INFOS / MOU TEKAO HAKAÌTE

       AUJOURD'HUI 10/09/2019, PLUS DE 12000 VISITEURS EN 6 MOIS !!! MERCI À TOUS !!! KOÙTAÙ NUI/VAIÈI NUI ÔTOU PAOTŪ !!!    (1- DE NOUVEAUX ARTICLES SONT PUBLIÉS CHAQUE SEMAINE (2- RETROUVEZ TOUTES LES PUBLICATIONS DANS LEUR RUBRIQUE RESPECTIVE ! 3)- VOYEZ LA DERNIÈRE INTERVIEW DE JACQUES IAKOPO DANS LA RUBRIQUE "INTERVIEWS" !  À BIENTÔT ! ÒOA IHO !

Le site de partage de la langue marquisienne
Te tohua niu tavavā hou mea àva atu àva mai i te èo ènana
The new site for sharing the Marquesan language

Vue de la plage Vainahō et du Fort Collet, Taiohaè, Nukuhiva. René Gillotin, 1844.

Mei hea mai oti te ponatekao MAÈ ?

I tēnei mou , mea nui te poì hou e haahana hae i te ponatekao « maè ».

geant

E hua mea ananu tēnei ponatekao me te ponatekao makā. Totahi atu, atii me ponatekao e ùa, o kaiū me òna, ma mua ananu âtou o te ponatekao hakaìteìa e âtou.

Mea òa to ù ùmihiìa mei hea mai hua ponatekao maè, me to ù tiòhiìa i òto o te hāmani haavivini ponatekao a te Tuhuka èo tahiti, meìa u maakau au mei òto mai oti o hua èo te ponatekao maè. he mea i koàka ia ù.

I tītahi â, ma òto o to ù ùmihiìa mau i òto o te hāmani haavivini ponatekao a te èpikopo Dordillon, ua ìte au i te ponatekao humare atii me ponatekao e ùa, o humoro me humoo ma muì mai. O makā te haaviviniìa o mou ponatekao e toù.

U vivini anamai ai au i te humuìa ma vāveka o humare me maè. Me to ù uiui atu i to ù mou hoa ènana. Àòè âtou i ìte i te ponatekao humare ; o te ponatekao umare hoì ta âtou i ìte. E hua mea ananu te haaviviniìa me makā, mea à, he mea i òto o tītahi hāmani haavivini ponatekao.

Vaana e to ù ìte, àòè humoro me humoo i òko hakaùa ìa i tēnei tai hou. To ù maakau, òmua ìka, ua ìò te ponatekao humare o umare ; ma hope mai, ua ìò o mare ; i te paoìa ua ìò o maè.


Anoa ua to òe maakau me to ù, a hakaìte mai ; anoa ua hei òe me au, a peàu mai !


A pata inei no te tatau i te tekao ma he èo farani !


Patuìa e / Rédigé par Jacques Iakopo Pelleau

 

Comments est propulsé par CComment