ietu) « E Rapi ē, inehea to òe tiheìa mai i inei? »

*- U haahua Ietu ia âtou « He tekao tiàtohu ta ù nei ia ôtou, … »

b) - 6, 30-32

*- « E aha to òe hana mana haahakatu, etià e ìte mata mātou me te haatià ia òe ? » […]

*- Ua hua atu Ietu ia âtou « E tekao tiàtohu ta ù nei ia ôtou, … »

 

Patuìa e/Rédigé par Jacques Iakopo Pelleau (2015, corrigé en /haaheiìa i 2019)

 

 

Comments est propulsé par CComment