I òto o te kōtūòmia « Mou Pona Tekao » a te Haè tuhuka èo ènana, aè koàka te ponatekao responsable. Enā à io te kāputuèo a te èpikopo Dordillon :

*- tapa hāmani 176-II : responsable : na īa ta īa.

Me i èià e koàka oti te peàu :

1) - « C’est de ta responsabilité ! » : « Na òe ta òe tēnei hana/amoka ».

2) - « Tu prends tes responsabilités » : « A too òe i ta òe hana ! /A amo òe i ta òe amoka ! »

3) - « Tu es responsable de… quelqu’un/quelque chose »

« Na òe te viviniìa o… / O òe te vivini o… »

4) - Me he mea ta òe i ìte oti, ua ìò he ènana/poì haatee i te hana tūako te ponatekao responsable sportif.

Ia kē to òe maakau me to ù, a haki mai !

Patuìa e Jacques Iakopo Pelleau i te èhua 2015

U haatoitoiìa te patuhei vāàna i te tau aahiìa a te Haè tuhuka èo ènana i te 23/08/2022.
(Aua te tau ponatekao me i òto mai o te tau kōtūòmia me te tau kāputuèo kākiu)