INFOS / MOU TEKAO HAKAÌTE

       AUJOURD'HUI 10/09/2019, PLUS DE 12000 VISITEURS EN 6 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIÉS CHAQUE SEMAINE (2- RETROUVEZ TOUTES LES PUBLICATIONS DANS LEUR RUBRIQUE RESPECTIVE ! 3)- VOYEZ LA DERNIÈRE INTERVIEW DE JACQUES IAKOPO DANS LA RUBRIQUE "INTERVIEWS" !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

‘Imi te rāve’a

Mea nui te ènana tumu e haahana nei i te avetekao tahiti « E ‘imi te rāve’a ».

chercher moyens

 

Io te tapa hāmani 158 o « Mou Pona Tekao », u hakapahi mai te Tuhuka èo ènana umoì tātou e haahana hakaùa i hua avetekao. U tukuìa mai e âtou « E ùmihi tātou pēhea. », « E ùmihi tātou i tītahi hakatu ».

Mea hakaìte atu i to âtou uo no te ùmihiìa, e ùa haahanaìa ia « pēhea » to tahipito : A ùmihi tātou pēhea pēhea te hana !

*- Cherchons les moyens de réaliser ce travail !

Ma to ù tatauìa mamate i te hāmani haavivini ponatekao a te èpikopo Dordillon, u koàka ia ù e ùa ponatekao ènana kanahau pao, e hua mea anaiho te haaviviniìa me « ùmihi pēhea pēhea » :

*- Ahia : ([D] th.105/I) → U ahia te hakaìki pēhea pēhea te haakoè i te naho kioè.

* - Hātatai : ([D] th. 133/I) → A hātatai òe ia tihe mai o Teìki i te keàhiìa pōpō !

A ahia tātou pēhea pēhea te pakaihi i te èo ènana ! A hātatai tātou ia haataetaeìa ananu te èo ènana !

A HĀTATAI TĀTOU IA HAAHANAÌA TE MOU PONATEKAO ÈNANA HEI PAO !!!

 

Patuìa e Jacques Iakopo Pelleau -2016, corrigé 2019 -

 

Comments est propulsé par CComment