INFOS / MOU TEKAO HAKAÌTE

       AUJOURD'HUI 24/03/2020, PLUS DE 16000 VISITEURS EN 10 MOIS dont 1000 ce dernier mois !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!  DE NOUVEAUX ARTICLES ET LA LITURGIE CATHOLIQUE SONT PUBLIÉS DANS LES DEUX LANGUES CHAQUE SEMAINE ; RETROUVEZ-LES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Koè nui te tau ponatekao hei koè !

I haamevaha tekao e ùa o te Henua ènana, mea tuhuka hoì te tau poì e hana nei i èià ; u haataetae âtou i te èo ènana/ènata.

No te poì i keeèìa ma òto o te niuniu, mea à. Enā me te ava, ua òko au i te nuiìa o te ponatekao hei koè kaveìa mai mei òto mai o mou èo , oia hoì te èo tahiti me te èo farani tihe atu i te èo peketane/menike. U haatekeo hua mou ponatekao i te èo me te haapaòpaò nui i to ù puaika.

Te haka, te patutiki me te tau hana haatiki paotū, he mou haaènana kākiu te i avaiìa mai e te tau tupuna e aha à te nuiìa o to âtou tau memae me to âtou . Atika à, te tau ènana/ènata i ìte i te haka, te patutiki me te hana haatiki.

No te èo à, mea ananu. Te toitoiìa, ua ìte te tau ènana/ènata paotū i to âtou èo me te tekao atu, àòè ? O te èo te taetae tupuna anaiho e koàka i te tau ènana/ènata no tēnei tai hou e haahana, e tekao i teia â, i teia â. Ìa tekao òe i te èo ènana/ènata e tekao nei òe mei ia Kiatonui me Tainai, mei ia Heato, ia Temoana, ia Paètini, mei ia Vaekehuupokotitipū me Moanatini.

Mea haakaìè i te èo, umoì e haahana hakaùa i hua mou ponatekao huìkē ; a hakaea tātou i hua hana hopee, a haahana tātou i te ponatekao hei nui.

E tahi henua, e tahi huaa, e tahi èo : huiii, huiii, huiiiaaa !!!

 

Patuìa e / Rédigé par Jacques Iakopo Pelleau

Comments est propulsé par CComment