TOMINIKA E TOÙ O TE PAKATE
(Â tapu 14 no Nāpeka 2024)
TOMOÌA : I.15 (Pō e ono)
1 |
Mōumu |
2 Ua tū hakaùa Ietu, / To tātou Hatu mana nui.
U pohuè ananu Īa. / Alleluia, Alleluia !
G.9
Haameitaì nei mātou i te Patirēia o te àki Ta Òe e Ietu i haamevaha, No te poì nui hemo i te mate Me te tau ènana i òto o te veve. |
Mōumu |
TARAMO 4 : E te Hatu e, a pupuà to Òe mata i ùka o mātou nui.
Kio Vānana : U hakaìte te Hatu Ietu Kirito ia Īa iho i to Īa tau Âpotoro
me te peàu atu : « Ia ôtou te moû ! »
Pure a te poì haatià : A matavaièi mai, e te Motua e, (Pō e ono)
i te pure o ta mātou e haahiti nei.
A apuu mai me te moû.
E te Motua e, a òko mai.
E te Motua e, apuu mai.
ÙTUNA : B.4 (Pō e ono)
1 |
Mōumu |
2 |
3 A pahi mai Òe, e te Hatu / I to Kuhane Tapu
Ia haatapu mai Īa / I tēnei ùtuna
Ia ìò e nino, e toto no Òe.
I.4 E koìka koakoa tēnei No te poì haatià ia Ietu. Ua hika te mate ia Òe. Alleluia, Alleluia, Alleluia. |
Kāòha mai Òe, e Ietu tāhia e, I tēnei â koìka koakoa nui. U tū mai, u tū mai To tātou Hatu Mana nui I tēnei â koìka no te Pakate. |
E Ietu (bis), hakāòha mai, (bis) / A hakāòha mai ia mātou, (e Ietu)
I tēnei â koìka, / I tēnei â koìka Pakate.
Haamaakauìa : E te Haapohuè o te aomāàma, (Pō e ono)
a haapohuè mai ia mātou.
Ma to Òe peka me to Òe Tūhakaùaìa,
e pohuè ai mātou.
Te kāìè ia Òe, te i mate no mātou.
Te kāìè ia Òe te pohuè nei ananu
E to mātou Hatu e, e to mātou Etua,
a tihe mai Òe, e Ietu, te Haapohuè.
KŌMŌNIŌ : I.10 (Pō e ono)
1 |
2 |
||
3 |
4 |
||
I.9 1
2 |
Mōumu Ua tū hakaùa Ietu, U tūàki i te mate, Ua kaò te pōtako. Alleluia (x5) |
3
4 |
Hīmene haahuaèkaèka : IETU, ÒE TE TUMU
Ietu, Òe te Tumu Te Māàma, te Vaipuna, E Ietu. |
O Òe te ahi, io he hōupo, Te menava io he ate, Te tumu o to ù pohuè, E Ietu, e Ietu. |
PAHIÌA : E MARIA IMAKURATA E (Pō e ono)
E Maria Imakurata e, Te pāhoè haatepēiù. U kakaa te mira me te aroe ; E hinenaò te Hakaìki ia òe. |
U hakatu òe me tītahi pāpua Nanuìa e te Etua, Pī i te kuà o te karanata. |
|
I keika, u atenoho haamoû, / U atetoo i te mau Èka aa i te koakoa. |
||
V.26
1 |
Mōumu |
TOMINIKA E TOÙ O TE PAKATE
TATAUÌA O TE HĀMANI HANA A TE TAU ÀPOTORO 3, 13-19
13 O te Etua o Aparahamo, o Itaako, o Iakopo,
te Etua o to tātou tau tupuna,
u haakāìè i to Īa tāvini Ietu
ta ôtou i haaìò me te titii i mua o Pinato.
E aha à u makimaki hua Pinato e haapohuè ia Īa,
14 u titii ôtou i te Peàto Nui, i te Toitoi Noa.
Ua ape ôtou a veveteìa te ènana mākaka kukumi i te ènana,
15 a haamate nui i te Tumu o te Pohuè.
Atià, na te Etua i hakatū hakaùa ia Īa
me i vāveka o te poì mamate. O mātou te i haatiàtohu.
17 E tu ù tau teina e, ua ìte au na te koekoe pōtako
i hana ai ôtou atii, hakatu me to ôtou tau vivini.
18 Ma èià, ua tae te Tekao a te Etua ta Īa i peàu òmua
ma te haha o te tau peroheta paotū : e mamae aè to Īa Kirito.
19 No èià, a hāìu te koekoe, a hua mai io te Etua,
etià e haakoèìa to ôtou tau mikeo.
TARAMO 4, 2, 7, 9
E te Hatu e, a pupuà to Òe mata i ùka o mātou nui ! cf.4,7
2 E te Etua e, te i haatoitoi mai.
O Òe anaè to ù vavao. A hakaòko mai.
Na Òe te haakoè i te uē òomi menava,
A hakāòha mai. A apuu i ta ù pure.
7 E ùmihi nei i te koakoa te tau ènana paotū.
E te Hatu e, a pupuà to Òe mata i ùka o mātou nui.
9 I òto o te moû, e moe au me te hiamoe,
E tetaì mau ana i to Òe kāòha, e te Hatu e.
TATAUÌA O TO MUA HĀMANI A IOANE PEÀTO 2, 1-5
2,1 E tu ù tau tama e, ua patu au i tēnei tekao ia ôtou
etià u te e hava ôtou i te mikeo.
Atià, me hava tītahi i te mikeo,
enā to tātou vavao io te Motua,
2 o Ietu Kirito, te Toitoi noa.
O Īa te hēaka ùtunaìa
no te haakoè i te umu o to tātou mikeo.
Aòè to tātou mikeo anaiho,
atii me te tau mikeo o te ènana ia ôtoa o te aomāàma.
3 Ma te tiàtohu, u haapii tātou me te Etua,
me aotahi tātou i to te Etua tekao.
4 Ia peàu te ènana ua ìte īa i te Etua,
atià u pūtuì i to Īa tekao, he ènana tīvava hua ènana,
aòè i noho te tekao tiàtohu i òto o īa.
5 Me aotahi te ènana i te Tekao a te Etua,
u toitoi noa to īa kāòha i te Etua.
Pēènei te ìte ua noho tātou i òto o te Etua.
ALLELUIA ALLELUIA
U hakaìte te Hatu Ietu Kirito ia Īa iho i to Īa tau Àpotoro
me te peàu atu : « Ia ôtou te moû ! »
EVANERIO O IETU KIRITO VĀÀNA E RUKA 24, 35-48
I tēia mou pō,
35 ua haki atu nā kouâ tokoùa e hee aa i Emau,
i te mea i pao ma io he vaanui.
Pēhea to âua ìte ia Ietu i te ava vahiìa o te haraoa.
E tekao aa âua i hua tekao,
ua tū anamai Ietu i vāveka ahau o âtou me to Īa peàu :
« Ia ôtou te moû ! »
37 Ua hemo âtou i te haametaù, u pūpūkina âtou.
U kaituto hoì e ìte âtou i te vehinehae.
38 U peàu Ietu ia âtou : « U pūpūkina ôtou no te aha ?
Umaha tēnei kaituto io he koekoe ?
39 A tiòhi ôtou i to ù mou îìma me nā vaevae : o au nei.
A maohi ôtou ia ù nei, a tiòhi mau.
He hakatu kē to te vehinehae.
Aòè o īa kiko. Aòè o īa ivi,
me he mea ua ìte ôtou me to ù nei. »
40 E peàu aa i hua tekao,
u hakaìte atu Ietu i to Īa mou îìma me nā vaevae.
41 Ohia u haatià koè âtou mēìa i te koakoa me te mahaò,
u peàu Ietu ia âtou : « Enā te mea kai ta ôtou înei ? »
42 Ua tuku atu âtou ia Īa i te poo ika nunu pātaka.
43 Ua too i te ika me to Īa kai, e tiòhi aa âtou.
44 I muì iho, u peàu Ietu ia âtou pēènei :
« Oia nei te tekao ta ù i peàu ia ôtou,
e noho ana au me ôtou.
E haapao ònaòna ìa te tau mea paotū
te i patuìa i ùka o au nei i òto o te Ture a Moite,
i òto o te hāmani a te tau Peroheta me te hāmani Taramo. »
45 A tahi a haamāàma Ietu i to âtou koekoe
etià e vivini âtou i te Hāmani tapu.
46 U peàu ia âtou : « Ua patuìa :
e mamae ai te Kirito ; ma te toù o te pō,
e tū hakaùa Īa me i vāveka o te huaa mamate.
47 Ma to Īa ikoa, e hakaìteìa atu
te hāìuìa o te koekoe no te haakoè i te mikeo
i te tau mataèinaa paotū, atià to mua i Ierutaremi.
O ôtou te tau ènana e haatiàtohu i hua tekao.