INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Te âkakai me te haakakai (Pēhea te vaeìa ?)

No te ponatekao farani « histoire », e to ù ponatekao ènana. Pēhea hoì te vaeìa ?

                                                                                   livre bailleul 2  livre academie hapukeia haakakai copie2

I- TE PONATEKAO FARANI « HISTOIRE »

1)- I te tapa hāmani 112-II o te hāmani haavivini ponatekao a te èpikopo Dordillon, e ìte tātou :

*- Histoire, sf, tekao no te…

*- Historiette, sf, tekao aàkakai.

2)- I te tapa hāmani 282 o te « Pona Tekao Tāpapaìa » a te èpikopo Le Cléac’h, e ìte tātou :

*- Histoire, sf, tekao haakakai.

*- I te tapa hāmani 74 o te « Mou Pona Tekao » a te Tuhuka èo ènana, e tatau tātou :

*- Histoire : te kite haaènana (kēkē àò ), te ìte haaènata (kēkē ùka).

 

II- MOU PONATEKAO ÈNANA : AAKAKAI me HAAKAKAI

Ia tiòhi atu tātou i te mou ponatekao e ùa, aakakai me haakakai i òto o :

1)- Te hāmani a te èpikopo Dordillon, e ìte tātou :

*- I te tapa hāmani 104 I, ààkakai : antiquités, curiosités, tekao ààkakai, généalogie mythologique, histoire fabuleuse.

*- I te tapa hāmani 124-I, haàkakai : choses curieuses, curiosités, antiquités ; tekao haakakai : histoire, historiettes, faits fabuleux, généalogie mythologique. = haakekai.

2)- Te hāmani a te èpikopo Le Cléac’h,

*- I te tapa hāmani 14, ààkakai : antiquités, curiosités. Tekao ààkakai, généalogie mythologique, histoire fabuleuse ; histoire en général. U te e ‘ite te ‘enata i to ia ààkakai, le Marquisien ignore son histoire. Voir : ha’akakai.

*- I te tapa hāmani 34, ha’akakai, ha’akekai (kēkē ùka), ààkakai (kēkē àò), choses curieuses, curiosités, antiquités. Tekao ha’akakai, histoire, récit légendaire, généalogie mythologique.

3)- Mea nui hoì te haaviviniìa ; oia te tumu i vaeìa mai e te tuhuka èo ènana e toù ponatekao tahakahaka.

a)- O haakakai tōmua ponatekao e tekao ana no te tau haakakai o te poì me te tau etua kākiu. O « te Haakakai o Mauike » te ikoa o te hāmani òomiìa i 2007.

b)- Me hua hakatu, u pepena te Pū Tuhuka èo ènana i te ponatekao âkakai e tekao ana no te tau mea no tēnei tai hou patuìa haatīvava. O « Âkakai » te ikoa o te hāmani no te tōìki haaòomiìa e âtou i hua èhua.

c)- I te èhua 2012, u puta mai mei io âtou « Hapukeìa Haakakai me te Âkakai » i èià i haapukeìa te mou haakakai kākiu me te mou âkakai hou.

O te ponatekao « généalogie » à, he kōhii mea huì ma he èo ènana. he mea i òto o te hāmani a te Pū Tuhuka na te mea u ìte meitaì ìa e te tau ènana me te tau ènata paotū. I òto o hāmani a nā mou èpikopo e ùa, e koàka ia òe te haaviviniìa matatatau (kēkē àò) me matatetau (kēkē ùka).

I tēnei e koàka ia tātou te huì mai ma he èo ènana o tēnei tai hou i te ave ponatekao hakaìteìa e te èpikopo Le Cléac’h ma ùka aè « U te e ìte te ènata i to īa haakakai » atii nei « Aè te ènata i ìte i to īa ìte haaènana / Aè te ènata i ìte i to īa ìte haaènata ».

Na tātou paotū e hakaìte atu i te mea ua teka nui to tātou èpikopo kaìèa.

A PATA INEI NO TE TATAU I TE HĀTIKA TEKAO MA HE ÈO FARANI… !

 

Patuìa e Jacques Iakopo Pelleau

 

 

Plus dans cette catégorie : « Paetu, Pahutake ...

Comments est propulsé par CComment