TOMINIKA TEKAU MA HITU O TE AVA MA TE ÈHUA
(Â tapu 6 no Oaoamanu 2024)
TOMOÌA : I TE TUMU O TE PĒPENA
|
I te tumu o te pēpena, U kānea te Etua Te vāhana me te vehine. E mau hoa mātiri Mea hānau i te tama, I te tama. |
Mōumu I, i mua o te Hatu, U, u mātiri nā hoa Hakatu (bis) me Ietu (bis) Me te Èkaretia. E, e haataetae, te vāhana i te vehine Hakatu(bis) me Ietu (bis) I te Èkaretia, Èkaretia. |
E titii te vāhana i to īa huaa
Haapii me te vehine e ìò âua e tahi.
Ta te Etua i haatūtaì, umoì e haapaekē.
TARAMO 128 (127) : A haameitaì te Hatu ia tātou,
ma te tau â paotū o to tātou pohuèìa.
Kio Vānana : Te ènana i kāòha me te tohe mau i te kāòha,
ua noho hua ènana i òto o te Etua :
he kāòha hoì te hakatu o te Etua.
Pure a te poì haatià : Je n’ai ni or ni encens
ni myrrhe à T’offrir,
Je n’ai que ma prière du fond de mon cœur.
Seigneur, écoute-là, Seigneur, exauce-la.
|
ÙTUNA : EĪA TE HANA A TE ÈNANA Mōumu : Mea ùtuna (i te pohuè), (Vāhana) Mea ùtuna (te mana nui), (Vāhana) A ùtuna i te Etua.
Haamaakauìa : E te Haapohuè o te aomāàma, a haapohuè mai ia mātou / Ma to Òe peka me to Òe Tūhakaùaìa, / e pohuè ai mātou. |
KŌMŌNIŌ : E IETU HAKĀÒHA NUI E
|
1 E Ietu Hakāòha Nui e, Te Àrenio o te Etua, Na to Òe nino Tapu oko E haapohuè ia mātou. |
Mōumu E Ietu e, (e Ietu e) E te Oà pohuè, (e te Oà pohuè) Te Miterio Tapu nui, U haamau Òe i te Piimau Hou Me mātou. |
||
|
2 E Ietu Hakāòha Nui e, Te Àrenio o te Etua, Na to Òe Toto tapu oko E haataìtaì ia mātou. |
Mōumu E Ietu e, (e Ietu e) E te Toto pohuè, (e te Toto pohuè) Te Miterio Tapu nui, Te tahe nei no te haapohuè ia mātou. |
||
(E Ietu)
UA TOO IETU I TE HARAOA
|
Ua too Ietu i te Haraoa, U haahuaèkaèka, Ua vahi me te peàu : O to ù nino tēnei Haaìòìa no ôtou. A hana ôtou atii Mea haamaakau mai ia ù. |
Me hua hakatu ma hope o te mau (Vāhana) Ua too Īa i te ipu, e peàu aa : O te ipu nei te Piimau hou (I òto o to ù toto) (Vāhana) I te ava hakatahi, E inu ôtou (me io hua ipu) (Vāhana) A hana ôtou atii ) Mea haamaakau mai ia ù.) (bis). |
Hīmene haahuaèkaèka : UN AMOUR SI BEAU
|
Un Amour si beau. L’Amour infini fait battre Deux cœurs en un seul. Unis pour la vie, unis avec lui, C’est le secret du vrai Bonheur. |
L’Amour (un don merveilleux) (Quand il est partagé) Os de mes os, chair de ma chair, Unis pour la vie. |
||
|
Quelle joie inouïe quand mon cœur te sent tout près. Oh ma bienaimée Jour tant attendu, au nom de l’Amour Je serai à toi pour la vie. |
|||
Proposition : Bénédiction des Couples…
PAHIÌA : NO TE AHA, E MARIA
|
1 No te aha, e Maria, I haatāhia au ia òe ? No te aha, e Maria, I hīmene ai au no òe ? E vehine moû oko nui òe. Kōhoà nei au te haatià Ia òe, Maria e. |
Mōumu I te ava i uē ai au, U haamaha mai òe. I te ava ua pure au, U pātoko mai òe, E Maria e. |
----------------------------------------------------------------------------------------
E TE HATU E
(Vāhana) E te Hatu e, A hakāòha mai
A hakāòha mai Ia mātou. (bis)
(Vehine) E te Kirito e, A hakāòha mai
Ia mātou.
(Vāhana) E te Hatu e, A hakāòha mai
A hakāòha mai Ia mātou.
(Paotū) E te Hatu e, A hakāòha mai
A hakāòha mai Ia mātou.
-----------------------------------------------------------------------------------
Hakaòko : A hakaòko i te èo o te Hatu.
(Aldo) A hakaòko.
-----------------------------------------------------------------------------------
TO MĀTOU MOTUA E (Axel)
|
To mātou Motua e, Te io he àki, A tapu to Òe ikoa, A tihe to Òe Patirēia, A tae to Òe makimaki Io he henua Hakatu me te àki. A tuku mai i te â nei To mātou oà no tēnei â. |
A haakoè mai to mātou àiê Atii me mātou E haakoè atu nei I te poì u àiê mai. Umoì e avai ia mātou E hika i te mōtii. A haapohuè mai me i te ìno. |
GLORIFICATION- HAAKĀÌÈÌA
Ia Òe hoì te Patirēia,
Te Mana, Te Kāìè
Ma te tau tai a tihe ananu, ananu.
PEÀTO (Padre)
(Vehine) E Peàto, e Peàto, e Peàto nui te Hatu,
Te Etua o te aomāàma nei.
(Vāhana) E Peàto, e Peàto, e Peàto nui te Hatu,
Te Etua o te aomāàma nei.
(Vāhana) E Peàto, e Peàto, e Peàto nui te Hatu,
Òtana, Òtana, Òtana i ùka nui.
(Vehine) Ua pī te àki me te henua i to Òe kāìè
Òtana, Òtana, Òtana i ùka nui.
(Paotū) E Peàto, e Peàto, e Peàto nui te Hatu,
Te Etua o te aomāàma nei.
(Vāhana) E Peàto, e Peàto, e Peàto nui te Hatu.
Òtana, Òtana, Òtana i ùka nui.
(Vehine) A meitaììa te tihe nei ma te ikoa o te Hatu.
Òtana, Òtana, Òtana i ùka nui.
(Vāhana) E Peàto, e Peàto, e Peàto nui te Hatu.
(Paotū) E Peàto, e Peàto, e Peàto nui te Hatu.
----------------------------------------------------------------------------------------------------------------
ÀRENIO (Milton / Christina)
(Vehine) E te Àrenio, (Vāhana) E te Àrenio )
(Vehine) o te Etua, (Vāhana) o te Etua )
(Vehine) te too (Vāhana) i te tau mīkeo ) (x2)
(Vehine) o te aomāàma, (Vāhana) o te aomāàma,)
(Paotū) A hakāòha mai ia mātou. (bis). )
(Vehine) E te Àrenio, (Vāhana) E te Àrenio
(Vehine) o te Etua, (Vāhana) o te Etua
(Vehine) te too (Vāhana) i te tau mīkeo
(Vehine) o te aomāàma, (Vāhana) o te aomāàma,
(Paotū) A vaièi mai ia mātou i te moû. (bis).
TOMINIKA TEKAU MA HITU O TE AVA MA TE ÈHUA
TATAUÌA O TE HĀMANI TENETE 2, 18-24
18 U peàu te Hatu Etua :
« Aòè he mea meitaì e noho tootahi te ènana.
E kānea au i te toko e hei no īa. »
19 U kānea te Hatu Etua me io he èpo
i te tau puaka e totoo nei io he èitā
me te tau manu e ona nei io he ataàki.
U aahi te Hatu Etua ia âtou paotū i mua o te ènana :
Na īa e apa i to âtou ikoa.
20 Ua apa te ènana i te ikoa o te tau ânimara paotū :
te tau manu e ona nei io he ataàki,
me te tau puaka e totoo nei io he èitā.
Atià, u te e koàka mai i te ènana te mēmau toko e hei no īa.
21 A tahi a haatau te Hatu Etua i te hiamoe èka io he ènana.
E hiamoe aa te ènana,
ua taki te Hatu Etua i te vakavaka me io to īa nino
me te haaoà i te maki.
22 U kānea te Etua i hua vakavaka he vehine,
me te aahi ia īa i mua o te ènana.
23 U peàu te ènana : « Oia nei te ivi o to ù ivi.
Oia nei te kiko o to ù kiko.
E apaìa to īa ikoa : Vehine. Me io te Vāhana hoì īa. »
24 Oia te tumu e pae ai te vāhana
me i to īa motua me te kui,
no te haapii me ta īa vehine.
E ìò âua tokoùa e tahi anaiho.
TARAMO 128 (127) 1-2, 3, 4.5c.6a
A haameitaì te Hatu ia tātou, ma te tau â paotū o to tātou pohuèìa. cf.128,5
1 Mamau te ènana e pakaihi i te Hatu,
E aotahi aa i ta te Etua tekao.
2 E hākaiìa òe e te hana o to òe îìma :
Mamau òe. A noho te koakoa io òe.
3 Io to òe haè, ua noho ta òe òna vehine
Hakatu me te tumuvino pī i te tau puku.
Ta òe mou tama vii pu o te tapukai,
E tū aa me he maa âkau oriveti.
4 Oia te taetae i vaièiìa i te ènana i pakaihi i te Hatu.
E haameitaì te Etua o Iraene ia òe
Ma te tau â paotū o to òe pohuèìa.
6 E ìtemata ai òe i to òe tau poupuna i ùka aè.
TATAUÌA O TE HĀMANI I TO HEPEREO 2, 9-11
9 Ua ìte meitaì tātou e tahi mea : o Ietu te i haapāpakuìa
no te ava poto, ma àò o te tau anera,
i tēnei, u keàpa Īa me te kāìè me te mana
mēìa i te mamae haamate nui ia Īa.
U mate nui hoì Ietu i uē i te tau ènana paotū,
vāàna i te karatia ta te Etua i vaièi mai.
10 U pēpena te Etua i te tau mēmau paotū
vāàna i to Īa makimaki, no te haakāìè ia Īa iho.
I te ava e kōhoà te Etua e aahi i te kāìè o te àki
i te nuiìa o ta Īa tama,
he mea hei no Īa te haatoitoi noa, mēìa i to Īa mamae,
ia Ietu te tumu o te haapohuèìa.
11 O Ietu hoì te i haakoè i te mīkeo
atii me te tau ènana te i hooiìa to âtou mīkeo,
e tahi Motua to âtou nātoa.
Oia te piò aòè e hakaìka Ietu e vavaò ia âtou :
e tu ù tau tuàne tuehine e.
ALLELUIA ALLELUIA
cf.1In.4,16
Te ènana i kāòha me te tohe mau i te kāòha, ua noho hua ènana i òto o te Etua : he kāòha hoì te hakatu o te Etua.
EVANERIO O IETU KIRITO VĀÀNA E MAREKO 10, 2-16,
akoè à 10, 2-12
I tēia mou pō,
2 u haatata mai io Ietu mou fariteo e ūiūi aa
aha e koàka i te vāhana te titii i ta īa vehine.
Ua hano âtou e haaveke ia Īa.
3 U haahua Ietu me to Īa peàu ia âtou :
« E aha te tekao a Moite no ôtou ? »
4 U peàu âtou : « Ua ao Moite
e tute te vāhana i ta īa vehine,
atià e tuku atu ia īa i te hāmani titiiìa. »
5 U peàu Ietu ia âtou : « Mēìa u koekoe pūtuì to ôtou,
i patu ai Moite i hua ture.
6 Atià, i te tumu, i te pēpenaìa o te aomāàma,
u kānea te Etua i te ènana, he vāhana he vehine.
7 Oia te tumu e titii te vāhana i to īa motua me te kui,
no te haapii me ta īa vehine.
8 E ìò ai âua he nino e tahi.
Ma èià hoì, aòè tokoùa âua, atià, e tahi anaè.
9 Umoì te ènana e haapaekē i ta te Etua i haatūtaì. »
10 Io he haè, ua ūiūi hakaùa to Īa tau kouâ i ùka o hua tekao.
11 U peàu Ietu ia âtou : « Te vāhana
e titii i ta īa vehine me te noho me te vehine kē,
he vāhana haapē i te mātirimonio.
12 Me titii te vehine i ta īa vāhana
me te noho me te vāhana kē,
he vehine haapē i te mātirimonio. »
13 U aahiìa io Ietu mou tōìki etià e haatukia Īa ia âtou.
U oonaki te tau kouâ ia âtou.
14 Atià, ua ìte Ietu. Ua pekē me to Īa peàu i te tau kouâ :
« A avai i te tau tōìki e haatata mai.
Umoì ôtou e haapākeka ia âtou.
No te tau ènana hakatu me âtou hoì te Patirēia o te Etua.
15 E tekao tiàtohu ta ù nei ia ôtou :
me he mea aòè te ènana e apuu i te Patirēia o te Etua
me te koekoe hakatu me to te tōìki,
aòè hua ènana e tomo i òto. »
16 Ua hopu Ietu ia âtou me te haameitaì
ma te hapai i nā îìma i ùka o âtou.