TOMINIKA E HĀ O TE PAKATE
(Â tapu 21 no Nāpeka 2024)
TOMOÌA : I.15 (Pō e ono)
1 |
Mōumu |
2 Ua tū hakaùa Ietu, / To tātou Hatu mana nui.
U pohuè ananu Īa. / Alleluia, Alleluia !
Z.170
Mōumu I hana mai te Hakaìki mana I te mea mahaò nui ; A meitai to Īa ikoa. |
1 U tū aè, u tatakahiti tu ù kuhane I te Hatu, tu ù pohuè. |
2 O te poì mana te i haatopaìa, O te poì pāpaku te i tū anaè. |
3 U tapavaù nui te poì oke, U tiehiìa te tau òna veve nui. |
TARAMO 118 (117) : O te keâ i titiiìa e te poì hakatū i te haè,
o hua keâ avai noa, ua ìò he keâtaa.
Kio Vānana : Ua ìte Ietu, te Tiaki Meitaì, i to Īa tau mutō.
Ua ìte to Īa tau mutō ia Īa :
No âtou, u haaìò Īa i to Īa pohuè.
Pure a te poì haatià : E te Hatu e, a òko mai. (Pō e ono)
E te Hatu e, a apuu mai i ta mātou pure.
E te Hatu, apuu mai i ta mātou òna pure.
E Ietu e, e tuku nei au i ta mātou nei pure.
ÙTUNA : I.5
1 Alleluia. 4 Alleluia. |
2 Alleluia. 5 Alleluia. |
3 Alleluia. 6 Alleluia. |
Haamaakauìa : Te kāìè ia Òe, e te Hatu Ietu e,
te i mate nui, te pohuè ;
A tihe mai, e Ietu ; a tihe mai, e Ietu.
KŌMŌNIŌ : D.36 (Pō e ono)
1 I te kaiìa mau Eukaritia. |
Mōumu A too, a kai mai ôtou paotū, |
||
2 To mateìa i ùka o te peka. |
Mōumu A too, a inu mai ôtou paotū, |
K.1
1 2 |
Mōumu 3 |
Hīmene haahuaèkaèka : I.16
E ìte ôtou ia Ietu i Karirea ;
E ìte ôtou ia Ietu, ua tū hakaùa.
1 Ma vāveka o te poì mate ! |
2 Io he vahi mamao nui ! |
PAHIÌA : V.83 E MARIA E, ME IO ÒE TE PUNAÌA MAI
E Maria e, Me io Òe Te punaìa mai, Te kākāno o te Pohuè. |
Te Hatu Ietu, te Kirito, Hakaìki nui, Tuhuka e, Te Mana nui. |
Maria, Maria, Maria e, A apuu mai. Maria, Maria, Maria e, A pure mai. |
----------------------------------------------------------------------------------------
TOMINIKA E HĀ O TE PAKATE
TATAUÌA O TE HĀMANI O TE HANA A TE TAU ÀPOTORO 4, 8-12
8 Pī i te Kuhane Meitaì, u peàu Petero :
« E te tau hakaìki me te tau kōkooūa,
9 i tēnei â, u haavāìa māua mēìa i ta māua hana meitaì
i uē i te ènana takapii. Ua ape mai ôtou
no te hakaìte atu pēhea te haapohuèìa i hua ènana.
10 A ìte ôtou paotū atii me to Iraene mataèinaa ia ôtoa :
Ma te ikoa o Ietu Kirito no Natareti,
te i pāokapekaìa e ôtou,
te i hakatū hakaùa ìa e te Etua,
ma hua ikoa, i maô ai me te meitaì te ènana nei i mua o ôtou.
11 O Ietu te keâ i titiiìa e ôtou, te tau ènana hana hakatū i te haè.
Ua ìò Īa he keâtaa.
12 I òto o Ietu anaè te pohuè.
Aòè tītahi ikoa kē ma àò o te àki,
i vāveka o te tau ikoa i apaìa e te tau ènana,
te i haapohuè ia tātou. »
TARAMO 118 (117), 1.4, 8-9, 22-23, 28-29
O te keâ i titiiìa e te poì hakatū i te haè, O hua keâ avai noa, ua ìò he keâtaa. 118,22
1 A haahuaèkaèka i te Hatu : u matavaièi mai Īa.
Paona koè to Īa kāòha.
4 A peàu te poì pakaihi i te Hatu :
Paona koè to Īa kāòha.
8 U meitaì no te ènana te haatià i te Hatu,
Aua e haatià te ènana i to īa tau hoa.
9 A haatià tātou i to te Hatu tokoìa mai.
Umoì e haatià tātou e toko mai te poì mana.
22 O te keâ i titiiìa e te poì hakatū i te haè,
O hua keâ avai noa, ua ìò he keâtaa.
23 Oiana te hana a te Hatu,
E hana mahaò haapekahi ia mātou.
28 O Òe to ù Etua, u haahuaèkaèka au ia Òe.
E tu ù Etua e, u haatiketike au ia Òe.
29 A haahuaèkaèka i te Hatu. U matavaièi Īa.
Paona koè to Īa kāòha.
TATAUÌA O TO MUA HĀMANI A IOANE ÀPOTORO 3, 1-2
E tu ù tau tama tāhia e,
1 A kaituto me te mahaò i te nuiìa
o to te Etua kāòha ia tātou.
Ua ao Īa e apaìa tātou he tau tama no Īa.
Ua ìò hoì tātou he tau tama tiàtohu no Īa.
Oia te piò aòè to te ao nei e apuu ia tātou.
Pēhea te koàka ? Aòè īa i ìte i te Etua.
2 E tu ù tau hoa tāhia e, i tēnei, he tama tātou a te Etua.
E aha to tātou hakatu ma tītahi â ?
U te e ìte meitaì tātou.
E tahi mea tiàtohu anaiho :
i te ava e hakaìte Ietu Kirito ia Īa iho,
e ìò tātou hakatu me Īa,
na te mea, he mata he mata, e ìte ai tātou ia Īa.
ALLELUIA ALLELUIA
cf. In.10,14-15
Ua ìte Ietu, te Tiaki Meitaì, i to Īa tau mutō.
Ua ìte to Īa tau mutō ia Īa : No âtou, u haaìò Īa i to Īa pohuè.
EVANERIO O IETU KIRITO VĀÀNA E IOANE 10, 11-18
I tēia mou pō, u peàu Ietu :
11 O au te Tiaki meitaì. E haaìò te Tiaki meitaì
i to īa iho pohuè i uē i to īa tau mutō.
12 Me hana te ènana no te moni,
aòè no īa te tau mutō, aòè īa to âtou tiaki.
Ia tihe te rupo, ua rere veve īa, e avai aa i te tau mutō.
Ua hao te rupo i te tau mutō me te haahikitararā ia âtou.
13 U te e haataetae hua ènana i te tau mutō,
ua hana īa no te moni anaiho.
14 O au te Tiaki meitaì.
Me he mea ua ìte to ù Motua ia ù me to ù ìte i to ù Motua,
15 ua ìte au i to ù tau mutō, ua ìte âtou ia ù.
E haaìò au i to ù pohuè i uē i tu ù tau mutō.
16 Enā me tu ù tau mutō kē.
Aòè âtou i òto o tēnei pāpua. E haatee au me ia âtou.
E hakaòko âtou i to ù èo.
E ìò ai te naho e tahi anaè, te tiaki mutō e tahi anaè.
17 U haataetae te Motua ia ù na te mea
e haaìò au i to ù pohuè no te too hakaùa i hua pohuè.
18 Aòè te ènana e tahi e haamate ia ù.
Na ù ta ù anaiho te haaìò i to ù pohuè.
E mana to ù e haaìò i to ù pohuè
me te too hakaùa ia īa.
Oia nei te tekao i peàuìa mai e to ù Motua. »