TOMINIKA TEKAU MA ÙA O TE AVA MA TE ÈHUA
(Â tapu a to mua no Māhinaihea 2024)
TOMOÌA : COMME UN ENFANT (École St Joseph)
Refrain : Me voici, Seigneur ! Me voici comme un enfant. (bis)
1 Comme un enfant qui marche sur la route,
Le nez en l'air et les cheveux au vent,
Comme un enfant que n'effleure aucun doute
Et qui sourit en rêvant,
2 Comme un enfant tient la main de son père
Sans bien savoir où la route conduit,
Comme un enfant, chantant dans la lumière,
Chante aussi bien dans la nuit
3 Comme un enfant qui s’est rendu coupable
Mais qui sait bien qu’on lui pardonnera
Pour s’excuser d’être si misérable
Vient se jeter dans vos bras.
E te Hatu e.
A hakaòko : (Solo) A hakaòko
(Paotū) A hakaòko i te èo o te Hatu
(Vāhana) o te Hatu
A hakaòko.
TARAMO 14 (15) : Seigneur, qui séjournera sous ta tente ?
Kio Vānana : Le Père a voulu nous engendrer par sa parole de vérité,
pour faire de nous comme les prémices de toutes ses créatures.
Pure a te poì haatià : E te Hatu e, a òko mai,
(Axel) E te Hatu e, a apuu mai
i ta mātou pure.
|
ÙTUNA : COMME LUI SAVOIR DRESSER LA TABLE (École St Joseph)
Refrain : Comme lui savoir dresser la table Comme lui nouer le tablier Se lever chaque jour Et servir par amour / Comme lui.
Peàto.
Haamaakauìa : Te kāìè ia Òe, te i mate, te pohuè, Ietu To mātou Hatu, a tihe mai. To mātou Motua e (Rihi) / Àrenio |
|||||||
KŌMŌNIŌ : UA TOO IETU I TE HARAOA
|
Ua too Ietu i te Haraoa U haahuaèkaèka Ua vahi me te peàu : O to ù nino tēnei Haaìòìa no ôtou. A hana ôtou atii Mea haamaakau mai ia ù. |
Me hua hakatu ma hope o te mau (Vāhana) Ua too Īa i te ipu, e peàu ana : O te ipu nei te Piimau hou (i òto o to ù toto) (Vāhana) I te ava hakatahi, E inu ôtou (me io hua ipu) (Vāhana) A hana ôtou atii ) Mea haamaakau mai ia ù. ) (bis). |
Hīmene haahuaèkaèka : E TU Ù HATU E, IETU HAKĀÒHA NUI E.
|
E tu ù Hatu e, Ietu Hakāòha nui e I te ava nei O Òe ta mātou e apuu nei. A mave mai Òe I òto to mātou hōupo. |
Mōumu E te ati hou e, ) O ai to tātou pou pātoko ) (x4) O Īa (O Ietu) ) Mana nui e. ) |
PAHIÌA : V.1
|
1 E Maria Virikine, E te kui no Ietu, A tiòhi mai Òe I to mātou kāòha. |
Mōumu. Ua hahi ia Òe, Hiva Oa, Tahuata, Fatu Iva, Ua Huna, Ua Pou, Nuku Hiva. |
2 U tavavā pu te òko O to Òe Meitaì, O to Òe Pure mana Ma nā henua kōtoa. |
|
Mōumu : Ua hahi ia Òe / Europa me Atia Afirika me Menike / Na motu Oteania. |
TOMINIKA TEKAU MA ÙA O TE AVA MA TE ÈHUA
TATAUÌA O TE HĀMANI TEUTERO 4, 1-2.6-8
1 U peàu Moite i te mataèinaa Iraene pēènei :
« E to Iraene e, a hakaòko mai i te tekao
me te tau ture ta ù e hakako atu ia ôtou.
A aotahi i hua tekao etià e pohupohuè meitaì ôtou
io he henua i tukuìa e te Hatu Etua i to ôtou tau tupuna.
2 Aua e poho pu ôtou i te tekao ta ù e tuku atu ia ôtou.
Aua e haapoto i te tekao ma te taki e tahi pona.
A haamau ma io he koekoe me te aotahi atu
i hua tekao o te Hatu Etua
ta ù i hakaìte ia ôtou i tēnei â.
6 A haamau ma io he koekoe, a aotahi meitaì ôtou i hua tekao.
Ma èià, e pupuà ai ôtou me he poì māàma, papa tuhuka
i mua o te tau ènana paotū
te i òko e haavivini i te hakatu o to ôtou tau ture.
E peàu âtou : « O hua mataèinaa òko nui,
te kātahiìa o te poì māàma, poì tuhuka. »
7 O ai hoì te mataèinaa òko nui me te tau ètua
e haatata mai io âtou, hakatu me to mātou Hatu Etua,
i te ava u vavaò mātou ia Īa ?
8 O ai te mataèinaa òko nui
me te tau tekao māàma, me te ture toitoi oko,
hakatu me te tau ture e tuku nei au ia ôtou i tēnei â ? »
TARAMO 15 (14) 1a.2, 3b-4b, 5
E te Hatu e, u haatata mai Òe me mātou, a haapohuè Òe ia mātou me Òe. cf.Dt.4,1-7
1 E te Hatu e, o ai òa e noho io to Òe haè ?
2 Te ènana e hana vāàna i te toitoi noa.
Te ènana e haki ananu i te tekao tiàtohu.
3 Aòè īa e hao i te mēmau o to īa teina.
Aòè īa e tekao kaipipiò i te hoa.
4 E haamee īa i te ènana ta te Etua e tute.
E pakaihi i te ènana haataetae i te Etua.
5 Aòè īa e kamo i te ènana te i àiê io īa.
U titii īa i te moni utu i te kaipipiò.
O te ènana e hana atii, e haamau i to īa pohuèìa.
TATAUÌA O TE HĀMANI A IAKOPO PEÀTO 1,17-18.21b-22.27
E tu ù tau tuàne tuehine.
17 Te mea kanahau paotū, te kuà o te tau taetae kāòha,
ua iho mai âtou me io he àki.
Ua tukuìa mai âtou e te Etua Motua
te i pēpena i te òumati, te māàma, te tau hetū.
I òto o Īa, aòè te huìkēìa te i haatihe mai i te pōtako.
18 U makimaki te Etua Motua e vaièi mai i te pohuè,
ma te mana o to Īa tekao tiàtohu,
etià e ìò tātou ta Īa tau tama hāmua,
i vāveka o te tau mēmau paotū ta Īa i pēpena.
21 A apuu hoì ôtou me te koekoe haapāpaku
i te Tekao a te Etua, nanuìa i òto o ôtou.
E koàka i hua tekao te haapohuè ia ôtou.
22 Atià, a hana ôtou vāàna i te tekao,
aua e òko pu me he ènana e hakahae ia īa iho.
27 I mua o te Etua, to tātou Motua,
oia nei te hakatu toitoi noa, teka koè,
o te ènana haatià, te ènana pure hae :
te toko atu i te tau tama motua koè, kui koè,
te tau vehine pōpī ma òto o to âtou àì.
A tiòhi meitaì ia ôtou iho, oa teka ôtou io tēnei ao pē. »
ALLELUIA ALLELUIA
cf.1Tam.16,7
« Aòè te Etua e tiòhi i te ènana ma vaho anaè
me ta te ènana e tiòhi nei.
Ua ìte te Hatu i te tiàtohu o te ate me te koekoe. »
EVANERIO O IETU KIRITO VĀÀNA E MAREKO 7, 1-8.14-15.21-23
I tēia mou pō,
7,1 ua putuputu vii pu o Ietu te tau fariteo,
te mou tuhuka tekao te i titihe mai me i Ierutaremi.
2 Ua ìte âtou i tahipito kouâ o Ietu e kai aa
me te îìma èpo, oia hoì aòè i hooiìa me te vai.
3 U aotahi te huaa fariteo me te tau ati Iuta paotū
i te tekao kākiu o to âtou tupuna.
Aòè âtou e kaikai, koè te hooi me te vai
i nā îìma tihe i te tuke îìma.
4 Ia hua mai âtou me i te mākete, aòè âtou e kai
ma mua ta âtou e pīhau me te vai i te nino.
Nui oko te hana atii me io to âtou tau tupuna mai,
me he mea e hooi me te vai i te tau ipu,
te tau huekeâ, te tau papa piura.
U aotahi hoì âtou i hua tekao.
5 No èià i ūiūi ai te tau fariteo me te tau tuhuka tekao
ia Ietu pēènei : « No te aha to òe tau kouâ aòè âtou
e taha io he vaanui o te tau tupuna ?
No te aha e kaikai âtou ma te hooi koè i nā îìma ? »
6 U peàu Ietu ia âtou : « E te poì koekoe e ùa.
He mea toitoi te tekao o te peroheta Itaia i ùka o ôtou :
« U haameitaì te mataèinaa nei ia ù ma te haha,
o to âtou koekoe à, u mamao me io ù.
7 He avai noa anaiho to âtou ùtuna.
Na te mea he tekao ènana ta âtou e hakako nei.
8 U pūtuì ôtou i te Tekao a te Etua.
Atià, u aotahi atu i te tekao i peàuìa e te tau ènana. »
14 U vavaò hakaùa Ietu i te haètoa
me to Īa peàu ia âtou :
« A hakaòko mai ôtou paotū, a vivini meitaì.
15 Aòè i hava te ènana
i te mea me i vaho e uu mai i òto o īa.
Atià, e hava te ènana
i te mea i uu atu i vaho me i òto o īa.
Ia pae Ietu me io te haètoa, u peàu i to Īa tau kouâ :
21 Me i òto o te ènana hoì, me i òto o to īa koekoe
te tau maakau pē, te hana mako, te kamo,
22 te kukumi i te ènana, te too i te vehine a te hoa,
te kaikino, te mākaka pu, te hakahae, te kai hauhau,
te keitani, te paha, te kāìè pu me te tau hana tuaave.
23 Me i òto mai o te ènana hua tau mea pē.
Na âtou e tāhava i te ènana. »