INFOS / MOU TEKAO HAKAÌTE

       AUJOURD'HUI 12/06/2022, PLUS DE 51000 VISITEURS EN 3 ANS ET 3 MOIS !!! MERCI À TOUS !!! /KOÙTAÙ NUI/VAIÈI NUI ÔTOU PAOTŪ !!!  DE NOUVEAUX ARTICLES ET LA LITURGIE CATHOLIQUE SONT PUBLIÉS DANS LES DEUX LANGUES CHAQUE SEMAINE ; RETROUVEZ-LES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Mou toumaki ènana


Ma he aomāàma vii pu, mea nui te èo , èo me te nuiìa o te toumaki i òto. Ma he èo ènana à, aê nui te toumaki ta ù i ìte ma òto o te tau hāmani tatauìa e auAtii anaiho i te tau tekatekaoìa me te poì hakatu , hakatu kē, mea vaavaa to ù òkoìa i te toumaki.

 

oeil

I tēnei, enā au a tīmata e tāpapa mai i te toumaki haakoàkaìa mai e au. Anoa òe e ìte i tēia, i tēia, a hakaìte mai mea haamevaha atu.

*- « Māeka te nanu, māeka te kohi ».

*- « Meitaì te tumu, meitaì te hiku ».

*- «  Na te puku e ìteìa te hakatu o te tumu âkau ».

*- « Aê te tumu hītoro e tuku mai i te puku ânani »

*- «  O te ènana kata i te â nei, e oìoì ».

*- «  I te ahiahi te mateteka, i te pōpōuì koakoa ».

*- «  I te ahiahi e tahe te vaimata, ma te pōpōuì te taaàu koakoa ». (Taramo 30-6)

*- « Aua e kai i te ika aòè i hīìa atu aa ».

*- « Òmua te metaki, epō te tai oko ».

*- « I teia â to teia â paòpaòìa » / « E haapaòpaò oìoì no īa anaiho ».


TE MOU TOUMAKI MEI ÒTO MAI O TE TAU HĀMANI TAPU

E hua mea anaiho te haaviviniìa o mou toumaki e toù ma hope mai. Na òe ta òe e vae !

*- « O te ènana te i haatiketike ia īa iho, e haapāpaku īa ; o te ènana te i haapāpaku ia īa iho, e haatiketike īa ».

*- « E ìò to mua te poì i hope òa, o te poì i mua, e ìò no hope òa ».

*- « Mea nui to mua poì e ìò hope òa, mea nui te poì hope òa e ìò i mua òa ».


*- « Te kikomata no te kikomata, te niho no te niho ».

*- « A tuku atu ia Ketare to Ketare, a tuku atu i te Etua to te Etua ! ».

*- « O te ènana mikeo koè, a pehi to mua keâ ».

*- « Ma to òe hānia e koàka mai i te  ».


MEA NUI OTI A TIHE MAI…

 

Patuìa e Jacques Iakopo Pelleau ; haahouìa i te 03/07/2022

 

Comments est propulsé par CComment