INFOS / MOU TEKAO HAKAÌTE

       AUJOURD'HUI 20/07/2019, PLUS DE 10000 VISITEURS EN 4 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIES CHAQUE SEMAINE (2- SUR LA PAGE D'ACCUEIL,  LES PUBLICATIONS LES PLUS RÉCENTES SONT EN HAUT DE LISTE. Retrouvez les plus anciennes dans leur rubrique respective.   À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

TAUI >>> HAAHUÌKĒ

Mei te èhua 2004 tihe i te â nei, u òko hae ìa te ponatekao èo tahiti « taui » ma he èo ènana.

                                                                                                    changement2

I òto o te hāmani haavivini ponatekao a te Tuhuka èo tahiti, e ìte tātou i te mou haaviviniìa me « prix, achat, taux de change, compensation financière », a koè à « échanger, changer ».

I òto o te hāmani haavivini ponatekao a te èpikopo Dordillon, e ìte tātou e ùa ponatekao èo ènana, o « bouleversement » me « renversement » te haaviviniìa.

1)- Te ponatekaoaka « huì ».

*- O « rejet, rejeton, repousse » te haaviviniìa tumu me he mea i òto o « te huì mei » ; e hua mea ananu me « huìtaa ».

*- Tītahi haaviviniìa atu : « renverser, faire tourner, rouler à l’envers, opérer un changement ; décharger une marchandise ». E ìte tātou i hua hakatu i òto o te âkakai « Nika » patuìa e te mou tuhuka èo ènana : « (U) huì ake Tiha i mata i ùka ». (« Âkakai », tapa hāmani 5).

*- Mea haanui i te ìi o « huì », u haapohoìa me te ponatekao «  », i ìò ai o « huìkē » : « Mea huìkē tena hana ! ».

*- Ia i mua te kooamua « haa/haka », ua ìò ia « haahuìkē/hakahuìkē » te haaviviniìa o « changer, altérer, modifier ». « U haahuìkēìa Ietu i mua o âtou (Petero me Iakopo me Ioane) », Mareko 9,3.

*- E ìte atii tātou i te haaviviniìa kē i òto o te avetekao ma hope mai : « Te tau ènana haahuìkē i te moni », Ioane 2, 14.

2)- Te ponatekao « haìu/faìu ».

Ua ìteìa tōmua haaviviniìa ma òto o te avetekao ma hope mai : « E haìu ana Ietu, ua ìte ia âua », Ioane 1, 38.

U koàka ia tātou te ùa o te haaviviniìa ma òto o te tekao a Mareko Peato 1, 15 : « A haìu i te koekoe ! ».

 

Ē òna hoa ē, na tātou e haìu i to tātou koekoe pepee i tēnei ; a titii tātou i te nuiìa o te ponatekao mei vaho mai, a haakaìè ananu i te èo ènana !

Patuìa e Jacques Iakopo Pelleau

A PATA INEI NO TE TATAU I TE HĀTIKA TEKAO MA HE ÈO FARANI… !

 

Comments est propulsé par CComment