INFOS / MOU TEKAO HAKAÌTE

       AUJOURD'HUI 10/09/2019, PLUS DE 12000 VISITEURS EN 6 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!  DE NOUVEAUX ARTICLES ET LA LITURGIE CATHOLIQUE DE CHAQUE DIMANCHE SONT PUBLIÉS DANS LES DEUX LANGUES CHAQUE SEMAINE ; RETROUVEZ-LES DANS LEUR RUBRIQUE RESPECTIVE !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Paha >>> Oti/nehe

E tahi ponatekao èo tahiti tēnei i òkoìa io tītahi haamevaha èo e nei i Taiohaè : « E ìma paha pūpū ?».

doute1

1)- Paha ma he èo tahiti :

I òto o te hāmani haavivini ponatekao a te tuhuka èo tahiti, e ìte tātou :

*- tapa hāmani 334, paha : peut-être, probablement, sans doute.

2)- Oti me nehe ma he èo ènana :

Ma he èo ènana, mea nui te ponatekao e hua mea ananu me paha, me he mea o oti me nehe. E ìò ai te avetekao : « E ìma pūpū oti/nehe ? ».

Mea haapoto i te tekao, ua ìte meitaì tātou, mea au te ènana e haahana i hua ponatekao oti. Me koè to òe ìte pēhea te haahua atu i tītahi uiuiìa, o te ponatekao oti ta òe e haahana.

3)- Tītahi hakatu no oti :

Me ape mai tahipito ia òe « I hea te pereòo ? », e haahua atu ai òe : « I hea oti ? ». Totahi atu : « E hia o Pio èhua ? », e haahua atu ai òe : « E hia oti ? ».

A tiòhi meitaì ! O te ponatekao oti tītahi ma he èo tahiti me haaviviniìa e ùa :

*- pao

*- e koàka (oti ?) …

4)- Paha ma he èo ènana :

Enā te ponatekao paha ma he èo ènana, mea ananu à te haaviviniìa. I te tapa hāmani 108 o te hāmani tāpapaìa ponatekao a te èpikopo Le Cléac’h, e ìte tātou : paha, insulte, injure, blasphème ; jurer, blasphémer.

Oia hoì te haaviviniìa toitoi oko i koàka ia tātou i òto o te ùa o te « Tekao Ònohuu » : « Aua òe e paha i te Etua to òe Hakaìki ! ».

A pata inei no te tatou i te hātika tekao ma ùka te nuiìa o te hakatu huì mai i te ponatekao farani « peut-être » ma he èo ènana…

 

Patuìa e Jacques Iakopo Pelleau - 2016, corrigé 2019 -

 

Plus dans cette catégorie : « Ārea/taime >>> Ava ‘Imi te rāve’a »

Comments est propulsé par CComment