TE KOÌKA HAPAINA O MARIA PEÀTO
(Iutī 15 no Èhuō 2024)
Tekao kāòha Litanie de la Vierge (voir feuille)
Pahu / Mave
TOMOÌA : V.6 (Hikoei)
|
1 |
Mōumu. |
2 |
Chant d’unité avec tout le Diocèse : V.1 (Pakiu)
|
1 E Maria Virikine, E te kui no Ietu, A tiòhi mai òe I to mātou kāòha. |
Mōumu. Ua hahi ia òe, Hiva Oa, Tahuata, Fatu Iva, Ua Huna, Ua Pou, Nuku Hiva. |
2 U tavavā pu te òko O to òe Meitaì, O to òe Pure mana Ma nā henua kōtoa. |
|||
|
3 E ona me hiti aè / Mātou io he àki Mea kāòha ananu / Ia òe, e Maria. |
|||||
Te Kāìè
TARAMO : Mamau òe, e Maria, io te nohoka kāìè o ta òe Tama. (Hikoei)
Kio Vānana : Ua tomo Maria i òto o te Kāìè o te Etua. (Pakiu)
A tātakahiti me te koakoa te tau anera ia ôtoa.
Pure a te poì haatià : E te Hatu e, a òko mai. (Hoata)
E te Hatu e, a apuu mai i ta mātou pure.
ÙTUNA : Z.170 (Hoata)
|
1 |
Mōumu |
|
2 |
3 |
TE TAHAÌA - PAHU - MAVE (Hoata)
V.3 (Hoata)
|
1 |
2 |
3 |
Peàto (Pakiu)
Épiclèse 1 : E te Hatu e, a vaièi mai to Òe Kuhane
mea haatapu i te haraoa me te ipu nei.
Haatiketikeìa : E Ietu........Kirito e, haaìòìa no mātou.
Haamaakauìa : Te Kāìè ia Òe, e te Hatu e, o Òe to mātou Haapohuè
(Hikoei) te i mate nui me te Tū hakaùa, e pohuè nei à ; e Ietu Kirito,
o Òe (bis) to mātou Etua, a tihe mai, e Ietu, to mātou Hatu.
Épiclèse 2 : E te Hatu e, a vaièi mai to Òe Kuhane
Etià e ìò mātou he tāvini no to Òe Kāìè.
Àrenio. (Hoata)
KŌMŌNIŌ : D.28 (Pakiu)
|
1 |
Mōumu E Ietu, o Òe te tumu,
|
2 |
|||
|
3 |
4 |
|
|||
TE Â KOÌKA 15 NO ÈHUŌ
TATAUÌA O TE HĀMANI APOKARUPO
11, 19a ; 12,1-6a.10ab
19 A tahi a pepeùìa te Hiero o te Etua io he àki.
I òto, ua ìteìa te Araka o te Piimau.
12, 1 Ua ìteìa tītahi hakatu mahaò nui io he àki pēènei :
O te Vehine i vāhīìa me te òumati,
ma àò o to īa vaevae te meàma,
ònohuu ma ùa hetū me he heipaè i ùka o to īa upoko.
2 E vehine kōpū tama, e uē aa
me he mea u haatotohi i te tama.
3 Ua ìteìa tītahi mea hakatu kē io he àki :
e tarakone uàuà me he ahi,
e hitu o īa upoko me nā kere ònohuu,
me te paèkaha ma ùka o nā upoko e hitu.
4 Me to īa veò, ua toi i te pāio e toù o te tau hetū
me te haatopa ia âtou io he henua.
Ua tū hua tarakone i te aò o te vehine
e haatotohi aa i te tama,
e hano e kai i ta īa tama hānau iho.
5 U hānau hua vehine i te tamaòa.
O Īa te i vivini i te aomāàma me te tokotoko puhipuhi.
U hapaiìa hua tama i ùka o te àki
io te Etua me to Īa Nohoka kāìè.
6 Ua hiki hua vehine i te henua ataha
i te vahi i kāneaìa e te Etua no Īa.
10 Ua òko au i tītahi èo oko nui io he àki e peàu aa :
« Eīa e haapohuè te Etua i to Īa mataèinaa.
U tuàki te Etua. Oia nei to Īa Patirēia.
Oia nei me te hakaìkiìa o to Īa Kirito. »
TARAMO 45 (44) 11-12a, 12b-13, 14-15a, 15b-16
Mamau òe, e Maria, io te nohoka kāìè o to òe Tama.
11 E tu ù moî e, a tiòhi mau, a pepeù i to puaìka.
A māhaè i to òe mataèinaa me te haè motua.
12 E hinenaò te hakaìki ia òe, te kuà o te pootu.
O Īa to òe Hatu. A oha i to Īa aò.
13 E keitani pu ia òe te mataèinaa Tira,
E hano haaèka ia òe me to âtou vaetukia.
14 Oia nei te vehine haatepēiù, tū aa me te kāìè,
Uhiìa me te kahu naènaè keàpa i te moni kiki.
15 U pupuà to īa pootu e taha ana io te Hakaìki.
E tū ma to īa kaokao te mou pāhoè, to īa tau hoa.
16 Ua tomo âtou io te haè o te Hakaìki
Ma òto o te koìka me te hīmene haakoakoa.
TATAUÌA O TO MUA HĀMANI I TO KORINETIA 15, 20-27a
E tu ù tau tuàne tuehine,
20 he mea kē : tiàtohu nui, ua tū hakaùa te Kirito
me i vāveka o te huaa mamate.
O īa te ènana to mua
te i pohuè hakaùa me i vāveka o te poì mamate paotū.
21 Ua tihe mai te mateìa ma te ènana e tahi.
Ma te ènana e tahi, e tihe hoì
me te pohuè hakaùa me io te mateìa.
22 Me he mea e mamate te tau ènana paotū
mēìa i to âtou haakē me Atamo,
atii e popohuè hakaùa te tau ènana paotū
mēìa i to âtou haatahi me te Kirito.
23 Atià, e pohuè hakaùa titikitahi te tau ènana
vāàna i to âtou ava : òmua ika te Kirito,
o īa te hāmua i vāveka o te huaa mamate paotū.
Ma muì iho, te tau ènana e kē aa me te Kirito,
i te ava o to Īa hua mai me te kāìè.
24 E haahika te Kirito i te mana o te tau anera e vivini nei
e aha à to âtou ikoa kē, ikoa kē.
A tahi, a pao ai ònaòna te tau tai ia ôtoa
i te ava e tuku atu te Kirito
i te hakaìkiìa i te Etua Motua.
25 E vivini hoì te Kirito i te aomāàma nei
tihe atu e haahika te Etua i te tau mana haapākeka ia Īa
me te òomi ia âtou ma àò o te vaevae o te Kirito.
26 O te mateìa te mana paoìa e haahikaìa.
27 Ua patuìa hoì : « Ua tuku te Etua
i te tau mēmau ia ôtoa ma àò o to Īa vaevae. »
ALLELUIA. ALLELUIA
Ua tomo Maria i òto o te kāìè o te Etua.
A tātakahiti me te koakoa te tau anera ia ôtoa.
EVANERIO O IETU KIRITO VĀÀNA E RUKA 1, 39-56
I tēia mou pō, ua taha atu Maria me te hiti haakoi i uta,
io te tuaivi, io tītahi pāpuahaè o te Henua Iutea.
40 Ua uu i òto o te haè o Takaria
me to īa kāòha atu ia Eritapeta.
41 I te ava ua òko Eritapeta i te kāòha mai o Maria,
ua û te tama i òto o to īa kōpū,
ua pī Eritapeta i te Kuhane Meitaì.
42 U taaàu īa me he èo oko e peàu ana :
« U kāìèìa òe i vāveka o te tau vehine.
U kāìèìa me te tama me i òto o to òe kōpū.
43 E pēhea ua tihe io ù nei te kui o to ù Hatu ?
44 Na te mea, ia taki to òe kāòha mai i to ù puaìka,
ua û i te koakoa te tama i òto o to ù kōpū.
45 Mamau hoì te vehine i haatià e pao ai
te mea i hakiìa atu ia īa ma te ikoa o te Hatu. »
46 A tahi a peàu Maria pēènei :
« U haatiketike tu ù kuhane i te Hatu.
47 Ua û i te koakoa tu ù koekoe io te Etua Haapohuè.
48 U tiòhi mai i to īa pahikaèo haapāpaku.
Mamau òe, e peàu mai te tau tai ènana paotū.
I uē ia ù, ua hana i te hana mahaò te Mana nui.
O Peàto to Īa ikoa.
50 I tēia tai, i tēia tai, e mau à to Īa hakāòha
I uē i te tau ènana e pakaihi ia Īa.
51 U hakaìte mai i te ìi o to Īa mana
ma te haatavavā i te poì kāìè pu.
52 U haaiho Īa i te poì me io he nohoka kāìè
me te haatiketike i te poì iti noa.
53 U haatapavaù Īa i te tau ènana mate i te oke.
U titii i te poì me te taetae, kiko koè nā îìma.
54 Ua toko te Hatu ia Iraene, to īa tāvini,
e haamaakau aa i to Īa hakāòha nui
55 vāàna i to Īa tekao i to tātou tau tupuna,
i uē ia Aparahamo me to īa ati i ùka aè,
no te tau tai a tihe ananu. »
56 Ua noho Maria me Eritapeta, e toù meàma ùanei.
I muì iho, ua hua io to īa haè.